4. Bawngkuang Sungah Suak

Luke 2:1-20

43Minthanna kumpipa khakum liangin kiniamkhiat takin mihing’pianlim hong la hi. Tualhainate leh kikhoh kikhamnate pen, Ama’ leitung nuntakna a umcihte ahi hi. Etlawmna aneih loh nadingin Ama’ apuatham pianlimte’ vangte kituam hi. Topa in apualam vangliatna khempeuh suahkhia hi. Hauhnate, leitung kipahtawinate leh mihing liatnate in, mawhna panin kha gumkhia thei ngeilo hi. Zeisu ii ngiimna pen etlawmnate aomlo leitung pianzia in Ama’ kiangah mite asap theih nading ahi hi. Vangtung thumaan ii hoihna bek tawh Amah azui ding mite kai teek ding hi. Messiah ii gamtatnunziate genkholhna sungah kigenkhol khin hi. Ama’ deih pen mite in Pasian kammal a teci panna panun Amah akisan ding ahi hi.

Vantungmite in, apaalun tatkhiatna kigeelna lamdang sa mahmah uh hi. Mihing pianlim puantual tawh akituam Pasian’ Tapa, Pasian’ mite in abangci san tam cih amaute in munuamin vil uh hi. Vantungmite akiteeltuam minamte’ leitang ah hong hawh uh hi. Minamdangte in tangthu huutpite pomin, Pasian maanlote bia uh hi. Pasian’ minthanna aki lahna leitung leh genkholhna khuavak ataanna gamah vantungmite hong pai uh hi. Amaute in meelseelin Jerusalem khua ah Lai Siangtho akankhia dinga aki sehte kiangah leh Pasian’ innsunga nasemte kiangah hong hawh uh hi. 44Biakna tau mai a, nasem, siampi Zekhariah kiang ah Khazih ii hong pai nading anaina kitaangko khin hi. Hong madawkpa hong suak khina, ama vaipuak- nasepnaa maanna nalamdangte leh genkholhnate tawh lak hi. Ama’ suah lungdamna thu leh alamdang atuampiandiak ama vaipuak-nasepte apualam ah kithehthaang khin hi napi, Jerusalem in bel amau Tankhia Pa asaangdingin kiging nailo hi.

Asiangtho thumaan khuavak leitungah a thehthaang dinga, Pasian in a sap minamte in, tuathu alunglut meelloh vangtungmite in lamdangsa-in en uh hi. Khazih in Abraham leh David suanlehkhak khang sung pan in asuah ding teci khatin, Judah minamte kikemin kicing hi taleh, amaute in Ama’ hong pai ding anai mahmah lam theikhalo uh hi. Biakinnpisunga nisima zing leh nitak biakpiaknate in, Pasian’ tuuno kawka, hihmun nangawn in Amah a sang dingin kiginglo hi. A gam sunga siampite leh siate in, khang tawntunga anasia pen thu hong pian dektaklam theikha lo uh hi. Amaute in akhiatna omlo thungetnate nei phapha uhin, mitampi muh theih ding biakpiaknate bawlin, hauh nading leh leitung minthannadingte aneih nading uh hanciam tawpin hanciam uh ahihmanin, Messiah hong kilat ding na kiging kha lo uh hi. Hihbang mahin, Israel gamah zong hihthu akinlohna kizeel mang hi. Angsung lungsimte leh leitung alunggulh lungtangte in vantung khempeuh alingsak lungdam- kipakna thuak kha lo uh hi. Mitawmno khat bek in, Muhlohpa (Topa) adawn dingin na lunggulh uh hi. Hih mite kiangah vantung palai-nasemte kisawl hi.

A khua uh Nazareth pan David khuapi ah akhual zin lai un, Joseph leh Mary te vantungmite in vilin kem uh hi. A zai mahmah Rom kumpigam ukna nuai, Galilee mualtung gama ateengte’ kiang dong nangawnin mi kisim nading thupiak Rom kumpi in thupia hi. Taanglai-in, galmat a aom Pasian’ mite suahtaksak nading thu apiading Sairas kumpipa leitunggam khempeuh a uk kumpitokhom tungah akitutsak mahbangin, Pasian’ ngiimna atangtun nading ahi, Zeisu ii nu Bethlehem khua ah a kipuak theihnadingin kumpi mang Caesar Augustus palai khatin kizangh hi. Mary pen David khanggui pan hi a, David Tapa pen David khuapi ah asuak ding ahi hi. Kamsangpa in hihbangin na ci hi. “Bethlehem khua panin, Israel a uk ding khat ka piangsak ding hi. Ama’ gui in, ni danglai tangtaung pek tawh kizom hi” Micah 5:2 (aki laklaak). Kumpi namte ateenna Bethlehem khua ah bel Joseph leh Mary na ki thupisim loin pahtawina zong na ngahlo uh hi. Tawl mahmah uhin atawlngak nading, innno khat nangawn mulo uh hi. Kong kawcik Bethlehem lampi dung khempeuh, lutna kongpi pan nisuahna lam among dongin pai-in, zan cianga agiah nading mun azon uh hangin muloin cimawh uh hi. Zinbuuk ansai te nangawn mi dim khinin, amau aa ding mun om thei mahmah lo hi. Atawpna ah , ganhing khawl’ pak nading a, aki lampak inn khat mu uh a, tuatak ah tawlnga uhin, Leitung Honkhiapa nau hong suak hi.

