5. A Gawgee Mahmah Galkappa’ Mang

Adventist Mission ZomiSDA

A Gawgee Mahmah Galkappa’  Mang

Daniel Deng Machiek, 39

South Sudan, November 2

 

Khanglam Sudan ah galkap sem ahi, thasang in a haat mahmah Daniel Deng Machiek in gal do nuam lo hi.

Africa gamkhen nisuahna lamah tualgal hangin sisan hawkbang luangin a om laitakin Daniel in a mipihte that nuam het lo  hi.

2013 kum December kha sungin Daniel in gamsung kilem nadingin ni 3 sung an tangin thu ngen hi.

“Ka Pasian aw, Nangmah in a maan Pasian na hi hi. Nang’ tungah pasian dang om lo hi. Galkap khat ka hi hi. Ka mite in ka gam mipihte uh hong do sak nuam hi. Nong hehpihna tawh khanglam Sudan mite hong cing hong kem in” ci-in Daniel in thu ngen   hi.

A ni 3 ni ciangin Daniel in zankim laitak in mang’ khat manh hi. Khanglam Sudan khuapi Juba panin bus tawh nai 8 sung a kipai na, Daniel’ lamh kiatna khua ahi, Yirol khua a, a lupna tungah a ihmut laitakin a taang mahmah vantungmi 3 a lupna khaan sungah va kilangh uh   hi.

“Tho to in la, kote tawh la sa khawm in” vantungmi khat in ci   hi.

Lamdang sakna tawh kidim kawmin, “Koi pan in hong pai nei vua?” ci-in Daniel in dongh kik hi. “Nang hong Piangsakpa in na thungetna hong dawng hi. Tua hangin nang    hong tuiphum dingin hongpai ka hi uh hi” ci-in vanmi in dawng  hi.

A mang’ sung mah ah, Daniel in vantungmite lasak ahi, Jesu’ hong Hotkhiatna pahtawina la   sakpih hi. Tua khit ciangin vanmite in khua nawl a om, Yirol Bualpi ah Daniel paipih uh hi. Vanmi khat    in Daniel puantual paak sitset khat silhsakin, bual tui sungah tuiphum hi. A dang vanmi 2te in a gei-ah en uh hi.

READ  Jesu Aadingin Kiatsukna

Tua khit ciangin vanmite in Lai Siangtho bu khat pia uh a, tua geinai aa om biakinn khat ah paipih uh hi.

“Tua lai mun ah a lungluthuai mahmah khat na mu ding hi,”    vanmi khat in ci hi.

Tua khit ciangin vanmite mang’ziau uh hi. Daniel ahihleh biakin sungah om hi. Sual tungah mite    a sisa-in lum uh hi. Kum 2 gual pasalno khatbek hing lai-in, tua pasalno tawh thu ngen khawm hi. A nget laitak un, tua pawlpi mi sisa khempeuh hong hingkik uh   hi.

Tua laitakin, a mangmatna panin Daniel hong khanglo hi. Kum 3 sung a mang’ khiatna a theihnopna hangin a lungsim linglawng den  hi.

2017 kum sungin, Khristian pastor khat tawh hong kimu kha-in tua pa in amah le azi, Sunday  kikhop man khit ciangin tuiphum hi. Tui sung panin Daniel hong dintoh ciangin, khankhinsa khat in a hih ngei luat khol loh khat hong gam ta kha hi. Amah nakpitakin kapkhia   hi.

“Bang hangin kap mawk peuhmah ka hia le?” ci-in pastor kiangah dongh hi. “Kha Siangtho’ nasep ai ve tua dan te,” ci-in pastor in dawngkik   hi.

Daniel buaigawp    in aheh suak hi. Ahehna in nak kah sak semsem hi. Nakpi takin a maizum hi.

Khanglam Sudan gam ah pisalte kap ngei khol lo uh hi. A diakdiak in tua bang galkap te peuhmah a kah ding uh gamla lai hi. Ni 2 sung vilvel kitatsat vet lo in, Daniel kap ziahziah hi. Tua khit ciangin, a   sanggam nu’ tapa, kum 22 apha Abraham, va hawh hi. A kah ki-ip zo nailo ahihmanin, a ki tuiphum khit    a kipan a kap suaksuak ahihna a tupa’ kiangah gen   hi.

READ  Sabbath Ni-in Na Sem

“Puno aw, banghang a, tua pawlpi ah ki tuiphum laizang na hiam? Tua pen pawlpi maan taktak hi  lo hi ven” Abraham in ci  hi.

Abraham in, Lai Siangtho sung aa Sabbath maan taktak pen a puno hilh cian hi. Tua khitphet in Daniel in a tupa, Abraham’ Seventh-day Adventist    Pawlpi ah kikhop ding hong khentat pah lian hi.

A Sabbath kik ciangin a zi tawh Juba Central Seventh- day Adventist Biakinn ah kikhawm pah uh hi. Tua zawh, kha 3 khit,    2018 kum January kha ciangin a nupa-un ki tuiphum uh hi.

Tui sung panin hong paikhiat ciangin Daniel a khitui malkhat zongh luang lo    hi.

“Ka mang’ taangtung taktak ta ei!” ci-in mipite lam nga phei in hong awngkhia-a, a mangmat mipite tungah genkhia hi.

A muhthak upna hangin Daniel a lungdam mahmahna a muh uh ciangin a sanggam pasal te nupa zongh hong ki tuiphum uh a, a nu zong tui kiphum dingin a ki gingging hi ta    hi.

Tu-in Daniel kum 39 pha aa, Pasian in a thungetna a dawnnate lamdang sa mahmah hi. 2013 kum  in Khanglam Sudan gamsung kilem nadingin thu ngen a, Jesu in a thungetna dawngin kilemna maan   taktak pia ahih manin—tui kiphumna tawh alungtang Jesu pia ta   hi.

“Ka lung dam mahmah hi. Khitui luanna om nawn lo hi. Ka tui kiphum a kipan lungnopna maan taktak ngah ta ingh,” Daniel in ci  hi.

Sabbath sim a Daniel te’ kikhopna ahi, Juba Central Seventh-day Adventist biakinn a, naupangte Sabbath school khante lam nadingin 2016 kum a Sabbath 13na mission sumpi nong piak man un    lungdam mahmah hi. Tu kuata sunga nong piak uh sumpi khenkhat tawh zongh i biakinn gei-a i sanginn ding ki lamlai ding ahih manin hong huh lai lai un. Lungdam   ei.

By Andrew McChesney

READ  Thuhilh Siavuanpa

 

Tags:

Admin

Admin

Top