ZSL 2: INKUAN

Zomi Sabbath School Lesson 2: INNKUAN; Zokam, Zopau, Tedim, Chin, Myanmar, Paite, Thadou, Sizang, Siyin, 4th Quarter 2020

 

Lesson  2                                                           *October 3–9

 

INNKUAN

 

SABBATH NITAKLAM                                       Oct 3

 

Tukalsung Simding: Gen. 3:1–15; 2 Cor. 4:6; Luke 1:26–38; Matt. 1:18–24; Eph. 4:15; 1 John 3:18; Deut. 6.

 

Kamngah: “Ka ta aw, na Pa hong thuhilhna ngai in, na Nu thukhamte nusia ke’n.” (Proverbs 1:8).

 

          Mihing in nisimin pilna ih sin behbeh hi. Nungtak i cih ciangin sangkah i hilel hi.  

          “Israelte hunlai pek panin thu-ummite in khangnote pilna sinsak ngiatngiat uhhi. Naupang suaktung pan kipanin, Pasian’ hoihna liatnate a thupiaksung a ombang in hilhding cih Pasian in lamlak hi cih amau tangthu sungah omhi. Laisiangtho sunga om late leh thungetnate tawh amau’ lungsim honsak ding ci hi. Thukham pen Pasian omzia hi a, lungsim sungah a sangte in Pasian lim leh meel suun-uh cih thu, nu leh pate in, naupangte hilh uhhi. Kihilhna pen atamzaw kam tawh hi a; khangnote in Hebia laigelhte; laizial tunga kigelh Laisiangtho lui kisin uhhi.”—Ellen G. White, The Desire of Ages, laimai. 69.

Mihing’ tangthu sungah, hun masalai phadiakin pilna peuhmah innkuan sungpan kipan hi. Laisiangtho in innkuan sung pilnathu bangci gen a, i innkuan koibang dinmun hi taleng, bang ngaihsutna thak hongpia nasa hiam? 

 

SUNDAY                                                                              October 4

Innkuan Masapen

 

            Hun masalai mihing’ tangthu sungah innkuan pilsinna tawh kisai, Laisiangtho in a kician kicing in bangmah hong piak om mello mahleh, pilna sin-uh cihthu bel kician mahmah lelhi.

            “Pilsinna pen Eden huan pan innkuan sungah kipan hi. Adam in ‘Pasian’ tapa (Luke 3:38) hi a, Pa kiang panin asangpen kihilhna tate’n ngahsuk uhhi. Aman takin cileng innkuan sang ahi hi.”—Ellen G. White, Education, laimai. 33.

            Bangteng hilh-uh cih i theih seloh hang, piansakna, mawhna omkhit teh hotkhiat na’ng ngiimna cihte kihilh ding cih kician lel hi. 

            Anuai a Laisiangtho munte’n bangpeuh hong hilh a, Adam leh Eve in, a tate uh a thuhilhna hi teitei dingcih koibangin i umthei diam? Gen. 1–2; Gen. 3:1–15; 2 Cor. 4:6; Luke 10:27; Galati 3:11; Revelation 22:12. 

 ____________________________________________________________________

Lei piancil lai a, kihilh pilna mahpen khang tawntungin etteh ding lim hipah hi. Eite ading lim ahi dingin, i nu/pa masate innkuan ading Eden’ sang hong phut hi.”—EGWhite, Education, laimai. 20.

            Christian pilna cihpen upna, biakpiakna, kihilhna, kipawlkhopna Pasian’ na sepna leh huh piakna cihte innkuanpihte kihilhna ahi hi. Innkuan cihpen innkuanpihte Pasian’ itna leh kamciamte kihilhna mun ahi hi.    Zeisu in, naupangte’ lawm, Topa leh Gumpa a hihna thu leh, Laisiangtho in Pasian’ kammal ahihna naupangte tungah hilhna mun ahi hi. Vantung i Pa’ omzia musak a, kizopna hoih kihilhna mun ahi hi.  

            Gen. 4:1-4 sungah, Cain leh Abel te unau in Topa kiangah biakpiakna hong puak uhhi. Hotkhiatna ngiimna sungah biakpiakna thupitzia, innkuan sungpan kihilh hi ngelngel ding uhhi. Pilna hoih in, ei lam-etna zah apiang dingin hong makaih tawntung zolo cih, tua tangthu tungtawnin i telthei hi. 

