“Hong pai Un . . .”

Lesson 5                                                          *July 24–30

 

“Hong pai Un . . .”

 

Sabbath Nitaklam                                                             July 24

Tukalsung Simding: Matthew 11:20–30, Matthew 5:5, Deuteronomy 18:15, Gal. 5:1, Exodus 18:13–22, Gal. 6:2.

Kamngah: “Na semin vangik pua-in a gim mite aw ka kiangah hong pai un. Note tungah tawldamna ka hong pia ding hi.” Matthew 11:28.             

            “Hong pai un, nasemin vangikpua-in a gim mite aw, tawldamna ka hong pia ding hi”

            Zeisu hong piak kamciamte bangzahin lamdang hiam! Kuamah in vangikpua zong kisa nawnkhollo ding uhhi. Nasep taktak hang hilo zaw a, nuntak sung haksatna puakgikte hang hizaw ahihman hi. Zeisu gengen zong tuamah a ci-nuam hi a, i phalnakleh Amah’n hong huh nuam mahmah hi. Zeisu in Ama hakkol puak ding hong zolna ah “Ka hakkol nuam a, ka van zong zaang hi” (Matthew 11:30) ci hi. Cihdan dangkhatah No vangik-puakte hemkhia unla (kei hong suanun), Kei van kisuan un, Kei van in zaang in puaknuam hi.

            Zeisu gengen tawldamna pen koibangin i ngahthei tam? Mawhna kidim leitungah tenglai phot hihang a, Topa in Adam kiangah “Khua ulkai in na na sep ciang bekin an-nane ding hi” (Genesis 3:19) cihi. Nasep vanpuak cih pen koici banghiam cih telciatni in, ei bekin sepkeei puakkeei ding piang zolo cihna ahi hi.

 

Sunday                                                                                   July 25

“Tawldamna Ka Hongpia Ding hi”

            Matthew 11:20–28 siminla, Zeisu in: “Nasemin vangikpua-in gimte aw, Ka kiangah hong pai un. Tawldamna ka hong pia ding hi” Bang tawh kizomin acih hiam? Zeisu in hih tawldamna hong koici piak ding hiam?

…………………………………………………………………………………………………………………………………………………………………

            Eite mahbangin Zeisu in zong thu-kizom omlo genlo hi. I telsiam theih nadingin, a kiim a om thukhat peuh i ngaihsut kul hi. Amah mawhsak kei zaw ni.

            Mate 11 pen Mate buppi lungdamthu ahi hi. Galilee khuapite pen khuapi gilo pente ahi uhhi. Zeisu in zong maipha pia khollo hi. Mite’ “pampaihte” tawh kikhawl hi (Matthew 9:1-8). Mawhna maisakding a gengen pen, biakna makaite’ maiah zahko huai mahmah hi (Matthew 9:1-8).

            Zeisu in amaute khauh takin taai giapgiap a, khuagilo mahmah Sodom bang tawh genteh in taai hi. “Thukhen ni ciangin note thuakna sangin Sodom khuamite thuakna baihzawlai ding hi” (Matthew 11:24) bang ciliang hi. Thu hoih omlo hihzah kawmkal ah Zeisu in tawldamna kamciam lai hi. “Ka Pa in na khempeuh kei hongpia khin hi. Pa simloh Tapa a thei kuamah omlo hi” (Matthew 11:27) cihi. Zeisu hong piak ding tawldamna pen a Pa tawh a ki pumkhatna hang bek ahihi.

            I vangikte suahkhiatma in, eitha bektawh puazolo ding cih theihphot kul hi. Tua mah bang in, eima dinmun tel-lopipi in amah kizuan theilo hi. Zeisu hong sapna bulphuh kul hi.