47Topa’ hong suah lam mite in atheih loh hangin, tua thuthaang in vantung khempeuh lungdamna tawh kidim sak hi. Khuavak leitung pan asiangtho vantungmite in, thu thuuk mahmah leh thudam mahmahna tawh hih leitung lunglut takin hong neh uh hi. Leitung bup pen Topa’ Hong-ompihna hangin hong taang zaw hi. Bethlehem khua mualtungte ah akisim zolo vantungmite khawlom uhhi. Amaute in lungdamna thu leitung ah agen dingin, Pasian’ limlahna bek ngak uh hi. Topa’ piak lungdamna thute ah Israel makaite pen, thutak uh hileh Zeisu’ hong suahna madawk ii lungdamna aleep dingte uh ahi hi. Tu’n bel, amaute lungdam khalo uhin, kipaisan ta hi. Pasian in hihbangin na tangko hi. “adangtak leitungah tui ka sung dinga, leikeu tungah tui ka luang sak ding hi” “Lungsim thutangte’ aa dingin khualmial sung panin khuavak hong taangkhia hi” Isaiah 44:3; Late 112:4. Khuavak azongmite tungah leh lungdamna tawh khuavak asangmite tung ah Pasian kumpitokhom panin atee liang khuavak hong taang ding hi.

Tangvalno David ii atuu cinna gankhawk ah tuucingte in zanin tuu cing lai uh hi. Zan khua adaihsip ciangin, amaute in akikamciam Honpa’ thu kikum khawm uhin, David kumpitokhom tungah tua hong pai ding kumpipa atu dingin thungen uh hi. “En un, Topa’ vantungmite amaute’ kiang ah hong pai-in, Topa’ minthanna amaute’ kiimah hong taangin amaute sihlau uh hi. Vantungmi in amaute kiangah, lau kei un, mi khempeuh aa dingin, anasia lungdamna thupha kong puak hi. Note aa dingin, tuni-in, David khuapi ah Honpa khat hong suaka, amah Khazih Topa ahi hi,” ci hi.

Hih kammalte angai, tuucingte’ sin sungah minthanna tawh akidim thusuak te kidim hi. Honpa Israelte’ kiangah hong pai khin hi. Vangliatna, pahtawina, guahzawhnate tawh Amah kipawlin hong pai hi. Honpa pen zawnna leh kiniamkhiatna tawh hong pai’, asan theih nadingun vantungmi in, mite ‘ lungsim na kiging sak teek ding hi. “Hihpen note’ aa dingin lim hi dinga,” “Naupang pen naudap tawh akituun, bawng annekna kuang sunga kisial, note in na mu ding uh hi.”

Vantungmite in tuucingte’ launa daisakin, Zeisu bangci muhding cih amaute gen hi. Mihingte’ thannemna theihsiamin, amaute Pasian’ vangtaang tawh aki thuhual’ theihnadingun vantungmite in amaute hun pia hi. Tu’n lungdam kipakna leh minthanna seelkcip theih om nawn lo hi. 48Zaangkuam khempeuh Pasian’ vantungmite, atee liang vangtaang tawh kidim hi. Leitung dai khipkhepin, vantung pen tua la ngai dingin hong kuunsuka, “Van a sang belna ah Pasian’ minthang tahen, leitung a deih mite tung ah nopna om ta hen,” ci uh hi.

Tuni dongin leitung innkuante in tua la ngaih theilai zen ve! Tuani-a taangkokhiatna a kineite leh ciaptehna aki khente in, hehpihna kong kikhak ding ngaihsak semsemin, leitung hunbei ciangin hong thawn kik ding hi. Ama’ damna kha’te tawh Diktanna Ni hong suah ciangin, tua la, mihonpi te in, tui pi ging bangin thawn kikin sa ding uh hi. “Halleluijah! Vanglian tawntung Topa Pasian amang hi,” ci ding uh hi. Mangmuhna 19:6.

