Hehpihna It
Lesson 12: Hehpihna It
September 14 – 20
Sabbath Nitaklam Sept 14
Tukaalsung simding: Matt. 6:25-33; James 1:5-8; 2:15, 16; Isa. 52:7; 1John 3:16-18; Isa. 58:1-10.
Kamngah: “Lungsim thutangte adingin khuamial sungpanin khuavak hong tang khia hi. Topa dika hehpihna nei in, amah thumaan hi. Cingh gamtatin mite tungah leitawi pia a, thutangin a gamtate tungah thu a hoih hi.” Ps. 112 : 4, 5.
Lai Siangtho in mizawng nenniamte ading Pasian itna le deihsakna vive hi a, mite zong tuate ading nasem dingin hongsam hi. Hih munsan te ah lunglutna te pen omzel mangzel mah taleh Zeisu hongkumkik ciangin picing ta ding hi.
Siatna te in lim tuamtuam tawh hong tungmah leh, dawigilo te hang vive hi lel peuh hi. Hih siatna te pen zawnna, gitlohna, nenniamna, sal suahna, suksiatna, angkhualna leh huaihamna sungah kimu phadiak hi.Leitungah, i veng, i pawlpi leh i innkuan un, hih siatna tawh i kido denden hi. Pasian it in a thu i manna in, Khasiang tho makaihna tawh, Zeisu ading kipiakhia in nasepna ah, deihsakna, na thak bawl siamna leh zonna vaihna ah hanna nei in “thuman thutang semding a, itna kip nei tawntung in, ki niamkhiatna tawh Pasian’ thu manding” (Mikah 6 : 8) ahi hi.
Sunday September 15
Kumpigamin A Deih Masak Thu
Pasian kumpigam sung ateng mite pen, Zeisu leh Lai Siangtho thak gelhte cih dan ahih leh, leitungte tawh kibanglo a, a tuamvilvel a hi uhhi.
Matt. 6:25-33 simin. Bang lungmuanna hong guanphapha a, tua lungmuanna te in, eite teel masak ding nate koibangin hong phawksak zothei hiam?
……………………………………………………………………………………………………………………
“Nuntakna pen an sangin thupizaw a, pumpi pen puan sangin thupi zaw hi” (Matt. 6:25) Zeisu in na cihi. Hihthu te thupi mah hi. Ahih hangin, Pasian kumpigam tawh i en ding hi. I nuntakna pen a kisam taktakte ading i zang ding hi. Lai Siangtho in, midangte donding acihciang, Zeisu’ khekhap siik in tuate sep masakpen in nei ding cihna hi. Hih sapna in ei leh ei sang in midang tungah hong lunglut sakzaw hi.
Hih teelmasak na in, hong ukte leh hong nengniamte tawh kikal kizopna zong hong lamdangsak hi. Lai Siangtho in hong uk kumpite thu, ahithei zahin,na mangun (Rom. 13:1-7) ci napi, Peter in (Acts 5:29) sungah, “Mite thu sangin Pasian thu ka mangzaw ding uhhi” ci leuleu hi.Zeisu in zong, Amah thaangsiahna in dotna khel a dongte a dawnkikna ah, “Sisar’ nate Sisar tungah na pia unla, Pasian’ nate Pasian tungah napia un” (Matt. 22:21) ci hi.
“Ukzawhna aana nei peuhpeuh in, aana pen lauhthawn na leh zawhthawh thu tawh zanguh hi. Zeisu nuntaklai in ah,a thumaan mite in siatna mai ah laulo a om ding haksa sa veve uhhi. America ah sal tawh kisai EGWhite laigelhna ah: mite thukhamte in, Pasian’ thukham tawh a kikingkalh ciangin, bangbang piang taleh, Pasian’ thukham i mangzaw ding uhhi. I gam thukham in sila pen a topa aap ding ci hi. Tua thu manglo ding hi hang a, thukham palsat ci in i thuak ding hi. Sila te pen mi’ neihsa hilo hi; A nei taktakpa Pasian hizaw a, mite’n Pasian’ neihsa khat sut in, kei aa citheilo ding hi” Testimonies for the Church, vol. 1. Laimai 201, 202.
Hong uk kumpite’ thu manna leh hong nengniam te ukzawhna nuai a omte dinmun bangtan ki gamla hiam?
