A Telhak Laisiangtho

A Telhak Laisiangtho
Zelindo João Lay, 42
East Timor
December 8

Zelindo pen, East Timor ah thubuai bawlpa hi. Zudawn, zatep, leh phekaap cihte ut mahmah hi. Tattoo (ေဆးမင္ေၾကာင္) ki sun in, လမ္းသူ၇ဲ sem hi. Sunday nisim biakinn pai napi, nuamsa zolo hi.
Kum 21 in, laisiangtho simnop luatna lungsim khat hong nei hi. Laisiangtho bu neilo a hih ciangin, Indonesia gam nitumna lam Surabaya tuikulh tung a om, a sanggam nu tungah vaikhak hi.“Laisiangthobu khat nong ngahsak thei diam?” ci hi.
Nipi kaalnih khit teh a laisiangtho bu ngah a, Piancil pan Mangmuhna dong khakhat sungah simzo hi. Vialnih vial thum simzo ta leh, telzo mahmahlo hi.
Khukdin in, “Topa aw, Na thu te ka telnop hang, ka telzo kei hi, bangcih ding ka hiam? Na Khasiangtho hong sawl in la, hong makaih sakin,” ci in thungen hi.
A vial 4 na a sim ding ciang, laisiangthobu a hon nakleh, Khasiangtho makaihna ngenden hi. Nidang banglo in, thuthak tampi theihbeh hi. Thukham nambat nihna, Exodus 20:4-5, “Nangma a dingin milim bawltawm kei in, vantung nate, leitung nate khatpeuh tawh a kibang in bawl in, tuate mai ah kunin bia kei in,” cihna munah khawl lian hi. “Banghangin, i biakinn sungah, milim omthei hiam?”
ci in lamdang sa hi.
Sunday ni, biakna pia, nitaksim laisiangtho sim in a om kumthum hi ta, zi zong nei ta, ဆိုင္ zong nih hong thei hi.
Nikhat, Seventh-day Adventist khat, Thomas Lopes ki cipa, ဆိုင္ hong lut in, “A ki Mangngilh dektak Ni” “The Almost Forgotten DayMark Finley gelh laibu hong zuak hi.
Zelindo in, Saturday ni pen laisiangtho Sabbath hizaw cih a theih ciang in, a dipkua hi. Thomas ie phone nambat laibu nung a om tawh, qidk f ah hong kileh kik dingin samkik hi.
Thomas hongtun teh, Zelindo in, “Banghangin hih laibu in, Sunday cilo in, Saturday cizaw hiam,” ci in dongvat hi. Thomas in bel dawngvatlo hi.

See also  ‘Hi, Hope Channel’

“Laisiangtho sim in la, Khasiangtho kidawngsak in,” ci ziau hi. Zelindo laisiangtho simkik hi. Laisiangtho thaklam a tun ciang in, Matthew 28:1, “Sabbath bei khit, ni sagih lakah ni masa ni, zingsang vaktung in, Mary Magadalene leh a dang Mary te in, daihawh dingin a pai uh hi.” cih hong mu hi.
A dawnna ngahpah hi. Laisiangtho in, Sunday nipen, nipi kaalkhat sung ni masa ni ci hi. Saturday kik ciangin, a qidk f khak in, Saturday zing biakpiakna va kahhi.
Tawlkhat khit ciang, Siampipa zing biakpiak khit Zelindo kiang hong hawh hi. “No, Sunday ni hi lopi khawng, Saturday ni in banghang biakinn pai nai vua, na zi, na tate Sunday ni biakinn ah mu veng aw? ” ci in dong hi.
“Kei tel dan bel, Saturday ni pen, biakpiakni mantaktak hi, Sunday hi lo hi,” Zelindo in ci hi. “Hi lo, Sunday ni mah hi zaw,” siampipa’n dawng hi.
Zelindo in a biakinn a nopsak lohna khang semsem hi. Biakinn a lutsim in, milimte mu zelzel hi. Tuate mai ah khukdin kawmin, “Topa aw, Hih milimte biakinnsung a omding mah hiam? Bawltawm milim Na phal mah hiam?” ci hi.
Nikhat, Isaiah 42:8, a sim leh, “Keipen Topa ka hi a, Topa in ka min hi; Pasian dang tungah, ka minthanna kapia kei hi, a kisui te zong, keima’ te ka ngah sak kei hi,” cih simkha hi. Tua kammal te hangin amah lau ta hi. Pasian in, bawltawm milim biak ding deihlo cih, phawksan a, bia nawnlo dingin lungsim khentat hi.
Siampipa phone set in, “nong huhna kisam ing, nong huhtheih kei leh, pawlpi a nusia hi mai ing,” cih gen hi. A inn, siampipa hong tun ciangin, Zelindo in, milim leh Sabbath tawh kisai dotna tampi dong hi. “Sanggam aw, umpeuh in, kicing lua hi,” ci in siampipa in dawng hi.
Zelindo lungkim zolo hi. Laisiangtho tamveipi a simkhit teh, upna pen sepna in zui ding cih hong telkhia a hih manin, Adventist pawlpi sungah hong ki tuiphum hi. Kum 4 khit ciangin, Nisuahna Timor gam ah Adventist muanhuai mahmah khat hong suak a, mi tampi zong, ki tuiphum sak zo hi.
2015, Sabbath 13 na sumpi khenkhiat te tawh, Nisuahna Timor gam khuapi, Dili ah, Adventist sang masapen, kilam ding hi. Sumpi te a dingin lungdam ung.

See also  MSS 12: Thong Sungah Pasian

Laigelh Andrew McChesney

Tags:

Admin

Admin

Top