CIDAMLO TE SIH SAK NA

CIDAMLO TE SIH SAK NA

Cidamlo te sih sakna pen cina dam zo nawnlo dingte phalna tawh sih sakna hi a, English in painless killing (Mercy killing zong ki ci) ki ci a, Greek in Euthanasia ki ci hi. Tuhun ciangin hih pen damlo te bek hilo in piteek/puteek, khan gual banlo, kiman neilo mite tungah a zang nuam tampi om ta hi.

Euthanasia pen minam pawlkhat in tanglai pek in zang khin uh a, Sardinian, Greek te pan Kos a tengte leh Spartan te in damlo, a teek te leh naupiang hoihlo, kiman na a neilo te that lum pahpah uhhi.

Euthanasia cih kammal pen kum zalom 17 na pan kizang a, 1965 kumin England ah damlo zawngkhal te, dam a mu ngei nawnlo dingte thukhun in a phalna dingin Euthanasia thukhun a bawl Voluntary Euthanasia Society om kipan hi. England parliament ah 1936 kum, 1969 kum leh 1976 kum te in thum vei bill lut a, House of Lords in a vekin nawlkhin hi. India gam in zong 1980 kumin Euthanasia Bill, ‘The Mercy Killing Bill, 1980’ pen Lok Sabha-ah MC Daga in lut sak a, kinial hi. Ahihangin March 7, 2011 in , March 7 in Supreme Court in Passive Euthanasia phalna leh tua tawh kisai thu khempeuh bawl hi.

Euthanasia nam thum om hi:
1. Voluntary Euthanasia:
Hih pen ama ut leh deih telna tawh ki si sak hi. Ahihangin hibangin a si nuam a kithat te pen kum cing khin sa te, lungsim ngeina a nei te, sia leh pha khentheihna nei ding cih te hi ding a, a dam thei nawnlo ding natna a nei te hiding hi.b

See also  Eating Banana is Good for Health

2. Involuntary Euthanasia:
Hih pen damlo te in bangmah thei nawnlo, kiho pih thei nawnlo, gim khin lo cih te a innkuan pih te phalna tawh doctor te sih sak ahihi.

Hih a tung a voluntary Euthanasia leh involuntary Euthanasia zong Active leh passive Euthanasia ci in nam nih in kikhen lai hi.
(1) : Active Euthanasia pen zatui tawh sun lum (overdose) ahih kei leh a dang khat peuhpeuh tawh hih lum cihna ahihi.
(2) Passive Euthanasia pen Damlo te amah sih hun si sak(sih ngeina / laitat) cih na ahihi.

3. Compulsory Euthanasia:
Hih pen innkuan pih, khuapih leh mipih te a dingin mihoihlo a sak te, kiman neilo a sak te, nawngkai a sak te thahna ahihi. German mite Judah mite tampi a thahna zong compulsory Euthanasia ahihi. Ahihangin tuhun ciangin Judah te kithahna compulsory Euthanasia te pawl pen Euthanasia ah kihel nuam nawnlo hi.

Banghanghiam cih leh compulsory Euthanasia pen kuamah in hoihsa lo in thukim lo uhhi. Involuntary Euthanasia pen a dam zo nawnlo ding te, innkuan pihte a dingin a nawngkai mahmah mite, sum leh neihsa tawh a kibawl thei nawnlo te, sihsak pen hoih a sa tampi om hi. Ahihangin Pasian thu umlo mite pan zong pawlkhat in ih it taktak te pen a sih dong ih kep ding ahihi, bangmah thei nawnlo hi ta ci a sih sak sukgawp pen cikziat huai lua hi, ci uhhi. Thomas Wood in them cilik zong sang thei lo hi; Christian te Upna tawh kilehbulh hi ci lian hi. A thuakna leh a natna te a dingin zatui a kibawl ahihi, a sih hun tung nailo pi a nuntakna kilak sak pen Pasian deihlo pen tualthahna ahihi, ci hi. A nial lam te in tua bang a dam zolo ding te, natna a thuak thuak te sih sak pen itna a hihi, ci uh a, kinial na bei thei lo te pawl ahihi.

See also  Aloe Vera Hoihna

Voluntary Euthanasia pen mihing te nuntakna laksak theihna thu Pasian in hong pia lo hi, Pasian a um Christian te pen damlo te ading thunget sak ding, misi nangawn a tho sak kik dingte hizaw hihang.

Active Euthanasia pen Switzerland, Belgium, Netherlands leh United States ah Washington leh Oregon te in thukhun in nei in zang ta uhhi.

Passive Euthanasia pen kum 37 sung tak King Edward Memorial Hospital ah zato lum a min Aruna Shanbaug hangin kum 2011, March 7 khan Supreme Court India in gam thukhun in bawl hi.

Christian te adingin Euthanasia limlim a hoih khat zong omlo hi. Pasian in ama lim bangin mihing hong bawl in ih nuntakna pen ama hu hi a, mihing te in tua hu ih neih laiteng hoih takin ih kikep sak a, ih kihuh ding ahihi. Christian te pen Pasian in a sehna bangin sih ngeina in ih sih hun a tun mteng, ih lai a tat siang mate kuamah mah ki si sak lo ding, kithat lum vetlo ding hihang.

Khan gual banzolo te, khutkik khekim nawnlo te, lungsim cing lote, nasem thei nawnlo te, a kem a khoi ding a om nawnlo te in hehpihna a ngah theihna dingin Topa Jesu in a sisan manpha tawh hong tankhia hi. Khim bang a zing leitung ah khuavak a mu ngam nawnlo te, mi lakah a kihel ngamlo te, zawngkhal in lupna tungah a ngak den te, dawi leh kau in amat te tungah suahtakna thu leh hotkhiatna thu a tangko dingin Topa Jesu in hong sawl zaw hi. Cimawh dongtuak te, huh ding leh panpih ding a nei nawnlo te, a it huai nawnlo te kiangah itna khuavak a puak ding te hizaw hihang.

See also  Sharing Scripture, May 19-25 | Adventist Today

Euthanasia hoih a sa lakah Job zi zong kihel hi.
Tua ciangin a zi in, “Na upna khiam tuan lo ding na hi hiam? Pasian samsia inla sisuk mai in,” a ci hi. (Job 2:9)

Bethzatha bual a kum 38 sung damlo a om pen tuhun hi leh Euthanasia tawh kisi sak kha dinghi.

Topa Jesu in Euthanasia deihlo hi, Euthanasia a sihsak dingin a kilawm mahmah mite dam sak hi.
Bethzatha bual geiah talapte sung khatah kum sawmthum le kum giat sung a cina khin mi khat a om hi. Jesuh in, “Tho inla, na lupna pheek pua-in pai in,” a cih ciangin, tua cina pa thakhatin dampah a, a lupna pheek la-in a paipah hi.

A gelh ~ NK Nang

Tags: ,

Admin

Admin

Top