            Matthew 11:28 sung a kampauna ah, Greek pau in thupiak ‘Hongpai’ cihtawh pan hi. “Hongpai” cihteh teeltheih dingomlo; tawldamna ngahtheih na’ng dinmun ahihi. “Hong pai” cih in ki pum-aap cihna zong ahihi. Tulai hun in smartphone tetawh natampi takmah kisawl ki bawlthei a hihhang, Zeisu kiang pai ding pen kisawl theilo hi. Mi tampitakte adingin ki pum-aap cihpen haksa a sakpenpen uh ahihi.

            Khazih tungtawnin Pasian in hong sepsakte, eileh ei kihotkhiat theihloh khawng kigen nuam mahmah hi. Himah hi. Atawpna ah teeltheih khatbek i neilai a, Zeisu kiang “Pai” in, ama kiangah ki pum-aap ding ahi hi. Christian nuntakna sungah suakta takin teeltheihna kibulphuh ahi hi.

            Bang vangik peuh napua uhhiam? Tuate khempeuh Zeisu pia inla, Ama hongpiak amantam mahmah tawldamna koibangin nangah thei ding hiam?

See also  Lesson 5: Pawlpi Masa Sungah Kipumkhatna

 

Monday                                                                                 July 26

“Ka Hakkol Kisuan un”

            Matthew 11:29, 30 simin. Vangik khempeuh Zeisu suanin, Amah sung tawldam khit ciangin; Ama’ hakkol kisuanlai dingin banghangin hong sawl hiam?

…………………………………………………………………………………

…………………………………………………………………………………

            A kipatna “hong pai(Matthew 11:28) cih sawlna khitciangin, sawlna-nih in zuileuleu hi (Matthew 11:29). “Kisuan” leh “kisin” cihte gelin, thungai mipite leh laisimte lunglut sak hi. Ama hakkol kisuan in Ama kiangah kisin ding hihang.            

            Pasian dinmun Pa leh Tapa kikalah kizopna kip-om ahihlam Matthew 11:25-27 sungah om a, hihtengah hakkol a cihpen zong hong gentel mahmah hi. Pa leh Tapa in mihing hotkhiat nadingin nasemkhawm uhhi. Hakkol cihpen ki pum-aapna (Jer. 27) hi a, kipawlkhopna ahi hi. Ama hakkol saangin, hongsawlna bangin i kiim leh paam phatbawl ding hihang. Ama hakkol e’n pua keeikaai ding hilo in, Amahmah kisuan in pua leng, Ama hakkol in “puaknuam” a, Ama van in “zaang(Matthew 11:30) cihi.

            Anihna sawlna pen “hong kisin un” hong ciphapha hi. Greek pau ah “kisin” pen nungzui cih tawh kizom hi. Zeisu kiangpan i kisin ciangin, Ama nungzui taktak i hihi. Thumanhna leh ki pum-aapna tegelpen nungzuite nuntakzia ahi hi.

            “Vangik pua” (Matthew 11:28) leh “Ama hakkol kisuan” (Matthew 11:29) cihtegel koibangin kilamdang hiam?

……………………………………………………………………………………

            Hakkol pen Judah ngeina sungah a genteh ngeina ahi hi. Sawltak 15:10 sungah vun-aatna tawh kizomsak hi. Galatians 5:1 in Zeisu sungah suahtakna leh sila hihna hakkol tawh saikak a, thukham tawh a kizom hotkhiatna bulpi ahi hi. Zeisu’ hakkol kisuan cih ciangin Ama’ na sepna ah, a thumang ki-aap in a khekhap zuihna ahihi. Singlamteh tungah Zeisu in hong zawhsaksa hotkhiatna tungah bangmah dang i zopthuah theihloh manin, Ama’ aiawh mite i suaka, lungdamna thute i kiimkot ah mite kiangah i hawmsawn theita hi. Mate 5 pan 7 sungteng mualtung thuhilhna ah Zeisu in thukham thu a genna pen, Pharisee mite upna sangin abul thukzawlai hi. Lungtang phelkham liangin nuntakzia puahphat kul a, Ama hakkol in nuam a, Ama vanpuak in zaang hi (Matthew 11:30).

