Banghangin Mawhna Om Kiphal Hiam? (part 1)

Zo Phualva Thupuak Volume 08, Issue 08
Banghangin Mawhna Om Kiphal Hiam? (part 1)

Pasian in ki-itna hi. 1 John 4:16. A pianzia, a thukhaamte in a beisa hunah ki-itna vive ahih bangin hong pai lai ding hunte ah zongh hi den ding hi. “Saangpenpa omna in a tawntungin kipa, kikheel ngeilo hi.” Ama sungah kilamdanna om lo-in, kikheelna meel zongh om ngiat lo hi.” Isai 57:15; Habk. 3:6; James 1:17.
Pasian bawlsa na khempeuhte in a bawlpa itna lak hi. Mihing khempeuhte tungah Pasian vaangliatna leh ukzawhna omin, tua in mihingte adingin thupha ahi hi. Laphuakpa in hih bangin na phuak hi. “Na khut in thahat a, Na taklam khut in saang hi. Thumaanna leh thukhenna in Na Tokhom kiphuhna hi a:Na mai ah hehpihna leh Thutak pai hi. Nopsakna awging a neite mi nuamsa a hi uh hi. Amaute in, Topa aw, Na mai ah pai uh hi. Na min hangin nisimin lungnuam uh a: Na thumaanna sungah pahtawi-in a om uh hi. Nangmah in amaute thahaatna bulpi na hi a: Siangpen Pa in eite kumpipa ahi hi” (Ps. 89: 13-18).
Sia leh pha kikala buaina pen vantung pan a kipan mawhnateng kihaaltum dong, a kikheel ngeilo Pasian itna tellahkhiatna ahi hi.
Ukpipa in vanpi leipi a bawl laitakin Amah bek hi lo hi. A bawlsa mihingte tawh a lungnopna, A ngimnate a geenpih dingin naseppih, kikholhpih khat nei hi. “A kipat ciilin Thu a om hi. Thu in Pasian tawh a om khawm hi. Thu in Pasian ahi hi. Thu in Pasian tawh a om khawm hi. Thu in Pasian ahi hi. Thu in a kipat ciil a kipanin Pasian tawh a om khawm hi.” 1 John 1:1,2. Khrist, Thu in, Pasian Tapa neihsun hi a, Pa tawh pumkhat ahih banah, pianzia, gamtatna leh ngimna te ah pumkhat ahi a, Amah bek mah Pasian tawh thu kikumthei leh ngimnate geenkhia thei dingin a om hi. “A min in, Lamdang, Thupiapa, A haat Pasian, Tawntung Pa, Kilemna Kumpi,” ahi hi. Isai 9:6. Ama paina in taanglai a kipan hi a, bei ngei lo hi.” Micah 5:2. Pasian Tapa in amah leh amah a kigeenna ah: “A kipat ciil a kipanin Topa in kei hong nei a, A nasepte a kipat ma pekin: A tawntungin ka om hi…. Hih sim leitung a phuh ding lai-in, Amah tawh khangkhia khawm bangin, a geiah ka om a, Amah in keimah hong paakta in, Keimah in Ama mai ah a tawntungin ka nuamsa hi.” Prov. 8:22-30.
Pa in Tapa tung tawnin van a om nuntaakna nei khempeuh a piang sak hi. “Amah tawh na khempeuh kibawla,….. kumpi tokhomte, ukzawhnate, dawite, haaatnate hi ta leh, na khempeuh Amah tung tawnin kibawla, Ama ading ahi hi.” Col. 1:16. Vantungmite in Pasian naseem sawltaakte a hi uh a, Pasian deihna bang seemkhia dingin Pa khawvaak tawh kiktuam uh a, amanlang mahmah khate a nei uh hi. Ahih hangin Pasian Tapa, Pasian sathaunilh, “Pasian meel kilangsakpa,” in “A vaanglianpi tawh,” “Hih na khempeuhte uk a,” ukzawhna vaangliatna a nei hi. Heb. 1:3. A vaanglian kumpi tokhom in a kipatciil a kipanin Amah biakinn mun hi a, (Jer.17:12) thumaan ciangkhutin Amah gam ukna kumpi ciangkhut ahi hi. Heb. 1:8. Minthanna leh Thupinate Ama aa hi a, A biakinn sungah hoihna leh haatnate a om hi.” Ps. 96:6. Hehpihna leh Thumaanna in Amai ah pai hi. Ps. 89:14.
Ki-itna thukhaam in Pasian kumpigam, kiphuhna bulpi hi a, A kumpigam sunga mite nopsakna in tua ki-itna thukham tawh kituak siangtho nuntaakna a neihna ahi hi. Pasian in a bawlsa nuntaakna nei peuhmah in Amah pen itna tawh a biak ding uh deih hi. Aana tawh thumanna cih bang, kisawl tentan ahih manna thumanna cih bang deih lo hi. Mi khempeuh tungah deih bang teel theihna hunpha pia hi. Tua hi leh mitte’n amau deih thu tawh Pasian min phat thei zaw ding uh hi.
Ki-itna sunga a om lai siah kilemna leh kithuhualna om hi. Vantungmite nopsak pen in Piangsakpa ngimna bang taangtun nadinga sepna ahi hi. Pasian vaang kilat sak leh Amah phatna lasakte nuam a sa uh hi. Pasian itna a thupi penin a neih manun kisak theihna leh angsung khualna om lo hi. Vantung mun khempeuhah kilem lo hi cih lahkhiat theih nading om peuhmah lo hi. Ahih hangin, hih nopsakna dinmun pen hong kilamdang hi. Pasian bawlsate lakpana khat hong thutangpeek se hi. Tua pa in Khrist khita lian penpa hi a, amah tung panin mawhna hong kipan khia hi. Amah pen bawlsa nuntaakna nei khempeuhte lakpanin siamna a saang pen leh vaangliatna thupi pen tawh a kituam ahi hi.
Amah in Lucifer, “Zingsang tapa,” a siangtho a niin baanglo, Cherub masa pen ahi hi. Pasian maiah dingin, a bei ngeilo Pasian vaangtaang in ama tungah om ngei hi. Tua ahih manin Topa in: “Nang in na khempeuh kicinna na hi a, pilna tawh kidimin, melhoihna tawh na kidim hi. Pasian huan ahi Eden huan sungah na om ngei a, suangmanpha namkimte na kizepna ahi hi…. Sathau kinilh cherub na hi a, Pasian mual siangtho tungah kong koih hi. Meikaang tawh kibang suangte lakah na vaak kawikawi hi. Hong kipiansak ni a kipan na sungah mawhna a kimuh dong geen bang lo-in na om hi.” Eze. 28:12-15.

