Pawlpi 13 ah Itna Zongg

Mary John Ijaa, 42

South Sudan October 26

Mary John Ijaa in pawlpi khat muhkhiat ding a haksa lua dingin ngaihsun ngei lo hi. Khanglam Sudan gam a, Khristian pawlpi gol khat sung panin a khangkhia ahi hi. Himah taleh a lung nuam thei lo hi. Tua pawlpi sungah kipumkhatna leh itna mu lo hi. Kum 16 a phak ciangin pawldang khat ah taai hi.

Tua a pawlpi thak ah, pawlpi mite pen deacon le elder ngah theih nadingin nakpi takin kidem uh  hi. Makai ding kua hoih hiam, cih bang bekbek kinial den uh hi. Tua lai-ah zongh itna mu lo ahih manin kum 2 khit ciangin nusia leuleu  hi.

Adang pawlpi khat leuleu pen mission nasepna ultung sak bilbel hi. Ahizongin tua pawlpi in cimawh huhna dingin tembaw pi khat dim takin puan hong kipuak ngah hi. Tua puante, pheituamte, shirt  te ngah nuam in kitawng gawp uh hi. Tua pawlpi zongh Mary in nusia leuleu    hi.

A pawlpi lina ah, Mary in biakinn huangteng munphiah tawh a phiat laitakin a ci na    hi.

Huangsung a phiat laitakin khuaphia tawh akibang khat in a khe sukha vat a, lum henhan in, bawkpah hanhan hi. Amah zongh dawisapu khat kiangah pai pah in, a thupiang teng a gen leh, tua pa in, a ki    samsia leitangh va sikkha ahihna thu na gen hi. Tua pawlpi mite khat ama’ tungah heh ahih manin a mah ngiat a suamnop manin tua lai mun a samsiat hi, ci-in tua dawisapu in gen   hi.

Dawisapu in tempan khat la-in, Mary’ luzaang panin a khemuk dong neucikcik in atkeh kawikawi hi. Tua khit ciangin tuisa sungah thakhat in a diahsuk khit ciangin lei sung a singzung namkhat tawh a pumpi-in nawt ziahziah hi. Tua khit teh tua singzung diahna tui dawnsak leuleu hi. Tua bangin ni khat in nihvei ta, kum thum sung a bawl hi. Mary in na sa lua mahmah ahih manin lampai zo lo in, bokvaak hi.

Ni khat, lamet hetloh pi-in, a natna hong dam kiuhkeuh in, lam hong paithei kik hi. Suddenly one day, the pain vanished, and she could walk again. Siampupa in a nasepna zo ta ahihna a gen khit ciangin a bei sazian gen hi. Keel hinglai nih, sum honkhat ngen  hi.

Samsiatna a thuak kik ding lau ahih manin tua biakinn ah Mary paikik ngam nawn lo hi. A 5na pawlpi khat hong zuan leuleu in, a gei vuah pawlpi dang khat a kiphuh masiah, Sunday ni simin citak    takin kikhawm den hi. Tua pawlpi thak pen a pawlpi 6na hita hi. Tua khit ciangin 7na, a 8na dongin kheel toto lai hi.

Tua laitak in Mary in tapa khat hong nei hi. Lupna tungah a lup kawmin hai sung panin tui a dawn leh thakhat thu-in a gawl hong navat leuleu hi. A ngawng hong bawk hanhan hi. Siampupa kiangah a     kilah leuleu leh, mi khatin a sih nadingin haisungah banghiam khat na taatsim ahihna gen leuleu    hi.

Kum khat sung lupmun ngakin Mary hong om leuleu a, siampupa in singzung tui nisim in dawnsak leuleu hi. Atawpna ah, hong damkik  hi.

Mary in kipumkhatna le itna a omna pawlpi hong zong kawikawi hi. 2vei tak a ci nalai-a, siampute in samsiatna vive in genden uh  hi.

A cinat a 4veina bangin, a ngawng bawlgawp in, a pumpi-in kizeel suk hi. A annek sungah mi khat in na khat khahsak hi, ci-in a siampupa in gen hi. Tua pen aman zong lehthei lo hi. Mary zongh siampu 2na va zuan leuleu a, a 3na dongin va zuan hi. Tua siampu khempeuh in, a annek sungah guu kikhah ahihna genciat uh hi. Ahizongin kua mah in bawldam zo lo uh   hi.

Mary zong a pawlpi 13na dong hong kheel toto a, tua pawlpi ah a kikhop masak penpen ni-in Pasian’ kiangah a damsak nadingin thu nget ding hong khentat ta hi. Lungsim kitamzan in ni 3 sitset an tangin thu ngen hi. Tua khit ciangin zato ah pai hi. Antangin thu angetna thu siavuanpa in a zak ciangin, “Tua pen nasep dingin a hoih penpen hi mah ei. Zato mangpipa kiangah a ngen hi cei” na ci hi. Khatvei asut khit ciangin a bawk khempeuh kiamsuk ziau  hi.

Pasian in a thungetna a dawn manin Mary lungdam mahmah hitaleh tua pawlpi sungah lungkimna nei zo tuan lo hi. Khanglam Sudan khuapi, Juba ah a pastor te uh nih tawh na semkhawm in, suang lian pipite satneen in a om laitak un a lungsim sungah buaina khat a nei hi. A suangsi te uh koici zuak ding,    cih a pastor te tawh kam kiseel uh ahih manin, tua pawlpi ah zongh itna om lo hi, ci-in a lung kia      mahmah hi. Koi-ah pai ding cih hong lunghimawh leuleu   hi.

Tua laitak in, Seventh-day Adventist Pawlpi hong phawk khavat hi. A kikhop ngei nailohna tua pawlpi bek om lai hi. Adventist te tawh aki ho khak sunsun ciangin a maitai theih mahmahna uh hong phawk kik hi. “Phazo ei. Seventh-day Adventist pawlpi ah ki khawm ta ning ei,” ci-in a pastor tegel tungah a gen ciangin amaute in lamdang sa mahmah uh   hi.

2017 kum April kha sung a, kibawl effort ah Mary tui kiphum ta hi. Tua zawh a sawt lo in a pasal leh a tapa u pen kiphum leuleu uh  hi.

Samsiatna, bumhna a tuah khak ding, Mary patau nawn lo   hi.

“Tu peetpeet in suakta ta-ing ei, ka lung nuam mahmah ta ei. Guu ka nek khak ding patau nawn lo, ahangin Jesu pen samsiatna kici khempeuh sangin a liat zawk man hi” lungkim takin, Mary in ci hi.

Nung deuh in, a suang seekpih pastor te’ lakah khat tawh kimu kik   hi.

“A banghang peuhmah a, hici cidam meel a, lungnop tuak mahmah mawk na hia leh?” ci-in dongh hi.

“Ke’n lungnopna le thumaan thutak mukhin ta hi vengh. Pasian’ tate’ sungah kipumkhatna taktak  na mu ta ingh ei” ci-in Mary in dawng kik  hi.

Sabbath sim a, Maryte’ kikhopna ahi, Juba Central Seventh-day Adventist biakinn a, naupangte Sabbath school khante lam nadingin 2016 kum a Sabbath 13na mission sumpi nong piak man un   lungdam mahmah hi. Tu kuata sunga nong piak uh sumpi khenkhat tawh zongh i biakinn gei-a i sanginn ding ki lamlai ding ahih manin hong huh lai lai un. Lungdam mahmah   hi.

 By Andrew McChesney