            Kamciam manphalua si! Na kha uh tawldamna. Tua tawldamna na ciamkha hiam? Na koici muh hiam? Zeisu leh hong kipiakna bulphuh in, tua tawldamna theihna koibangin kipansak ding hiam?

 

Tuesday                                                                                 July 27

“Keimah in Kiniamkhiatin Nem Hithiat”

            Nunnemna pen tualniam kisa ta hi. Kiniamkhiatna zong kinuihsan lel hi. Media lamte in a ginglualuate, a gamlumte, a tumdangte, a gammte leh ahi pampamte thusim phadiak hi. Leitung dinmunte in thupi asak mahmahte pen Pasian in thupi a sakte tawh kikeelkii mahmah hi.

            “Thuman thutak theihna in, lungsim pilna leh ngiimna siangthotung khawngah kinga khollozaw hi. Kiniamkhiatna tawh vantung makaihna a zong mite kiangah vantung mite’n zuan uhhi. Thuman thutak saal hong honsak dingin Khasiangtho hong kipia khin hi.”—EG. White, Christ’s Object Lessons, p. 59.

            Matthew 5:5, 1 Peter 3:4, leh Isaiah 57:15 simin. Hih munte siksan in migitna leh kiniamkhiatna koici hilhcian ding hiam?

…………………………………………………………………………………

            Paul in 2Cor. 10:1 sungah “Khazih migitna leh lungduaina” cihi. Migitna leh kiniamkhiat na cihpen bangmah a hihtheilote kiangpan baihlam takin hong luangkhia ziau hilo hi. Zeisu in zong anasep hun ding tungnailo a hihmanin (John 4:1–3), langdona peuhmah pialhamtang zaw hi. Langdona hong omleh zong hangsantakin phu hi. Kampau limlim zawipau mahmah hi. A singlamteh madiak a Jerusalem a kahna ah pen awnggawp in samsia gawp cihbang hilo in, khitui kidim kammal tawh mailam a kisiat nading (Luke 19:41, 44) genkhol hi.                      

See also  SINNA 10: KIPUMKHATNA LEH AKISIA KIZOPNA

            Laisiangthothak sungah, Zeisu pen Moses nihna peuh naci hi. Ama’ gam ukna thukhun a genlai in mual tungah (Matthew 5:1) gen hi. Mi honpite an lamdang tawh vaak hi (Matthew 14:13-21).  Numbers 12:3 ah Moses lungneem ci a, Matthew 11:29 in genkik hi. Mi 5000 an-kivakte in lamdangsa in, “leitungah kamsang hong pai ding a kicipa pen hihpa hi taktak hi” (John 6:14) ci uhhi. Deuteronomy 18:15 ah zong Moses in kamsang’ na sem hi. 1

            Zeisu’ kiniamkhiatna leh lungneemna in Moses a’ khengval hi. Amah hong honpa a hihi. Moses in a mite a hottheih nadingin amah kipiakhia (Exodus 32:32) a, amah zong mawhneimi mah hi-a, Honpa mah kisam veve ahihmanin ama’ sihna in bangmah picinh zolo hi. Moses’ tangthu pan thu tampi i kisintheih hang, tuate in hotkhiatna hong pia zolo hi.   

            Eite dinmunah hong ding ding Honpa i kisam a, Palai bek hilo in aiawh ahi hi. Palaina zong thupi mahmah taleh, Mawhna a puakhia Pasian singlamteh tung kikhai hipeuh a, i mawhna’ thaman hong piaksak, mawhna a sulzuih ding thuakna teng pan hong honkhia hipeuh hi. Zeisu in eite ading a sep khempeuh in thulian mahmah vive hi napi, singlamteh leh thawhkikna omkei zen leh bangmahlo mah hiveve ding hi.

