I Dinmun Ah

Bangmah ahi lo mihing khat pen na khempeuh a bawlpa in ama nasepna ah hong ki hel sak pen i hamphatna lian bel hi aa tua na a sem mi khat adingin ki niamkhiat den ding pen ama adingin aki sam mahmah thu gil pi khat ahihi.Pasian in mihing te hog sapzia ki bang lo in zong mi mah twh i kitehkak theih om lo a, Piangsakpa i mitsuan ding bek ki sam hi. Pasian na sep i cihin Pasian thungenna hi pah masa lo a, ki niamkhiatna tak twh i dinmun tungpan Pasian hong piak i talent pen Pasian leh mite ading phattuamna i tunpih zawh nadingin hingtang ki piakna pen a kisam pha bel ahi hi.

Pasian mi tapidaw dik khat adingin ki niamkhiatna baan ah i khe a taal loh nadingin hingtang ki apna thupi bel aa tuu huangah mite kaizawn zo aa Khazih khiang i tunpih ding pen i sep leh i mawh puak lian bel ahihi.

WTC aki taih lai in US President pa in University ah hehnem dingin thuhilhsiam minthang Billy Graham sam aa sangnaupang te tung pan dotna leh dawnna zong nei sak hi. Tua laitak in sangnaupang khat in Billy Graham tungah “Satan ngiankawi lakah a lian belbel bang ahi tam” ci-in hong dong vat hi. Billy Graham in “lungdamna thu awlmawh man lo liang aa a dangna te i buai pihna hi” ci ziau hel hi. En a dawng ding hileng guihtheih khamtheih zatna phengtatna hi i ci kha ding hi. A hi zongin tua te hi masa lo aa Billy Graham dawnna mah bangin lungdamna thu in i nunna ah hu zaap hong nei phot peuh leh a dangna te tungah zawh zawhna tha hog pai ding ahihi. Na dang khempeuh sangin Pasian i masak ding a ki sam bul pi ahihi.

See also  Test

Nehemiah in “Pasian hong piak lungdamna in ei te hong tha hat sak ding hi” ( Neh 8:10) a cih thu in Johan in “thu um mite in leitung nate zo uh hi” ( 1 John 5:4) a cih thu ah hong tawsawn suak to zo ding hi.

Laisim mimal kim Topa in na lunggulhna bang uh hong tunpih nading in na dang khempeuh sangin Pasian a lian sak zo tawntung dingin i biak Pasian in ong om pih ta hen.

Laingelh: Tg. DL Thawnpyi.

Tags: ,

Admin

Admin

Top