Monday September 16
Hehpihna in Hong Gim Hong Tawlsak
Hehpihna: Natna a thuak mite theihpih na leh lunglutna in, nasep nading kalsuan masakna ahi hi. A thuakna te uh i thuakpih theihna khangto saksak ding hi hang. Tu hun ciangin “hehpihna in gimna tawlna” ci in mite in, pauzangsehna in nei uh hi. A thuakte kidahpih mahmah napi, mi tampite in, lungsim, pumpi leh sum tawh huhna piakden pen cimtak uhhi. Zeisu in a kimkot a om siatna te pilvang takin encik hi. Amah’n hehpihzom tawntung hi. Tuabangin i hih dinghi.
Pilna: Thumaanlohna, zawnna te in hong buai-gawpsak ahih manin, khuakha pilvang in tuate omzia tel sitset ding thupi hi. Mihuhnuam lua kisa a, hanciam natawh, mi’ nuntakna susia khazaw tampitak mah etteh ding omkhinzo hi. Tua hang in gamtang lo pahding hilo a, ngaihsun pha in lampi hoih zongzaw ding hi hang.
Thungetna: Thubuai khat a omciangin, amasa pen in “gamtang” ding cih ngaihsun pah hihang. I thunget sakna tungtawn in, azawngte leh nenniamte in aana neite tawh a kizopna uh ki lamdang tuamzo ding hi (1Tim. 2:1,2), Pasian’ lamlahna zong leng, a hoihpen in na a semthei ding uh hi (Paunak 2:7, 8).
Lam-etna: Thuakgimte noptuam nading nasepna ah a thupi khat in lam-etna kip hi a, mipi vai, gamvai leh mimalvai buaina tuamtuam te om neunau hi. Eite’ lam- etna pen, mite’n teeltheihna leh hunhoih i piaktheih ding ahi hi. Khat veivei, hunhoih i piakte hangin hong lungkiasak zawsop phialmah leh, tua a teeltheihna i zahtaak sak ding hi. Thuakgim te ading bangbang i sem zongin, i ki makaihna ding pen “Note tungah hong kibawlding na deih bangun, midangte tungah na bawlun” (Matt. 7:12).
James 1:5-8 sim in. Christian nuntakna sungah thungetna in koi munah pang hiam? James 2 : 15, 16 in, midangte ading i thungetsakna te hong kidawng cih hong bangci lak hiam?
Tuesday September 17
Lungsim Picing
“Pasian in, piaknopna lungsim tawh apiate bek deih hi (2 Corinth 9:7). Tua hi a, lungsim picingtak a piakna pen Christian nuntakzia sungah thupi mahmah hi. Lai siangtho in, i piakhiatna leh i sum zatnop zawkna munte tosaksak hihang. Sum bang zah in tamzang ta leng, lungsim picing tak a piakkhiatna mah hoihpen hi.
Lungsim picinna pen “Topa a kihta te” lungsim puak dingdan ahi hi. “Cingh gamtat in mite tungah leitawi pia a, thutangin a gamta mite tungah thuhoih tunghi” (Ps. 112:5).
Anuai a Lai Siangtho te in mite tungah lungsim picin na thu bangteng gen hiam? Siampi 25 : 35-37; Ps. 119:36; 2 Corinth. 8:12-15; 1 John 3:16-18; 1 Tim. 6:17-19.
…………………………………………………………………………………………….
Paul in zong, Pasian’ lungsim a picinna tawh – Zeisu in a nuntakna hong pia a tua mahmah in Christian te ading lam-etna bulpi ahi hi. Amah ei ading hong sihna in, mitungah i picinzawhna ding: “Thu umte i hihna hangin Christian sungah eite i kikholh manin, Khazih hangin i nuntakna sungah ingah thupha a hoih khempeuh na theihna a kicin semsem nadingin, thu kangen hi” (Filemon 1:6).
Lungsim picinna pen, ngaihsutdan zai, hangsan leh kawi (pom)thei hi. Mimal, kipawlna leh minam ngeina te in ei leh ei hong ki bulphuhsak pahpah a, ei ading a hihleh a tam theithei cimai hi. Kei, kei, kei cimai hi.
