Haksat Hun Sungah Khazih Tawh

Zomi Sabbath School Lesson, 3rd Quarter 2022

“Haksat Hun Sungah Khazih Tawh”

 

A KIKHAILUM PIANGSAKPA

 

              “Pasian in Thu tawh na khempeuh piangsak a, Thu tawh lo in a kipiangsak khatbeek omlo hi” (John 1:3). “Na Khempeuh” a piangsak Zeisu hi a, Laisiangtho in “Zeisu a  kap hi” (John 11:35) cihi. Piangsakpa kap tazen! Tua banah Zeisu pen “ki simmawh, kinial a; gimna leh natna thuak” (Isa. 53:3) cihi. Piangsakpa, dahna thuakpa, simmawh leh nial thuak maw? “Ka Pasian, Ka Pasian, banghangin hong nusia nahi hiam” (Mate 27:46) ci in kiko hi.

Koi bangin tuate piangthei hiam? Zeisu, hong piangsakpa, hong tanpa, a kikhai Pasian, ki niamkhiatna tawh eima dinmun hong lasuk a, Rome mite’ singlamteh tungah khailupna thuakpa ahi hi. Eite hong piangsakpa Amah hangin “hingin i gamtang hi” (Sawl 17:28) eite kuamah in i thuakzawhloh thuakpa ahi hi.  Eite in eimau dahna lungngaihna bekmah phukha hihang a: Amah in singlamteh tungah “eite” natna leh gimna teng thuak” (Isa. 53:4) hi. Vannuai ah a lamdang penpen thupiang zong hipah hi.

Tua thuteng siksan in, mailam khathum sungteng in, eite theihzawh lohthu tampitak, eite thuakna, Christiante’ thuakna leh Khazih tungah a kipiakna cihte i lungngai ding uhhi. Dotna khempeuh dawngkhin thei sam keini in, Pasian in itna hi” (1 John 4:8) a, bangpeuh piang taleh, Pasian mah muang tentan in, nasamahmah taleng, Ama’ hehpihna sungmah ah khangto ding hi hang.

Tu quarter sungteng, Pasian’ thu bangzah in umtaleng, lametbei, lehbawl thuak, thumaan lotak in suplawh cihte phukha veve ding hihang. Koibangin gualzo ding a, bang pilna peuh ki ngah lawh thei ding hiam?

See also  24/7 Sungah Nuntaklai

Hitengah miteng i etciangin, amau phutkhak, thuak khak upna sittelna tepen singlamteh bulphuh mahin hongtung cih itheih kul hi. Zeisu Khazih Piangsakpa leh Tanpa’ thuaksiat zahin a thuak kuamah omnailo cih zong phawk tawntung ding hihang.

I Pasian in a thuaksia Pasian ahi hi. Christian ahi beeklo Albert Camus nangawn in, singlamteh tungah Pasian’ thuakna teng thei kisa in: “Tua Golgotha nitakin Pasian in Ama’ dinmun nusia liangin, gimna dahna tawh sihna hong thuaksuk zawzen cihpen tangthu sungah thupi mah mah hi”—Albert Camus, The Rebel (New York: Vintage International, 1991), p. 33, cihi. EG White in zong “Pasian’ mai ah eite pen mawhna in a cimtakhuai mahmah hong suaksak cihpen, singlamteh in hong lakkhia hi”—Education, p. 263.

I lesson sinnate pen, dawimangpa’ maiah Pasian in eite hong pumgup cip hi lo hi. Mawh baih mahmahna leitung mahah, lohtheihloh a thuakna te’tungtawn in nasepna hong huhding a deihna ahi hi. I kihilhnop penthu in, natna dahna supna cihte pen Pasian in hong nusiata cihna hi lo a; a puksa mihingte ihih manin thu-um mite nangawn zong thuak ding cihna hilel hi. Zeisu leh Ama’ hongpiak lametna tungtawn in, khiatna neilo ngiimna neilo teng khempeuh in khiatna leh ngiimna hongnei ta, eite’nngaihsun zokei phial mahleng zong, “Pasian a itte khempeuh adingin na khempeuh a hoihlam in piangsak” (Rom. 8:28) hi. Pasian, Amah a piangsakpa mah in nakhem peuh thuak ngiat a hihman in Amah i it hi.

Tu quarter bup pilna hongpia dingpa, Gavin Anthony pen Sri Lanka gam pan naupang Pasian nasepna pan hong khangto hi. England ah Pastor sem a, hih Lesson sinna teng a bawl laitak in Iceland conference president a sep laitak ahi hi.

See also  SS 4th Qtr: Khrih Sungah Thu-um Mite Pumkhatna

A sungA Om Thute

  1.  Tuucingpa’ Haksatna

  02        Hongtung Haksatnate      

  03        Vasa’ Buk        

  04        Khamsekpa’ Maitang Mu     

  05        Salua    

  06        Tha Neihzah Tawh Kitom

  07        Suksiat Theihloh Lam-etna         

  08   Muhtheihlohpa Mu

  09 Phatna Tawh Nungta

  10 Haksat Hunsungah Lungnem 

  11 Haksat Hunsungah Ngak

  12 Buhtang Bangin Sihna  

  13 Haksatna Sungah Khazih

Download (PDF, 1.28MB)

Download (PDF, 1.08MB)

Tags: ,

Admin

Admin

Leave a Reply

Your email address will not be published.

Top