Sabbath tawh kisai buaina

February 23                                                                                                                São Tomé and Príncipe

Sabbath tawh kisai buaina

Agen: Carlos Freitas, 48

Tui a kiphum khit ciangin Carlos in VoA zum supervisor pa’ kiangah, Sabbath ni-in, na asep loh nading akhuan ngen hi. Supervisor pa zong lamdang sa-in en gega hi. “Sabbath tanna pen Lai Siangtho lui sunga thukhun hi lo maw, Christiante in Lai Siangtho thak thukhun bek a ki zui ta ahi hi,” ci-in dawng hi.

Carlos zong a inn ah ciah hi. Lai Siangtho thak sunga Sabbath tawh kisai Lai Siangtho munteng gual suk zihziah hi. A zing ciangin a supervisor pa’ kiangah tua a laidal a pia hi. “Lai Siangtho thak sungah Sabbath om lai aa, tanh kul lai hi,” ci-in Carlos in gen kawm hi. “Tua ahih leh Sabbath tanding khentat ta maw nang?” “Himah. Sabbath tanding khentat ta ing. Tua lo adang khempeuh mawhna hi khin hi,” ci-in dawngkik hi.

Supervisor pa-in a lu pei keei hi. “Sabbath ni nasep lohding vai tawh hong tobawl nang bek om pan cei” ci hi. Tua bangteng tawh a thu kikup uh zo uh hi. Supervisor pa in Sabbath ni-a nasem dingin Carlos sawl ngei nawn lo hi. Tua khit a sawt lo in supervisor pa mundang ah piang hi. Ta 10 a nei, Carlos in ahih leh VoA zum ah meilam tawh kisai tavuan nei (electrician ) ahi hi. A nasep dang khat pen, zum a kizangh meiset tui thun dingte, gunkuang tungpan in suah khiat nasep ahi hi. Gunkuang pen Thursday ni in hong tung in, amah leh nasem tampi te-in van suahpah ziahziah uh hi. Friday ni-in zo pahpah uh hi.

See also  Sabbath Biakinn Khat Mu

Ni khat, gunkuang pen Friday ni-in hong tung sese hi.

Carlos in ahih leh, VoA supervisor hongtung thak pa’ kiangah bangmah khuan ngen se lo hi. Tua supervisor thakpa pen Sunday tangg, Sao Tome gam mi khat mah ahi hi. Tua sangin U.S gam mi manager pa’ kiangah khuan ngen zaw hi.

Manager pa in ahih leh, Friday ni nitak nai 5:30 pm cianga nasep akhawl nading, Carlos’ khuan ngetna pen nial hi. “Bang bang hileh kei, Pasian’ tungah ka ki-apna hi” Carlos in ci hi. “Tua bel nang thuthu hi ee,” manager pa in ci hi. Kisilna khan sungah kong kikalh nelh in Carlos in thu ngen hi. Tua bangin a nasep kitawpsak leh tua banga nasep hoih khat Sao Tome gam ah ngah nading baih lo ahih lam Carlos in thei hi. “Ka innkuan tungah bang thu piangding? Bang tawh vaak ding? A mau’ tungah ken bangci gen ding?” cih bangin ngaihsun kawm hi. Ki hehsak zaw lo in, Pasian pahtawi zaw lai ning, ci-in Carlos in ngaihsun hi. A ki phal loh hangin, 5:30 pm ciang dong sem in, tua khit teh ciah vingveng ziau dingin khentat hi.

Nai 5:30 sat madeuh in gunkuang set hong sia mawk hi. Ahih theihzah un hanciam taleh set kizang thei nawn vet lo hi. A tawpna ah tuinawl ah hong pai uh a, manager pa kiangah gen uh hi. “Bawl theih pak in om vet ken teh. Tu kaalsung nangawn in ih suahkhiat khit zawh nading lamet om kei” ci-in nasem te khat in manager pa’ kiangah gen hi. Manager pa’n bel kamkhat zong dawng lo hi. Carlos ahih leh nai 5:30 pm a sat ciangin, phunlo paulo in ciah vingveng hi. Ahizongin maikaal ciangin manager pa tawh a kimuh kik ding ngaklah khol lo hi.

See also  MSS 12: Thong Sungah Pasian

Monday ni ciangin manager pa in bangmah gen vet lo hi. Tuesday le Wednesday ni zong paupih nai lo hi. Nipi kaal khat beita, bangmah paupih nai tuan lo hi. Tua khit ciangin a naseppih a lawmpa khat in Carlos kiangah, “gunkuang vai tawh kisai manager pa in bang gen cih na thei hia? ‘Pasian in a suksiat sak hi limlim in teh’ ci hi ven” ci-in Carlos kiangah gen hi. Carlos in umzo vet lo hi. Inn a tun ciangin Pasian in a nasepna ah akepna hangin a innkuan un lungdam ko uh hi.

Tua khit a sawt lua lo in, a naseppih alawmte khat in a manager pa uh’ ngaihsutna a theih teng hong gen leuleu hi. Manager pa in, Carlos pen 5:30pm a sat lian teh ciahsak ziau ding ci-a a ngaihsut hi napi, a genkhiat ma in a gunkuang set kisia se ahih manin Carlos bek thamloh nasem khempeuh Sabbath ni khawl lawh hi, ci hi. Carlos in atheih khak loh hangin a company security guard pa un bel, ‘Hi bang a Sabbath vaitawh a buai den se, Carlos tungah bang thu hongpiang khatam, ci in a na en gige den ahi hi. Pasian in hih bangin gunkuang tungah a piansak ziau pen amuh ciangin, guard pa in Carlos kiangah, “Na Pasian Lian taktak mah ei lawm,” ci hi.

Tua guard pa zong Adventist biakinn ah hong kikhawm ta hi. Carlos in ahih leh Sabbath tawh buaina thuak kha nawn lo hi.

“Amah amuangte’ tungah Pasian hoih hi,” Carlos in ci hi. Tu-in Carlos kum 48 pha ta hi. “Ka pal zawhloh ding buaina haksatna tampi tak ka tuak a, ahi zongin Ka Pasian in kei pal kul lo-in hong paltan sak den hi,” ci hi.

See also  Pasian Adingin Leeng

Ka gambup mi 200,000 valte in Sabbath thumaan thei nai lo uh hi. Adventist Church Member 8,000 kiimte in Pawlpilian  13 leh pawlpineu company 56 ah Pasian a biak laitak in, Gambup mi phazah i’ alang val pen Roman Catholic ahi hi. Carlos in a Sabbath tangthu genkhiat ding lawp mahmah hi. “Lai Siangtho sunga thumaante leh ka phutkhak thute genkhiat ding ka tavuan hi. Ka septheih zah in Pasian’ thu kizelh sakding ka lunggulh pen ahi hi,” ci hi.

Tu kuata, Sabbath 13 na sumpi khenkhat tawh Sao Tome ah biakinn khat kilam ding hi. Mission sumpi hong khia mimal kim tungah lungdam.

&&&&&

Tags:

Admin

Admin

Top