 

Wednesday                                                               July 28

“Keima Hakkol Puaknuam Hi”

            Mate in “hakkol” cih kammal a zat pen, Jew biakna in zong a zat, Laisiangthothak sungah thukham a cihcihte tawh kitelkhial den hi.

            Greek pau “nuam” a cih Matthew 11:30 sunga pen “hoih, deihhuai, zatnuam leh thunuam” peuhzong hithei hi. Mi tampite’n Pasian’ thukham pen hibialbual a, zuihhaklua, thu-laklawhpi vive hi ci uhhi. Thukham hoihna koibangin lakthei ding a, thukham piapa koibangin itsak thei ding i hi hiam?

………………………………………………………………………………………………………………………………………………………………….

            Nu leh Pate in tanote kalsuan masak kiphawk tawntung hi. Hoi dengdeng in kalkhat suan, hanciamin kalnihna, kalthumna khitkhawng ciangin, peuh hong tukdamdam hi. Khitui peuh hong luangsusup in natmunpeuh hongnei mahleh, ama’ thu in gamtang theita a hihmanin, thokikin hong hanciampha kik hi. Lampai, puk, thokik, lampai, puk, thokik hidenkeei hi. Hoihtak a pai theih masiah kisinphapha hilel hi. Tuktuk zel mahtaleh, angtanna leh gualbatna maipuak tawh: Pa, Nu, Kei lampai thei!Hongci uhhi.

            Zeisu tawh tonkhop hang nuam tawntunglo mahleh, a hoihzaw in maanzaw dending hi. Tuk ding, puk ding; thokik in, Ama’ gei ah pai den ding hihang.

            Galatians 5:1 sungah, Paulin: “Khazihin eite hong khahkhiat khitna hangin misuaktate hikhin ihih manin; tua suahtakna-thu ah kipin om unla, sila vasuakkik nawnkei un” cihi. Bang cinuam hiam? Khazih in eite koibangin hong suaktasak hiam? I puakding hongcial Ama’ hakkol leh, Paul gen “sila hakkol” a kilamdanna bang hiam?

…………………………………………………………………………………………………………………………………………………………………

            Paul in “sila hakkol” a cihpen in bang khiatna peuh nei taleh; Pasian’ thukham, Thukham Sawmte zuihna aci hilo limlim phot hi. Thukhat panin, thumanna, upna leh telcianna in hotkhiatna hongkemcing theisak hi. Thukham kibulphuh hilo a, Khazih dikna in hongtuam man in, suahtakna leh tawldamna taktak i neitheita hi.            

            Pasian thukham manglo in nuntak sangin; thukham mangin nuntaklelna in banghangin tawldam zawthei ding hiam?

 

Thursday                                                                  July 29

“Ka Van Zaang hi”

            Matthew 11:30 sunga Zeisu kammal nunungpenin vanpua dingin hong kingaihsunsak hi: “Ka Hakkol Puaknuam a, Ka Van Zaang hi.” 

            Moses in, Israel mite tawh Egypt nusia in Tuipisan a kantan khit ciangin, a sunghpa Jethro tawh kimuh ding lawpmahmah hi. Exodus 18:13–22 simin. Hih tangthu in, midangte’ vangik puakpihna in koibang hi cihiam?

See also  SINNA 12: CAESAREA AH A KIKHUMCIPNA

……………………………………………………………………………………………………..……………………………………………………………

            Moses kiangah thukhensak dingin mipite in ziin leh vaak siksan in hongpai diudeu uh(Exodus 18:13) pen, a sunghpa Jethro in a muh ciangin, a makpa kiangah, thulianpite bekmah a khensat ding leh, thuneuneu peuhmah midangte’n zong a khentheih dingin ki ukna puahphatna khat a bawlding hanthawn ngaungau hi. Laisiangtho sungah Moses in a sunghpa Jethro ngaihsut piakna pen sangin, nuntak kikhelna lianpi khat ngah cihi.

