FRANCE GAM AH KIKHELNA LIANPI (The French Revolution)
French Revolution hun pen Pasi- an om lo cih hun hi-in, mihing- te in amau pilna amuan laitak uh ahi hi. Tua hunin French te in Re- publican Calendar/Revolutionary Cal- endar ci-in Calendar thak khat hong bawl uh hi. French-te in hih calendar thak kum 12 (1793 panin 1805) sung zang uh hi. Tua Calendar in kaal khat nisagihte phiatmai a, biakpiak ni beisak in, kaal khat ni sawm in hong bawl hi. Nasem khempeuh in ni kua sung nasem uh a, a ni sawm ni pen tawlngakni le lungdamni in zangh uh hi.
Napoleon Bonaparte in ama hun ciangin kaal khat ni sawm apha tua cal- endar pen hong suphiat a, French mite in kaal khat nisagih mah zat kik ding thupia hi. Mipi nasem khempeuh in ni kua sung nasem in, ni khat tawlngakna calendar thak pen nuamsa ngiat lo uh hi. Tua in leitung pen a ngeina in ki- heek sak kik a, ni sagihni pen Piangsak-pa biakpiak ni ah hong tun kik hi. Eden huan pan a Pasian in kaal khat sunga ni om zah ding a geelsa le a kipsaksa awlmawh lohna in lungsim, pumpi bek hilo kha zong gimsak mahmah hi. Pasi- an in eite Ama ading ngiat a hong piansak ahi hi. Sabbath siangtho sak dinga ki-apna in i nuntaknate ah kikheelna lianpi piangsak hi.
Gam 70 val ah Jesu thu le Pasian’ Kammal thumaan ka tangko kawikawi a, mi tul tampite in Jesu‟ nung zuih ding le Ama Sabbath ni siangthosak dinga a khentatnate uh ka mu hi. Pawlkhatte in Sabbath tanna ah haksat ze-etna taktak phukha uh hi. Mi tampite ahih leh nasep apia (boss)te un nasep taanlawh ding cih tawh lau gawpsak a, Sabbath ni-in nasep nong kuan kei ngeingei uh leh nasep hong kikhawlsak ding hi, ci’n siangtak in gen uh hi. Ahih hangin hun khat khit hun khat ah, Pasian in nalamdang abawlte ka mu ciatciat hi.
By: Mark Finley
Translator: Zomi Quavadis
Na Tuanna Teembaw Topa in A ompih hiam?
Second World War lai in, Misionary innkuan khatin gilsan vei, sungpai in azuihding tembaw zui theilo uh hi. Japan te’n tuikulh kap ziaziah ta a, amau innkuan bek tuikulh ah om suak uh hi. Ei a si ding hi peetmah ta hang ei ci uh hi. Dah mahmah uh hi. Bang hang gilsan vei sese ih hi hiam ci in lungkia mahmah ta uh hi.
A zing ciangin, news 1 za uh hi. Japan te’n bomb khia in, a zuih khaklo tembaw kisia hi. Asuakta omlo ci in za hi.
Tua tembaw tungah kihel khaleng, ei innkuan zongh asi ding ih hi zen ve maw cih sang thei pan hi.
Tu aa, na zuih, na tuanna tembaw pen, Topa hong ompih tembaw mah ahi diam, ngaihsun phapha dih sin aw.
Gilsan navei aa, tembaw natuan nopkhat, na tuan khak kei phial leh zongh khasia in lungkia kei in: Pasian in hong honkhia nuamzaw hi thei ding hi.
Zeisu ie hawl, tembaw mah tuan sawm zaw in. Genthei phial mah nicin, gilsan vei phial mah lecin zongh Zeisu in, innpi na tun dong hong tonpih gige ding hi.
