Lesson 10:  Haksatna Hun Tawmnote

Lesson 10                                                     June 1  –  07

 Haksatna Hun Tawmnote


 Sabbath Nitaaklam                                                June 1

Tukaal sung sim dingMatt. 7:5;  Eph.  1:7;  Philipi  2:4-8;  Eph. 4:26,27;  James 1:29; Colosians 3:19; Matt. 7:12.

Kamngah: “Na hehuh ciangin tua hehna hangin khialkha kei unla, a tawntung in heh paisuak kei un.” (Efesa  4:26).

            Innkuan nuampen ih cihte na-ngawn haksatna leh kinialna omthei veve hi. A puksa hih leitung pianzia a hi peuh hi. Innkuan sungah, ninpaih ding, inn nasep tuamtuam te in zong, innkuan buaina leh kikhenna te a pianna ding a thupi khollo kipatna te peuh hi thei hi. Sunghnu/teeknu in thu tam a sai nop luatna hangin mothak ki taisuah thei a, pa bel lungsim cidamlohna hang, tapa’n biakna a kinloh luatman, tanu gitnatloh man cihte khawng in innkuan buaisak zo hi.

            Lai Siangtho thak sungah khatleh khat ki it ding vive hong hanthawn a (John 13:34;  Rom. 12:10),  mitawh kilem ding (Rom.  15:5;  Hebrew 12:14),  lungduai na, hoihna leh lungsim hoihna (1 Cor. 13:14),  ei a ding sangin mi ading ngaihsut sak ding (Phil. 2:3),  khat leh khat van ki puakpihna (Eph. 4:2) cihte hi.  Innkuan sung na-ngawn ah sep taktak ding sangin, kam a gen baihzaw den hi.

*Tu kaalsung tengin, innkuan sung haksatna te i sin ding hi.

 

SUNDAY                                                               June 02

Lungsim Kituaklo

            Matt.  7:5 leh Pro. 19:11 simin. Mi tawh lungsim kituaklohna te pelh theihna ding bang thu nih om hiam?

………………………………………………………………………………………………………

            Paunak laigelhpa in mi thu mu mahmah khat hi a: “Kitot i kipat ciangin, tuili pi cinna phuung kehsak khak tawh kibang hi. A nasiatma in kitot khawlpak in” (Pro. 17:14) ci hi. Kipan photleh, khawlkik ding haksa mahmah hi. Rom. 14:19 ah, kitotna thu nih tawh i daal zo thei ding hi: khat in kilemna bawl in, khat in lungsim picingsak peuh leh hi pah hi. Hihbangin innkuan sungah hih leh bangzah hoih ding hiam?

            Kitotna khatpeuh tungah mawhpuak na neih ciangin, a langkhatte lungsim nemsak zo hi. Nung etpha kik inla, kitot taak maw taaklo cih enpha in. Paunak siapa in, “pilna in mi lungduaisak a, mi hong hehsakna te ki phawkmawh bawlna in minthanna ahi hi” (Pro. 19:11).Nangma pumpi ading, ni thumsungin bang kilamdanna na piangsak zo hiam lungngai dih in.  Kumngakumsawm sungah bangzah nasia tak in na hong semzo diam? Tuabang haksatna a nei nupakop bangzah in tam ding hiam?

            Kitot kiseelna te sautoh saksak sangin, innkuanpih, sanggam, naupang, lawm, naseppih cihte tawh hoihtak kihopha zaw in. Kitotna te ah hehna kammal te hong kihel ciangin a sialam ah painuam zaw hi. A beisa lungkimlohna te kiphul kik ciang hi phadeuh hi. A diak in nupa kikaal ah om phadeuh hi. A hoihzaw a kikup dingin, kizopna kip ngiim in kiho un. Na lawm in, ama’ ading nang deihsakna telsak in. A hoih khat na laktheih khit  nakleh, tua thusia na puah thei dinguh  hi. A hih hang cih kammal zang kei un. Tua kammal in a siazaw lamah hong paipih ding hi.  Nang muhdan na genkhit teh na lawm muhdan zong gensak in. Tua khit teh na nih a dingin a hoihpen khat zong un (Pilipians 2:4,5).

