Desmond Ford Thu Tawm

Desmond Ford Tangthu, Zomi, Zokam, Zopau, Zolai, Tedim, Tiddim, Chin, Myanbmar, Adventist, Christian,

Dr Desmond Ford Thu Tawm

Dr Desmond pen march kha 11 zingsang 1:15am in gupkhiat na sung ah a kamciam kician tak om mah bang in Zeisu sung ah hong nusia hi.

Ford pen Townsville, Northern Queensland, Australia ah Feb 2, 1929 in piang hi. A nu leh a pa te pen bishop ukna tawh biakna neu zuite hi uh hi. A pa pen post office ah sikkhau lai khet nasep sem hi. Amau innkuan sungah a nu in Adventist upna lunglut masa pen a, tua zong Adventist-te cidamna tawh kisai tungtawn pan hi a, ahih hang pawlpi mi suak nailo hi. Sydney, New South Wales ah kituan khia uh a, tua mun ah Desmond in a sangkah na hong zo in Sydney newspapers zumpi ah journalism hong ki pan khia hi. Amah pen laisim a lunglut leh a hahkat mahmah khat hi a, Advent Radio Church pan in Adventist te laibu tampi tak leh Laisiangtho thu tampi tak sinkhia hi. Adventist mi khat in Desmond tungah Laisiangtho pia a, tua Laisiangtho pen elementary sang a zawh ma in sim gai khin zo hi. Amah pen 1946 in tui kiphum a, tua hun a kipan Avondale College ah Pasian nasep zia sin dingin hong kipankhia pah hi.

Tua laitak in Dr William Murdoch pen sang siapipa hi a, Desmond in William ie Laisiangtho sinna hun ah va kah a, William in Desmond i laisim dan leh lungsim puak zia a muh ciangin pakta mahmah hi. Murdoch pen Desmond i siapa/pupa hong suak hi. 1950 in sang hong zo hi. New South Wales Conference ah khasum sang lo in nasep zia hong ki sin hi. 1952 in college a a lawmngaih nu Gwen Booth, elementary sang siamahnu tawh hong ki teeng hi. Kum 5 sung a nupa un North New South Wales conference a khuapi tuamtuam te ah hong sem kawikawi uh hi.

1958 kum in Desmond in Avondale college ah sang hong zom kik in Bachelor of Art( Theology) tawh sang hong man hi. Tua sang pen Pacific Union College tawh ki zom ahi hi. Sponsor hong ngah ciangin, Washington DC ah SDA seminary ah hong kah hi. Tua sang ah Murdoch zong ki suansak uh a, Edward Heppenstall kici in zong tua mun ah laihilh in om hi. Ford in tua seminary pan phattuamna ngah lo in a hun mawk beisa uh ahihman in a Sia te nih in Michigan State University ah sangkah ding in sawl uh hi. 1960 kum in PhD summa cum laude (Pahtawina sangpen tawh PH. D) cih hong zo in 1961 in Avondale College ah Theology Department ah laihilh dingin hong ki leh kik hi.

See also  Khamuanna Taktak

1960 kum in Gwen Ford (a zi) in cancer hong nei in April 24 1970 (Friday) ni in a nuntakna hong tanlawh hi. Gwen in Desmond zi kik ding leh a tate 3 Elenne, Paul leh Luke nu kik ding in numei a deih pawlkhat min gelhkhia hi. Desmond in zi neih kik ding ngaihsun lo in sangkah ding lunglut zaw hi. Pawlpi makaite in a tate kep ding leh zi neihna in ama adingin khat kia a om sang in thupi zawpek hi cih kam vaikhakna nei hi. Tua mah bang in kha 7 khit ciang Gillian Wastell tawh hong ki teeng uh hi. A zi kik pen Desmond i sang naupang khat leh a zi masa i naupang kepna ah sang siamah leh a huh den khat zong ahi hi. A beisa in zong a tate kep sak ngei hi.


A turning point( kiheina hun or khensat na hun)

1971 leh 1972 kum ciangin Manchester University ah laisim hong zom in “The Abomination of Desolation” cih (dissertation) thulu tawh PhD ( theology) hong ngah hi. 1973 kum kn Avondale College ah laihilh dingin hong kilehkik hi. 1977 kum laizang pawl in Pacifin Union College ah laihilh dingin sapna ngah hi. Hi teng ah a nasep sung in Association of Adventist Forum sunga om Angwin Chapter te kiang pan Investigative Judgement( Dawpkholh Thukhenna ) cih thulu tungtawn a thugen ding sapna hong ngah hi. October 27 1979 Sabbath sun in ama dinmun leh a thu kicing tak in pia in a kidal zo lo ding te dal sawm na tawh buai na bulpi te kankhia kawm in sawtvei pi pawlpi sung a mipil te i theih biakna sung ah buaina te a khahkhiatna in 1980 ah Glacier View meeting ah ama langpang ding tampitak hong piangkhia hi. Tua tungtawn in nasem ki khawlsak pah hi.

Pastor nasep asep sungin hih Investigative Judgement tawh kisai amah leh amah zong thu tampi tak ki dongh in ngaihsun zel hi. Pawlpi mite si ding a lupna tung a ngakte leh investigative judgement sung a a minte uh hong dawk ciang a gupna tan lawh ding kisa uh hi. Desmond i dawnkikna kician mahmah khat ahih leh Upna tungtawn a Zeisu sung ah diktanna cih ahi hi. Ama ie thuhilhna leh a thugenna-te a kitheih tuam vilvel nang kammal hong suak hi. Kiniamkhiat tak a Pasian thu a genna in mi 1000 lom kaikhawm in, tua kawmkal pan in a ki siangsak (perfectionist) pawl khat te tungtawn pan in langpanna leh genna tampi ngah hi. Hi thulu tawh kiai in 1960 leh 1970 kum sung pen buai na tam pi om hi.

