2. A Dupvom Deedaa Mitgeii Nihte

A Dupvom Deedaa Mitgeii Nihte

Talitha Hoyato, 19

Papua New Guinea, July 13

Kum sawm le kum kua a pha pan Talitha Hoyato in a khaanpih nu mitvom deedaa-a om amuh ciangin kilat vat hi.

“Bang aci na hia?” ci-in dongh hi.

Kum 23 khawng apha pan, a khaanpih nu, Doreen in a nungzaang suk khempeuh kisaat nim gawp-a om alak dingin a puan leemto hi.

“Ka pasal zulungvei hi-in, hih khempeuh ama’ hong saatna ai ve,” ci-in, kapkawm in Doreen in gen hi.

“Tua bang ahih peuhmah leh ciahkik nawn vet kei oh,” Talitha in ci hi.

Ahi zongin Doreen ahihleh a hunlemtaang a om simin ciah zeel hi. Ama’n kum khat a phapan tangeek khat nei-a, Papua New Guinea gam a om, Mount Hagen kici khua ah, a teeknu in keem hi. A tano naakpi takin phawk ngeungau zeel hi.

Doreen in a lungsim khempeuh a sun khiat nadingin a lawm it mahmah Talitha hong mu ahi hi. Doreen te’ inn panin nai thum sung khawng mawtaw a ki hawl na, Kundiawa khuapi aa om Simbu Teachers College ah anih un sang siamah sin uh hi.

“Ka nuntaakna bel lungmanhuai mai ing ei. Koi ci bangin nu hoih le zi hoih suak thei ding a, ka pasal koici kheel ding, thei zo nawn keng ei,” Doreen in ci ngaungau den hi.

Koici bangin tha piading cih Talitha lung himawh hi. Ahi zongin nupite pawlkhat, nupa kikaal vai buaina tawh akem nu’ kiangah thu dongh dingin a va pai lai-un, a nu’ gen thute hong phawk kik vat hi. A nu in tua nupite kiangah, Lai Siangtho tungtawn in pilna a zon khiat ding uh ngaihsutna hoih pia zeel hi.

READ  Jesu Aadingin Kiatsukna

“Kuamah dang hi lo, Pasian bek in mihing’ lungsim kheel thei hi, ka nu in ci hi,” ci-in Talitha in gen hi. “Pasian in eite hong piangsak a, koici puah ding, cih zong Ama’n thei hi.” ci hi.

Zingsang sim in thu ngen in, Lai Siangtho sim dingin Doreen sawl hi.

Amau tegeel khaan khat sungah, a om khop ciil vua kipan in Doreen in a phawk khaak a masa penpen in, Talitha in zingsang biakpiakna a neih den lam ahi hi. Zingsang nai 5 sim in Talitha tho-in thu ngen-a, Lai Siangtho sim den hi. Tua banah Talitha’ nulepate pen zuu tawh kidiah dente ahih lam leh, Talitha pen Seventh-day Adventist nupi hoih khat in khansuah in, nisim biakpiak ziadingte zongh a hilhsa ahihlam zongh Doreen in hong nung theih hi.

Khatvei, a inn ah a ciahna pan in a bawda vuah Doreen hong tun kik ciangin Talitha in ama a’ ding lametloh-letsong khat na pia hi. Tua letsong pen, ‘Talitha in Lai Siangtho tangthu pawlkhat laidal tungah a gelh’ ahi hi. Tua tangthute’ sungah Johan 4:1-42 sung-a, Samaritan numeinu’ kikheelna zong kihel hi. Tua laidalte Doreen’ khut sungah a pia hi. Tua banah, 2017 kum, Kuata masa sunga, Naupangte’ mission news tangthu khat zong teikhia-in, tua zongh a pia hi.

“Hun na ngah peuh ciangin hih laite na sim zeel ve maw lawm,” Talitha in ci hi.

