Lesson 7: Innkuan Pumkhatna Tawhtangte

Lesson 7                                                                               May 11-17

Innkuan Pumkhatna Tawhtangte

  

Sabbath Nitaaklam                                   May 11

Tukaal sung sim ding :  Gen.  33:12-14;  Ruth 1:16-18; John 17:21-26; Gal. 3:28;  Eph.  2:11-22;  5:21-6:9.

Kamngah:  “Pa aw, amau te khempeuh pumkhat a suah theihna dingun ka hong ngetsak hi. Nangmah in Kei na hong sawlna thu leitung mite in a uptheihna dingun eite gel pawlkhat ihih mahbangin, amau te zong eite tawh pawlkhat hong hi tahen.” (John 17:21).

            Innkuan nuntakdaan pen hun tuamtuam ah mi tuamtuam a om hi. Nu leh Pa te’n, tate a hilh masak penpen tate’n zong a khang-uh khom thei hi. Suan leh khakte, aom nailo pan hong piangte, ki laihsuk ngiatngiat hi. Tate zong hong picing toto, a inn nusia uh in tu leh ta hong nei suksuk uh hi. Nu leh Pa, tate in, mawhnei a puuk vive ihih manin ki pumkhat ding haksatna ituak khaciat uh hi.

Singlamteh tungah bel Zeisu in mi khempeuh te leh Pasian kikal ah hong ki khungin hong lemtuah khin zo (Eph. 2 : 13-16; Colosian 1 : 21-23) hi mah ta leh, i nisim nuntakna ah Khazih hong hehpihna ei aa hi ci thei in, upna tawh zong leng, tua bekmah in hong ki pumkhatsak thei cih i theih kul hi.

 

SUNDAY                                                               May 12

Khazih in Thu Laigilpi

            Paul in Khazih sung a kigawmkhawm thak mite bang tawh genteh hiam?  Khazih in “nih” lakpan “khat” bangci piansak hiam?   Eph. 2:11-22; Gal.  3:28.

………………………………………………………………………………………………………

            Mi khat leh khat hong deidan kulhpi pen, Khazih’ singlamteh in hong hepkhiatsak hi. Kawmpi in Jewte biakinn sungah, pasal leh numei, Jew leh Gentile hong deidan sitset hi.  Khazih sungah Jew leh Gentile kipumkhat na’ng in, Paul in, minam te, pawlte, ngeina te leh numei/pasal a ding liangko kikim kammal hong zang hi. “Amah tawh kipawlna hangin minam nihte pawlkhat a suah theihna dingin, minam a dei Jew thukham leh, a ngeina te khempeuh phiat in, eite pawlkhat hong suah in hong kilemsak hi”  Eph.  2 : 15 cih thu in, kitenna tawh “sakhat”  a suak pumkhatna thupha hong lak hi. Khazih upna tungtawnin, sawt veipi a kikhensa innkuan te zong kigawmkik thei hi.

            Khazih sungah pumkhatna cih Lai Siangtho kammal zat thukhat hi a: nuntakpih takpi ding pen ki pumpiak kul hi.  Khazih in eite hong ciamsa sakhatna leh pumkhat na i nuntakpih theihna dingin, hong koici kikhelsak hiam? Rom. 6:4-7;  2 Cor. 5:17;  Eph. 4:24-32.

………………………………………………………………………………………………………

            Kualbem golpi khat suai in la, a nawlpan a laigil ah ciang tampi giit in. Tua na cianggiit te, a lai tungdek semsem, kinai semsem hi pah hi.  “Khazih tawh i kinaih semsem ciangin, khat leh khat zong i kinai semsem hi” EGWhite, The Adventist Home,  lai 179.

            “Pa leh Ta kikaal, Pasalleh Zi kikal ah, Palai pa Khazih ding a, i theih leh theih loh hi bek hi. Ama’ thu leh ama’ nung zuihna lo peuhmah tawh, khat leh khat i ki zom thei peuhmah kei hi” Dietrich Bonhoeffer, The Cost of Discipleship, lai 108.

See also  Sinna 13: Hun Nunungah  Lungsim Kikheel

            Na innkuan leh na pawlpi, tua kualbem golpi laigil tawh bangzah kinai hiam? Tua bang kinaih theihna dingin bang kisapbeh lai in na um hiam?

 

MONDAY                                                             May  13

Ama’  Itna Sungah Sakhat Suak

            Note khat leh khat na ki itna te leh mi khempeuh na itna uh, Topa in hong liansak semsem tahen. 1 Thess.  3:12.

            Zeisu’n a Pa kiang a thungetna ah, “ei i ki pumkhat mah bangin, amau ki pumkhat sakin” ci hi. Zeisu hongpiak ki itna thukham tungtawnin, pumkhat theih na’ng, Zeisu’n bangteng hong hilh hiam, gualsuk in.

…………………………………………………………………………………………………………………….

