CS 3: Pasian in Mihingte’ Piakkhiat Ding Ngen Sese
Pasian in Mihingte’ Piakkhiat Ding Ngen Sese (Why God Employs Men as His Almoners) by Ellen G White
3—Pasian in Mihingte’ Piakkhiat Ding Ngen Sese20(Why God Employs Men as His Almoners)
Pasian in A gam zai nading mihingte’ tung bek ah nga selo-in, vantung mite thumaan tangko dingin zang nuam leh zang thei hi. Topa in Sinai mual tungah A ma aw teekteek tawh Thu-kham apiak mah bangin leitung ah a ut peuh sem thei hi. Ahi zongin mihingte’ lungsim sungah nahoih bawlnopna lungsim a om ding deih ahih manin hih gupkhiat nasep a sem dingin lei-tung mihingte teek mah hong teel ahi hi.
Midangte’ phattuam nadingin ei-le-ei kipum-piakna in, piakkhiatna aneite’ lungsim hat sak semsem hi. Amah leitung Gumpa tawh a kinai-sak ahi hi. “A hau mahmah Topa in ei hauh nadingin a zawng pen dinmun ah hong ding hi.” Ei hong bawlna ah Topa’ ngimna i picin sak ciang bekin thupha tawh anungta ihi pan hi. Pasian in ei mihingte hong piak letsongte pen ei mihingte khat thupha i kibawl theih nading le, Pasian lungdamna thu leitung bup a kizelh nading hi a, a zang lote in haamsiatna thuak ding uh hi. (R&H, Dec.7, 1886).
Amet Ngah Nading Zonna (The Fruit of Seeking Gain)
Sum ngah nading bek zonna in, angsung-khualna bek hi a, amet ding bek ngaihsun hi. Tua in kha nuntakna sisak a, Pasian’ hong itna pawlpi sung pan a hawlkhia tawh kibang hi. Lutang le khut in ahun neih khempeuh tawh sum zon ding, neihsa khan toh ding bek ngaihsun in a sep uh leh Pasian le mihingte’ i lunggulh nunzia mangthang ding hi.
Pasian in eite leitung hauhna thupha hong piak a leh, i hun le i siam nate Topa kiang pan hemkhia-in hong kop nate tungah i zat ding ahi kei hi. Letsong hong pia Pa in hong piak letsong sangin lianzaw hi. Eite21 man tawh hong lei khinzo ahih manin i pumpi ei aa hi nawnlo hi. Eite in gupna i ngah nading a kiteh theilo man tawh hong kilei khin hilo ahi hiam? Angsung- khualna le thadah a om hithiatna-in Jesu singlamteh thuakna zum huai suaksak hilo hiam? Eite in a kiteh thei lo itna tawh na khempeuh nusia a hong tatkhiatna thupha gah i at thei hi. Ahi zongin nasep gualzawh nading hun a hong tun ciangin, kha gupkhiat nadingin Gumpa’ nasep i sem hi. I sum tawh huh ding a kisap hun ciangin, i mawhpuak sem nawnlo-in hehpih ding i ngen hi. I thadahna, thu don lohna le angsung-khualna in Pasian’ hong nget nasep tawh hong kipelh sak hi.
Vantung gam i a sangpen, a vanglian pen Kumpipa Jesu Christ in agik mahmah singkhuam pua-in, ling lukhu khu-in, tuikha a dawn laitak eite nuamtak om in, ei-le-ei kipahtawi ding ihi hiam? Topa Jesu in a sisan tawh a tatkhiat sa kha manpha eite in thudon lo-in om ding ihi hiam? Tua bang ding kilawm lo hi. Piakkhiat ding i neih laitak in piakhia ni. Thatang i neih lai-in sem khia ni. Ni a om lai tengin sem ni. Eite in Pasian kiang pan sum le letsong i ngah theih nadingin i hun le i neihsa sumte Pasian nasep nadingin atuam vilvel in koih ni. (R&H, Oct. 17, 1882).
Gal Khempeuh Ah A Lianpen (Our Greatest Conflict with Self)
Hih i leitung nuntakna-ah i neih i lam in ciangtan nei hi. Ahi zongin Pasian in hih leitung aading a hong piak letsong in ciangtan neilo hi. A nunung pen thukhenna ni ciangin mi khempeuh i gamtat bangin thu hong kikhen ding hi. Kei mi hoih hi ing aci te’ aw kiza nawn lo ding hi. Pasian in mihingte thupha a piak ciangin a kicing takin pia takpi ahihna i mu ding hi. Hih zah a kicing piakkhiatna thu a nialte’ aadingin bangmah paulap theih om nawnlo ding hi.
