BANGHANG TECI PANG?
LESSON 1 *June 27–July 3
BANGHANG TECI PANG?
SABBATH NITAKLAM June 27
TUKALSUNG SIMDING: James 5:19, 20; Luka 15:6; Zeph. 3:17; John 7:37,38; 1 Timothy 2:3, 4; 2 Corinth. 5:14, 15.
KAMNGAH: “Hih bang gamtatnate pen eite hong hon Pasian’ maiah ahoih akilawm thu ahi hi. Mi khempeuh in hotkhiatna ngahin thuman a theihkim ding Pasian in deih hi.” (1 Timothy 2:3, 4).
Pasianin, mi khempeuhin Ama’ itna thukin, Ama’ hehpihna sangin, Khasiangtho tawh kipuahpha in, Ama’ gam sungah gupngah ding hong deihsak hi. Eite hong hotkhiat nading sangin a lianzaw deihna dang neilo hi. Hong itna in ciangtanh omlo hi. Hong hehpihna zong kiteh theilo hi. Hong thuakzawhna mong neilo hi. Hong maisakna cimtheilo hi. A vang liatna in mong neilo hi. Leitung pasian maimaite in thoih ding vive hong nget kawmkal ah, ei Pasian in hong thoihzaw hi. Eimah’n hotkhiatna deihkei phialmah leng zong, Amah’n hong honkhia nuam zaw kaanlai hi. “Hih bang gamtatnate pen eite hong hon Pasian’ maiah ahoih akilawm thu ahi hi. Mi khempeuh in hotkhiatna ngahin thuman a theihkim ding Pasian in deih hi.” (1 Timothy 2:3, 4). Pasian lungsim sungah nang le kei hotkhiat ding bekbek lunggulhpi in nei hi.
Teci pan dingin Zeisu’ thu bek ahi hi. Hong hotkhiatna’ng a septe, i nuntakna hong khelsakzia, Ama thuman thutak in Ama hoihna hong lakkhiatnate ahi hi. Banghangin teci pang sese ding? Hong hehpihna le hong itna i tel taktak ciangin, kigamdai theilo hi. Bang hangin teci pang ding? Amah tawh na i sepkhop ciangin, hong hehpihna le hong itna in mite a hotkhiatna le a puahphatna sungah lungnopna i ngah hi.
SUNDAY June 28
HOTKHIATNA’NG LAMPI HONG
Mun khempeuh pan mihingte’n, Amah a theihna dingin Pasian in lampi honsak hi. Amau lungsim sungah Khasiangtho nasemsak hi. Piansaksate sungah Ama’ hoihna hong lak hi. A zai mahmah, a guicing mahmah vanpi in, Pasian’ pilna le a vangliatna ciangtanh omlohlam hong hilh hi. I nuntak sungin Ama lamah hong kaih theih ndingin lampi zong hi.
Amah a Khasiangtho tungtawnin hong kipulak den himahleh, Ama’ minthanna, hong don hong kepna le hong itna pen, Zeisu nuntakzia le a nasepna sungah kicianpen hi. Midangte tungah Zeisu i hopsawn ciangin, amau ading hotkhiatna lampi a vaihawmsak i hihi.
Luke 19:10 le James 5:19, 20 simkaak in. Khazih leitungah hongp ailai a ngiimna bulpi, Luka in bang hi ci hiam? Amangthangte hotkhiat nasepna ah koibang in Khazih tawh pangkhawm thei ding i hi hiam?
________________________________________________________
James in, “a khial mite lam manah a tunpihkik mipa in a khial mite asih nading panin, honkhia hi” (James 5:20) ci hi. Rom laibu in tua thu zaizawsem saklai hi. Rome 1 le 2 sungah, piansaknate sung pan Pasian thu pulakna a ngah Gentile mite le Laisiangtho hangin Pasian thu pulakna a ngah Jew mite in, Zeisu lo in mangthang khawm dinguh ci hi. Rome 3-5 sungah, nungzuite in, hehpihna hangin upna tungtawnin hotkhiatna hong pai hi ci uh hi. Roman 6-8 sungah zong, thu-um mite hong diksak hehpihna mahin, hong siangthosak hi ci hi. Roman 10 ah, “Topa tungah huhna a ngen khempeuh in hotkhiatna a ngah ding uh hi” (Rom. 10:13) a cihteh, a umlo te’n samlo, a zalo te’n umlo, a gen a omkei leh za theilo cizom hi. Pasian’ hotkhiatna nasep sungah, lungdamthu in mite a batzawh nadingin eite in kizopna (link) i hihi.