See also  ZSS 10: Topa Bia

            Khiatna a neimeel lo kitot kiseelna te ngaihsunpha kik in. Tuabang a piankik nawnlohna dingin, a beisa te na etkik napan, bang pilnana ngah hiam?

 

MONDAY                                                             June  03

Nupate a Ding Thukhun Pawlkhat

            Kitenna leh Sabbath pen, Eden huan pek pan a Pasian hong piak a hihi.  Ei SDA te in, Nupa leh Sabbath a langdo galpa nasepna te i tel mahmah hi. Nupa hoih pen te na-ngawn kitot kiseelna om zel hi.

A nuai a te in, haksatna te kawmkal ah nupate a ding thukhun pawlkhat hong lak hi.

            Eph. 1 : 7 simin. Nupa kiteng te a ding bang thukhun thupi om hiam?

…………………………………………………………………………………………………………………….

            Na innkuanpi Nu/Pa tawh kiphun mah ta lecin, maisak daan siamin.  A kiphun te ki maisakzo a: aih hangin haksa kisa mahmah hi. Maisakna diktak pen, sawl hetloh sa, i Topa maisak mah bangin,maisakna a hihi. Tuabangin i hih keileh, a kiteng nupate pen, dawikua a ombang hi ding hi.

Rom.  3 : 23 simin. Bang thukhun thupi om hiam?

…………………………………………………………………………………………………………………….

            Mawhnei mikhat tenpih na hihlam phawkin. Amah zong gamtatna, a pumpi, khalam ah a kisiatna theihpih in.  Na lawm’ khialhna te theisiam inla thu ngenkhawm un.  Tua te mah tawh nungta na hih uh hang, tuate lungngai den kei un. Tua bang na lungngaih den uhleh hong nelum ding hi.  A siangtho a kicing Pasian in, Zeisu hangin eite i om bangbangin hong sang hi : tua a hih manin note tua bangin na innkuanpih Nu/Pa sang un.

                       Philipians 2: 4- 8 simin.  Bang thukhun na muhiam?  Kitenna, innkuan sung bek hilo in, haksatna tuamtuam te ah hong huh zo ding hiam?

 

TUESDAY                                                           June   04

Kitotna Sungah A Heh Pa

            A heh ngeilo i omhiam?  Innkuansung kihehna in bang hang haksa semsem hiam?  Ki maisak noplohna in zong hehna lianpi dong hong tunto thei a, innkuansung leh unau lak buaina tampi piangsak thei hi.

            Eph. 4:26,27  leh Eccl.  7:9 simin.  I hehnate pen lungsim suak a hihna leh mawhna a hihna koici teltheih ding i hihiam?  Bang ki lamdang hiam?

…………………………………………………………………………………………………………………….

            James 1:19, 20 sungah, innkuanpih khat in hong hehsak ciangin,  zat siam dingin bang om hiam?

…………………………………………………………………………………………………………………….

            Na khat peuhpeuh tungah na heh ciangin, van meidum bang hisak ke’nla, a hoihzaw lam in paipih in. Hong phinte maisak inla, amau tungah thupha bawlzaw in.  A cil in baihpaklo himah taleh, Pasian in a zom hong zawhpih ding hi.  Khat vei vei hehna in innkuan sungpan hong kipan hi. Mi lungtom te pen a lungtom innkuan pan in hong piangkhia a, ta te tuute khang kizui suksuk hi.  Cain in, a nau Abel haza a, a thah mah bangin, hehna in hazatna pan khawng a piang hi.

            Hehtheih na’ng thukip na muh tei hangin, tua thu nuntakpih zenzen ke’n. Nial se ke’n la, zang se ke’n.  Pasian dong inla, ahoihzaw in gualzo zaw in. Paul in, “gitlohna kizo sak kei unla, a pha gamtatna tawh gitlohna te zozaw un” (Rom. 12 : 21) na ci hi.

            Hehtheihna’ng thu tampi i neilua hi. Khat veivei i hehna te tungah thumaan i kisa kha hi.  Pasian vangliatna tawh tuate in eite hong hehsaklo in i koici omtheih ding hiam?

