Angola a, Hotkhiatna Nasep

March 23                                                                                                                                                Angola

Angola a, Hotkhiatna Nasep

          Agen: Paulo Pinto

Paulo, a nasep khawl in, Angola a, a ompihte’ tungah Pasian’ thu a vagen na in a nu nak hehsak mahmah hi. Paulo pen Adventist innkuan sungpan a khangkhia hi-a, kumpi sangah grade 1 le 2 sangnaupangte lai hilh ahi hi.  A sum ngahte pen kumpi university sangah a tuition fee ding, leh anu le a nau 10 te’ zatdingin hawm thiamthiam pahpah hi. A beisa kum 7 lai-in a pa in typhoid nattun natna tawh nusia ahih manin u pen dinmun le pa pen dinmun hong thuah ta hi.

A pilsin kum nihna kum in, Atlantic coast a, mi 130,000 bang a tenna, Benguela khuapi sungah typhoid nattun natna mah tawh zato va lum hi. Kha nih sung tak lumhi. Tua khua-a pawlpi mite in va veh zel in, thu ngetsak in, a zatui man dingteng zong va piaksak uh hi. “Zato pan cidam in ka tuah takciangin, ka nuntakna kheel ning” Paulo in ci hi.

2013 kum, zato panin a tuah ciangin a sangsia sep leh a University sangkahna panin khawl hi. “Tua mun tegel ah ka paikik nawnkei ding hi, ahangin ka nuntakna lui mah ah ka tunkik zel ding ka khalau hi” ci hi.

Paulo in ahih leh Zimbabwe a, Solusi University sangpi ah Theology sin nuam hi. Ahizongin tuition fee ding sum kisam banah – kumkik January kha ciangin sangkum kipan pan ding ahih manin tua dong a ngak phot kul hi. Tua ahihmanin, Paulo in kha sagih sung, thongsunga om mite’ kiangah Pasian’thu gen phot hi. Upadi lam tawh kisai zum a nasem meltheih te khat’ panpihna tawh thongsung te-ah Pasian’ thu genkhuan ngah in, tua khua-a pawlpi elder pa tawh va kithuah uh hi. Benguela a thonginn khat bekbek pan in mi 20 tui kiphum hi.

See also  THUKHUK NGAIHSUTNA SUNGAH NGAIHMUANNA OM KEI

Paulo’ nunzia thak pen a innkuanpihte in telzolo uh hi. Paulo in a innkuan vaak nadingin nasep nei nawnlo ahih manin, a mau’ ngaihsutna ah, a u pa un a paaidak hita hi, ci-in ngaihsun uh a, a nu nangawn in zongh, tua mahbangin ngaihsun hi. Annek man ding le laibu man ding sum kicing nei phamel lopi in Paulo zong, Solusi University ah January kha in va tung ta hi. A mah’n Portugal pau bek thei ahih manin Mangpau a sinphot kul lai hi.

Thu ngen iin, “Topa aw, Sang nong zawh sak a buaih nong ngahzawh sak leh hunbit in Nangma’ na kasem ding hi, Jesu Khris a kisam mite’ kiangah ka valak khia dinga, Solusi ah ka paina vai ka pulaak ding hi” ci hi. Sanghuang sung a tunciangin Pasian’ thu a sinding tampitak mu hi. Adventist innkuan sungpan a khangkhia ahih uh hangin, amau’ gamsung ah kum 27 sung tawntung nasiatak in tualgal omden ahih manin Pasian’ thu tamtheih lua lo uh hi. “Pasian’ thu le Lai Siangtho thu tawh kisai in bel, ka tam theih hetkei uh hi, Lai Siangtho tawh hoihtak in ka kizop pen Solusi ka tunciang hi pan bek hi,” ci hi.

Pasian in gamdang mite zong atuam vilvel aa, a itna thu zong theitel toto hi. “Khat veivei siate ko khansung ah hong vak in thu hong ngetsak uh hi. Khat veivei ka theih ngeiloh uh mite nangawn hong pai-in nektheih tuamtuam a mawkna in hong pia zel uh hi,” Paulo in ci hi. Siampi laibu 23:22 sunga Pasian hong hilhnate Solusi University in tangtung sak hi. “Note in na leitang panun an na lak uh ciangin, na lonawl dongun la loin, an na lak khit uh ciangin a sangte zong na khawm kei ding uh a, mizawngte le khualmi aadingin tuate na nusia ding uh hi; kei pen Topa na Pasian uh kahi hi, aci hi”.

See also  Huihpi Sungah Vantungmite

Solusi Lai Siangtho sangah semester masa a mankhit ciangin, Angola a, a sanggamte khat in a sangsap ding tavuan laksak hi. Tua pa a sih khit ciangin Angola a, a pawlpi mite khat in semester khat aitaang piaksak leuleu hi. Tu in ahih leh Angola a nupi khat, atupa Solusi pan-a buaih la khat, in sangsap teng tavuan lak sak leuleu hi.

Solusi ah Paulo in Angola mi sangnaupang te ahi: Zambia, Uganda, le Philippines pan aate tawh kizom hi. Buaih a lak khit uh ciangin Angola ah effort bawlkhawm dingin geelna nei uh hi. Amah’n zong amuhthak upna thute a innkuanpihte’ tungah hawmsawn nuam mahmah hi. Paulo in Adventist pawlpi mi 176,000 te tawh kisim khawm in, mi million 29 val a tenna ahi, amau’ gam Angola aadingin thungetna pulaak zel hi. “Mi khempeuh piangthak dingin zong i lamen ngamkei a, Matt 24:14 in a cih mah bangin, teci i pan ding hi” ci hi. “Tua ciangin mi khempeuh tungah teci ahi dingin Pasian hong ukna hangin a lungdamhuai thu, leitung khempeuhah kihilh ding hi. Tua khit ciangin beina hong tung ding hi.”

2015 kum kuata 4 na, Sabbath 13 na sumpi khenkhat tawh Solusi University sangpi a, Annekna hallpi ah tutna 1,000 a ta dingin ki khanto hi. Mission sumpi te nong piak manun lungdam mahmah hi.

&&&&&

Tags:

Admin

Admin

Top