            Zeisu in ka vanpuak zaanghi a cihlai in, Amah vangik hong puaksakPa ahih manin, Ama tungah kingam ding cih a deihna hi. Moses mahbangin, midangte zong i vanpuak hawm ding hi hang. 1 Corinthians 12:12-26 sungah, Paul in Khazih pumpi in limhoih honglak a cihna ah, vangik pua khawm cihna hihtuak zaw hi. Vangik puak nadingin pumpi tungah natuamtuam i nei hi. Khut, khe, liangko, sazang leh sapuat pan kipan pumpi nasepna a tuamtuamte i neiciat hi.

            Galatians 6:2 simin. Van kipuakpihna in koibangin Khazih thukham picin thei haim?

…………………………………………………………………………………………………………………………………………………………………

            Hih Laisiangtho mun in kihuh ding deih mahmah hi. Gal. 6:1 ah Paul in sanggam khat mawhna sungah a pukleh, eite’n lungneem takin (Matthew 11:29 phawkin), amah phongkik in puahpha ding hihang. Vangik puakpih cihpen, lampial in a paikhial mikhat, Pasian’ hehpihna mu kiksak cihna ahi hi. Haksatna a thuak laitakin, thuakpih cihna zong hilai hi. Greek pau in “vangik” cih vangolpi ahih keileh suangtumpi khawng cihna ahi hi. Vangik ki puakim ciatin, hong puakpih ding midang kisam i hihna hong phawksak hi. Van-kihawm cihpen Pasian in a pawlpite a ki ittheih nadingin hong piak hi.    

            Vangik mahmah na puak a, hong kipuakpih a nunungpen lai ngaihsunkik in. Nang adingin bangzah thupi nasa a, nangzong kua van na puakpih thei ding hiam?

 

Friday                                                                                                July 30

Ngaihsutbeh Ding:

            “Na nasep haksa nasak ciang, haksatna khatpeuh tawh na phun ciang, mawhzolna nangzo ke’ng na cih ciang, na thuakzawh nawnloh ciang, Christian nuntakna in a kahtolam a hih ciangin; Khazih hakkol puakhalo na hihlam phawkzel in: to dangkhat hakkol puakhazaw nahi hi.”—Ellen G. White, Child Guidance, p. 267.

            “Upna tungtawnin Pasian vangliatna in i kha hong kepsakleh, citakin vilden ding, itna tawh ki-aap den ding hi. Pasian hehpihna saan nading eima thu in bangmah bangmah i hihthei kei hi. Eima thahatna leh hoihna peuhmah muanhuai deklo hi; mawhnei pipi mah Khazih kiang i paileh hong itna sungah tawldamna i ngah ding hi. Pasian kiangah pummuanna tawh i painakleh hong sang hi. Lungtang sungah itna hongpo hi. Lungkim lungnopna omkholkei mahleh gamdai takin amah muanna om hi. Khazih hakkol in puaknuam ahihmanin, vankhempeuh zaangpah hi. Mawhpuakte lawphuai in biakpiakna nuamhuai hi. Abeisa in meeikai khuamial lampi pen, tu in Dikna Ni in taan hi. Tua pen Khazih in khuavaksung a om mahbangin ei zong khuavak sungah i gamtaang hi.”—Ellen G. White, Faith and Works, pp. 38, 39.

 

Kikup Ding Dotnate:

  1. Zeisu tawh nakalsuan nunungpen na ki-pum-aap lai hun na theilai hiam? Banghangin ki pum-aap cihthu na lawmte hawm sawn in.
  1. Matthew 11:25-27 sunga Zeisu thungetna sim pha inla, hehpihna i ciapkhak theihna kikum dihun. Pasian in, banghangin hotkhiatna ngiimna mipil misiamte kiangpan seel khinkhian a, naupangte kiangah pulaak sese hiam?
  1. I kiim i paam vangikpua mite in Zeisu mu a, tawldamna taktak a muhtheih na’ngun koici huhtheih ding ihi hiam?
Tags: ,

Admin

Admin

Top