Mite’n hotkhiatna a ngahtheih nadingun lamhilh bek i hi kei hi. Amau adingin lampi hoihpen mah a zonpihte i hi hi. Hotkhiat nasep sungah, Pasianin eite bang munah hong pangsak nuam hiam? Nang’ muuk panin, hotkhiatna thu mi bangzah in zakhin hiam?
MONDAY June 29
ZEISU LUNGDAMSAKNA
Mi khatpeuh in, “Tuni bang naci hiam? Na senpyi hiam” ci in hong dong ngei hiam? Pasian kiangah, “Pasian aw, Tuni Na senpyi hiam?” Ci-in dongkha lecin, hong bangci dawn in na-um hiam? “Tuni bel lungkhamlua mai ing. Ka khitui tam luang lua. Refugee camp ah mi tampi khuadam, gilkial, naupangkap mu ing. Khuapi lianpente’ lampi tungah inn neilo, lam-etbei mi tampi mu ing. Numei naupang khawng gualnop na’ng peuhin kizuak kamuh teh, ka lungsim na lua. Gal kisimnate, khuahun sia tawh gimna sihna tungte dahhuai theilua hi” cihpeuh tawh hong dawngin na-um hiam? “Pasian aw, Nang hong lungdamsak a omhiam? Hong lungnuamsak khatpeuh a omkha hiam? La hong sasak khatpeuh a omkha hiam” ci in dong lecin e.
Luke 15:6, 7, 9, 10 le 22–24, 32 simin. Hih tangthu koici tawp a, Pasian’ thu hong koici gen hiam?
_______________________________________________________________________________________________________________
A mangthangte kimuhkikna ah vantungbup lungdam uh hi. Natna, gimna le sihna leitungah hotkhiatna “lungdamthu” puakkhia leng Pasian lungdam hi. Khazih hong itna hopsawnna in Pasian lungnopna ngahsak hi. Ama hong itna i pulak simin vantung in lasa hi.
Zephaniah 3:17 simin. Hong hehpihna i saan ciangin hong bangci dawn hiam?
Nang teci panna tawh, mi pawlkhat in Zeisu, amau aituam Honpa in asaan uh ciangin, Zeisu lungdam mahmah hi. Vantung buppi in nasia takin lasa uh a, tua lasakna hangin Honpa zong lungdam mahmah hi. Dahna leitung ah, nang tecipanna hangin Pasian lungdam ahihleh, tua sangin a lianzaw bang pahtawina omlai ding hiam?
TUESDAY June 30
PIAKKHIATNA TAWH KHANTOHNA
`Si Tuipi in tuipi khempeuh maitang nuaiah pi 1,388 niamzaw in om-a, tuipi niampen a hihi. Galilee tuipi panin Jordan gun hong kipan a, Jordan gamkuam kantan in Si Tuipi sungah lutsuk hi. Sat le keu kithuah khuahun, ni lah sa mahmah ahihmanin atuite tuikhu in lengkhia mengmeng hi. Si Tuipi sungah ci-al 37.7% ahih manin, nuntak ding haksa hi. Ngasa omlo in, singno polo a; tuipitaw ah lungno tawmtawm bek om hi.
Ei Christian nuntakna sungah, Pasian hehpihna hong luangsuk pen, midangte kiangah a luankhiat kik kei leh, a luangkhia theilo nuntakna neilo, Si Tuipi bang i hi ding hi. Ei Christiante nuntakzia ding tua bang hilo hi.
John 7:37, 38 le Luke 6:38 simin. Si Tuipi tawh kitehkakna in, thu-um mite’n, Khazih kiang pan nuntakna tui asaan uh ciangin, bangcih zel uh hiam?
“Pasian in hotkhiat nasepna ah, ei huhlohsa in tangtun theilel hi; himahleh, Khazih sungah eite nuntakzia a khantoh theih nadingin, i seppih ding deih hi. Ama’ nopsakna sung i luttheih na’ngin, Ama’ kipiakna tawh a kigumkhia kha-te mu in, ama’ hotkhiat nasepna sungah i kihel ding hi” —Ellen G. White, The Desire of Ages, p. 142.
