CS 4: Pasian Le Satan Kikal aa Kilehngat Gamtatziate
CS 4: Pasian Le Satan Kikal aa Kilehngat Gamtatziate24(The Conflicting Principles of Christ And Satan)
Leitung mihingte in alian mahmah Pasian’ innkuanpih ihi hi. Khat-le-khat i ki-it ding le, i kizahtak ding, hong Piangsak-pa’ ngimna ahi hi. Hauhna le nopsakna-ah a siangtho le ang-sung-khualna omlo lungsim kinei ding hi. Mi khempeuh in eimau angsung ding bek ngaihsut a i neih dingin Satan in hong ukcip ahih manin leitung in buaina, kitot kiselna, kidonate tawh kidim ta hi. Khat-le-khat kigal neih ta hi.
Ei nopsak nading zonna in pawlpi sungah kikhenna piang-sak in, sianthona omlo ahih manin kiliat-sakna lungsim tawh kidim hi. Angsung ding bek ngaihsutna in Jesu tawh kibatna siasak a, ei-le-ei bek ki-itna khang sak hi. Thumaan-na pan pai-khia ta hi. “Vantung a om na Pa uh a siantho mah bangin note zong na siangtho un.” Jesu in ci hi. Ei-le-ei ki-itna pan Pasian deih hoihna kimu lo hi.
Pasian in hong itna hong lak dingin Jesu hih leitungah hong sawl hi. Topa Jesu’ nungzuite in Topa’ hong pat khiat nasep kizom in sem uh hi. Eite khat-le-khat hanciam takin ki-huh in tha kipia ni. Midangte’ nopsak nading hanciamna in a maan nopsakna i muh khiatna lampi ahi hi. Pasian le mi dangte i itna in, i lunggulh nate a kilangpan-na hi tuan lo hi. 25Angsung khualna a neilo mi in lungnopna kicing ngah zaw ding hi. Banghang hiam cihleh Pasian in ama aading a gelna a kicingsak hi. Pasian’ itna taktak ama sungah lut ahih manin amaan lungnopna lianpi angah ahi hi. Pasian piak nuntakna in ama aadingin siangtho in manpha hi. Pasian in midang huh theih nading thupia hi.
A Kikim Lo Kidemna (An Unequal Contest)
Angsung bek theihna in mihing lungsim a zo thei a thahat pen ahi hi. Lungsim galdona i lang-khat ah thukhualna le a langkhat ah lunggulhna in a kikim lo kidemna ahi hi. Ei aa ding bek zonna in lunggulhna-ah a thahatpen hi a, itna le na hoih sepsak nopna lungsim in khat veivei a thanempen hi-thei hi. Hoihlohna in a tawntungin gualzo thei hi. Tua ahih manin eite in Pasian’ gam aading nasem in piakkhiatna i neih ciangin lunggulhna in hong ukcip leh lauhuai mahmah ding hi.
Mi hehpih theihna lungsim i neih ciangin piakkhiatna le nasepna in hong zui hi. Lungsim thalawpna i neih loh ciangin piakkhiatna le sepkhiatna kinei zolo hi. Hih banga i gamtatna in lauhuai mahmah hi.
Piakkhiat nasepna-ah, mite i hehpihna thu a tellohzia le a kipiakhia vante a mot zatna i muh ciangin deihsakna lungsim le piakkhiat nopna lungsim bei thei hi. Ei Christian-te in Gumpa’ hong kipiakna ei aading a hong thuak- nate limtak ngaihsun in a kilawm in gamta ni. (R&H, Dec. 7, 1886).
Jesu Christ Hong Hilh A Lamdangte (The Keynote of Christ Teaching)
A nuntakna hong piakna in hong thuhilhna ah a lamdang, a nasia penpen ahi hi. Khat veivei thu-um mite in hih thu aana bangin ngaihsun kha uhhi. Midangte’ suahtak nading, ang sungkhual hoih-lohna thu a teltheih nadingun Topa’ hong gen-zia mah a i gen ding ahi hi. Topa Jesu in hih leitung ah a nuntak sungin piakkhiat nasep nasia takin sem hi. Topa in lungdamna thu i vangliatna maantak in teci lak hi. Mawhna nialna hanga Topa tawh gim athuak khawm kha khempeuh, Topa’ 26nasem khempeuh, midangte’ hamphat nadinga a kipia khia khempeuh, Topa in tawntung thumaan-na letsong piak dingin kamciam hi. Topa’ nuntak zia le nasepzia lakkhia i hih manin Topa’ lungsim a silhte ihi hi. I nuntak sungin midangte’ aading Topa mah tawh ki pumpiak a, asem ihih manin mai lam nuntakna-ah zong Topa mah tawh tawntung vangliatna sungah i lut ding hi. (R&H, Sept. 28, 1911).
Angsung Khual Thaman (The Fruits of Selfishness)
Angsung-khualna lungsim i ukcipna a thuak khempeuhte’ tungah a lamdang gamtatna kimukhia ahih manin, vantung laibu sungah Pasian thei lote tawh a kibangin kiciamteh ding hi. Tua bang mite pen guta, mi zahko, mi simmawhte le aana tawh a sut theite mah tawh kibang hi a, tuabang mite in Pasian gam luahlo ding uh hi, Topa in ci hi. “Thu maan lo mi in ama deih bangin kiphasak thei hi. A huaiham mi in Pasian hemkhia in thusim nawn lo hi.” Hazatna in a tawntung in nahoih bawlnopna Christian lungsim tawh kilehngat hi. Angsung ‘bek zonna in mawhpuak awlmawh lohna in kilang a, Pasian’ gam-zai nadinga nasep nading a ki-ap silpiakte zat lohna ahi hi. (R&H, Dec. 1, 1986).
Pasian Zahtakna Bei (Death of All Piety)
Topa Jesu pen i et-teh ding ahi hi. Topa in a nuntakna eite aadingin biakpiakna ganno in hong zang a, eite in zong midangte’ aadingin i zat ding Topa’n hong ngen hi. I lungsim sunga Satan hong guan angsung-khualna pen hih bangzia tawh kilakhia thei hi. Hih angsung khualna lungsim in i Pasian zahtakna khempeuh beisak hi. Pasian i itna le midangte i itna i lahna bekin gualzawhna hong pia thei hi. Topa Jesu in angsung bek ngaihsunte kuamah van-gam lutsak lo ding hi. Hazatna, enna lungsim a nei khempeuh kep kongkhak kan in pai thei lo ding hi. Hazatna khempeuh in upkhialhna ahi hi. (R&H, July 11, 1899).
*******