Sumpi Hanthotna:
Sabbath-27
July 6, 2019 (Eite ki-ap zah ciangciang)
- Seventh-day Adventist pawlpi akiphuh cillai-a makai pite pen a citak mahmah neihsakem (steward) te nahi uhhi. 1844 kuma Willliam Miller leh apawl te ii Jesu hongkumkik ding alam et uh, hongkum loh ciang alungkia mahmah uhhi. Jesu aum teitei pawlkhat in laisiangtho kanpha kik uh a, a ni akha akhial hilo, athu kipelh khat hanghi ci in kipsak uhhi. 1844 kum pen thukhenna kipat hunhi cih theikik in, gen kholh nathu ii anunung penhun hi cihthei uhhi. Jesu hong paikik ding hun ii anunungpen hun hita hi. A maute lawp mahmah uh a, vantungmi thumte thupuak thute leh thumaan dangzong leitung bup akizel dingin tangko uhhi.
A haksat nakhat ah tua hun laitak in leitung bupah pawlpi omlo, huihtawh nasep theihna te lah omnailo, sehsawm suah sehkhat leh sumpi tawh nasep na lah kazang nailo, mi tawmcik bek kipawlna hiphot hi. Pasian nasep nading zong mimal themthem ii piak sumpi tawh kisem liamliam pan hi. A makai te in ahun uh pia in sepding aom bangbang limtak in sem uhhi. Sumpi leh kipawlna sumte kaikhawm in nikhat a an neek tang uh nelo liangin kipawlna nasep nading in sumpi pia uhhi.
Tu hun in zong tuazah in ki-ap in semzo hilehang hoih mahmah ding hi. An neek tang sumpiakhia a sep ding belkisam sam lo hi. Pawlpi makai masa te 100% ki-ap in nasem uhhi. Leitung ah lungdam nathu tangko ding lunglut mahmah in vei mahmah uhhi.
Ngetna: Tuhun ei ki-ap zawhzah enkik ni. Lunglut na, ki-ap na, citpiakna, bangzah ihnei hiam? Jesu Christ ii lungdam na thu tangko ding bangzah ih vei hiam? Lungdam nathu kizel sak ni.