“Agualzo mi a hidingte in amau pumpi deihna nusia in; midangte hotkhiat nasepna sungah lunglut takin nasem ding uh hi”—EGWhite, Fundamentals of Christian Education, p. 207.
Eimau tungah Khazih hong sepsaksate hopsawnna tawh khangto ding hihang. Khazih sungah hong kipia khempeuh i ngaihsut ciangin, eima’ ginatlohna tawh huaihamna bekin, i saansate hopsawn ding hong khaktan thei ding hiam? I saansa upna hawmsawn kik kei leng, i Kha nuntakna in a taangtheilo Situipi bang ahi ding hi.
Mite tungah teci panna, mite tawh thunget khopna le mite kisap munah huhna hangin bang peuh na phukha hiam? Tuate in na-upna koici huzaap a, Topa tawh hong tonkhawm sakthei naci hiam?
WEDNESDAY July 1
KHAZIH’ THUPIAKTE TUNGAH CIHTAKNA
Khazih tungah cihtakna in ama’ deihbang sem dinga kipiakna hi. Hong thupiakte zong man ding deih hi. Mangthangte hotkhiat nasepna ah amah tawh lung kituaksak hi. Khazih in thupi asakzawkte mah thupi sakzaw pahhi.
Timothy 2:3, 4 leh 2 Peter 3:9 simin. Hih munte in Pasian’ lungsim koibang hi ci hiam? Pasian in bang thupisak hiam?
________________________________________________________
Pasian in mi gupkhiat nasep veilua hi. Tua sanga thupizaw omsaklo hi. “Mi vekpi gupkhiat ahih banah thuman thutak hong theisak nuam hi” (1 Tim. 2:4). “Mi khatpeuh kisia lo in, kisikkik ding deih hi” (2 Pet. 3:9). The SDA Bible Commentaryin zong hih thu tawh kisai in, “deih” cihna ahi, Greek kammal boulomai zang a, “lunggulhna, lunglutna” cihte ahi hi. Commentary in ahihhang cih kammal neucikkhat thupisak hi. Tua pen Greek pau in “alla” ahi hi. “ Pasian’ deihna taktak pen mi khempeuh hotkhiat ngah ding hi napi, telkhialhna tawh pawlkhat kisiat hang phamawh salo cih a umte ading akizang ahi hi”—The SDA Bible Commentary, vol. 7, p. 615. Khazih in hong itna, hehpihna le thuman teci pang ding hong sapna pen mi khempeuh hotkhiat ding a deihluat man ahi hi.
Sawltak 13:47 le Isaiah 49:6 simkak in. Hih thu kua tungah a piak hiam? Paul in koici zat hiam?
Laisiangtholui genkholhna khatin khiatna khatsang tamzaw nei thei zel hi. Paul in, Israel acihnopna hi masa napi Messiah cihnopna zong hi a, Laisiangthothak pawlpi acihnopna thu gen hi (Isa. 41:8; 49:6, le Luka 2:32). Khazih hong thupiakte pawlpi in i neuseh khakleh, leitungah pawlpi hong koihna a deihna mansuah in, hong sapna a thu a-tello i hihi.
Pawlpi khat peuhpeuh in, ama’ sung thu bekmah bulphuh ngeungau in, ama omna ahang phawkkei leh bang lauhuai hiam?
THURSDAY July 2
ITNA HANGIN LAWP
Tu kal sung teng “banghang teci pang” cih dotna i dawng thapai hi. I upna i hopsawn ciangin, Pasian nasepna sungah nopsakna i thalawh hi. Eite’ teci panna in, mite in Pasian’ hehpihna le thuman thutak theisak a, hotkhiat a ngah na’ng uh lampi honsak hi. Tua teci panna mahin, Khalam i khantoh na’ngin Pasian khutzat khat hi leuleu hi. Khazih in eite ading hong sepsaksate hopsawn zawhlohna in, i Kha nuntakna hong gawlmeeksak hi. Teci panna in, mihing khempeuh ahonkhia nuampa lungtang tawh hong kisukhasak hi. Tua in a thupiakte manna ahi hi. Tuni in, teci pantheih nading lawptheihna lianpen i sin ding hi.
