MSS 13: ‘Gim Lua Ing’

Franck Mbunga Mudibu, 39

Nicky Masela Mbunga, 34

Democratic Republic of Congo

December 28

 

Nicky Masela Mbunga in, Kinshasa Seventh-day Adventist Clinic ah nurse ah asem a pasal, Franck, nawhsa takin sam hi.

“Gim lua ing, ka gilsungah a naaknat mahmah khat om hi” ci   hi.

Nicky in ta a neih nadingin kum li sung tawntung thu a nget khit ciangin tu-in a sungah nau kha giat pha ta hi.

Franck in zong a doctorpa’ kiangah dongh pah hi. Doctor pa in “Natdawn tang na ne phot hen la a noptuam kei leh Siikhan ah hong pai hen” ci  hi.

Tua nitaak thapaai pet paisuak hi. Nicky gim mahmah in a tha bei mahmah a, a khetawh dingg to zo lo phial hi. Frank in doctor pa a hopih ciangin, siikhan ah nawh takin a paidingin sawl pah hi.

Siikhan ah doctor pa’n a et ciangin sisan tam paikhia khin lua ahihlam thei pah a sihawm ding kinawhsap mahmah hi. Tua ahihmanin a lianzaw zatopi ah a pai dingin sawl   hi.

Ahizongin Frank in zatopi ah pai nadingin sum kicing nei lo hi. Amah zong nurse khat ahihna tawh a lawmnu’ natnapen lauhuam mahmah dinmun ahihlam zong thei hi. Tua ahih manin doctorpa kiangah ahih theih tawpin a huh nadingin ngen  hi.

Zato nasemte in zong Nicky pen cina sawnna siikleng khat tungah lumsak in, van tampi a ki koih khol se lo, ki-atna khan sungah hong sawn phei ta uh  hi.

Frank khan pualam ah a puasuah kawmin doctorpa in Nicky’ sihui a zonzon lam hem muh hi. Cina ngakna hawlpi sungah doctorte leh nurse te in Frank hehnem, tha pia ngeingai uh hi. “Patau mahmah kei oh maw,” khat in ci  hi.

See also  Zi 3 Nei Mipa

“Pasian in ong huh lelding hi ei,” adang khat in ci  hi.

Tua lai-a siavuan siamahte in a zi a dingin thu a ngetsak uh Frank in mu hi. Siamah khat in amah zongh thungen dingin sawl hi.

“Operation hoih takin ki zo thei hi,” nurse khat in ci hi. “Ahi zongin thu na nget lai ding kisam hi.”

Pasian in a hoih pen dingin hong sem ding hi, ci-in Franck in umh hi. Khan tuam khat ah lut in khukdin sukin thu ngen hi. “Pasian aw, ka zi pen a innkuan sung mahmah vuah zong a tumdang deuh khat ahi hi. Kei nong huhnop leh ka zi nuntakna hong hawi sak in. A nulepate Adventist hi nai lo uh hi.

Adventist zato ah a kibawl ahihlam amaute in thei uh hi. A zenzen in hilai munah ka zi si zenzen leh….”    a cih kawmin a aw ging thei nawn lo  hi.

Tua laitakin siikhan pan in specialist te khat zatopi panin a huhsak nadingin phone set uh hi. Tua paraguu pa in zong phone dawng kik pah a, tua lai mun a tun nadingin a tawmpen nai khat bang sawt     ding ahihna gen kik  hi. Doctor pa in zong tua tantan pen Nicky in thuak zo lo ding ahihna thei ahihmanin   a mahmah in a khei dingin hong kithawi kik ta hi. Tua siikhan ah pen vanzat ding kicing om lo himah    taleh a hihtheih tawpin hanciam sawm  hi.

Tua bangin vanzat dingteng halsiang phot ding a kipat laitak in mei mit sawnsawn hi. Himah taleh kikhei ding, kipan khin vet a hihmanin, zopsuak kul ta   hi.

Doctor pa in zong a vanzat teng tanglai-a, khuaphialep mei om ma a te’ zat mah bangin meikhuk ah hong hal ta hi.

See also  BANG HANG IN PIANG KA HIAM?

Doctor pa in Nicky’ puanteng hong lemtoh ciangin munkhempeuh ah si bekbek dim zihziah    hi.

Zekai khin lua ta hi. Naungek’ lungtang kisaai nawn lo   hi.

Nicky maitang limtak in hong en hi. Husan ding haksa samahmah in a naak leepleep mu hi. A nu’ nuntakna beek ka hot khiat zawh mateng, ci-in hanciam hi. A tawpkhakna ah, Nicky pen hong hoih zawdeuh ta hi. Tua ciangin a pasal Frank ki lut sak   hi.

Buaina dang kibehlap vet lo in Nicky hong dam thei bilbel hi. Doctor Olive Kisile in, nupate’ kiangah tua nitak in Pasian in nalamdang lianpi khat a bawl ahihlam gen khia   hi.

“Pasian pen note’ tungah ong hoih mahmah ahihmanin Amah na phatphat dingun a kilawm a hihi,” ci hi.

“Mihing theihna ciang tawh hileh Nicky pen a sikhin ding hi zaw hi. Hih bangin a om theihna pen Pasian khut in a kep man ahi hi” ci  hi.

A tano uh a sihkhit kha khat khit ciangin, Frank le Nicky te nupa lungkhamna lianpi sungpanin hong suahtak khit lian nailoh uh hangin, Pasian’ kepna le    itnate teci hong pang sawn uh ahi hi.

“Kei mahmah in ka tuahkhak thu hi-in, Pasian’ khut in kote pen siikhan sung panin hong kem a hi hi. Mundang khat peuh ah ka zi a kah pih hi lengin si khin mai ding hi. Tua siikhan a nasem khempeuh in thu hong ngetsakna uh hangin Pasian in ong hehpih in ong damsak ahi hi.”    Frank in ci hi.

Hih thupiang in a sanggamte uh Adventist ahi nailo te’ tungah nakpitakin huzaap nei mahmah hi. Nicky’ pa in nungdeuh in Frank kiangah, “No Adventist te pen special deuh ong sa ingh. Banghanghiam cihleh ki-it phadiak uh teh. Midangte zong it thei deuh hong sa ingh,” ci hi. Tu-in zong Frank’ sungpa in tua Adventist siikhan mah ah cidamna lam tawh kisai khempeuh kizom den ta   hi.

See also  4. Pound 90 Kiam Losing 90 Pounds

Tua kuata Sabbath 13na mission sumpi khenkhat tawh hih Siikhaan a kisamlai vanzat pawlkhat te,  a ki kibehlap sak ban ah, innte mahmah zong ki lambeh sak lai ding   hi.

“Hih siikhan a dingin huhna a tuam vilvel in kong ngetnopna ah, Pasian nasepna ah a muibun mahmah leh mi tampitakte’ nuntakna a honkhia siikhan hong suah nadingin thu ong nget pihden un,” Frank in ci hi.

Tu-in a nupa-un tano manpha khat Pasian in a piak kik ding lamen tak in   ngak uh hi.

“Ka tano uh ka khuai uh hangun Pasian’ min ka phat veve uh hi. Ahangin ka zi Topa’n hong pia lai-a, ta manpha zong hong pia veve ding hi, ci-in ka    lamen hi.” Frank in ci hi.

Tags:

Admin

Admin

Top