1. Khaa 25 a’ dingin Khe Khat

Phylis Odindo, 45 Kenya

October 5

2017 kum sungin Phylis Odindo ataklam khe naknat mahmah   hi.

Thuak zawhloh zah dong dingin naknat semsem hi. Kenya gam a Kisumu zatopi ah a pai hangin, bangmah noptuamna ngah zo lo  hi.

Sum zong nei nawnlo banah teelding dang om nawnlo in, zato neu khat ah va kilak hi. Siavuan pa  in X-ray zaihna zongh nei lo hi. A khe etsak ziau in,    tan khiat sak dingin gen hi.

Tapa khankhin khat anei, tua meizongnu in, khe neihloh ding ngaihsun zo lo in, a inn ah ciah kik     hi. Ahizongin a natna nuamtuam thei mahmah lo ahihmanin, tua zato vazuan kik leuleu hi. Siavuanpa in a khuknuai deuh panin tankhiat sak  hi.

Nipikaal thum khit ciangin, Phylis nakpi takin hong nakik hi. Gamtaang khia zo nawn lo    hi.

Zatopi ah X-ray kizaih dingin va zuan a, a siavuanpa in, a muat dingin a kipan khinta ahihna gen    hi. A khuktung lam pek zongh lawhto khin ta hi. Tua a kitan khia khinsa lam mah khat vei tankik dingin a sam hi.

Tua a khe kitan khiat kik khit ciangin sauveipi takmah keplekhoi in om ahih manin, alung kia mahmah hi. Kenya-Re Seventh-day Adventist pawlpi a, Women Ministry director nu, Anna asam sak hi.

Anna in Phylis amuhphet in, hanmual lam zuan baih ta ding ahihna theipah hi. Thu ngetsak hi. Thu angetkhit ciangin, Phylis in nuamtuam kisa ahihmanin a ngetsaksak lai nadingin thuum hi. Anna zongh thukim a, dawn ding khat pia  hi.

Azing ciangin, biakinn panin nupite pawlkhat tawh Anna, zato lamah hong pai uh hi. Azing, athai  ah zong va veh zel uh hi. Pastorpa le Elder pa’n zong thupiakna le thungetna va   neihsak uh hi.

See also  MSS 12:Tagah khat in Tagah Kepna Sanginnpi Khat lei

A zato lupna tung panin Phylis in zongh thu nangen  hi.

“Topa Pasian aw, hong hehpih in, banghang hiam cihleh tapa khat bek kanei hi,” ci-in thu ngen hi.  A tapa khat neihsun in, a pasal nusiat khit, a beisa kum 11 lai-in Adventist pawlpi taisan hi. A pa’ sih sihkhit ciangin a behte in a pa’ inn leh gamh teng tom mang uh ahihmanin, a heh mahmah hi. Kenya gam mun khatkhat te ah, pasalte nopsakna ding pen a zite’ tavuan hi-in, a pasalte uh akhuaite azi nakpi takin kimawhsak hi. Tua hi-a, Phylis’ teek lamte in zongh amah mawhsak in, a gamh teng zongh atom mang uh ahi hi.

Zato-ah kha thumsung a lup sungtengin pawlpi mite in nisim in vaveh den uh hi. A zatui zaha manteng a piaksak uh banah health insurance zong ngahsak uh  hi.

A saaptawm inn ah hong ciah ciangin zongh pawlpi mite in nisim mah in va phaden uh a, a kisapna tuamtuamte vahuh den uh  hi.

Tua bangteng khit, lamet ngam vetloh thukhat piang hi. Zato kah cina, mi 8 te in tui a kiphum nopna uh hong pulaak uh hi. A pawlpi mite in Phylis adon akepdan teng uh amuh uh ciangin, ama’   pawlpi suah ding a lunggulh na hi mawk uh hi. Tua khit banah, Phylis’ vengte nupa kop sagih sitset te  zong tui hong kiphum uh hi. Amaute in zongh pawlpi mite’ veina amuh uh ciangin a lungsim uh a sukha mahmah ahi hi. A gamlapi panin Phylis’ nu hong hawh ciangin Women Ministry makaite in nasia takin Phylis inn ah thu va ngetsak uh hi. Pawldang khat ah a kikhauh sak mahmah Phylis’ nu zongh a lungsim sukha lua ahihmanin, Seventh-day Adventist ka suak nuam hi, ci-in hong kipulaak hi. Tua nungciangin amah leh a tanute ahi, Phylis’ nau numeite thu kiphum uh   hi.

See also  MSS 13:‘Gim Lua Ing’

2018 kum sungin, Phylis’ tapa, Kenya-Re pawlpi ah tui kiphum in, zi zongh neita ahihmanin a nu lungdam mahmah hi.

Phylis in khe aneihloh khit zawh mi 25 bang tui kiphum khin ta hi. Tua pen a lamdang mahmah manh tawh khekna in Phylis in ngaihsun  hi.

“Ka khe omlohna hangin ka tapa pawlpi sungah hong ciahkik ahihmanin Pasian’ min ka phat hi. Khe khatbek nei mah talengin tua-in pawlpi a ding leh ka innkuan a dingin khaalam phattuamna tampi hong tun hi. Kha manpha 25 zong Pasian’ kiangah tunpih hi.” Phylis in ci   hi.

Tu kuata Sabbath 13na mission sumpi khenkhat tawh Phyliste khua ahi, Kisumu khua ah Seventh- day Adventist Zatopi khat kilam ding hi. Kenya gam in taksa le khaa lam damna a ngah nadingin mission sumpi nong piak khiat manun lungdam mahmah  ungh.

By Andrew McChesney

Tags:

Admin

Admin

Top