 

WEDNESDAY                                                                  June 05

Kitotna, Simmawhna, Vangliatna leh Ukzawhna

            Khat veivei ciangin kitotna a kidamsaklo hehna te in, thusia lianpipi piangsak hi.  Ki simmawhna zong pumpi, kampau, lungsim, angvai leh thudang tuamtuam om thei hi.  Koibang peuh hi taleh, ki simmawhna in, angkhualna omlo Pasian’ deih ki itna tawh ki lehbulh hi.

See also  SINNA 12: CAESAREA AH A KIKHUMCIPNA

            Kizopna thukhun thupi bangteng a om hiam en in.  1John 4 7, 8 leh Colo. 3:19.

………………………………………………………………………………………………………

                       “Pasal te aw, na zite uh it unla, amau tungah ngongtat kei un” (Col. 3 : 19). Ngongtat cih kammal pen a bulpi Greekpau ah, innkuanpih Nu/Pa tung a heh a gilo bawlsia den, mudah, simmawh cihna hi. Paul cihna ah Nu/Pa khat in gal hilo ding cihna hi.  Omdan, angvai leh pumpi mahmah ki simmawhna pen Pasianin deihlo hi. Tua sang innkuanpih itding ci zaw hi. Itna in hazalo, ki phasaklo, ngongtatlo, ang- sung khuallo, hehbaihlo, hehna ciamtehlo, thumaan ah lungdam hi ci hi. Itna in a tawntungin kemcing, muanhuai, lam en leh lungduai ci hi. Ki itna dikin, a naipan, a gamla pan, kisimmawh na te sanglo hi.

            A cidam kizopna hoih in, a langnih tuakin lungmuangsak a, hehna zong cidam lam in heisak zaw in, khat leh khat ki huhna pen ngeina in neisak hi.  A ki simmawhte in mawh kisa khialkhual thei a, hih bang simmawh i thuak ding mah hi ci in lungkim bawlzaw thei hi. Mi a simmawh te in, simmawh thuakte lungkimsak zo zah dongin siam uh hi.  A maan taktak in bel, mi kua mahmah simmawh ding hilo a, a simmawh te zong amau deihteelna leh sepna te tungah mawhpuak nei uh hi.

            Thupha khat in bel, Lai Siangtho in hehnepna, mawhsakna kihello in, simmawh thuakte hong kamciam hi. Mun khatkhat ah, lepzawhloh thu tampite a dingin, launa tawh a pualampan huhna zong kei ta uh hen.

            Ngeina pawlkhat te in, numei simmawhna khawng awlmawhlo lel hi. Khristian te in, i leitung ngeina te’n phalmah taleh tuate sungah i pukloh na’ng in i koici kidop theih ding hiam?

 

THURSDAY                                                        June   06

Maisakna leh Kilemna

            “Note tung hong kibawl ding na deihbangun, mi tungah bawl un. Thukham leh Kamsang te thuhilhna te pen hihmah a deihna a hihi” (Matt.  7:12).  Na innkuansung ah leh a pua ah na phutkhak thute tungah na hihdaan, upna tawh na khentat daan teng gualsuk diudeu in.

………………………………………………………………………………………………………

Hebrew laigelhpa in,  “Mi khempeuh tawh na kilemtheihna dinguh hanciam un, nuntak siangtholo tawh, kuamah’n, Topa muzolo ding a hih manin, nuntak siang- tho na nungta un”  (Hebrew  12:14) ci hi.  Bangzah in cial tampi tawnin sem taleng hong simmawhte pawlkhat in, i thu hong ngailo bek thamlo ki puahphalo ding uh hi. Pawlkhat bel kisiksam in cin, pawlkhat kisik khollo ding uh hi. Bangbang hi taleh, maisakna lampi a tawn eite in mi hampha i hi lel hi.

            Mawhmaisakna pen zong, innkuansung phadiakah, kitotna ventheih na’ng lamhoih khat a hihi. Mi khatin eite tungah hong mawh teh, Pasian’ galpa in, tuapa leh ei kikal ah dalna kawmpi khat hong koihpah nuam a, Zeisu hong itbang in iki it khakloh ding deih mahmah hi.

