ZSL 11: CHRISTIAN LEH  NASEP

Zomi Sabbath School Lesson, Zokam, Zopau, Zolai, Tedim, Thado, Paite

 

Lesson 11                                                      *December 5–11

CHRISTIAN LEH  NASEP

 

Sabbath Nitaklam              December 5

Tuakalsung Simding: Gen. 3:19; Thuhilhkik. 16:15; Paikhiat. 25:10–30:38; Gal. 5:22–26; Eccl. 9:10; 1 Cor. 10:31.

Kamngah:  “Tua ahih ciangin, kong-it sanggamte aw, Topa hangin nanasepnate uh a mawkna hingei hetlo hi ci in natheih uh mahbangin, Topa adingin a tawntungin nasem unla, ling hetlo in lungsim kiptakin na-omta un” (1 Cor. 5:58.)

            Naseppen Pasian’ geelsa hi. Mawhna lutma in, Adam leh Eve adingin huankep ding nasep apia hi (Gen. 2:15). A Piangsakpa, a meelsutpa mahbangin, itna tawh nathak semdingin akiseh ahi hi.   Apuklo leitungah zong, mawhna sihna omlo mahleh, mihing kici limlim nasem ding ahi hi. 

            Leitung masa leh a thak kikal sungah, nasep peuhmah Pasian’ thupha a muhding ahi hi. Jew mite in naupangte nangawn sumbawl hilh uhhi. A tapa sumbawl a hilhlopa pen mawhnalian nei kici hi. Tua hunlai in Pasian’ Tapa Zeisu in, a Pa’ deihna zui in khutsiam nasep semin, Nazareth khuamite’ innsung vanzat dingleh lolam nasepna hiam khawngte bawlsak hi (Mark 6:3). Tuateng zongpen mailamah a nasepna dingin kiginkholhna ahi hi. Sawltak Paul in Aquila leh Priscilla-te kiangah kumkhat leh alangsung taamin, puanbuk khuikawmin, biakbuk sungah Sabbath’ thu khawng akikup uh hunsung Pasian’ nasem ahi hi (Acts 18:1–4, 2 Thess. 3:8–12).

*Tukalsung buppi in, Christian pilsinna lam nasepna ah dotna lianpen i sinkha ding hi.

 

SUNDAY                                                                           December 6

Nasep a Tuamtuamte

“Tua a hihciangin mihingte in a nuntak laiteng a siamtawpun gamta in lungdamin a omding a thupipen ahihna kaphawk hi. Eite khempeuhin an-ne tuidawnin i sepna thaman tawh lungdamin i omding kilawm a, tuapen Pasian hongpiak letsong ahihi” Eccl. 3:12, 13.

            “Nasep”—kizoppih aneihetlo Anglo-Saxon kammal ahi hi. Manglai malkhat bek hi napi, khiatna tampi neithei hi. Kisap tampi lakpan, i sabuai tungah annek ding i koih a, a manzahzong i piakkhit ciangin, haksathun a dingin tawm i kemtuam lai hi. Nasep hoihphalo sangin naseptaan suksia zaw hi. Nasepna in mikhat manphatna hongpia hi. Nasepna in, “Bang naci hia; Nang bang nahia?” cih dotnate hong dawnsak pah hi. Pensen nesa nasemluite in, a hihtheih laiteng a hun khenh nasem uhhi. Nasep in zingsang hong thobaihsak hi. Kum 13 leh 19 kikal khangnokhat nasep kipia leh migilokhat a kiamtuam hipah hi.

            Gen. 3:19 simin. Bangthu peuh om hiam; mi pawlkhat a ding nasepna in bang ahi ci hiam?

            Mi’ pukmaa a naseppen a pukciangin kikhel pahvat hi. Naseppen mi pawlkhat a dingin, a cimtakhuai mahmah nisim nasep peuh hithei a, sihdong sepding hilelpeuh theihi.Amau’nasep a hihman in cimtakpipi leh pensen ngakkawmkhawngin sem uhhi. Pawlkhat leuleu a nuntak buppi kipiak kul a, tualo peuhmah tawh a nungta theilo, a nuntakna bulpi ahi zong omhi. Tua a nasep tawh a ki gamlat ciangin lungsimneu, mite’n donlo leh maingat na’ng zong neilo liang uhhi. A pensen uh ciangin lungsim pumpi thakiam lua in sihhunlo pipi sithei uhhi.