            Na innkuan bang dinmun tung taleh, na kimkot adingin thuman kihilh in ki nuntakpihna mun ahihtheih nadingin, bang teelsiamna kisam na kisa hiam?

 

MONDAY                                                                             October 5

Zeisu’ Naupang Hun

 

            Laisiangtho sungah Zeisu’ naupanghun kitawmgelh mahmah hi. Tua hunte thuthukpi ahi hi.   A leitung nu leh pa ahi Mary leh Joseph tawh a nuntakzia tungpan a naupanlai pilna sinzia, ei muh khopkhat khawng bel omlel hi. 

            A nuai a Laisiangtho munte pan, Mary leh Joseph in naupang Zeisu, koi cibangin pilna pia cih hong theisak hiam?

 

Luke 1:26–38___________________________________________

 

Luke 1:46–55_____________________________________________

 

Matt. 1:18–24_____________________________________________

 

            Hihmunte in Mary leh Joseph pen mi thumante a hihna, Pasian’ thukham bangin nuntak ding a ut mite ahihna hong musak hi. Topa hongpai a, thupiang ding teng a gen ciangin, thuman takin sawlmang uhhi.

            “Naupang Zeisu in Synagogue sangte ah pilna sinkhalo hi. Anu in a siama masapen ahi hi. Anu’ muk leh kamsangte kiangpan vantungthute kisin hi. Amah ngiatin Moses kiangah agenkhiat thute mah, anu’ khut tungpan kisinkik hi. Naupang pan khangno asuahtoh kawmin, rabbi sangah vakah lohi. Pasian in ama pilna bulpi ahih manin, tua sangte ah vakah kul selo hi.” —EG. White, The Desire of Ages, p. 70.

Tua siate in thuman cihtaktuak lel uh himah leh, Luke 2:41-50 sungah, Pasian bekin a piak pilnate, mite’n telsak zolo uhhi. 

 

Atung a EGWhite kammalte lungngai kik in. Ama’ paukhiatsa kammalte mah anu’ khut tungpan aki sinkikthu na bangci ngaihsut hiam? A lamdang Pasian hong itna koici pulaak naci hiam? A puuksa mawhnei eite in Pasian’itna i koici dawnkik tuak hiam?

 

TUESDAY                                                                      October 6 

Kizopna

 

            Amantakin cileng pilna pen kizopna namkhat ahi hi. A Siapa pen pilna, theihna, thukip leh a dangdangte a neipa ahi hi. Theihna tampi aneikhat in mitawh kizomthei a; tua ama theihte hilh ding bek ahihleh ahoihna bang hituan hiam?   

            “Thu dangkhat leuleu ah, hilhsiamna in kizop siamna zong hipahlo hi. Tuate khempeuh tungah kizopna lamh kul hi. Sia hoihpa in, a sangnaupangte pen lawmhoih in nei a thumanpha guan hi. Nute Pate in, khangno leh naupang bangzah tungah itna leh telsiamna tawh kizom a; a muibun penpen ding lampi zongh theih kul hi.” Ellen G. White, Education, p. 212.

            Thukhatah, hilhsiamna in mimal noptuamna piazo bilbel hi. Innkuankhat icih zong saang khatmah hi a, thupi veve hi. Sangnaupang leh Siate kikal kizopna hoih lamhsak kul hi. Kimeeltheihna zong kizopna tungtawnin khangto hi. Christiante in Laisiangtho sim, thunget cih khawng tawh Pasian tawh kizopna aneihloh ciangin, a kimeeltheihna nungtalo hi. Innkuante in Khazih’ hehpihna leh theihna sungah a khantoh na’ngun Pasian’makaihna kisam uhhi.

            Anuai a munte simin. Innkuankhat in Pasian tawh kimeeltheihna hoih neihtheih na’ngin bang kisam hongci hiam? Late. 37:7–9; Proverbs 10:31, 32; Proverbs 27:17; Eph. 4:15; 1 John 3:18; Titu 3:1, 2; James 4:11.