I upna in angkhualna sisak a, midang ading hong nungta sakzaw hi. I upna in leitung leh a mite pen, a hoihna, a siatna khempeuh, Pasian’ muhbangin hong musak a, amaute huhna piaknopna ding in hong hawl hi.
Lungsim picingte pen, huhna sum kaikhawm te’n paakta uhhi. Tua te ciang pen, kiteh thei kisimthei lai hi. Ahih hangin, sum lompi piakkhiatna in lungsim picin na tehtheilo hi (Maku 12:41-44). Lungsim picinna in, sum lompi piakkhiatna sangin manphazaw pek hi. Tuabang lungsim picingte i paakta mahmah ding hi. Mi khem- peuh lungsim picing pahpah lohi. Pasian’ hehpihna in hong ngahsak hi.
Lungsim picingtak phaltak a sum piakkhiatna a hilo, adang lungsim picin theihna bang omlai hiam?
Wednesday September 18
Kilemna Bawl
Matt. 5:9 simin. Hihbang leitungah iteen ciangin, Zeisu thugente i bangci bawl hiam? Bangzah i gualzo thei diam? Maku 13:7 simbeh in.
…………………………………………………………………………………………………………………….
Lungsim kituaklohna in thuakna bulpi khat hi gige hi.Gal kidona ah sum, nuntakna te tampi ki suplawh hi. Galsung vanzat khempeuh zong, mihingte kisapna,a silo galkaplui te vanzatte bawlna in kizang leh hoihzaw hi. A neuzaw deuh kitotna te hangin, innkuan sungah meima pawn khawngleh lungsimnat na khawng tampi hong nutsiat hi.
Zeisu’ lungdamna thu i laigil ah, Pasian’ hehpihna, kilemna, mawhneite leh a piangsakpa leptuahna om hi (2 Corinth. 5:18-21). Tua kilemna bawl in “Palai te” hong suaksak a, midangte kilemna bawl ding i huh thei ta hi.
Isaiah 52:7 simin. Hih Lai Siangtho i bangci nuntak-pih hiam?
……………………………………………………………………………………………………………………
Kilemna lungdamthu in a gilo leitung ah kilemna bawlna ding thubul a suak hi. “Pasian tawh a kilemthei lungsim in, ama thupha te, akimkot ah kizelsak hi. Kilemna Kha inthuakgim te, leitung haksatna thuakte tungah daitui bangin taak ding hi” EGWhite, Thoughts from the Mount of Blessings, p. 28.
Mualtung thuhilhna sungah, Zeisu in, “Kilemding deihin a hanciam mite in, Pasian tate cihna ngahdinguh ahih manin, thupha ngahmi ahi uhhi” (Matt. 5:9). Kithahna a khambek hilo in, hehlo ding ci zawsop hi (Matt. 5:21-26). Galte zong it in, hong bawlsiate thu ngetsak lai ding (Matt. 5:43-48), amaute hoihna ding kalsuanpih ding ci hi. Gitlohna a kidim leitungah, kilemna ding, damna dingin a kipiakhia mi tampi tak om uhhi.
Na khuatual pawlpi in, khuatual sungah kilemna a bawltheihna ding bang lampi te om hiam?
Thursday September 19
Aw Neilo ta ding Aw
Solomon in, “Daih hun om a, pau hun om hi” (Eccl. 3:7) a cih pen maan mah hi. A ki nengniam aw neilote ading pausakin, asia te apha tawh zawh sawm leng, pawlpi in paukhiat tuakna munah paulo hamlo in omtuak hiam? Christian te in Zeisu khut leh khete hi uh a, Ama hong sawlna bangin midangte a ding na sepsak ding hi hang. Lai Siangtho sungah kamsangte bangin, Pasian in pasal, numei a sap ciangin, ama aw ding vive in sam hi.Pasian aading in a pau mah bangun, Pasian huutnopte adingin zong pausak hi(Ps. 146:6-10).
Isaiah 58 :1-10 simin. Ahun lian, amun lian, athu tawh kituak in apiak thupuak in: tuhun ei ading hundang, mundang thudang tawh a kituak hiam? Isaiah laigelh hun leh tuhun bangzah kikheel zo hiam?
…………………………………………………………………………………………………………………….
