Dawi Gilote Hawlkhiatna

March 30

Sabbath 13 Hungeelna

Patna la                                                       “Ding un, Ding un Jesu mi” (ZBC 293)

Mipi muakna                               “Superintendent or Sabbath School Siapa

Thungetna                                                  “Khat peuh seh thei”

Program                                                      “Dawigilote hawlkhiatna”

Sabbath School sumpi dong    “Khat peuh seh thei”

Hunkhakna la                              “Khazih galkap te aw” (ZBC 180)

Tawpna thungen                        “Khatpeuh seh thei.”

Ciaptehding: Tangthu genpa in lotngah gen kul lo hi. Ahih hangin et gega den kul lo dingin hoihtak in simkhol ding hi. A lemtheih leh photote videote pen Mission Quarterlies’ Facebook page panin leh video tom nono te pen link: bit.ly/Mordecai-Msimanga., cihte panin la in, na behlap thei hi. Tua banah tukaal khangham Sabat Skul sunga, Inside Story acih pen zong na sim thei ding hi.

Tu kuata sungin gam tuamtuam ahi: Botswana, Mozambique, Sao Tome and Principe and Angola gamte panin mi tuamtuam thu i za hi. Tuni in Zimbabwe gam pan a Global mission pioneer pa kiang panin thu lamdang khat ih zalai ding hi.

Dawigilote Hawlkhiatna

Kum 35 apha nupi khat in Global Mission pioneer pa kiangah hong pai-in thulamdang khat gen hi. Zingsang a khanlawh simin a tangguak nahi den ahih manin lau ta hi. “Nisim in zingsang ka khanlawh simin ka puanteng na om lo den in, ka tangguak in ka om den hi” nupi nu’n ci hi. “Banghang hi ding ahia?”ci-in, nipikaal 2 sung Zimbabwe gam, Nkai khua-a effort bawl Mordecai in dongh hi.  “Ke’n zongh ka theih loh” ci-in nupinu in dawng hi.

Mordecai in tuadan thupiangte theingei hi. Tua tawh kibang pianpian tangthute zong za ngei ahih manin dawigilote nasep ahih lam thei hi. Bangcih ding cih pen a man thei hi. “Jesu na sang hiam? Na saan leh thu i ngenkhawm thei ding hi. Tua hi leh Khrist in banghangin nang zingsang sim in, tua ci om pahpah cih hong theisak ding hi,” ci hi. Nupinu in Jesu a upna le a saanna agen khitciangin Mordecai in pawlpi mite thungen dingin a kaikhawm hi. Ni thum sung bang thu ngen uh hi. A nithum ni-in Mordecai in tua nupinu ki thaksuaksak dingin sawl hi. “Tua ni thum sungteng pen hoih hi, zingsang ka khanlawh ciangin ka puante ka silh ngeibang mah in na om hi” ci hi. Tua zawh a sawtlo in tua nupinu tui hong kiphum hi. Dawi gilote in zong nawngkai sak nawnlo hi.

See also  1. Zukhamden Nulepate Kikheel

Africa gam sunga gam tuamtuamte ah, a diakdiak in Zimbabwe ah pen dawigilote’ nasepna laang mahmah deuh hi. Pupa ngeina upna lui sungah kidiah phadiak uh hi. Tua sungteng a Global Mission Pioneer a sem Mordecai in Adventist a om nailoh na munte nangawn ah pen tuabangte tuak mun mahmah ahih manin koi ci hawlkhiat ding cih thei hi. Matopo district sung tengah a seplai takin Sunday biakinn khat ah thugen dingin ki sam hi. Tua lai-ah khuknatna nei nupi khat in thungen dingin cial hi. A thungetna ah Jesu’ min hong lawhkhiat lianleh tua nupinu leilak ah thakhat thu-in ki pumpaih suk hi. “Tua dan-a hong pian ciangin dawigilote a paikhia uh ahi hi,” Kum 68 apha ta Mordecai in ci hi. “Tua nu adaingin thu ka ngetsak a, a mah zong tua tungtawn ma in Adventist hong suak hi,” ci hi.

