Hehpihna Thukham

(1) Thu kham pen Pasian in Mawsi khut tung ah a piak ahi hi.
Hehpihna pen Pasian in Jesu khut tung ah a pia a hi hi.
Kuppihna:          
Amasa in hehpihna cih pen Pasian hilo hi. Hehpihna a nei pen Pasian hizaw hi.  Pasian in gupkhiatna tawh kisai aa nasepna khempeuh hehpihna vive hi, cih thei kim leng utmasa hang. Hehpihna pen Pasian dinmun aa nadingsak leh Pasian in mihingte gupkhiat zia tel theilo hi the.Hehpihna in Pasian pianzia, Pasian gamtatzia khat hi zaw hi.
Moses thukham pawlkhat leh zettan thukham/ biakpiakna thukham te in Calvary Cross tung aa Jesu sihna ding lim ciing bek hi. Heb10:1-10.  Ahizong in Thukham 10 in Pasian lungsimpuakzia hong kilangsak  or Lungsim limlang or Pasian deihloh mawhna bang hiam cih honglak a hihman in Pasian anuntaklaiteng, Pasian ahin laiteng/ Atawntung kikhel theilo kikhelngeilo ding hi.

Pasian in hehpihna tawh ki dim ahihman in Adam leh Eve hong mawh uh ciang in Hehpihna tawh Jesu Cross tung sihna ding limciing  Pasian Tuuno si tawh tatkhiatna nahong sempah aa tuuvun te zong Adam leh Eve te silhsak pah hi. Pasian tuuno in hotkhia ahihman in Adam leh Eve sipah thaltuk ding kimlai silo uh hi. Pasian hehpihna Calvary Cross pan bek ah hehpihna tawh gupkhiatna ki pan hi zenzen lo aa Eden pan hi cih zong tawh thumasa pan ni. Tua ahihman in Topa Jesu pen Leitung piancil pan thahna a thuak khin Pasian tuuno ki ci hi. Gen. 3:21, 24; Rev. 13: 8  

(2) Thukham pen suangpek tung ah a ki gelh a hi hi.
Hehpih na pen lungtang tung ah a ki gelh a hi hi.

Kuppihna:           Pasian thu um lo mite aa ding in suang peek tungah ki gelh aa Pasian tawh thuciamna abawl thuum mi te a ding in amau te lungtang tung ah thukham ki gelh hi. (Jeremiah 31:33) Pasian in amah a um amuang mite tung ah a thukham te gelhsak khit ciang in Pasian in lungsimthak ngaihsutna thak guan hi. Tua te Piangthak ki ci hi. (Ezekiel 36:24-27, Heb 10:16) Hepihna lungtang tung ki at hi lo, hehpihna tawh thuum mi te lungtang tungah thukham ki at hi zaw hi.

(3) Thukham pen Thuciam lui a hihi.
Hehpih na pen Thuciam thak a hihi.
Kuppihna :          Moses hunlai in Pasian in Israel mi te tawh thuciamna hongbawl dingciang in Ama lungsimpuakzia, deihna/ deihlohna teng Israel miten a muhtheihna ding, atel theihna ding leh asim theina ding in thukham 10  te Vantung pan suangpeek tung  at sa in Moses tungah pia hi. Thukham suangpeek Moses in a sukkhap na hang in nihveina ki bawlpha kik hi. Ex. 12:24, 31: 18, 34:1-5.
Israel mi te tawh thuciamna a bawl Pa pen Pasian hi aa thukham hi lo hi. Jerimiah sungaa Pasian gena ah “Thuciamna thak ka bawl ciang in ka thukham te aluibangaa suangpeek tung at hinawnlo dingaa amau te lungtangtung ah kigelh ding” ci hi. Jeremiah 31:33; Heb 10:16. Thuciamna khempeuh Hehpihna hang vive hi aa mipi leh Pasian kikal thuciamna vive hi. Hihmun ah thukham kilamdanna pen Suangpeek tung ki at leh lungtangtung ki at na ahi hi. Thuciamna  a nihtuak un Pasian leh mihing te bawl hi aa a thuciamna un thukham 10 te zui ding cih hi. A lui hun in Pasian in suangpeek tung at in lak hi. Tua pen Mite in simding aa lungsim sungah teng ding deihna hi. Gentehna in Kumpi zum khat ah lungkimna / thuciamna khat na bawl ciang in laidal tung aa sign na thuu hang in nalungsimsung aa na tel ding na nuntak pihding thu mah hi v eve hi. Thuciam thak ciang in jesu mahmah leitugn ah hongnunta aa amah mah in thu hong hilhkhin a hihman in suangpeek tung atat se kulnawn lo hi.