A pua lam pan hong pai alauhuai lua gal omlo hi. I do ding a kisam i gal lianpen in Topa’ tunga ki-ap lo ei mahmah ihi hi. Ei-le-ei i kizawh leh eite hong it22 Topa’ hangin gualzawhna i ngah semsem ding hi. Jesu upna tawh hoih takin do ni. I zat ding i hun pen mailam a hong pai lai ding hunte hi lo a tu mah-mah a i neih i hun ahi hi. “Pasian’ gam le Ama dikna zong ma-sa un, tua hileh tua nate hong pia-thuah ding hi.” Tua nate in tulaitak a Satan’ ngimna ahi khialkhemna thangg-kam sungah hong tun ding hi. (R&H, March 5, 1908).
A Nin Baang: (A Foul Blot)
Tawntung nuntakna ngah ding kilawm leh kilawm lo cih thu hih i leitung nuntakzia ah hong sittel hi, cih eite in cik mah hunin mangngilh huailo hi. Angsung-khualluatna gamtat kihhu-ai tawh a kidim mi peuhmah vantunggam sungah lutlo ding hi. Tua hi a, Pasian in hih leitung ah tawm vei i nuntak sungin hong kepsak neih-le-lamte i zat i zekzia hong en a hong sittel ahi hi.
Na Neihsate Pasian In Muanna Tawh Hong Ap Ahi hi (Our Possessions Only in Trust)
Mi khat peuh i neihsa in bangzah in tam a, bangzah in tawm taleh Pasian in muanna tawh hong kepsak ahih thu thei ta uh hen. Thatang, pilna, hun, siamna, neihsa sum-le-pai tawh kisai khempeuh ni khat ni ciangin Pasian tungah sazian lahkik ding ni hong tung ding hi. Hih in mimal kim i mawhpuak ahi hi. Topa tawh i kibat theih nadingin midangte’ tungah piakkhi-atna, citna, hoihna le hehpih-theihna neih ding Pasian in eite hong pia hi. Mi tampite in, a hoih nasepte mangngilh in amau aadinga khol ding bek ngaihsun uh hi. Ei deihna bek zui a, ei nopsak nading bek ih zon leh hih leitung nopsak na bek ih ngah ding hi. Ahi zongin Pasian mai-ah amaute kha lam dinmun i et ciangin zawngkhal, kizang thei lo, mittaw, lungmuan omlo dinmun ah om uh hi.
Man takin zang thei hi lehang, neih-le-lam in mi khat-le-khat kikal ah kiheh-pihna, ki-itna hong khangsak a, itna khau hong suakin tua itna in Gumpa tawh kip takin hong hen khawm ding hi. A kiteh theilo Pasian letsong a Tapa a ngah khempeuh in Pasian kiang pan23 hehpihna a ngahna khauh tak a lah khiat ding kisam hi. Topa Jesu itna khuavak a ngah mi peuhmah in khuamial sunga om laite’ tungah khuavak puak ding mawhpuak i nei hi. (R&H, May 16, 1882).
Christ Gamtatzia-ah Khanlawhna (To Awaken Attributes of Christ’s Character)
Angsung-khualna hoihlo gamtatna pan khanglo in. Christ gamtatzia ahi, mi hehpihna, itna i neih theih nadingin, Pasian in mihing tampite’ tungah haksatna le gimthuaknate a pian ding phal hi.
Jesu Christ hong lahkhiat mi hehpih theihzia, eite in zong mite’ tungah i lah theih nadingin sapna i ngah ciangin tua itna in khauh takin hong hanthawn hi. Topa in haksatna a thuak pa ahih manin lunggimna ngah dinghi. Eite in bawlsiatna i thuak laitak in Topa in zong bawlsiatna thuak hi. A sisan tawh a lei sa mihing khempeuh it mahmah hi. Topa in eite tungah hong cih in-ah, “Note thukham thak kong pia hi, Kei mah in note kong it mah bangin note khat-le-khat na ki-it un. Khat-le-khat na ki-it theih nadingun hih thukham kong pia hi.” (R&H, Sept. 13, 1906).
A Sangpen Innkuan A Lianpen Nopsakna (The Highest Home the Greatest Joy)
Pasian in leitung vantung na khempeuh i nuntakna, khuavak le nopsakna kipatna bulpi ahi hi. Ni pan hong pai khuavak tang bangin a bawlsa nuntakna nei khempeuhte’ tun-gah thupha luang khia hi. A lian mahmah Topa’ itna tawh mi-hingte a manpha lungsim hoih silh sak hi. Tua a manpha mah-mah lungsim hoih a ngah khempeuhte in midangte’ tungah hawmsawn ding uh hi. Hih in a sangpen hoihna le a lianpen nopsakna hi a, Pasian in mihingte’ tungah hong pia thei hi. Tua bang mite in a bawlpa Pasian kiangah a naipen in om thei a, itna tawh nasem suak thei uh hi. Pasian tawh nasep khop ding a nial mi in ama angsung ding bek a sem-nuamte ahih manin a lawmte’ haksatnate kimuh mawh bawl uh hi. A cil mi in ama neihsa sum-le-paite kem tentan in Pasian piak hauhna thuphate ama aading bekin zang hi. (Dec. 6, 1887).
*******