1st Quarter 2024 Lesson
2024 Quarter Masa Lesson sinna pen Late sung hi.
Late: Pasian leh Mihingte Lungsim a Kimuhna
Late pen Laisiangtho sung ah a hoihpen thungetna leh la ahi hi. Phatna, nopna, dahna leh lungkiatna teng tamlawh in; kumpite, laphuakte leh siampite leh mipite in, amau kisikna dungzui in la phuak uh a, thu um mite adingin thungetna leh phatna laibu in kizang tawntung hi.
Laisiangtho in eite hong hohpih mahbangin, Late in hong hohpih banah eite adingin a pau ahi hi. Pasian tungah a ki-aap nuamte adingin Late in Thupha, lam-etna leh Pasian’ vangliatna kilatna ahi hi. Mi tampitak in tua late pen amau lungsim sung pan hong phulkhia thungetna zah mahin ngaihsun uh hi. Luther mahmah in zong Late tawh kisai in: “Lungnopna pulak nading leh phatna piakna dingin hi Late sangin a hoihzaw koi ah om ding hiam ciliang hi. Mi siangthote in huan hoih mahmah khat sungah ombang ahi a, Vantung lam dakto bang ahi zongin na mu ding a … tua late thuumna tauna kammalte sangin, dahna, kisikna a pulak thei zaw ding kammalte koi ah om ding hiam? Hih late sungah, misiangthote in sihna hell sung ensuk a, Pasian’ hehna tawh kidim in khuamial zophial cih zong mu ding uh hi. Tua ahih manin Late laibu pen misiangthote’ Lunggulhpen laibu cih huai phial hi. Mi khempeuh tuahkhakna bang in ama mailam a ding peuhmah late sungah a kituak na-omzelzel hi. Tuate tawh a kibang kammal laibu dangte sungah omlo hi.”— Martin Luther, Martin Luther: Selections from His
Writings, ed. John Dillenberger (New York: Anchor Books, 1962), pp. 39, 40.
Late sungpan nuntakna hong khelzo vangliatna ciap theihna ding pen, tanglai thu- ummite in tua late sa in Pasian’ min phatin, kiniamkhiat takin mawhna pulakin a om uh bangin om dingin hongsam hi. Tua ahihleh late kisin a kul hiam? Laisiangtho laibu dangte mahbangin Late laibu zong, tangthu, Pasian’ thu leh kammal kizopna tuamtuamte mah tawh kidim hi. Late laibu 3 kisinna in, khangthak leimite leh leitung kinai zopna piangsak hi. Tua late pen Pasian’ mite thungetna, mihing a hong piang i Topa thungetna leh Zeisu ading i thungetna ahihlam
phawkhuai hi. Pasian in mihingte tungah hong kipulakna zong ahi hi. Late kisinna in, Pasian in eite ading hong sepsaksa khempeuh leh, Zeisu Christ tungtawnin leitung adingin a sepsaklai ding teng zong kisinna hilai hi.
La dawng 150 bang aphak tei hangin mun tuamtuam pan kaihkhop zong hikhollo hi. Pasian’ mite’ khalam khualzinna vive hiphial hi. Hoihna ading hoihna leh siatna ading siatna mah hongpia Pasian ukna sungah kipkho in khualzinna ahi hi. I sintohtoh ciangin ukna hoih nuai a om gige hih leitung pen siatna in to ahihlam i mu ding hi. Pasian maanglai mah maw leh? Thu-um mite in leidang ah Pasian’ phatna late koici saktheih ding uh hiam? Late in eite khualzinna hong thahatsak in, Zeisu’ maitang imuh dong in, nisim in Pasian tawh kimu in lungsim sungah hong kikhawl thei sak hi.
Dragoslava Santrac, Laisiangtholui ah PhD hi a, General Conference of Seventh-day Adventists Leitung buppi Zumpi ah, Encyclopedia of Seventh-day Adventists laibu endikte makaipipa ahi hi. Amah in Late 76-150 sung teng Seventh-day Adventist International Bible Commentary teng gelh hi.
Single Page: [gview file=”http://zomisda.org/wp-content/uploads/2023/12/1st-Qtr-2024.pdf”]
Folded: [gview file=”https://zomisda.org/wp-content/uploads/2023/12/1st-Qtr-2024-Fold.pdf”]
[gview file=”http://zomisda.org/wp-content/uploads/2023/12/zomi-Lesson-Cover.pdf”]