            Christiante in Pasian deihna bangin sepding kisin tahen. Nasep in sum zonna bek hi lo hi. Mi zong nasempa cih ciangbek hi lo hi. Teltaktak leng, khantawn naseppen, Pasian’ nasem hi a, Topa tawh i kizopna ahi hi. Siapa’ tavuan khatah, sangnaupangte in, Pasian piak leh leitungin a kisap amau talentte teltak muhkhiatsak ding ahi hi.  

See also  ZSL 12: SABBATH: PASIAN OMZIA NUNTAKPIH

            Bang nacici hiam? Tuapen na nuntaksung buppi nasep ding hi a, na tuacihna tawh Topa’ koibangin pahtawi thei ding nahi hiam?

 

Monday                                                                               December 7

Nasep leh Pattahna

            Nasep cihpeuhmah “khantawn nasep” ahi hi.  Khuakbek tawh nasemte, computer peuh meek kiaukiaute nangawnin a tawpna ah thatang diankhiatna mah neinuam veve uhhi.

            Anuaia munte in naseptawh kisai in “khut” bangci zat hiam?

Deut. 16:15 ________________________________________________

Eccl. 9:10   ___________________________________________________

Puanak 21:25  _____________________________________________________

Jeremiah 1:16 _____________________________________________________

            “Khuttawh sepsa khempeuh” Pasian in hong pia a, eite i lungdamkhop theih na’ng ahi hi (Pau. 10:4, 12:14). Psychology siamte in “eima’ thahatna” a cih uh pen misim in hihzawhna nei hi ci in um uh hi. Tua eima’ thahatna pen “hihthei mah ning” cihcih lel tawh khantohna om zolo a, hih takpina bektawh tangtun ding hi ci in um uh hi.

            “Khut tawh sepsa khempeuh” Pasian’ thupha (Psalms 90:17) hi a, khiatna nei nuntakna ahi “khuttawh sepsa khempeuh” in midang tungah thupha hikik ding Pasian’ deihna ahi hi.   Paul in nasem ding ci a, i khuttawh nahoih semkhia in, mite tawh kihawmsawn ding ci hi. Paul mahmah zongin:

            “Keileh kakithuahpihte kisapna khempeuh kangahtheih nadingin, keima khut mahmah tawh nakasepna thute note in nathei uhhi. Topa Zeisu mahmah in ‘ngahna sangin piakkhiatna ah lungdamna lianzaw hi’ a cihna phawkkawmin nakpi takin nasepna tawh, na khempeuh ah a zawngkhalte huh ding hihang” (Acts 20:34, 35) cihi.

            Nehemiah’thungetna pen ei a hitheileh maw: “Pasian aw kakhut thahat sakin” (Neh. 6:9).

            Nangma nasep koibangin nangaihsun hiam? Na nasepnate in midang tungah thupha ahithei dingin bang lampipeuh a omkha hiam?

 

Tuesday                                                             December 8

Nasep leh Ahoihpen

            Exodus 25:10–30:38 simin. Pasian in Moses kiangah biakpiak na’ng biakbuk lamding asawl laitakin Pasian bangzahin amah kithupisak naci hiam? Pasian omzia bangpeuh hong lak hiam?

________________________________________________________________________________________________________________________________________

            Pasian in Moses buklam ding a sawllai in, Moses in “Phamawh kei Topa! Egypt pan ka taikhiat khit kum 40 sung tawntung buk lamlam mai ing. Minute khatbekbek hun hongpia in” cikha sop ding hi. Tua hunlai in buklamh pen Midian mite’ ngeina hilel peuh hi.A lungsim sungah a thupizaw dang zong tampitak omkha ding a, lopthop bawllel leh zong hithei hi. Ahihhang tuabang in bawllo in, a kisamzah ding a bawldan ding cihte gualsuk sitset a, a sung vanzat dingleh Siampi’ puan ding nangawn zong tuat sitset in, nam 150 bang phasak hi. Sabuai khat bekbek bawl nadingin bawldan ding cial 7 bang zui diudeu hi (Exodus 25:23–30).