            Hih a thungetna sungah, nungzuite pumkhatna neih ding deihsak hi. Pumkhat na a nuntakpih theih na’ng un, Agape itna a neihuh kul hi. Agape cih kammal pen, Lai Siangtho thak sungah Pasian itna a pulaakna hi. Tua itna in Pasian’ zia hi a (1 John 4:8), Zeisu’ nungzuite cinuam phadiak hi (John 13:35).  Pasian’ itna in, mawhnei mi lungtang sungah mawk omlo hi. Kha Siangtho hangin, Zeisu hong tenna tawh kingah thei bek hi (Rom. 5:5; 8:9,11).

            “Ke’n note kong it mah bangin, note khat leh khat na ki it un” (John 15:12). Hih kammal a ciamtehpa John in, khatveilai in, ithuailo, kiphasak, ki liansak, mawh zong, lungtom mahmah hi (Mark 3:17; Luke 9:54, 55;  DA 295).

            Hihbang nundaan pipi mah tawh, Zeisu’n itna tawh thuak a kem cih a mu hi. Zeisu’ itna in, John damdam in kikhelsak a, Khristian ki pumkhatna dingin midang hong it thei hi. “Amah’n hong it masa a, e’n i it thuk hi”  (1 John 4:19) ci hi. “Pasian in ei hong it leh, eite zong khat leh khat i ki it ding hi” (1 John  4:11) na ci lai hi.

            1 Cor. 13:4 – 8 simin.  “It” a kicihna mun peuhpeuh ah, na min guang in. Bang tanvei na kituak hiam? Zeisu’n a Kha Siangtho tawh tua itna hong piak ding ngen in.  Hih Khristian nundaan i batzawh na dingin, Khasiangtho in bang ki puahphatna peuh hong pia hiam?

 

TUESDAY                                                              May 14

Angsung Khualna: Innkuan Hong Susia

            Ki phatsakna leh angsung khualna hemkhia peuh leng, haksatna a tamzaw veng pah ding hi.  EGWhite, Early Writings, Laimai 119.

            Mihing kici himhim mawhna in i pianzia hong suksiatsak zo hi.  Tua hong susia a lianpen in, angsung khualna hipah hi. Angsung khualna i pianpih a, naupang note nangawn in, amau aading bekmah khual uhhi. “Kei, kei, kei .  .  .” Khangham ciangin, tua nundaan in, innkuan sung buaina tampi hong pia thei hi.

See also  ZSL 8: Piansakna: Piancil Bu in a Tawphah, Khen 1

            Hi mah taleh, Zeisu in tua hong khelsak dingin hong pai hi (Eph. 4 : 24). Hong susia thei tuabang nundaan te in eite hong uklohna dingin hong kamciamzo hi.  Ama’ nundaan en leng, angsung khuallo a; eite etteh taakcing hi (1 John 2:6).Eima angsung ading i puuk i hoina te hong zawhpih ding hi.

            A nuai a Lai Siangtho munte simin la, angsung khuallo nuntak zia bangteng hong gen hiam? Phil.  2:3-5;  1 John  3:16-18.

…………………………………………………………………………………………………………………….

            A tungdiak a EGWhite cih mah bangin, ki phatsakna leh angsung khualna hemkhia peuh leng haksatna a tamzaw te thu lian thusia a suah ma in, ki vengsak thei ding hi.  Innkuanbup, Nu leh Pa phadiak ki siansuah ding (Pro. 16:6) a, singlamteh bul paipih in, upna, khitui luanna, ki apna tawh khukdin in thungen ding hi.

           Na nuntak sung in angsung khualnate naneih manin, singlamteh bulah pai in tuate dona in hun bangzah na zang ngei hiam?  Matt.  7:16 sim lecin, na hunzat a kicin nakleh huhna hong lak ding hi.

 

WEDNESDAY                                                                   May 15

Thu Kimang

            Ki niamkhiatna leh nasepna vai Paul in bang hong gen hiam? Eph. 5:23. Hih ngaihsutna in, Pawlpi sung pumkhatna hong bangci huh thei ding hiam?  Innsungah zong bangzah thupi ding hiam? Eph. 5:22-6:9.

…………………………………………………………………………………………………………………….

            “Thu mang” cih kammal (Eph. 5:21) in, i lungsim takpi tawh midang khat’ mai ah ki niamkhiat cihna hi. Zeisu hong patsaksa hi a (Matt. 20:26-28;  John 13:4,5;  Phil. 2:5-8) Kha Siangtho tawh kidim mite omzia a hihi (Eph. 5:18). “Khazih a dingin a zahtak huai” hih theih na’ngin ki ap kul hi (Eph. 5:21).  Lungsim kituak takin ki piakhia a, mipi tawh kizopna ah Khristian nundaan hilh ding hi. Khazih sungah pumkhat hihna khalam thu nungta sak ding hi.

