13. AGIM ATAWL MISSIONARYTE

13th SABBATH | May 29
Reno Aguiar Guerra, 32Natalia Galvao Marinho
Guerra, 32

T h i r t e e n t h S a b b a t h P r o g r a m
Kipatna la – “Innkuan Ki-it Leng” ZBC 400
Mipi muakna – SS Superintendent aihkeh SS Teacher.
Patna thungen –
Program – “Tired Missionaries” “Agim atawl Missionary te”
Sumpi donna -Hunkhakna la – “I’ll Go Where You Want Me to Go” SDAH 573
Khak thungen –
Tung sunni sa nuai-ah nupate nasepna zaitha patbang neem mahmah tuam hi. Inn khat khit
khat ah, Effort ah sapna lai hawm lua kisa in, Pastor Reno leh azi Natalia te nupa, a Tembaw uh
Brazil gam Democracia khuanawl Amazon gun gei-ah khawlsak in, innlusi ah kong va kiu
ngiatngiat uh hi. Tua khit ciangin hih missionary te in minit 45 sung khawng a kipai khop,
buanciim lampi zui-in adang khua khat ah pai suak lai uh a, tua lai-ah zong innlusi ah va hawh
leuleu uh hi. Lai Siangtho hilh siate 3 in a dang khua nih a pai lai navuah na huh uh hi. Tua mission
siate in hih bangin akum akha aa sawt effort a bawl uh ciangin innvakna te pen, nisim in a sepden
uh ahi hi.
Kikhopna ah pen thu ngai mi hong tampai mahmah hi. Khuaneute pan Kikhawm dingte cupuh nadingin a kawm uh mawtaw 3 te ah mi dimlua kisa in a nungah diing miamua lai uhhi. Khe
tawh apai pawlzong tampi om hi. Ahizongin Democracia khuamite bel nisim in 150 ta bang
kikhawm bek uh hi. Nipikaal nihna ah hong lut ta-a, Reno le Natalia te hong tawl mahmah ta uh hi.
Zingsang sim a saupitak lampai denna le a khua mite’ maipuak in a lung uh kiasak hi. Pawlkhat te
in, hih nupa te zong innlusi in singtaang hongvak ahia? Peuh naci se uh hi. Pawlkhat te in, Reno
biakinn thak lam khawngte muanmawhna tawh en se uh hi. Tua khua ah pen Sunday tang pawlpi
khat bek om ahih manin, a khuavengte uh Sunday tang pawlpi dang khat lut beh in pawlpi
kikhenkham ahih manin tua zong patau pian uh hi. Democracia khua mite in bel a kikhen khak ding
uh ut lo uh hi.
Nikhat, a tawldeuh ni uh, Reno le Natalia te a tembaw sunguh ah kidenna in, “Bang hangin
hiah om peuh mah mawk i hi hiam? Buhte mintuak sa het kei mawk ing. Khat nangawn in ong sang
kei phial leh kilawm sa mawk ing” Reno in ci hi. “Hih nasep peuhmah bel ut nawnvet keng ei.
Nasep nuam ka sak hang, amaute’n thumaan sang nuam vetlo pi uh” Natalia in zong cih beh hi.
Lungkia sa-in Natalia in a phone sung pan Lai Siangtho taang hong teelteel hi. “Topa aw,
bang hangin ko nupa hiah om mawk kei vuam, hong hilh in” ci-in thu anget kawm in hih Lai
Siangtho mun hong mu kha lian hi. Galati 6:9 “Tua ahih manin na hoih sepding cimtak kei ni.
Lungkia lo in i sep nakleh a hun ciangin thaman i ngah ding hi” cih a muh khit ciangin “Pasian in
aphi hongpia hi lo maw” ci-in Natalia hong awngkhia veva hi.