(4) Thukham in na mawh na a mai na ding in thalawh in ci hi.
Hehpih na in na mawh na a mai na ding in Jesu in ong thalawh sak zo hi ci hi.
Kuppihna:           Thukham in mawhna ( Pasian deihloh siatna) banghiam ci in hong lak hi. Thuciam hunluilai in mawhna a bawl uh ciang in biakbuuk ah hongpai in Pasian tuuno limciing tuuno ganno tawh mawhsuut uh hi. Mawhmaina thalawh hi lo uh aa  Topa Jesu, Pasian tuuno limciing, Tuuno si tawh Pasian hehpiha ngen hi zaw uh hi. Thuciam thak ciang in tuuno ganno te tang in khatvei Ama pumpi mahmah kigawhna thuak in sihna tawh hong tan khin ahihman in tuuno ganno vakhu ci peuh te kisam nawlo hi. Heb 10 sung aa Laisiangtho gen tua ahi hi. Paul in tamvei pi hilhcianna piapia te leh pawlkhat ten telzolo uh hi.  Tanglai pek Jew te hunlai peek in banghang in ganno tawh Pasian kibia hiam cih Jews tampi ten tello uh hi. Calvary Cross ma in mimawh pa in upna hangin ganno tawh biakpiakna pia in Pasian hehpihna  mawhmaina ngen aa, Calvary Cross khit ciang in upna tawh tua Calvary cross tungaa Jesu mitsuan in Pasian tung ah hehpihmawhmai na ih ngen hi.  Thuciamlui  ahizong thuciamthak ahi zong mawhmai gupkhiatna pen mihing thalawh thei/zawh hi lo hi. Pasian in hehpihna tawh hong piakkhong hi.

(5) Thukham pen Sinai mualtung ah ki pia hi.
Hehpih na pen Calvary mual tung ah ki pia hi.

Kuppihna :  Sinai Mualtung aa kipia thukham pen  Israel te Sinai hong tunciang ki at tawm, kibawltawm hi lo aa Vangtung aa omkhin sa kipia hi hi. Thukham pen Sinai ah mihing te simtheihding in suangpeek tawh hong kipiakma in om khin zo hi. Sinai mual atun ma un thukham om khin zo hi.
Thukham 9 na, khemna “gulpi in Eve khem hi.” Topa Jesu in mawhnei te pa na ci hi. Cain in anau Abel that hi. Pasian in deihlo hi dantat hi. Mivakvai na suak ding hi ci hi. Genesis 4:12. Noah hun lai te in mawhna bawlin  leitung ninsak uh hi. Amau te mawhhi cih thukham in hong hilh hi. Abraham in Pasian thuzui hi. Gen. 26:4-5. Thukham 4 na Manna moh pen Sabbath ni in kia lo hi. Ex. 16;22-24,
Rom 2 sung ah Gentail te in thukham suangpeek pi aneihloh uh hang in amuate ngaihsuttawm na sung ah tua thukham te om hi ci-in Paul in gen hi. Thukham pen suangpeek aa na muhma peek in a thu in omkhin hi. Tun tua suanpeek aomnawn loh hang in athu nungta lai hi. Mihing te ngaihsutna sungah natural teng khin a hi hi. Dawibia mi khat in khemna, ki thatna, guuk na, te hoih ci tuanlo hi. Tua pen kuaman hilh ta ken leh a khuatheih a ki pan thei lel ding hi.
Hehpihna pen mihing te mawhna sung I kiat a kipan Pasian in hehpiha na tawh gupkhiatna lampi hong kipan pah hi. Singlamteh pan hong kipan leh Zekai lua ta ding hi. Heb 11 sung sim leng tanglai misiangte upna vive tawh Pasian mai ah misiangtho ( righteousness) na ngah uh hi. Tua pen hehpihn ahang upna tawh cia Paul gengen pen hi. Thuciam lui a ate thukhamzuihna hang na cihcih lai leh Heb laisingtho in “khialcia” lawm hong cici lai ding hi.

