CS 5: Jesu A Neite’ Piakkhiatna

Counsels on Stewardship 5:Jesu A Neite’ Piakkhiatna by Ellen G White, Neihsa Kepzia,

CS 5:Jesu A Neite’ Piakkhiatna27

(Beneficence Where Christ Abides)


Lungsim sungah a kicing Pasian hong itna i neih leh a lamdang nasep tampite kizo ding hi. Thu-um mite’ lungsim sungah Jesu a ten leh nuntakna tui a tawntung in luang ding hi. Ahi zongin midangte haksat thuakna a thudon lote pen Topa’ hanga haksat thuak misiangthote a thudon lo mah tawh kibangin kimawhsak ding hi. Kei aading ci-a, angsung bek ngaihsutna sanga, kha nuntakna akiam sakzawk nading bangmah om nawnlo hi.
A nuntakna hong piakhia i Topa’ pumpi le kha nuntakna a kemcing lote in nuntakna khomun le gupkhiatna tawh kisai nuntakna tui dawn khalo uh hi. Tua bang mite in a keugaw gah neilo singkung tawh kibang hi. Amaute in kha lam tawh kisai mitomte hi a, a sum a paaite uh amau nopsak nading bek in zang uh hi. “Na vawh bangin na-at ding hi.”
Christian-te’ gamtat in a tawntungin a kimu-thei dinmun ah om dinghi. Lampi a tul lom in i gamtatna kilangsak ding hi. I nuntakna sungah Christ a om nak leh a hing tuikhuk ihi hi. (R&H, Jan. 15, 1895).

Lungsim Sungah Christ i Ki-uksak Ciangin
(When Christ is Enthroned in the Heart)

Pasian in mihingte’ tungah neih-le-lam hong piak ciangin mihingte in leitung sumte zang a, Topa Jesu i hong thuhilh thute a kizelh nadinga i zat ding ahi hi. Ei mihingte in Christ i kilangsak ding hi. Tua ahih manin ei-le-ei kipahtawi ding hi lo hi. Hau ahih manin pahtawina ngah ding cih hilo hi.
I lungsim sung mawhnate i siansak khit ciangin hun khat lai a ei deih bang gamta a, leitung hauhna i lunggulhna mun ah Christ i sangkoih ta ding hi. I maitangah Christ limlemel 28ki-lang hi. Nuntak sungin a siangtho nasep sem khia ta hi. Kithu-maan sakna khempeuh beimang ta hi. Tua mithak tung-ah Jesu in thumaanna le sianthona silhsak hi cih kimu thei hi. (R&H, Sept. 11, 1900).

Hazatna Le Lungkhauhna Zo
(Covetousness and Avarice Overcome)

Mihaute in a neihsate uh Pasian aadingin ap tading hi. Thumaan thutak tawh a pumpi alungsim asiansuah khempeuh in aneihsa khempeuh Topa tung apta ding hi. Kha mangthangte gupkhiat nasepna-ah palai hita ding hi. Amaute theihna le lim-pha-ah Jesu Christ ii hehpihna tawh hazatna le lungkhauhna khempeuh zawhna vang a neihna uh lakkhia ta uh hi. Pasian aadinga a piakhia mihaupa i neih-le-lam, sum-le-pai khempeuh tungah neih-sa kemsiampa cihna Pasian lim-le-mel ciaptehna midangte’ tungah lak thei ta ding hi. (R&H, Sept.19, 1893).
*******
See also  CS 4: Pasian Le Satan Kikal aa Kilehngat Gamtatziate
Tags: ,

Admin

Admin

Top