Thumaan dingin kamsangte’ sapna in leitung minthan na’ng om peuhmahlo, Pasian sawlna bangbek hi a, mizawngte a deihsakna leh kipawlna ading a hoihpen ahi dingin, kamsangte in hangsan takin pautheilo te’ ading in awging sak in, a hunzui, amun zui, a kibawlsiat dan, a noploh dan leh a lauhuai danzui in pau uhhi (1 Peter 3:17). Lungdamna thu eima tel dandan in Zeisu’ khuavak i lengkiksak ding a, SDA te phadiakin, leitung siatna te tungah i piakding nahoih tampi i nei lel hi.
Tuate lakah: SDA upna ah, zawnna kiamsak ding, thumaanloh nate donding cihte eite mawhpuak vive ahi hi. Lai Siangtho in, mizawngte tungah, Pasian lunglut tuam vilvel dan kiciantak in hong lak khinzo hi. Mihing khempeuh Pasian lim leh meel pua uh ahih manin, a thupha a sanding mah uh ahi hi (Luke 6:20). Mizawng te tawh nasep khopna ah, Zeisu’ khekhap a zui ihi hi (Matt. 25 : 35, 36). Khalam kipawlna ahih mahbangin, SDA pawlpi in, mizawngte ading palai sepsak in, ‘pau hun a ngahlo te adingin pausak’ (Paunak 31 : 8), “Mizawngte’ mailam a khakte” honsak (Isaiah 10 : 2) hi. Pasian tawh na i semkhawm a “mizawngte ading thumaan kemcing” (Ps. 140: 12) te i hihi. (Seventh-day Adventist Official Statement on Global Poverty, June 24, 2010).
Friday September 20
Ngaihsut Beh Ding
EGWhite, The Ministry of Healing, laimai 503-516 sung pan “A Sangzaw Phutkhakte”, 3T laimai 511-526 sungpan “Kamsia te tungah I Mawhpuak” leh “A vengte Tungah Mi’ Mawhpuak”; 2T. Laimai 24-37 sungpan “Khazih Adingin Sem” cihte simin.
“Vannuai leitungah na zonzon hangin, midang hehpihna tawh panpihna nasep nasang ina vanglianzaw thumaan dang om hetlo hi. Zeisu sungah a om thumaan hi pah lel hi. Mite’n Khazih’ min a tangko uh ciangin, tua khamthukhamazuih leh, nungzuite hunlai a vangliatna te mahin, amaute ompih ding hi” Thoughts from the Mount of Blessings, laimai 137.
“A lianpen, Pasian itkikna, angkhualna omlo mi it theihna, tuate pen, Pasian hongpiak silpiak hoihpen ahi hi.Tua itna in, eimah ki satsuahtawm na hilo a, vantung thukhunpi leh a kip vangliatna ahi hi. A ki aaplo lungtang sungpan tua itna piangthei lo hi. Zeisu’ a omna lungtang sung bekah omthei hi. Hih itna in, lungsim sungah teng a, nuntakna khumsak in midangte huzaap in puahpha hi” EGWhite, The Acts of Apostles, laimai 511.
Kikup Ding Dotna te
- Tukaal sinna ah, lungdamna thu pen, Zeisu’n a na sepsepsa a hi, midangte ading nasepsak danding vive i sin khin hi.Pasian in nang ading bang hong sepsak khinzo a, bangzah hong it hiam cihte na tel semsem nading bangzah hong huh hiam?
- Pautheilo te ading pausakna tawh, kilemna bawlsakna cihbangte in mipite lak, kumpi te tawh kizopna dongah hong lamto thei himah taleh, SDA pen, Pawlpi leh Gam kikhenna bulpi ahi hi. Gamvai ginatlo tak a kihelna leh, mipi te lakah kilemna thugen na koici’n kilamdang hiam?
- Tukaal sung sinna tengpan, na nuntakna leh na vengsungah na zatnop thukhat peuh a om hiam? Na bangci zat ding hiam?
- Na vengsungah bang siatna leh nenniamna peuh om a, thungetsak dingin na khentat hiam?
Tomlaakna : Zeisu’ nungzui na suakphet leh na nuntak-dan, mun tampi ah hong kikhel dinghi. Pasian in, mizawngte leh simmawh thuakte itna hong piangsakhi. Thubaih hi hetlo a, minthang vangvanglo hi. I kimkot a liam leh bai te damsakna lamah kalsuan ding hong masak sak ding hi.