Innkuan Thukhun: Khristian te ki thuman na taktak pen innkuan sungpan hi a, innkuan sungah a picin theih taktak leh, pawlpisung kiho daan hong lamdang ding hi. Paul in, innkuan sungpan kipan a zat masak dingin hong kuppih hi. Kizop daan kop thum Ephet laikhak sungah (Eph. 5:22 – 6:9) om hi.

            Paul in, bang hangin, a thanem zaw a hi, zite, tate leh sila te tungah pau masa hi ding hiam?  A nuai a Lai Siangtho munte pan thu kimang ding te gelhsuk in. Eph. 5 : 22;  Eph.  6 : 1; Eph.  6 : 5

……………………………………………………………………………………………..

            A thahatzaw pasalte, Nu leh Pa te, To te pen a nihna in hopih tawntung hi. A vekpi un ngeina tawh a kibang khollo lamlakna pia hi. Tua lamlakna te pen, kum zalom masa lai a thu um te’n lamdang sa liang uh hi. Tua thu te in singlamteh phung naih mahmah a, ki pumkhatna diktak lampi hong honsak hi.

 

THURSDAY                                                          May 16

Kamciamsa Itna Nuntakpih

            Innkuanki pumkhatna dingin, nupate kiteen pan a kipan, khat leh khat kidon pah ding hi.  Lai Siangtho tangthute lakah zong kamciam peel, muanhuai lo, kipiak na omlo cih khawng vive a hihi.  Lai Siangtho sungah mi mawkmawk te Pasian panpihna tawh lawm leh gual, innkuan tungah a thumaan mi etteh taak tampi om veve hi.

See also  Piansakna leh Pukna

            A nuai a innkuante en lecin a kipiak daan te uh na mu dinguh hi.  Innkuan pawlkhat a kipiakna uh khantoh theihna ding a etteh huai innkuan dang kua innkuan khawng om hiam?

Nu/Pa leh Tate – Kipiakna Gen. 33:12-14; Paikhiat 2:1-10

………………………………………………………………………………………………………

Unaute – kipiakna        Gen. 37 : 17 – 28.

………………………………………………………………………………………………………

Innkuan – kipiakna      Ruth 1:16 -18;   2:11,12, 20; 3:9-13.

………………………………………………………………………………………………………

A kitengtung te – kipiakna      Hosea 1: 2, 3, 6, 8; 3:1-3.

………………………………………………………………………………………………………

                        Mi khat tungah i kipiak nakleh, kitenna, taseel khawi lakna, ukna lungsim khentatna tawh sem leng, mailam ah zong teelna dang neihding kisuakta zaw hi. Thukhunte ki lehlaak thei a, aih hang ki tenna leh innkuanin ki itna kisam pha diak hi.

            Ki apna tungtawnin Zeisu in bang kamciam hong pia a (Heb. 13:5), nang a dingin bang khiatna nei hiam?  Nangtung hong kipiakna in, ama tungah, na zi, na tate leh thu um mite Ama tungah a kipiakna dingun, bang phatuam sak thei hiam?

 

FRIDAY                                                                May  17

Ngaihsut Beh Ding Thu :

EGWhite, Adventist Home “A siangtho Kualbem” laimai 177-180; leh Pawlpi Thu Lamlak vol. 6,  laimai  236-238.

            Ki Pumkhatna – a masa pen. “Khristiante nasep masapen ding Innkuan ki pumkhatna hi.  .  .  .

            “Innkuan sungah ki pumkhatna kip semsem, Pa/Nu leh Tate’n midangte huzaap zo semsem ding hi.” EGWhite, Adventist Home, laimai 37.

            Innkuan ki Pumkhatna Thusim: “Kikhenna’ thupatna, innkuan ki thuton loh na te pen, Khazih tawh ki gamlaat hang hi.  Khazih kiang naihna in, khat leh khat ki naihna a hihi. Pawlpi sung leh innkuan sung ki pumkhatna thusim in, palai siamna, geel siamna, superman thahatna te hang hilo a: Khazih tawh ki pumkhatna hang hi.” laimai  179.

Kikup ding Dotna te:

  1. Na vengsung vuah innkuan ki pumkhatna a nawngkai sakthei bang peuh a om hiam? Hihte gal a do innkuante na koici huhthei ding hiam?
  1. Na pawlpi sungah tu mahmah in tuabang innkuan pawlpi tawh a ki gamla a om kha hiam? Na khanpihte tua bang haksatna thuakte bang peuh na hihsak thei diam?
  1. Hih dotna tawh kisai kicing takin kikum un. Khristian te adingin bang kikup ding a om tam? Tua thukhun ki koici palsat hiam?
  1. Pawlpi sung ki pumkhatna a piangsak thei ding innkuan sung kilem masak na’ng thukhun bang khawng na mu hiam?
Tags: ,

Admin

Admin

Top