Mordecai’ tangthu khempeuh ah dawigilote’ thu kihel khin sam lo hi. GM pioneer a sepkhit kum khat aphak kum, 2007 kum in Zezana ah kipuak hi. Tua lai-ah a om sung nuam asak penpen ahi hi. Innkhat khit innkhat lut in, Sabbath thumaan leh Jesu hong paibaih nading thu gen hi. Tua banga, a sepna hangin pawlpi mi 16 apha pawlpi khat leh a pastor pa uh hong piangthak in tui hong kiphum uh hi. Tua pawlpi pen tua munlegam aadingin Adventist pawlpi masa hi pah hi.

Tua zawh a sawt lualo khat ciangin, Beitbridge kici khua a, kumpi sang khat ah Mordecai in effort a bawl leh dawigilo 8 te tawh kituak kha hi. A power point sceen tungah singlamteh tunga kikhai Topa Jesu’ lim hong kap lian leh kum 48 apha nupi khat thakhat thu-in hong diangkhia in khansung panin taikhia hi. Kikhop khitciangin, sanghuang sung munkhat ah tua nupinu na lum hi. Themzong tanglo in a si tawh kibang hi. Mitampi takin zawng ngeingai in, sangkhan sung sual tungah sial uh hi.

See also  Thuhilh Siavuanpa

Mordecai in pawlpi mi 10 kaikhawm in, lasakna le thungetna makaih hi. Jesu’ min hong lawhkhiat lian uh ciangin, tua numei thakhat thu-in hong tuto vat hi. Nakpi takin a kisat vanvan khit ciangin sualtung kiden sukna vat hi. Dawigilo khatin a pumpi a sugawpin paikhia ahihna a omdan tawh kithei hi. Tu in amah in tua nupinu suakta maw suakta lo cih thei nuam hi. “Khrist kiangah thu nangen ding hiam?” ci in dongh hi.

Nupinu ahih leh tanglo in sualtungah lumh lai hi. Siangtak nailo cih lim lahna hi ei, Mordecai in ci hi.

Pawlpi mite in lasa in thu hong ngen leuleu uh hi. Jesu’ min a zaktak ciangin, nupinu hong tuto kik in, liinggawp kilok gawp in, sualtung ah kipumpaih suk leuleu hi. A dang dawigilo khat paikhia leuleu hi.

“Khrist kiangah thu nangen ding hiam?” ci-in Mordecai in dongh leuleu hi. Nupinu bangmah tang nai tuan lo lai hi.

Tua dan in hih toto uh hi. Pawlpimite in nitak nai 9 pan zingsang nai 3 dong lasa in thungen uh hi. A tawpkhak na-ahi, a giat veina ah nupinu in Mordecai in a sawl mahbangin thu hong ngen ta hi. Hong tuto in aw siang setset in thu hong ngen a, “Topa Jesu aw, dawigilote’ kiangpan in nong hotkhiat ka lungdam mahmah hi. Na pawlpi mi hoih khat ka suah nadingin hong huh in la, hih khansung ah om na tate mahbangin hong thakhauh sak in,”c i hi. Tua nupinu pen tu-in Seventh-day Adventist khat ahih banah Deaconess ahi hi. “God is good all the time, Topa Pasian pen a tawntungin hoih hi,” Mordecai in ci hi.

See also  ‘Hi, Hope Channel’

Atawntungin Pasian hoih hi. Southern Africa-Indian Ocean Division sunga om gam 18 sungah ateeng mimal million 193 te aadingin thu hongngetsak mi khempeuh tungah lungdam kong ko uh hi. Tua banah Topa’ hong paikik nading taangkona ah a kizangh ding Sabbath 13 na mission sumpi ah nong kihel man un zong lungdam sawnsawn. Topa’n thupha hongpia ciat ta hen. Amen.

&&&&&

Tags:

Admin

Admin

Top