(6) Thukham in Hell lampi ong manawh pih hi.
Hehpih na in Vangam lampi ong manawh pih hi.
Thukham in Khasiangtho tawh kipawl hi. Rom 7:14. Thukham deihlohna in Khanin tawh ki pawlna hi. Khasingtho gah te in ki itna, lungduaina, kilemna, hehpihna cih te hi aa Khanin tawh kipawlna in milimbiakna, mibumna kitotna kithutuaklohna, te hi. Gal 5: 21-23. Thukham in mawhna honglak hi. Paul in thukham om kei leh bangci bangin huaiham na ahoih lam ka thei ding hiam?Thukham in mawhna hi lo hi. Thukhampalsatna in mawhna hi. Rom 7:7; 1 John 3:4. Thukham in Honpa ih kisap lam honng phawksak hi. Ahizong in tua thukhamna a zuikkei leh limlang aa ki en aa maiphiat lo pa bang ding ci hi. James 1:23. Thukham in sihna sungah ih khiatloh hongdal hi zaw ahihmanin Hell lam hong manawh pih lo hi.
Pasian hehpihna hangin Khasiangtho vangliatna eite sung ah honglutciang in thukham ii manphatna leh hoihna hongmu sak hi.Paul in thukham in siangtho hi hoihhi, thuman hi ci hi. Rom 7:12. Tua ahihmanin thukham I paai diam? Kipsak zaw lai ding ci hi. Rom 3:31 Pasian thupiak apom mi te mite sang in pilzaw hi Ps 119:97, David in kham leh Ngun sang in na thukham ka deih zaw ci hi. Ps 119:127. Mi piangthak ten thuman deih uh aa thukham manpha sa uh hi. Tua ahihman in thukhamin hell lam hong puakzezen lo aa thukhamnei pa omna lam hih lam hi zaw ci in hong hilh hi. Signboard ki suangte simsiam ding ki sam hi. nasimkhialh leh bel aleh lam hong tun thei mah ding hi.
(6) Thukham in Hell lampi ong manawh pih hi.
Hehpih na in Vangam lampi ong manawh pih hi.
Thukham in Khasiangtho tawh kipawl hi. Rom 7:14. Thukham deihlohna in Khanin tawh ki pawl hi. Khasingtho gah te in ki itna ,lungduaina, kilemna, hehpihna cih te hi aa Khanin tawh kipawlna in milimbiakna , mibumna kitotna kithutuaklohna , te hi. Gal 5: 21-23. Thukham in mawhna honglak hi. Paul in thukham om kei leh bangci bangin huaihamna ahoih lam ka thei ding hiam? Thukham in mawhna hi lo hi.Thukhampalsatna in mawhna hi. Rom 7:7; 1 John 3:4. Thukham in Honpa ih kisap lam honng phawksak hi. Ahizong in tua thukhamna a zuikkei leh limlang aa ki en aa maiphiat lo pa bang ding ci hi. James 1:23.

Pasian hehpihna hangin Khasiangtho vangliatna eite sung ah honglutciang in thukham ii manphatna leh hoihna hongmu sak hi.Paul in thukham in siangtho hi hoihhi thuman hi ci hi. Rom 7:12. Tua a hihmanin thukham I paai diam? Kipsak zaw lai ding ci hi. Rom 3:31. Pasian thupiak apom mi te mite sang in pilzaw hi Ps 119:97, David in khamte sang in nathukham ka deih zaw ci hi. Ps 119:127. Mi piangthak ten thuman deih uh aa thukham manpha sa uh hi. Tua ahihman in thukhamin hell lam hong puakzezen lo aa thukhamnei pa omna lam hihlam hi zaw ci in hong hilh hi. Signboard ki suangte simsiam ding ki sam hi. Nasimkhial leh bel a lehlam  HELL hong tun thei mah ding hi. 