See also  Why Worship on Sunday? A Saturday vs Sunday Comparison


The shape of Controversy (Kilemlohna ie Lim leh Melpuak)

Pawlkhat in hih kilemlohna pen upna hang a diktanna tawh kisai in hong ngaihsun uh a, ahih hang tua bang hilo hi. Roman catholic te leh protestants in a kibang in upna tungtawn a diktanna cih ki um hi. Pawlkhat te in hih kilemlohna pen investigative judgement hang hi ci uh in, ahihhang hih thu pen Dr Ford nasep na pan a kikhawl sak nop na ki patna ahihi.

Hih ki totna/kilemloh na a siatzawk leh sukzawk semsem na ahihleh amah leh amah a khiallo leh siangtho sakte (perfectionist) tungtawn pan a hong piang khia a hihi. Adventist te upna sung ah hihpen kiciaptehna khat leh pawlpi i ngeina /kalsuanzia khat dan in pai to hi. Christian pawlkhat in tuisiangtho leh singlamteh limlak tungtawn a sianthona ngah cih upna nei uh a, nuntak sung tawntung upna hi a, tuiphumna tawh kipan in, pawlpi sung ah sanna/ciaptehna la in, pawipi te ah ahizong ki pawl khop na lianpipi te ah ki hel in, biakin sung ah khan dei neu ah siampi te mai ah mawhna te suut in sihma dong ciapteh na ngah na ding. Seventhday Adventist te in ah siantho na pen nuntak sung a kalsuanna in kihilh uh a, mi khat sung ah khasiangtho a lut theihna ding in i ngaihsut na te piakkhiatna tawh kipan in, Pasian thukham te zuihna tawh, thunget na tampi tawh, nisim in laisiangtho sim na ahizong. Gamtatna hoih tampi te zui in siangtho taktak ing ci a khat pen lamtawp dong ka tung khin hi ci a lungmuan pah om thei lo hi. Bangzah ta in vang gam tung ding a kilawm hi a khialhna neilo mi a hi phial zong.

A kigen nop na ngeina ahihleh gupna ngah na ding in hanciam tak a nasem in kicinna omloh mah taleh tua kicin loh na te pen Khazih i siantho/diktanna in a kisap na teng hong hu ahihman in hipen isih ma dong a piakkhiat/letsong hoih penpen ahihi. Hih siangtho na ingah na ding a i kanthei a tawpna in a hihleh Ted witson in Autumn Council ah a thugen na a kimu thei hi. Aman bang ci hiam cihleh “nisim in i ngaisut na te Christ kiang ah kipia khia/ki ap den in hileng amah in ama ie sianthona te ei sung ah hong guan ding hi” cihna ah ki muthei hi. Zeisu khazih ie ngaihsutna leh gamtatna pen genbanglo gamtatna leh ngaisutna ahi hi. Thu um mi khat sung ah Christ i ngeina ki guang hi cih ngaihsut na piak hi masa lo hi. Thuhilhna ngeina bang a hihleh mihing khat a ki khel ciang in khazih in zia leh tong leh ngaihsutna thak hong ompan hi. Tua hun a kipan in gupna ngah na ding pen thukham zuihna in picing sak in behlap to hi.

See also  Loren Seibold Doesn’t Appear to Understand Conservatives


Believe on the Lord Jesus Christ (Zeisu Khazih um inla muang in)

Hih kilemlohna sung ah Ford in “Zeisu um in la muang in; tua hi leh hotkhiat na hi ding hi” (Act 16:31) ciht thulu tawh Paul leh Silas laikhak tung tawn in thu hilh a nei den hi. Ama langlam te a kisiangtho sak te in tua bang hehpih na man tawm hi” cih san hi. Amau lungkim loh na a hihleh calvary tung a mantampi man letsong a hong ki pia ahi mawh mai na leh diktanna pen a hoihhet kammal suak sak uh hi. Zeisu leh gupkhiatna na cih pen Ford i letdet/pomdet khantawn a ding a Christ leh sianthona ah kal neu khat bek hilo in Sanzawh na ding khekap/kal khat hi den hi. Tua ahihman in hih kilemloh na pen laisiangtho tawh kizom lo siantho na sandan pan hong piangkhia hi a tua khialhna tawh ki zom nuam lo in mi tul tampi tak mipi lak pan hong pai khia uh hi.

Adventist nasepna pan Ford hong kikhawlsak ciang in Pasian thu a lunglut a lawm te pawlkhat tawh Good News Unlimited cih Pasian nasep na khat hong bawl khia uh hi. Hih kipawlna in ama ading a nakpi tak in lampi hong ki hong tuam a leitung mun tuamtuam ah pai in laisiangtho bek mah, hehpih na bek tawh cih leh upna tungtawn bek tawh cih tawh Pasian thu hong gen uh hi. America pan in Ford pen 2000 kum in hong khawl a Shelly Beach, Caloundra, Queensland nai ah a innkuanpih te kiang hong teng hi. Australia ah Good News Unlimited kipawlna nuaih ah thuhilhna nei zel hi. Amah in a khawlma in laibu 17 a ma min tawh ki bawlkhit ciang laibu dang 10 hong bawl beh hi. Adventist upna tawh a lunngsim kizopna te hang in amah leh a lawm Gillian pen a om na ua Seventh-day Adventist biak inn ah a cinatna in kikhawm zolo a hong phak masiah ki khawm den uh hi. Kha tam lo khit ciang in hong nusia hi.

Unaupa Lianpi in Hi laimai pan hong letsak hi. Lungdam. 

Tags: , ,

Admin

Admin

Top