Misionary te innkuan, atuikulh mah ah ngak gige lel uh hi. Si lo uh hi. Anunglam ciang, tembawpi khat tawh America ah daaitak in ciahkik thei uh hi. Ngaklah lua ke’n, lamdawt totsawm ken. Pasian ie hun pen zekai lua cih omlo hi. Manlanglua cihzongh omtuanlo hi. A hun hoihbek lian hi. By: Pu Tongseal
Lungnuam takin Nuntak Theih Nading
Inn thak ahk mawtaw thak neihna in lungnopna hong pia lo hi. Lungkimna diktak in lungnopna hong pia bek hi. Lungnopna ih cih in mihing nuntakna ie mungtup le ngimna hi ci in tu ma kum 200 lai in Aristotle in gen hi. Tua ahih leh ih nuntakna sungah koi bangin lungnopna le lungkimna ngah thei ding hiam cih thu tomno en suk ni.
- Na Sepnop semkhia in: Kimawl uk maw, laigelh uk maw, mite laihilh nuam maw, na sepnop khat sepkhiat nading hun pia in. na lungkim dong sem in, lungnopna na ngah ding hi.
- Midangte Huh in: Ih lungtup khat sem in, ih lawhcin khit ciangin zong a kisam khat omlai si e ci in ih lungnuam lo hi. Tua hun cianign midangte haksatna huh inla, piakkhiatna tawh panpih in.
- Lungdamna Thei in: Na sep na bawlna khempeuh a lungdamhuai thu hi cih na theih leh thupha ngah na hi hi. Na neihsa, na nuntakna hangin lungdam in.
- Midangte Hawm in: Midangte kiangh ah ih ngaihsutna, ih hun le ih siamnate ih hopsawn ciangin ih lungsim kilamdang hi. Mi tungah na hopsawn ngei keileh na guaksuak ding hi. Hawm in, midangte nang tungah a lungkim zia uh na muh ciangin na lungnuam ding hi.
- Nuihmai in: Zing na thawh simin na biang zal inla, nui sin dih, na nuntakna ah lungnopna kicing na ngah ding hi. Maitaina in ci damsak hi.
- Kimawlna: Kimawl inla, na khua-ul pusuak sakin, na navak dinga, na lungnuam ding hi. Ni khat in kimawlna in nah un nai lang (½ hr.) zang in. Mi lungnuam na suak ding hi.
- Lunggimna Dal in: Na piankhiat pan na ngah lungnopna pen lunggimna buluh sak kei in. Lungnopna na deih leh tua lunggimna hawlkhia in. lai Saingtho simna le thungetna tawh tua lunggimna notkhia in.
- Na Koppih tawh Hun Nuam Zang in: Na it zi/pasa le tate tawh hun nuam na zatna pen bangmah dang tawh kiteh thei lo in manpha hi. Innkuan ading sum zongin khual gamlapi ah na om leh zong phone tawh message tawh hopih in. A omkhawm na hih uh leh innkuan hunnuam zat khopna ahi off day ni in park paina, shopping paina cihte zang in.
- A Sia lam Ngaihsutna Peel in: Thu sia bek a gen nuam mi pawl khat om hi, tua te peel in. Mi pawlkhat in tu-ma kum sawm cianga a piang ding teng gel in, nulepa hong sihsan hun ding, itlengaih, sanggamte hong sihsan ding peuh gel in thusia vive a lungsim vuah koih hi. Tua te ngaihsut ding hun na ngah leh Lai Siangtho sim in, labu la in la sa in. Kha Siangtho in lungnopna hong guan ding hi.
- Maisak inla, Mangngilh in: Na lungsim ah enna, hazatna leh deihgawhna te kizosak kei in. A beisa na hunte ngaihsun kik na tungah hong khialte tungah na hehna nung ngaihsut kikkik kei in. Na mailam ding ngaihsun inla, gualzawhna na ngah nading lampi en in. Mikhat hong bawlsiatna hangin nangma nuntakna susia ngei kei in. Gualzawhna le lungnopna in hong ngak hi.
Tu-a na dinmun sangin na lawhcin zawk nading le a nuamzaw nuntakna na neih theih nadingin hanciam in tha sanin. Na lawm na gual neihte na neihzawh nadingin hahkat in na hun neih sunin zong in. Ahi zongin, a kisia thei nate tawh buai in lunggim in kha kun kei in. Na hihna le na tunna ciang tawh lungkim inla, Topa thu sungah lungnopna kim om ahih lam phawk in Pasian maingat den in.