________________________________________________________________________________________________________________________________________

            Kizopna khaici-hoih tuhna in innkuante Khazih tawh kimeeltheihna khangsak bekthamlo in, innkuanpih khatleh khat kimeeltheihna zong khangtosak hi. Natate neulai in navaihawmsakthupha in, hong khankhin ciangin kizopna hoihkhat hongnei in lungnopna hongguan ding hi. Ta na neikei phial zongin, hih thukhunte in mun tuamtuamah na sem thei hi.

            I thugen khatpen thupipah a hihloh hang, i gendaan thupi ahihna ngaihsun dih in. Na genkhiat thukhat dik napi in; nagenthu in a suulzuite a kisiatsak theihna koibang hiam?

 

WEDNESDAY                                                                      October 7

Nu leh Pa Dinmun

 

            “Pate aw natate uh a hehtheihna dingun bawlkei unla: Christian’ ngeina tawh kituakin taii in hilhin pantah un.” Eph. 6:4. “Zi hoih pen suangmanpha hoih sang manpha zawpek a, zihoih ngah ding haksa mahmah hi.” Proverbs 31:10.

            Nu leh pa in a lipkhaphuai mahmah vaipuak nei uhhi. Pa in innkuan lutang hi a, innkuan pen pawlpi, sangpi leh kipawlnate ading naupangsang ahi hi. Pa in thanem in, vaipuak nei selo, hanciam selo lel leh; innkuan, pawlpi, sang leh kipawlna in thuaklawh ngeingei ding hi. Khasiang tho’ gahte ahi itna, lungnopna, kilemna, thuakzawkna, dikna, hoihna, upna, lungnemna leh kideek zawhnate neihtheihna dingin Pate in hilhden ding hi. Gal. 5:22, 23.

            Nute’n zong kipawlna khempeuh ah vaipuak thupi mahmah nei uhhi. Tate gamtatna ih lamh laitak leh innkuan sung omzia tungah huzaap lianpi nei uhhi. Tate hilhpilna ah nute tawh kibangin pate’n zong maa panpih ding hi. 

            Anuai a munte panin Nu leh Pa in bang pilna i ngah thei diam? Eph. 5:22, 23, 25, 26; 1 Cor. 11:3; 2 Cor. 6:14; Rom. 13:13, 14; 2 Peter 1:5–7; Phil. 4:8.

            Christian Nu leh Pa in, amau gamtatzia tawh Khazih leh pawlpi kizopna limhoih lak ding uhhi. Kitenna in Khazih leh pawlpi kizopna limhoih ahi hi. Pa leh Nu in makaih keileh, ahih keileh ngongtatna tawh makaih leh, atate pen mite’ muhna ah Khazih limkhial alak ahi uhhi. Pasian in tate pen limtak a makaih ding hong sawl hi (Deut. 6:7). Tate’n a lungsim khempeuh uh tawh Topa a it theihna dingun Nu leh Pa in hilhding hi. Pasian kihta, it in ki pum-aapna neithei dingin hilh ding hi. 

            Deut. 6:7 sungah, Pasian in a mite adingin a bawlsak nalian khempeuh, Israelte in naupangte tungah tuam hilhpha mahmah dingin vaikhak hi. Tangthu lian mahmah gen ding nei uh himah leh, eite, singlamteh khit anungtate in, tua sang hoihzaw tangthu inei hi. Tua mah bangin cina bawlna thukisinna cihte peuhmah, Pasian’thuman tangkona leh Khazih tawh kimeeltheihna dingin naupangte lampi sialsakna ahi hi. A tawpna ah phaltakin i piakkhiatna ahi hi. Amau hong khankhin uh ciangin, amau mahun Pasian’ maiah dawngkik ding uhhi.

 

THURSDAY                                                              October 8

Mangngilh loh Na’ng

 

          Israelte kamciam gam a lutma un, Moses in kam a vaikhakna ah, alamdang mahmah Topa’ makaihnate, amau adingin Topa’n a sepsaknate mangngilh lohding in vaikhak phapha hi. Thuhilhkikna limlim pen Moses in a nunungpen teci panna vive ahi hi. Kum tul tampi lai akigelh hi a, nuntakzia leh ngeinate tulai huntawh kibanglo mahleh, i zattheih veve ding vive ahi hi.