 
(7) Thukham in mawhnei mi te Dan (punishment) pia hi.
Hehpih na in mawh nei mi te Dan pan ong suakta sak hi.

Kuppihna:  Siatna, gimna leh natna te thukham omman aa hongpiang hi lo hi. Siatna mun na tun loh na ding in Thukham in hongdal hi zaw. Tua thukham napalsat ciang siatna sung ah a kitung hi zaw hi. Eden huan sung aa singah pen neken cih thukham om man aa po hi lo aa singgah om khin ahihman in Pasian in ne ken ci hi zaw. Eve in hongnek ciang siatna sung hong tung hi zaw. Tua siatna sungpan Hehpihna a nei Pasian in mimawh te hong honkhia hi. Hehpihna in hongkhia hi kei, Pasian in hong hehpihna tawh hong honkhia hi zaw.

(8) Thukham in mi hoih khat na leng mawhnei mi suak sak hi.
Hehpih na in mawh nei pen na leng midik ong suak sak hi.

 Thukham pen limlang bang hi. Melsia te ki-et ciang in limlang in melhoih in bawl thei lo hi. Melhoih te zong siasak se lo hi. Pasian hehpihna bek in melsia te melhoihsak thei aa mawhnei mi te midik suak sak thei hi. Thukham in mi mawhna hong zong lo hi.Mawhna bang hiam cih bek pulak hi. Ih hoihlohna Pasian in hong hoihbawl thei bek aa thukham in ahoih zong sia sak lo, asia zong phasak theilo hi. Mihoih nuam ten Pasian kiang zuan hi.

(9) Thukham hun sung in Tuu te in a Topa a ding in thah na thuak uh hi.
Hehpih na hun sung in Tuu te a ding in a Topa in thah na thuak hi.
 Kuppihna:          Hehpihna hun cihkam mal pen atam zaw singlamteh khit huam sak hi. Singlamteh khitciang aa thatna thuak nungzui te in Topa minthangna ding leh Topa ading aa thuak uh hi. Jesu sihna in leitungbup a ding hi aa Adam pan leitung beidong huam hi. Pasian sungah kideidan na omlo hi. Mihingta te khempeuh Pasian ta vive ih hihi. Singlamma diak aa thatna thuak Tuiphum John zong Topa ading mah aa thatnnathuak ahi hi. Ahi zong in pasian min leh ama gam aa ding aa gimna , natna na thuak khempeuh leh nag am tan na khempueh Pasian in thaman pia ding hi. Rev. 22:12.


(10) Thukham hun lai in HA tang khat tang in HA tang khat ki suh tan sak hi.
Hehpih na hun sung in na galpa mawh na na mai sak in ci hi.
 
Matt 5: 38 sung ah Topa Zeisu kammal hi aa laisiangtho lui sung kamal te a quote kik ahihi.  Hih pen Moses thukham bek hi lo Hammurabi Babylon kumpi pa (1795- 1750 BC) in zong hihthu khun hoihsa hi ding he ven Code sung ah hel hi. Tua hunlai in Egpyt bang aa gamlian pipi ten hihthukham zang lo uh hi. Thukham pen mihing te gitloh na tawh kizuiin ki piak behbeh pawlkhat om hi. Tatsia mahmah uh ahihman aa ki piakbeh hi leh kilawm hi. (Ukhak mahmah  hi kha ngel ding hi) Thong sung thukham te thong kia te ading hi aa thongkia lo ten theihzong theihpih se lo hi.

Galte it nading thukham pen vantung a uk Pasian thupiak hi aa Vantung gammi te or tatsa mite zuihding aa hongki pia ahi hi.Pasian ta te in ki itna tawh nungta uh hi. Atung aa tawh kilamdang mahmah hi. Hehpihna khutnaui aa om thu-um te ading in Ha khat tang Ha khat thukham in amau te sukha lo hi.

(12) Thukham hun lai in mi khempeuh mawhna sung ah ki hencip hi.
Hehpih na hun sung in thu um mi khempeuh suatak na ngah ta uh hi.

