Huihpi Nung Ding Kiging In

Huihpi Nung Ding Kiging In

Langpanna leh hehna huihpi a nang zo dinga a mite a kigin kholh theina dingin, hun nunung ciangin bang piang ding cih Pasian in hong lak zo hi. Hong piang ding thu a thei kholte in, gimna hun ciangin Topa in Ama mite hong kem nading hi ci-in kihehnema, hong tung ding huihpi ngaka a tut hithiat ding uh hi lo hi. Thadah lo in nasep hanciama, upna a kip a kho tawh a Topa uh a ngak mite banga eite i om ding ahi hi. A thupi khol lo nate tawh i lungsim i buai sak ding hun hi lo hi. Mite a ihmut kalin, Topa’ mite in hehpihna leh gupna a ngah lohna dingin, Satan a geelin manlah mahmah hi. Khuamial sungah Sunday dianna hong kipan ta hi. Makaite in a thu taktak pen seel uh hi. Tua dianna sunga a kihel mi tampi in bang pen a kisem hi hiam cih mu lo uh hi. Kineih khemden siamin Khristian taktak bang mah a hih hangin, hong pau khiat tak ciangin gulpi lungsim hong kilang ding hi.

La phuakpa in, “Mihing” hehna in Nang hong phat ding uha, a om lai hehna teng a hih leh Nangmah in na len ding hi,” ci hi. Psalm 76:10. Zia-etna thutak mipi mai ah hong kikhoih dinga, zahkona a tuamtuam a thuak hangin tua thute pen kisittelna leh kikuppi pen hong suak ding hi, cih na ahi hi. Mite’ lungsim om khong thei lo ding hi. Kiseelna khempeuh, zahko-na khempeuh, gensiatna khenpeuh pen mite lung hihmawh-saka, a lusu ding lungsimte a photna ahi hi. 5 T, laimai 452,453.

Mipawl khat i hihna tawh Pasian in i sep dinga hong piak nasep i sem khin nai kei hi. Sunday thukham hong kikhauh zat cianga hong piang ding thu ah i kiging khol nai kei hi. Lau-huaina hong naina limte i muh ciangin i dian khiat ding hi ta hi. Genkholna in a gensa hi-a a piang ding mah hi, Topa in A mite hong kem nading hi, ci-in upna tawh eite kihehnemin, hong tung ding siatna kuamah in galet hithiat bek kei ni. Lungsim suahtakna kepna ding bangmah hi lo-a i om hithiat mawk leh eite Pasian’ deihna a sem i hi kei ding hi. Sauveipi a ki awlmawh losa nasep i zawh khit matengin hih gimna hong tung lohna dingin lungsim takpi tawh deihtaka thungetna vantung ah i puak toh ding ahi hi. Deihtakpi-in thu ngen ni. I thungetnate tawh kituakin semkhia ni. Satan pen a gual zo, thutak pen zuau thu leh thukhial tawh akihelbawl gawp bangin hong kimu kha ding hi. Hun beisa-a Pasian in galte’ khut sung pana A mite a hotkhiatna i phawk kik ding Pasian in deih hi. Satan’ khut sung pana suahtak ding a piang zo lo ding tawh a kibat ciangin, Pasian in Ama vangliatna a kilat khiat sakna dingin, a khengval a nasia lua hunte teel tawntung hi. Mihing’ dongtuahna pen Pasian’ hamphatna ahi hi. Ute naute aw, nomau’ suahtakna ding leh midangte’ mailam ding i mai-a haksatna’a. dinga kigingkholhna tawh kisai a hih lam na phawk uh hiam? Note’ lang khat ah langpanna hong om ciangin na nang zawhna dingun, Pasian ki-apna leh Pasian zahtakna taktak na nei uh hiam? Pasian in kei’ tung tawnin thu hong gen hi. Gam ukte’ mai hong kitut hun hong tung ding hi. Thumaan na let khempeuh nakpi in hong kigensiatsak ding hi. Mi tampi in tu-a a nawk beisak uh hunte, hong tung ding haksatna hun’a dinga Pasian in hong sawl kigin kholhna-a zat dingin hoih mahmah hi. 5 T, laimai 713-717.

See also  Khangnote Hanthotna 1

Pawlpi Thu Lamlak, Bu 2, pp. 463-465

Tags: ,

Admin

Admin

Top