2nd Qtr: Innkuan Hunte

THULU OMTE

 

      Thu Masa…………………………………………….. 2

  1. Nuntak Zia…………………………………………… 3
  2. I Khensatna Te……………………………………. 10
  3. Kikheel Ding Kiging……………………………… 17
  4. Khatguak Om Ciang…………………………….. 24
  5. InnKuan A Ding Pil Kammalte………………. 31
  6. Kumpi Zawl La……………………………………. 38
  7. Pengkul Sagihte………………………………….. 45
  8. Satan, Zawhcipsa Galpa……………………….. 52
  9. Satan Leh A Pawlte……………………………… 59
  10. Pasian’ Tawntung Lungdamna Thu………… 66
  11. A Sagihna Gimna Nunung…………………….. 73
  12. Babylon Tung a Thukhenna………………….. 80
  13. Na Khempeuh A Thakin Ka Bawl Hi      87

 

THU MASA

 

            Piansakna niguk teng beikhin ta hi. Leitungpen hi neunau napi, ni nga sungtengin, Pasian in a hoih mahmah in zeem sitset hi. Khuamialna ah khuavaksak hi. Pasianin tuipi kiangah, “Hihciangbek na pai ding a, hihbaan ah na kiin nawnkei ding hi. Na tuihual te hih ciangbek pai ding hi”  (Job  38 : 11) ci hi. Leikeu te zong, meel tuam tuam, a namtui mahmah te tawh hong kidim hi. Vasa namkim te leng zaizai in, ngasa namkim te zong tuisungah vak zaizai hi. Lei ganhing namkim zong vak ziazua, sing tung khawngpan kikhai in, piangsakpa piansak dandan in om tek uh hi.  A nunung penin, Pasian in, Ama’ lim leh meel suun in, leitung a ukding mi bawl hi.

            Ni sagihni Sabbath a piansak khit teh, Pasian in leitung en a, “Hoihlua” (Pian 1 : 31) ci hi. Tua bangin tangthu tawpsak leng, a picing leitung,  a picing mihing, nungta tawntung leh : Adam leh Eve in tanu tapa tampi, tuu tampi, tuusawn tampite nei ding uh a, a ta a tuu te hangin leh Pasian tungah, a lungdamna uh lian mahmah ding uh hi.  Galmuh zong hilo zakngei ciangbek tawh a puuk leimi te in i lunggeelna a hihi. Pasian bawl sa leitung pan a kilamdanna ngaihsun dih in.  Mawhna omma leh omkhit a ki lamdanna bangpeuh om hiam?  EGWhite in, “singtehte hong pulh a, sihna lim hong kilak ciangin, Adam leh Eve a dingin, a ta te sih a dahna uh sangin dahna lian zawlai hi. A neel mahmah pakte sihna in dahna piangsak a, singkung golpi te’ teh hong pulh ciangin, na khempeuh tungah sihna tung taktak cih hong lak hi” (Pu Pa te leh Kamsangte lai 62).

READ  ZSL 1: Tehpih Omlo Laisiangtho

Tu quarter i lesson in hih thu teng a hihi : i lei nuntak dan, eimahmah innkuan sungah nungta i hihna i en ding hi. Eden huan ah teng in innkuan suak dingin, Pasian in hong bawl a, ta te tuute nei suksuk in, tuni ciangdong leitung tangthu i zomtoto lai hi. Laisiangtho tangthu masa te sungah, kumpi David khangthu khawngpen a khang a khang in ki ciamteh hi.  Laisiangtho sung buppi ah, innkuan leh khang tawh thu kiciamteh suksuk hi.  Tanglai pan tuni dongmah innkuan nasepna a langpan den, zi tamneihna, ang kikawmna leh a dangdangte khempeuh nusia in, innkuan sungah limtak kihilh in, ki puahphatna neih ding hi zaw hi.

Mimal khat leh khat kibanglo, innkuan khat leh khat kibanglo hi. Tu quarter laisimbu in, laisiangtho a ki bulphuh, innkuan thahat suaktheihna thukhunte honglak ding hi.

Tags: ,

Admin

Admin

Top