          Thuhilhkikna 6 simin. Christian pilna bangciang bangpeuh hong musak hiam? I tatebek hilo a, Pasian leh alian hong gupna atheilo tetungah thuhilh ciangin bang bulphuh theih ding namu hiam? Kidop ding e bangthu omhiam? 

          Amau lakah abulphuh mahmah dingun alamdang Pasian’ nasepsakte naupangte tungah hilh ding uhhi. A kidop dingun, Pasian’ sepsaksa khempeuh mangngilh loh ding cihthu ahi hi.   Nu leh Pa in naupangte tungah Laisiangtho hilh ding mawhpuak nei masa pen a; amau mahmah zong tua thute nuntakpih pah ding leh, naupangte tawh zong hun zangkhawm ding uhhi.

          “Naupang’ Sia masapen a Nu ahi hi. A moilai leh a khantoh manlang laitakin a Nu’ khut sungah mawhpuak lianpi omhi.”—Ellen G. White, Education, p. 275. Tua hun laitakin Pasian’ itna leh kamciamte hilh ding hun hoihpen ahi hi. Naupangte tungah Pasian theihna leh akamciamte hilh na’ng hun tuamseh lecin, namailam innkuan bangkua omzia ding avaihawm nahi hi.   

 

          Hih simin: “Na tate tungah limtakin nahilh dinguh a, innsunguh ah natut ciang, lampi ah napai uh ciang, nalup uh ciangleh nathawhuh ciangun tua thute nagengen ding uhhi.” (Deut. 6:7). A thubulpi bang hi a, Topa omtakpi ahihna naupangte bek hi lo, cimahmah in phawk ding bangzah thupi ci hiam?

 

 

FRIDAY                                                                              October 9

Ngaihsutbeh Ding: Ellen G. White laigelh, Education laimai 275- 282, “Kiginkholhna”; “Sepkhopna,” laimai. 283–286 leh “Temperance,” laimai 287–297 cihte simin.

            “Naupangte a neulaipan a goldong hoihtak hilhpil sitset dingin nu leh pa kiging sitset ding hi. Nu le pa mawhpuakte puakma in, pumpi ci leh sa khantohna thukhunte atheih mahbangun, lungsimlam khantoh theihna thukhamte zong theihphot kul hi.”—Ellen G. White, Education, p. 276.

            “Pankhop sepkhopnapen innkuan sungpan Nu leh Pa mahin panpah ding hi. Naupangte hilhkhawm in hanciam khawm tawntung ding uhhi. Pasian kiangah ki aap uh henla, Ama’ huhna tawh kipkhawm tawntung ta uh hen. Hih thusinna apia ding Nu leh Pa in, Siapa a mawhsak theite hi lo ding hi. A naupangte lunglutnate leh sang ki-ukna thukhamte telsa in, amau mawhpuak a huh Siate nangawn zahtakna a piatheite hi ding uhhi.”—Ellen G. White, Education, p. 283.

 

Kikup Ding Dotnate:

 

1.         Ta i nei a neikei zongin, munkhatah hunbit in teengin, mite tawh i kizom hi.  Nang teenna mun peuhah, mitawh kizopzia ding, teci panzia ding cihte tukaal sinna sungpan bangpeuh namu hiam?

 

2.         Pilna bel hoihsa tek lel hang. (Pilna kua’n langdo zo ding?) Tuabang ahi tawntung diam? Pilna in thusia a suakna bang limciing omhiam? A lehpai limciingte tungtawnin pilna ahoihna gentheih ding bang omhiam? 

 

3.         Wednesday sinnapan phaltakin piakna isin hi. Khangnote hong khangtak ciang leh khangham sate mahmah in, a khangnolai vua ihilh tawntung Pasian’ thu phawkding a khentatuh kul ta hi. Nu te Pa te leh a dang khatpeuh in, midang tungah teci a panding uh ciangin phaltakin piakkhiatna a neihtheih dinguh bangzahin thupi hiam? 

 

 

See also  ZSS 3: Pasian’ Sapna
Tags: ,

Admin

Admin

Top