Rheumatoid Arthritis (Guh/Taang Natna)
Hihnatna pen khut guh saibawk in auto-immune natna hang hi. I pumpi galdo te (immune system) in eima pumpi leh pumpi leh do na in auto-immune natna hi. Hih autoimmune natna pen dahna, lungneuna, khasiatna, lungsim sung ah kisuangtaak den leh lungnop loh na hang a kingah natna hi. Auto-immune natna pen gen:WBC (si kang) te in i zel(pancreas) a do leh zunkhum kingah, i vun a do leh cithak(eczema) kingah, i guh kipeh na do leh guh leh taang natna (rheumatoid arthritis) ki-ngah hi. Bangci dam theih ding?

1. Lungnop ding. Mikang te paunak ah “laughing is the best medicine” nuihna in cidamna hoih pen hi ci hi. Mawknuih na hilo lungsim takpi tawh nuam a nuih leh maitai na.
2. Omega 3 (sathau hoih) tam an te ne ding. Chia seed, flax seed, ngapi thau leh nuts lamsang nekna in tampi damsak hi.
3. Nightshade nam cih ante in zong pumpi kang’ or sasak(inflammation) piang sak hi. Tua te in : alu, mehthuk, manta,tobacco, goji, tomatillo, zesan, zesan pumgol cih te nek loh ding hoih. Hih te lak ah nanek ciang in na kilem loh pih penpen na theih leh nekloh pah ding hi.
4. Pawl khatte gluton tam an nekna in cithak piangsak thei hi gen.:mangbuh,be ik sauce cih te hi.
   Lungdam.

NEWSTART tawh na kibawl leh natna namkim in nang hg zolo ding hi.
N.- nutrition, aharah an om te ne ding.
E-Exercise,sisan pai dan hoih sak hi.
W-water, tui tampi dawng ding hi.
S- sunlight. Nitang hoihtak ngah ding hi.
T- temperance, kidek kidam ding.
A- Air huih siangtho dik ding.
R- Rest tawlnga ding. Ihmut nai 8 sung hi ding a, 9pm pan ihmu leng hoih pen hi.
T- Trust in the Lord. Topa muang den ding. Pasian muan na in na khempeuh zo hi. Amen.

Cabbage (gawbi lum)
Gawbi lum pen meimaa tuamtuam dam sakna ding a hoihmahmah khat hi. Aki sin(study) khiatna ah gawbi sialtui (raw juice) gallon khat ie (¼ ) pen gilpi, gilzang meimaa natna nei mi 55 te kipia in tua teng in damna ngahuh hi. Hih gawbi tui in ngoi/gilzang cancer zong dal hi. Bek thamlo in natna lungno mit amuhzaw te leh muhzawloh te zong susia/that zawhna tha nei hi. Gawbi pen bang natna tengahhoih hiam cih leh

1. Gout
2. Awmciak/bing(asthma)
3. TB natna
4. Cancer
5. Zunkhum/sikhum(diabetes)
6. Kal leh zunbu(kidney&bladder) natna
7. Thauluatna(obesity)
8. Vun puahkhapna(skin eruption)
9. Guhnatna (rheumatism)
10. Meimaa nai (pyorrhea) cihte a ding in hoih hi.

Gawbi tui sungah vitamin C pa ahihma in ih sisan zong siangsak hi. Gawbi a nelo te in a nene-te sang in ngoi/gilzang cancer ngah na ding a zah 3 in baih zaw hi. Gawbi pen a sunga enzymes te ii ngah kim theihna ding in a sial a nek hoih penpen hi. Hih gawbi in sungpai zong man sak aa ahi zong in mipawl khat te in gawbi a sial in ne theilo thei uh hi.
Gawbi a hawng tungnung-lamte in-ah a sunglamte sang in 40% bang calcium hauzaw uh hi. Gawbi sialtui(raw juice) sungah vitamin U paa/om ahih man-in gilpi, gilzang neu meimaa aihkei leh bawk cihte ading in hoih mahmah hi. Hih gawbi sung ah calcium, phosphorus, iron, vitamin A, cobalt, inositol, choline, pyridoxine, leh vitamin K te om hi.
Gawbi in ih sisan sung a ahoihlo nate susia/hemkhia in bek thamlo in vun buaipihna(skin problems) tuamtuam te ading in nek/dawn aih kei leh nuh ding in hoih mahmah hi.

Dotnop leh Theih beh nop a om leh Contact page ah hong hawh in lai hong gelh in. Lungdam leh kipaaktak in kong muak uh hi.