Doreen in tua tangthute hoih sa mahmah in, adang zong ngetbeh lai hi. Talitha in, abeisa kumkhat lai-in, a pianna a pa a’ dingin thu a ngetsakna leh a pa in Pasian a saan pak het lohna thute aa kipan, a thungetna hangin a pa, palikte’n manin thongsungah a khumna thute, leh lungnuam tak-a biakinn ah, a innkuan un apaikhop nopnate, doreen’ tungah genzel hi.

READ  BANG HANG IN PIANG KA HIAM?

“Tua mah bangin na pasal zongh Pasian in kheel thei lua ding hi!” Talitha in ci hi.

Tua a zaak tangthu le thupiang tuamtuamte in Doreen’ lungsim sukha mahmah ahih manin nisim in a pasal a’ dingin thunget hong kipan ta hi. Zingsang khat, nai 5 in Talitha hong khanglo a, a khaanpihnu na thokhin in, Lai Siangtho a sim laitak mu hi. Nakpitakin lamdang sa kawmin angtang mahmah hi.

Khanih hong cingto ta-a, ateeknu in Doreen thu lamdang mahmah khat tawh hong hopih laizang hi. ‘Asuah akhan sunga cik masan-a, nikhat nangawn tupeek-kawbia tawh, na a sem ngei peuhmah lo, Doreen’ pasal in, tu-in huan bawlin, lei to-in singno a suan zihziahna thu, hong gen mawk hi.

“Nong ciamnuihna maw nu?” Doreen in ci phialmawk hi.

“Ong ciah in la, nang ma’ mit teekteek tawh hong en ve, bawi” ci-in ateeknu in dawng hi.

Doreen inn ah hong ciahkik ciangin, ateeknu’ gen singno huan nopci mahmah pen ama’ mit teekteek tawh hong mu takpi hi. A pasal in ahih leh a zi le a innkuanpih khempeuh hoihtak in akepding ahong kipatciilna hong hi ta hi. A zudawn zongh khawl khin ta hi. A khuazang un a umh zo kuamah om lo hi.

A bawdaa vuah kilehkik pak in, Doreen in a lawmnu Talitha nakpi takin angpom in lungdamna khitui luang kawm in lungdamna ko hi.

“Topa pahtawi zaw in! I biak Pasian in hongsepsak ahi hi” Talitha in ci hi.

Tua bangin Doreen in zingsang simin biakpiakna nei den a, Kum khat khit ciangin, a pasal tawh biakinn ah nuam takin kikhawm thei ta uh hi. Mitgeii dupvom deedaa ngah kha nawnlo hi.

READ  MSS 10: Kum 10 Sung Mang Kibang Den

“Tu’ peetpeet in bel ka pasal tawh alungdam mahmah nu hi ta ing ei,” hong cikhia ngeu-ngau zensaam hi.

Talitha’ tungtawn in vantung Pasian a theikhia mi tampite lakah Doreen zongh, khat ahi bek lai hi. Kum sawm le kum kua khawng bek phapan hi mah taleh Talitha in nadang khempeuh sangin Jesu le Ama’ Dikna thute bekbek gen nuam den hi.

“Kei hong khansuah ka nu in ka neutung a, kipanin, Jesu’ nungzui hoih khat ka suah nadingin hong pantah den ahih manin, tua hangin Topa’ tungah, ‘hibang nu hoih khat nong piak manin lungdam lua mahmah ing,’ cih pen ka kam panin genkhiat ka cim thei kei hi. Ka paina peuh ah Jesu’ thu leh tua thute gending nuam kasa hi. Tua banah thu lamdang hong piang totote ka kikup sim un zong, ‘En vo, hih thupiangte khempeuh in zongh, Jesu hong kumbaih ding ahihna honglaklak ai ve’, Jesu tungah i upmuanna le i lametna te, i cihtak mahmah kisam hi,” ci den hi.

By Andrew McChesney

Tags:

Admin

Admin

Top