            Biakbuk bawlding dan limlim pen Pasian in a hoihpen dingmah in sawl a, a hoihzaw dang om nawnlo ding cihi. Vanzat zong a hoihpen mah zangsak a, design zong gen baanglo, nasep dan zong tehpihbei, thupiak kician: “Pasian in lopthop nasep sanglo” hi.

See also  ZSS 3: SABBATH: SUAHTAK  NI

            A dinmun sangmahmah napi, vanzat peuhmah Pasian in piakhin tuanlo in, mihingte mahin zongsak ngiat hi. Exodus 31:1-6; 35:30-36 sungah Pasianin, amaute kisap siamna pia hi cihi.Tua mite “Kha tawh Kidim” sakin, khutsiamna atuamtuam pia in, “Topa’ sawlna bang” in Biakbuk lamsak cihi (Exodus 36:1). Tua banah design siamtuam mi nih koihin, Israelte lakah tua pilna abeiloh nadingin tuate gelin hilhsak hi (Paikhiat 35:34). Hihte nihgel bek a kiminlawh dingin Pasian teel hi a, tua bangin pilna anei midang zong omlai hi (Exodus 36:2).

Mimawhnei i hihna pen tavuan neihna kipengsak dingin paulamh hilozaw hi. Eima hihtheihzah a hoihpenin i talentte i siamnate, i hunte leh i pilna khempeuh a hoihlam leh na lianpipite sepna in zang ding hihang.

 

WEDNESDAY                                                       December 9

Nasep leh Khalamthu

            “Khasiangtho in eite hong nungtasak khinta ahih manin, ama hong sawlna bangin eite a nungta ding i hihi” (Gal. 5:25). Nasep leh Khalampen khentheih hi lo hi. Christian cihpen a hunhun in utbangbang a khekziauziau theih puansilhnikten hilo hi. Christian hihna hangin nasepna a kihel nuntakzia thak hong neisak hi.

            Galati 5:22–26 simin. Nangleh nanasep in bang silpial hong ngahsakthei ci hiam?

____________________________________________________________________

____________________________________________________________________

            The Expository Dictionary akici Laisiangtho thak kammal letna in, “Khalam” pen “Ama’ tumtakin Kha siangtho’ gah a neite” cihi. Khazih tawh i kizop manin, ei mihingte in thu-ummite i suakthei hi.

Mi cina sidekdek khat a lawm itpen in donin Florida Zatopi ah lum hi. Siamahte zong sungtum pusuak in cinakem buai ngeingai uhhi. Siama tetawh kihokawmin siamate sangkahna mun dong uhhi. Tampitak mahin Florida Zato College ah kah ung ci uhhi.

            Tuathu in cinapa lawmpa lungsim zomahmah a, Florida Zato College pen koibang hiam cih theih nadingin va hawh nuam mahmah hi. Banghang? Sang dangdangah a kahte sangin tua sang a kahte in cina sidekpa itnatawh donzaw cih a muhman ahi hi. A lawm cina sidekpa tungah, siama dangte hihdan leh tua siamate hihdan pen kilamdanglua mahmah hi. Tua ahih manin tua college leh a nasepzia tawh kisai dotna tampitak mah a dot dikdek khit ciangin, siama tampitak a pian khiat theihna dingin, $ 100,000 letsongin pia hi. Khalamthu pen ki nuntakpih thei gige hi.

            Na nisim nuntak sungah nakhalam vai koibangin pulakthei ding nahiam? Koici bang ngaihsutna khawng neithei zel nahiam?

 

THURSDAY                                                        December 10

Nasep leh Neihsa-Kem

            “Na mai ah sepding a om khempeuh na tha neihzah tawh semin” (Eccl. 9:10). Mi pilpente in, neihsa kepna ah hih kammalte nuntakpih uhhi. Christiante neihsa kepzia vai kikupna munah mi tampite in Christian phiangsiah piakvai hong hel uhhi. Neihsa kep nadingin sum in thupi mah napi, sum bekbek i cih lehlah kawciklua zaw hi. Kipawlna thukhun sungah neihsa kepzia pen, na khempeuh  kihelsak hi.

            Pawlpi sungah, Pasian hong thuphapiakte bulpi bangteng hiam? Piangsakpa in mihing khempeuh tungah silpiak hongpia cihpen Peter in; Christian khempeuh pen “siangtho siampite” (1 Peter 2:5) cihi.Pasian’ silpiakte tawh amau neihsa ahi sum, hun, thatang, siamna leh adangte kemcing ding uh cihi.

