6. Bus Tung aa Thugenpa

6. Bus Tung aa Thugenpa

Samuel Ndagijimana, 59

Rwanda, November 9

Mi pawlkhatte in bus tungtuang kawmin laibu sim aihkeh phone meek kawm hithiat    uh hi.

Samuel Ndagijimana in bel Pasian’ thu gen kawm   hi.

Samuel in zingsang simin Rwanda khuapi, Kigali ah nasem dingin a pai simin, mawtaw tungah Jesu’ thu leh hong pai baih nading thute gen den  hi.

A thugente in a zate’ tungah bangzah muibun cihbel thei lo   hi.

Nikhat Samuel Kigali lamlianpi kantanin a pailaitakin nupi khatin hopih hi. “Pastor aw, hehpihna tawh khawl in” ci hi. Samuel ahihleh pastor hilo napi Pasian’ thu genden ahihmanin mite-in pastor ci uh   hi. Amah zong khawlphotin tua nupinu lamdang sakawmin en phei   hi.

“Hong thei ngeikei sing e, nang kei hong mu ngei maw?” ci-in dongh   hi.

“Nasep hoih mahmah khat nasepden lam nang na kitheih loh hangin nasem den hi. Bus tungah hong mu ngei mah ingh. Kei’ buaina tawh kisai thu na gen ngei hi” tua nupinu   in ci hi.

Na khempeuh sangin Pasian masak zawk ding ahihna a gen lam tua nupinu in phawksak kik hi. “Hih bangin na gen hi, ‘Na nasepna mun uh na tun uh ciangin, Pasian masak den un. Na kampauna, na gamtatna vuah Pasian masak den un. Bangbang na sem uh zongin Pasian masak den un,’ na ci si-a,” ci-in tua nupinu  in gen hi.

Ataktak in tua kammalte in nupinu’ lungsim a khoih kha mahmah na hi gige hi. “Ka nasepna mun ka tun phetin tona lian mahmah khat ka phukha hi. Kei zongh ka zumsungah khukdin sukpah in, thu ka  ngen hi. ‘Pasian aw, Pasian’ mipa khat in tu zingsangin, na sepna khempeuh vuah Pasian masak un ci hi. Nangmah kong masak theih nadingin hong huh in,’ ci-in thu ka ngen hi” ci-in    genkik hi.

READ  4. Pound 90 Kiam Losing 90 Pounds

Tua bangin thu anget khit ciangin a khaa tha hat zaw hi. A boss tungah bang gen ding cih zongh thei hi. Tua zawh a sawt lo-in a boss va pai hi. A sabuai gei-ah vapai suak hi. “Cik ciangin hi thei ding i hia?” va ci hi.

“Boss aw, mawh ngam kei ning. Cik mah hunin hong zui zo kei ning. Khatna-ah, kei pen pasal neikhinsa ka hi a, ka pasal’ tungah ka cihtak ding kisam hi. Nihna-ah, kei pen Khrisian khat ka hi a, ka Honpa’ tungah ka mawh kei ding hi. Thumna-ah, ka pawlpi-ah makai khat ka hi-a, midangte’ a’ dingin etteh hoih khat  ka hihding kisam hi,” ci-in ka dawng  hi.

Ka boss in lamdang hong samahmah  hi.

“Tamveipi tak awneem tawh kong kunh den a, khat vei zongh nong dawng ngeikei hi. Bang dia khat vei mahmah zong ong mangg lo    mawk na hiam?” ci-in hehkawm sa-in donghkik hi.

“Na tua cih leh haltum thuak niteh” acih kawmin hehsa-in pusuak khia hi. Nupinu zong nakpi takin hanciam in thu ngensuk hi. Haltum ding peuhmah ut het lo   hi.

“Pasian aw, ka nasepna phual ah Nangmah kong liansak hi. Nangmah kong masak hi. Haltum ka thuak khak zenzen leh ka tanote nong kepsak in maw” ci-in khitui naptui tawh thu    ngen hi.

Haltum a thuak nadingin a boss kiang panin laikhak khat a ngah masak ding ahi hi. Zing ciangin   tua laikhak hong tung pelmawh ding hi, ci-in ki lamen a, tung lo bilbel hi. A thai ciangin zong tung nai lo  hi. Tua nitak TV news panin a boss in haltum thuak hi, cih za kha hi. Kap kawmin Pasian phat hi.

READ  Sabbath tawh kisai buaina

Tua lampi tungah a pai kawmun nupinu in Samuel kiangah, “Kei pen hong ki haltum dingin hong  ki sawm hangin ka nasep ka zomsuak thei hi. Ka boss a ki haltumna hangin Pasian’ tungah lungdam ka    ko kei-a, Amah a masak mite A kepbitna hangin lungdam ka ko zaw hi” ci   hi.

Samuel in ahihleh bus tungah a thugen zopsuak dingin khentat hi. Khat veivei lam lianpite tungah paikawmin Pasian’ thu tangko thei zel hi. A tamzaw pen a kammal tawh sangin a gamtatna tawh lak khia zaw hi. Pasian’    huhna tawh a maipuak leh a gamtatnate tawh mite’ tungah Khris lak khia thei hi.

Leitungbup tuam a pawlpi mite in zong kambek tawh hi lo in, gamtatna tawh nong lahkhiat uh    ahi, 2016 kum Sabbath 13na mission sumpi nongpiakte uh tawh Kigali a Adventist university of Central Africa aa ki hongg, cidamna sang ki lam ahihmanin lungdam mahmah hi. Rwanda gam sung tengah tua sangte hangin syate le sang naupangte kipawl khawm in lungdamna thu a tangko khawm theih manin a lungdam mahmahna Samuel in hong pulaak khia  hi.

By Andrew McChesney

Tags:

Admin

Admin

Top