Ama’ Na Sepkhopna ah Lungnopna

Zomi Sabbath School Lesson 3rd Quarter 2020

Khangham Sabbath School

Laisiangtho Sinna

Pasian  Ading Lawmbawl:

Ama’  Na  Sepkhopna  Sungah Lungnopna

(Making  Friends  for God: The  Joy  of Sharing in His  Mission)

Mark Finley

July, August, September 2020

            A SUNG A OM THUTE

1. Banghang Teci Pang? (June 27-July 3)      …………………..

2. Adeihhuai Tecite: Mimal Teci-panna Vang (July 4-10)    …..

3. Zeisu’ Mit tawh Mite Mu (July 11-17)       …………………..

4. Thungetna’ Vang: Midangte Thuumsak (July 18-24)        …..

5. Kha Thahatsak –Teci panna (July 25-31)   …………………..

6. Ciangtanh Omlo A Piangtheite (August 1-7)         …………..

7. Tua Thu Hawmsawn (August 8-14)           …………………..

8. Zeisu Bangin Na Sem (August 15-21)       …………………..

9. Zawhnopna Lungsim Khangsak (August 22-28)    …………..

10. Kihel Theihna’ng Lampi Hoih (August 29-September 4)

11. Zeisu’ Tangthu Hawmsawn (September 5-11)     …………..

12. A Hopsawntaak Thupuak (September 12-18)      …………..

13. Upna Sungah Kalkhat (September 19-25)            …………..

AMA’ NA SEPKHOPNA SUNGAH LUNGNOPNA

Ngaihsutna neucik khat khawng in i nuntakzia nasia takin hong khelsak theih hun om hi. Kum tawmkhat lai in, biakna vai kimuhkhopna khatah lawmte tawh ka tukhawm hi. Pasian’ nasepna sungah teci pang a, upna hopsawn ding ka kikum uhhi. Lawmte khatin angaihsutna hong sung a, “Gupkhiat nasep pen Pasian’ nasep hi a, vantung khempeuh zang in leitung hong gum hi. Eite’n, mi mangthangte gupkhiat nasep i panpih ding hi” hong ci a, ka van zang pah hau hi. Leitung gupkhiat ding kei nasep hi lo a, Pasian’ nasep ahi hi. Kei lam panin, Pasian’ nasepnate ka panpih ding bekmah hilel  hi.

Gupkhiat nasep limlim Pasian a cihpen Laisiangtho in genmah hi. Thuhilhsia 3:11 ah, Solomon in “Pasian in, ei sungah mailam thu theihnopna hong guan hi” ci hi. Leitungah i piankhiat ciangin i mailam thu ding theihnopna Pasianin hong guan hi. Augustine in “Topa aw, Nangma adingin kapiang uh a, nangma sunglo peuhmah tawldamna ka mu zokei uh hi” ci hi. Lungdamna John in zong, “Leitungah a piang mi khempeuh khuavak apia Zeisu hi” (John 1:9) ci hi. Pasian in, amah i lunggulh theihna hong guat banah, ama’ lamah hong kaai ding Khasiangtho zong hong sawl lai hi.

READ  TANGTHU HONG PHAWKSAK: Zerubabel le Ezra

Gamtat hoihnopna, mawh kisikna cihte Khasiang- tho nasepna vive ahi hi. Hoihna, dikna le angkhual-lohnate pen, Khasiangtho hong tawhkuansak ahi hi. Bangmah i phawk kha hetkei ven, Khasiangtho in, Zeisu kiang lamah hong zolzol hi (John 16:7–15). Himah leh Zeisu mahin silpiak lianpen ahi hi.

Mihingte mawhna sungah lam-et bei in, tawntung sihna manawh i omlai in, Pasian itna in hong zolkik hi. Luka in, “A mangthangte zong ding gum dingin, Mihing Tapa hong pai hi” (Luke 19:10) ci hi. Sawltak Paul in zong “eite mawhna nei i hih laitakin, Khazih hong sihna tawh, Pasianin hong itna hong lakzo hi” (Rom. 5:8) ci hi. Ei hong hotkhiat nadingin Pasian kalsuan masa hi. Khazih in zong vantung vangliatnate nusia in leitung khuamial sungah  ei hong gum dingin hong tuaksuk hi. Naungek kalkhat beek i suanma in, Amah, kal golpi hong suan masa hi. I nuntakna i piakkhiatma in, A nuntakna hong pia masa a, hong hotkhiat na’ngin hong si phot hi. Ama’ galte i hih laitakin,  i lawm hong hi hi. Amah i nungngat laitak in hong maingat hi. I awlmawh kholloh laitakin, hong vei mahmah  hi.

Luka 15 sungah, a tuumang azong tuucing hoihpa, summang azongkhia nupi nu le, tapa taimang hong ciah ciangin adawn samsam Pateek cihte in hong lak hi. EGWhite in zong, “Leitung pianma in, hotkhiatna’ng ngiimna lianpi omkhinzo a, Khazih in zong, mihing a hotkhiat na’ngin amah guak kipeek keei hi lo hi. Leitung   a bawlma un, vantung thu kikupna om masa a, mihing in thumanlohna khat aneih khakleh, tua mawhna guu, Khazih in ka thuaksak ding hi ci in Pa tawh thukimna nei khinzo uh hi.”—The Advent Review and Sabbath Herald, November 15, 1898.

READ  Lesson 11: Upna Innkuante

Ngaihsunpha lecin, Pasian’ maipha i ngahzia leh tua mawhpuak a liatzia, Khazih’ hotkhiat nasep sungah i kihel manin i ngah ding tawntung nopnate e; Tu quarter buppi tua thute i sin ding hi.

Connecticut gamkee, USA ateeng, Mark Finley, Pasian nasem minthang mahmah hi a, 2005–2010 dong General Conference vice president sema, kumcing in a khawlkhit ciangin, General Conference President-huh sem leuleu in, Pastor Finley in azi Ernestine tawh ta thum nei uh a, tu nga nei uh hi.

2020 kum Quarter thumna Sabbath School Lesson Zolai in simt heih dingin donwload theih dingin hong koih khia ungh. 

Hih tak pan na la un. Lungdam.

Download (PDF, 513KB)

Download (PDF, 1.09MB)

Tags: ,

Admin

Admin

Top