            Mawhna i maisak manin hong ki maisak hi zawlo a,  i maisak bangin hong ki maisak hizaw hi. Maisakna limlim, tehpih omlo, Pasian’ itna hang hizaw a, tua itna ei aa’ i hihsak zawk ding ahihi. Khazih in,  “Midangte thu nakhenzia tawh kizui in, note tungah hong khen ding a, midang te tungah na zat uh ngeina mah note tungah hong zang ding hi” (Matt.  7:2) (EGWhite, Christ Objects Lessons, Lai. 251) ci hi.

See also  ZSS 13:  Israel Makaite

            Ei mahmah a khialzaw i hih leh zong, i khialhna pa tawh kilemkik theih na’ng in, vapai a, khialmah ing, kisik ing ci in, i gamtatna sa te maisakna va-ngen ding hi hang.  Zeisu in  “Pasian tungah biakna pia dingin biakna tau mai ah na om laitakin, na sanggamte khat peuhpeuh in na tungah a lungkimlohna na phawk leh, Pasian na biakna dingte, biakna taumai ah nusia phot inla, pai in na sanggampa tawh kilemphot inla, tua khit teh hongpai in Pasian biakna pia in”(Matt. 5 : 23, 24) ci hi. Mi’n a mawhna hong thum uh teh, a nop mahbangin, ei’n zong i mawhna va thum leng mi’n nuam nasa uh hi.

            Na mawhna hong ki maisak ding na ngaihsutsut teh, mi’ mawhna maisak ding bangzah in hong huh thei hiam?

FRIDAY                                                              June   07

Ngaihsut Beh Ding thu:

Nu/Pa te in tanote thuhilhna khawng ah ki pum khat mello thei uh hi.  A lungsim kemcinglo in, itluatna tawh nakhilh lua leh, tua daanpiakna te in naupang lungsim hehna tawh kidimsak zawsop hi. Nubel in zong, kammal leh omdan hoihlo tawh nasia tak in daan piagawp leh, naupangte’n cihna ding theilo, mawhna pan suahtak ding zong theilo in om thei hi. Tuabang in, cii hoih lo hongpo a, gah hong gah ding hi” EGWhite, The Adventist Home, lai 314, 315.

            “Innkuan in, a siangtho leh a sang mahmah ki itna phungpi hi ding hi. Kilemna ki thutuakna, ki itna leh lungdamna te om tawntung ding a, innkuante lungsim sung ah zong a tung a te, teng den ding hi. Ki itna kungno a sihloh na’ng in, hoihtak in khoi ding hi.”

                   “Satan in zong i lungsim sungah, hazatna, eenna, ngaihsutna sia, kampau sia, lungtomna, angsung khualna, deihgawhna cih te hi a – tua te khempeuh a bul a bal in longkhia gawp ding hi hang. Lungsim sungah tuate teeng mawkleh, gah gah ding a, mi tampi kisia sak ding hi. Oh, kuateng in, a manpha itna gah te susia dingin, tua gu nei gahte khawi mawk i hi hiam?”Adventist Home 195, 196.

Kikup ding Dotna te :

  1. A nuai a kitenna vaite simsuk in. “Eite neih Siampi lianpenpa in, eite a hong hehpih theilo ding hilo hi. Eite mah bangin ze-etna a thuak hi a, a hi zongin mawhna a bawllo a hihi.” (Hebrew  4:15). Khazih in eite dinmun ah hong om mahbangin, i kitenpih te tungah zong tuabangin i hih ding hi. Nang muhdan a hilo, na innkuanpih’ muhdan thupiang khat enin. Ama’ muhdan zong etsak inla, banghangin hi daan in muthei hiam cih zongkhia un. A tung a thukhun te in kitotna tuamtuam te a dingin, bang ci dan in kizang thei ding hiam?
  1. Na khaan sung vuah hih dotna dawngun, “Hehna in Mawhna hiden hiam?”  Nang dinmun zong daal zo in.
Tags: ,

Admin

Admin

Top