2 Corinth 5:14, 15, 18–20 simin. Paul in, lungdamnathu hangin, zia-etna, bawlsiatna le haksatna tuamtuam thuakzo dingin bangin lawpsak hiam? Tua lawpna mahin, Khazih a ding i nasepna hong lawpsak theiding hiam?
Paul pen itna in lawpsak hi. Thudang hang peuhmah hi lo, itna bektawh na bawl na tampi om ding hi. Sawltakpa in, “Khazih hong itna in hong zothawh hi” a cihteh, thuman thutak ahi hi. Zothawh cihciang, “hanthawn, sawlgawp, lawpsakgawp” cihna ahi hi. Khazih’ itna in, Paul’ nuntakna makaih in, a teci panna lawpsak hi. Lau vetlo le lunglut takin, leisung tuipi kiim tengah hotkhiatna tangko hi.
“Lungsim sungah itna om ding hi. Christian diktak khat in, ama’ nuntakzia limlim, a Topa’ itna lungsim sung pan a ngahkhiat ahi hi. Khazih a itna zungte tungtawnin a sanggamte veina hong luangkhia ding hi”—Ellen G. White, The Adventist Home, p. 425.
Ei ading Khazih hong kipiakna i tel taktak ciangin, a itna in hong tuamcipta a, ama hong sepsaksate midang hopsawn nopna lungsim hong pumneihsak hi.
Vannuai leitung na khempeuh a piangsakpa in, singlamteh tungah eite adingin hong si hi. Tua thu in, Pasian i it-thukna le tua itna hopsawn nopna lungsim banghangin piangsak zolo ding hiam?
FRIDAY July 3
Ngaihsut Behding: EGWhite gelh, The Acts of the Apostles sung pan laimai 9-16 “God’s Purpose for His Church,” le The Desire of Ages laimai. 822–828 simin. Laisiangthothak pawlpi in, ama’ omna a hangthu tel zolo hi.
EGWhite in, a lauhuai hih thu tawh kisai in: “Jerusalem pawlpi tunga piang bawlsiatna in lungdamthu tangkona khantoh na’ng thapia mahmah hi. Tua lai ah lungdamthu in gualzo mahmah ahih manin, Topa’n leitung khempeuh vak kawkawi ding hong vaikhakna mangngilhin, nungzuite’n zong sawt a taamluat khak uhleh lauhuaina omzaw phial hi. Atung a thapiakna mangngilh theihna’ngin, pawlpi in galnangin om thapai ahihmanun, tua Jerusalem pawlpi galdalna sangin a thupizaw thudang om nawnlo zahin hong ngaihsun uhhi. Thu-um thakte in, mun dang thu-um nailote kiangah teci pandan ding ahilh sangsikun, a omsa pawlpilui kepcinna tawh alungkimziau khak ding uh lauhuai hi.”—The Acts of the Apostles, p. 105.
KIKUPDING DOTNATE:
- Atunga Ellen G. White kammalte simpha inla, laigual nununglam simpha diakin. Tua lauhuaina eite’n zong banghangin kidophuai hiam? Pasian nasepna tona lianpi a-om kawmkal in, tua bang ngaihsutna in, banghangin khial mahmah hiam?
- Lungdamna Thubu khempeuh a thukhupna kibang na ci thei ding hiam? Mate 28:18–20; Maku 16:15, 16; Luka 24:46–49; le John 20:21 simin. Kum zalom masa thu-um mite koici bang hi a, tulai eite koici bang hihtuak i hi hiam?
- Teci panna le nasepna in Khalam cihtakna hong hepsakthei ding hiam? Ahih zenzen leh tua thaangpan koici kidaal ding hiam?
- Tuesday sinna ah dotna nunungpen kikumkik unla, teci panna leh nasepna in Khalam khantohna huzaap theih cih thu lungngai dih un. Tua sinna pan mi na huh theih na’ng bang na mu hiam?
- Pasian in mikim hong it gai cihthu ngaihsun in. Bang acihnopna ahi diam? Vannuai leitungah a thupipen hih thu in, nang nuntakzia koi bangin huzapthei ding hiam?