Azing ciangin laihawm mah in a pai leuleu uh a, nupila khat inn ah a lut uh leh tua nupinu
in tua sapna laidal tunga ‘Lametna awging logo’ amuh phet leh, “Ah, hih ka pawlpi hi lo maw” ciin tua logo kawk kawm veva sa in, hong awngkhia gawp hi. “Hih pen a beisa kum li lai pek a, ka
pawlpi hi lo maw, tui kiphum nuam pah ing ei” ci pah hi. Tua nupi nu in pen i pawlpi TV panin thu
na ngai den a, tua TV a thugente dan Pastor khat a khuavuah a pai nadingin thu a na ngen den
ahihna thu missionsiate nupa in thei ta uh hi. Effort mankhit 2017 kum December kha sung-a, tui
kiphum mi 50 te’ lakah tua nupinu zong kihel hi. Tua misiansiate in Lai Siangtho kamciam
pawlkhat a simpih zel uh unau numei nih te ahi—Franciene kum 19 leh Delciene kum 16 te zong
kihel uh hi. Tua unaute a nulepate in kikhopna ah apai dinguh khaam den taleh amau pai teitei uh
hi. “ka pa in hih ka upna-uh sang nuam kei taleh koleko in tui kiphum dingin ka pai teitei uh hi” ciin a tui kiphum ni vua Reno’ video zaihna sungah Franciene in gen hi. “Ka pi in zan nitak in ka pa’
kiangah ka ki tuiphum dinguh na gen a, ka pa’n ‘a kiphum teitei uh leh sat ding’ ci hi. Ka innkuan
bup un ka santheih nailoh uh hangin kote kahih uh leh Jesu tawh ka kithuah nuam uh hi” ci uh hi.
Tua bangin unaute in a muhthak uh upna thu agengen uh ciangin Reno in a nungkaal sung deuh aa,
a lungkiat mahmahna teng hong phawk kik hi. “ ‘Mi khat zongin Lai Siangtho thumaan sang keimai in teh’ ka cih te khawng ka phawk kik hi” Reno in ci hi. “Ahih hangin Pasian in amaute’
lungtang sungah na, nasem mawk hi”.
Khuasung mite’ lunghihmawhna ahi, a khua uh ki phelkhap ding alauna uh pen hong daii hi.
“Wow, hih pen pawlpi tumdang khat hi lo maw!” khat in ci-a, adang khat in, “Note in nong khual
man un ka khua uh ki pumkhat zaw hi” ci hi. Democracia khua pen Reno te’ effort bawlna
munthumte’ lakah tua kum 2017 a dingin atawpna ahi hi. Reno pen 2016 kum sabat 13na misian
sumpi khenkhat tawh akihuh Amazon gam-a Tembaw tawh pasian thu gen a pai kawikawi pawlpi
thak ah Pastor sem ahi hi. Tu in Reno in kha manpha 286 tuiphum khin ta-a, 2017 kum sungin
pawlpi thum phut hi. Tembaw pawlpi kiphuh zawh kha 12 cin tawh kituak hi.
Tua tembaw pen—a sungah air-con kithuah in, sound system a kim in kithuah a, projector
zong om hi. Mi 150 tut theihna ding zong tutna om hi. Amazon gun dung teng ah zin kawikawi in
Pasian thu a tangko pawlpi ahih manin ‘Tembaw Pawlpi’ ci-in ki thei hi. Democracia khua ah bel
gundung buan lua in tembaw tungah kikhopna ki zanghtheilo ahih hangin tua tembaw pen mundang
khat ah effort bawl in na pai thei veve hi. Democracia ah a lungkiat mahmah khit uh ciangin
thupiangte, kum 32 tuak a pha Reno te nupa in a muh khit uh ciangin, ‘lungkiatna’ cih kammal in
amaute’ sungah mun ngah zo nawn lo hi.
“Tua nasem pen ko hi kei ung. Ka tun mapek un Pasian in a na kithawi kholhsak sa hi zaw
hi” Reno in ci hi. “Eite i lung hih mawhnading om lo hi. Ahangin Pasian in tua Amazon gamlak ah
TV leh a dang tuamtuam tawh nong puah kholsak khin zo hi.” “Pasian in na khempeuh na semkhol
in, eite in Ama kiangah a paipih vanzatte i hi lel hi” ci-in, misian nasem dingin Sitni nasepna pan a
khawl Natalia in genkhia hi. “i nisim nasepna ah hong lawhcingsak Topa tung ka lungdam
mahmah” ci hi. Nupate in a lungdamna uh leitungbup a, pawlpi mite’ kiangah hong pulaak uh hi.
Leitung bup pawlpi mite in 2016 kum a i sabat 13 na sumpi khenkhat tawh i leisak ‘tembaw
pawlpi’ hangin kha mangthang tampih a kingah ta ahihna hong pulaak uh hi.
“i Tembaw Pawlpi pen, a kimangngilh cip mi tampite gupkhiatna dingin Pasian’ ong honsak
lampi ahi hi” Reno in ci hi. Ahizongin hih mite Pasian in mangngilh het lo hi.” “Khua mite in Jesu
thu thei nuam in misiansiate hong pai ding ngak uh hi” Natalia in ci hi. “ ‘Hiah om ing, kei hong
sawl in’ aci ding mi, i Topa Jesu in deih hi”.
By Andrew McChesney