Vangtungmite athenmang ciangin, khuavak hong liapin, zan khualiappi in, Bethlehem mualtungte khatvei hong tuam kik leuleu hi. Mihingte’ mit tawh akimu ngei ataang penpen lim (picture) pen tuucingte’ lungsim-khuak ah belh lai hi.” Vantungmite in vantung ah aciah khit uh ciangin, tuucingte in, ‘Eite Bethlehem khua ah pai-in, Pasian hong lah hih apiangsa thu va en ni,’ ci-in khat leh khat kihopih uh hi. Manlangin pai uh a, Mary, Joseph leh bawng annekna kuangsung a kisial, naungeek mu uh hi.

Lungdamna lianpi tawh aciah amaute in, amuh uh leh a zakte uh ciamteh uh hi. Tuucingte’ thugenna a zate khempeuh in lamdang sa uh hi. Mary in ahih leh tua thute khempeuh ciamtehin, alungngai hi. Tuucingte in vantungmite’ la a ngaih lai nite sangin, tu ni-in vantung leh leitung aki gamla zaw hi tuanlo hi. Nasep mawkmawk a sem mi nautangte kiangah vantungmite asun hawhlai bangin, lenggah huan leh lo lai-a nasemte tawh vantungmite akiho laibangin, mihing’nunna pen vantung ii alunghihmawh mahmah thuphahpi khat hilai hi. Eite aa dingin, i nuntak khualzinna lel ah zong vantung tawh kinai mahmah thei lel hi. Atung vantuala om vantungmite in, Pasian’ thupiakna banga, akalsuante khempeuh vil in kem ding uh hi.

Bethlehem khua tangthu pen aki cimtak theilo thu- mungphuh khat ahi hi. Tua tangthu sungah, “Pasian’ hauhna, pilna leh siamna in bangzahin thuukin” ki seel hiam. Rom.11:33. Honpa in, vantung kumpi tokhom leh bawng ankuang a kheekna leh zahtaak taka abia vantungmite’ beel-uumna leh ganhingte’ 49buuk akheekna, Honpa’ kipiakkhiatna lamdang i sa hi. Mihingte’ kiphatsakna leh ki thupitsaknate pen Topa mai-ah mawhsak dingin kiphah ta hi. Hihthu pen alamdang mahmah Amah tawh akilawmlopi kiniamkhiatna hong neih, apatna hipan lai hi. Eden huansunga, kawkbanglo-a Adam ii nuntakna bangin, Pasian’ Tapa in, mihing’nunna hong la ding hilehzong, Amah in aniam pen zumhuaina hong thuak ve ding ahi hi. Hitaleh Zeisu in kum 4000 bang mawhna in athazawm sak mihing’ gui-ah mihing’nunna hong saang hi. Adam ii suan leh khakte khempeuh bangin, kiguizuih thukham nasepnate ii thamante athuak ahi hi. Hih thuaknate Ama leitung pu leh pate’ tangthu ah kilak hi. Amah in tua kiguizuih dahnate, ze-etnate hong thuakpih dingin leh mawhbawllo nuntakna ettehhuaina alak dingin hong pai ahi hi.

Vantung Pasian’ tokhom tunga Khazih ii za hangin, vantung panin, Satan in Khazih na mudah khina, Amahmah hong ki zakiat sak lai ciangin, mudah kaan hi. Mawhnei khanggui honkhia dingin Amahmah hong kikhaam ciangin, Satan in Khazih mudah semsem hi. Hihbangthu om taleh, Satan in kagam hi a cih, hih leitungah belh ding neilo naupangno khat bangin leh athazawm mihing’nunna tawh hong pai dingin, Pasian in a Tapa aphal hi. Mihing khempeuh in a thuak theih nuntakna-a kisiatnate leh guallelhna leh sup tawntung theihna aom kenbaang ah mihing khempeuh in a do galphual a tuak dingin, Pasian in a Tapa phal hi.

Mihing’ lungsim apua pianna Pa in, a Tapa laina mahmah hi. A taneu’ maitang en phapha-in, nuntakna a phutkhak theih lauhuainate ngaihsunin liing liang hi. Amah in a it a Tapa Satan’ vangliatna pan leh ze-etna leh hingbuaina panin dalin samkik nuam keei hi. I tate’ nuntakna daupi-a a suangpo’ theihnadingin, ana mahmah hingbuaina leh kenkila kia ding zahin alauhuai hamciamnate atuak dingin, Pasian in a angpom khat neihsun a Tapa hong pia hi. “Ki itna ih cih hih ahi hi.” O, vantungte aw, lamdang mah si e! O, leitungte aw, lamdang sak huai si e!