Banghunbang hunhi ta leh mawhna na bawl nak leh thukham hencipna nathuak zo hi. Ahi zong in thu um mi in mawhna bawlo ahihman in thukham pan suakta hi.Guta pa in guken cih thukham tawh ki hencip hi. Gutak na pan hong kikhel ciang in thukham pan suakta hi. Jesu a um mi te khuavakta te khuamial nuntakna nusia khin ahihman in thukham pan suakta hi. Jesu i up isan ciang in ihmawhna te hongkimai sakaa misiangtho hi ta ihhihman in thukham hencipna pan kisuakta hi. Mawhna dan cihbang ama ading om nawnlo hi.

 
(13) Thukham in mi khempeuh hamsiat na thuak sak hi.
Hehpih na in thu um mi khempeuh hamsiat na pan hon khia hi.
 
Eden huan laizang aa singgah neken cihna hang in hamsiatna hongtung hi lo aa neken cih thukham palsat na hang aa hamsiatna hong tung hi zaw hi. Ne leng hamsiatna hong tung ding ahihman in NEKEN cia kikhaam hi zaw hi. Tua ahihman in hamsiatna pen thukham piak hilo thukham palsatna hang in hamsiatna sung ki lut tantan hi zaw hi.

Hamsiatna sung pan hehpihna in honghonkhia hi lo aa Pasian in hehpihna tawh hong honkhia hi zaw.Pasian leh honghehpihna kikhen thei hi lo hi. Pasian lainatna lungtang sung pan hehpihna hong luang khia hi.

(15) Thukham in leitung mi te lung nop na pia thei lo hi.
Hehpih na in thu um mi khempeuh lung nop na pia hi.
David in Ps 119:53 “ Nangma thupiakna lampi ah kei hong kha in, ..tua ah nuamkasa hi” ci hi. v.14  na ah hauhna khempeuhsang in .. nuamka sa zaw hi ci lai hi. Pasian thukham zuih nuamkasa hi. vv47, 92 ah Nangma thu ah nuam asa lo hi leng gimthuak in ka kisia khinzo ding hi.. va99 ah na tecipanna (thukham 10) te lungngaingai ka hihma in ka siate sang inzong kapilzaw hi. Pasianthuhilha na leh thupiak te khempueh ii bulpi in thukham 10 a hi hi.
Satan khemsa mi tampi ten thukham pummudah uh hi.Satan inzong pasian thukham mudah hi.
(16) Thukham in mi te Gup ngah sak zo lo hi.
Hehpih na in gup na pia ziahziah ta hi.

Thukhamin gumpa hilo aa Gumpa neih thukhun hi.Tua ahihmanin thukham in hong gum theilo hi. Gumpa kisap lam honglak thei bek hi. Pasian in hehpihna tawh Jesu tungtawn aa hongpiak gupkhiatna upna tawh asang nuam mikhempeuh aa ding kong kihong zihziah lai hi. Akau ci lo lut thei hi. Tu laitak in zong khasiangtho nasepna hang in adiak in India gam ah mitampi ten gupkhiatna letsong sang ngekngek uh hi.

 
(17) Thukham in Vangam na tun nop leh hah kat in ci hi.
Hehpih na in Vangam na tun nop le thukham zui sawm kei photphot in la, Jesu hang bek in gup na ki ngah thei hi cih thu, tel photphot in ci hi.
 
Thukhamzuihna hang in Gupna kongpia ding hi ci in Pasian kamkhat zong paungei lo hi. Laisiangtho in tua Jesu aum mi khaempeuh kisia lo in nuntak tawntung na ngah ding ci hi. John 3:16. Thukham zuihna tawh gupna ngah ding cih upna pen Pasian upna muanna pan pialkhia hi.  Pasian umlo Pharisee te silngo hi. Topa Zeisu in tua silngo pan na kidawm un ci hi. Jesu Bek lampi hi.
A hoih sunsun te Topan thupha hongpiak sak hen Amen,
Mangpi (Bowling  Green)

 

See also  Zeisu Eite Honpa leh Thukhenpa
Tags: ,

Admin

Admin

Top