See also  SINNA 12: CAESAREA AH A KIKHUMCIPNA

            Eccl. 9:10 leh 1 Cor. 10:31 simin. I nasepding dan leh midang nasep i hilh dingdan bang thupuak omhiam?       

____________________________________________________________________

            Tulai mikim khialhtheihna khatpen nuntakdan tawh kikhentuamna ahi hi.   Mikhat’ khantawn nasep, mikhat’ innkuan nuntak, mikhat’ khanuntak leh mikhat’ aituam hun cih bangin omhi. Nuntak dankhawng kikhentuamna hangin amaute kikalah kizopna omnawnloh ding zong deihhuai theiphial hi. Gentehna in, mikhatin ama nasep, innah hong ciahpih ciangin, innkuan sung tavuante hong buaisak zelzul hi. Pasian tawh i kizop nading huntekhawng khiam themthum cihkhawng hihlo ding hi.

            Cihteisam hang, tua thugakte in, i kha nuntakna khawngtawh i helkhak lohding kisam hi. Ei Christiante naseppen Pasian tawh kikholhna leh nasepna tawh khangtotheihi.Nasepna in Pasian omlam hong ciamsak hi. Upna biakna tawh kikhentuam ding, Pasian a ding nikhatbek, naikhatbek, i nuntakhun themkhatbek cihkhawng piakbekna in, Pasian hong ompihna nialna ahi hi. 

            Dotna nih om hi: Amasa; Na Kha nuntak hun khentuam na neih leh neihloh nang leh nang kidong masa in. Anihna; na hihkhakleh, nasep nabawl khempeuh sungah Kha’ thu koici bangin kidimsak thei ding na hi hiam?

 

FRIDAY                                            December 11

Ngaihsutbeh Ding: Piancilna 3, Eccl. 2:18–23, Eph. 6:5–8; EGWhite lai, Tuan Pupate leh Kamsangte, laimai 52-62 sungah “Zia-etna leh Pukna,” simin.

            Nasep- samsiatna maw thupha? Samsiatna namkhat tawh hong kibang hi (Gen. 3:17).  Deihtakin simphakik lecin, samsiat thuakpen leitang hizaw a, nasep hilozaw hi. EG White in, Pasian in thupha sanna dingin nasemsak hi cizaw hi: “Nasep silbawl tawh nuntak ding pen Pasian in itna tawh hongpiak hizaw hi. Mawhna hangin thukhun tuamtuam kul a, mi in a pumpi leh a gawl ukzomaw zolo cih theihna ding ahi hi.   Mawhna in a suksiat saksate a puahphat kikna ding ahihi”—Tuan Pupate leh Kamsangte, laimai 60.

            Cimtakhuai takin, nasem khengval leh nasep thupisak luatna tawh samsiatna peuh i suaksak khazaw ding hi.Bangbang hitaleh a khomkhat bekin nasemding hihang.Christian pilna tawh nasep a manphatna mite’n i theisak ding a, tua nasep khawng milim i suaksak hetkei ding hi.

 

Kikupding Dotnate:

  1. Eccl. 2:18–24 simin. Solomon in, hihmun bekbekah zong, naseppen thupha leh samsiatna koibangin hisakthei hiam? Eima natek i sepna ah bang kilamdanna omthei ci hiam?
  1. Nasepna tawh innkuan i kikhoi hi. Innkuan a ding nasepna ah a hoihlampan koici ettheih ding hiam?
  1. Nahoih mahmah sepna leh nasep zongsatna a kilamdanna omhi.Tua gamgi kantanin i koici pai ding hiam? Eccl. 2:23 simin.
  1. Paul in: “Note tawh ka hong omkhawm lai-un, Na a semnuamlo peuhmah annesak kei-un,” 2 Thess. 3:10. Hih thukhun ngaihsuthuai mahmah hi. Bangmah mui a butlohna munah bang ettehhuai hithei ding hiam? Hihpen kheltheihloh thukham kipkhat khawngin i bawlkhakloh ding banghang in kisam hiam?

 

 

Tags: ,

Admin

Admin

Top