Isaiah: “Ka Mite Hehnem Un”

Isaiah: “Comfort My People”

Roy E. Gane

Jan, Feb, Mar 2021

A Sung a Om Thute

 1. Ei leh ei’ hihna Kitelcianloh Hun (Dec 26- Jan 1) …………..

 2. Makaihna ah Haksat Hun (January 2-8)    …………………..

 3. Na Leitung A Kipuk Ciang (January 9-15) …………….

 4. A Haksa Lampi (January 16-22)   …………………………….

 5. Athupi Nopsakna Kumpi (January 23-29) ……………………

 6. Pasian Kimawlpih (January 30-February 5) ……………

 7. Assyria mite’ Guallelhna (February 6-12) …………………….

 8. “Ka Mite  Na Hehnem Un” (February 13-19)       ……………

 9. Semkhia ding Leh Honkhia ding   (February 20-26) …   

10. Ngaihsut Zawhloh Nate Sepna      (February 27- March 5)

11. Itna In Nasem (March 6- 12)                    ……………  

12. Minamte Lunggulh (March 13-19)            ……………   

13. Leitung Thaksuahkikna (March 20-26)    ……………………….

“Ka Mite Hehnem Un”

            Hih kammalte a paukhiat pan kipan in ilungsim sungah kigelh kikuipahin tengcip pahngiat hi. Mangngilh theihloh kammal pawlkhat oma, vangik pipi bek hilo lam-etna leh kamciam “Pasian eite tawh Omkhawm” (Isa. 7:14) cihbang, “eite adingin naungekkhat hongsuak” (Isa. 9:6), “guam khempeuh kivukdim ding” (Isa. 40:4), “ eite khialhna hangin Amah kiliamsak a, eite mawhna hang in Amah kisatnim hi. Ama gimthuakna hangin nopna i ngah a, Ama liamna hangin damna ding ahi hi” (Isa. 53:5).

            Kammalte in lim honglak, pumpi honglak, aw thawn piangsak hi: Mot paupauna in thanemna piangsak a, lim hoihlo lakin; kamhoih in thahatna piangsak, pumpi zong puahpha, a thawn zong gingzaw sakthei hi. Tua mahbangin, Isaiah in  angaih mahmah in a paukhiatkhit kum zalom 27 bang eite adingin zong kitelcian satsat lai hi.  A thuaksia nasempa cih lakam sungah  (Isa. 52:13-53:12), Isaiah in Messiah lim hong musak a, laisiangtholui mundangte sangin kician zawtham hi.  Hih santak lian in “gospel kamsang” a tanna mun hipah hi.

READ  Kumpi Zawlla

            Persia kumpipa in Babylon a zawhmaa kum 150 peklai in, Cyrus zong a minlawh in genkhol a (Isa. 44:28-45:6), khuak nei phalo mite’n mihing ngaihsutna a puathambek mu uh ahih manun, lamdang salualiang uh a, Isaiah nihna omding hi ciliang uhhi.

            A kihel bilbial limtampi tawh, lagui phuaksiampa Beethoven laguite mah bangin, thuthuk tampitak paaikaankhawm in, lagui phuak in kuhkal takin a mainawt denpa mah bangin; Pasian humuap Isaiah laibu in zong, a manpha khauhpai laibu khat hi a, vantungte in leitung sangin sang zaw ahih mahbangin, Pasian’ ngaihsutna in mihing ngaihsutna sangin sangzaw hi (Isa. 55:9. A laibu letkhiatna nangawnah zong ama’deihna bulpi kimansuah zawsop in, Hebrew telai sungah, Isaiah laibu tawh tehpih ngamding laibu dangzong omlo hi.

            Amah pen kampau siamin, lagui zong siam, lungsim lawp in khauh hi. Ahihhang, Isaiah in tuate a bawllai in thungetna tawh genkhol cih i thei hiam? Angongtat Assyria kumpi in a sangpen dinmun a tun laitak pen nenniam a thuakpen laihun ahi hi. Tua banah teeltuam Judah mite in lungsim leh khalamah thanem mahmah uhhi. Huaiham duhhopna kidim uhhi. A hauhna dinguh hanciamna in, pawlkhatin guihtheih khamtheih diikin lungnuam takin omuh a, pawlkhat leuleu lungkia keugaw in omzaw uhhi. Amau gam dinmun kipsak nadingin, anialmite lakpan a beibang pawlkhat kaikhawmin, hoihtak kemcingin, Isaiah in Pasian enkik ding, vanleh lei a bawlpa a siang tho Pasian, amaute minlawh in a theingiatpa, meilakpan hong honkhia ning ci in a kamciampa; a hihhang amau mahun thumang nu’ng a cihleh bekmah hi ding ci in zol hi. 

             Isaiah in kumpite ngaihsutpia hi. Pasian’mi a beibangte Assyria galkaphon hangin a kisiat dektak laitakin, Isaiah thugenkholhthu in Kumpi Hezekiah thahatsak a, Jerusalem a ding lam-etna khatbekmah masuan hi (Isaiah 36, 37). Tua lai in Jerusalem pukpah leh, Babylon sung a tunmaa uh kum zakhat lai bang hi a, Assyria mite’n a galzawh peuhmah a thehthang daan tawh pen, Judah in amau dinmun mansuah gawpkhin ding hi. Tua hileh leitung honkhiapa Messiah hong pian theih na’ng Jew minam cih zong om nawnlo khasop ding hi.   

READ  BERÂMNO CHU CHHINCHHIAHNATE PHELH TLÂK A NI

            Tu quarter, Isaiah i sinding a, a kammal, a hun, a haksat thuakte, a diakin, a Pasian’ thu, “hong honkhia zo ka hih manin lau kei in. Na min tawh kong sam khinzo a, kei a na hi zo hi” (Isa. 43:1).

            Dr. Roy Gane pen Hebia mipil  laihilh Sia hi a, Berrien Springs, Michigan aa om, Andrews University  huangsung, Seventh-day Adventist Theological Seminary sangah Laisiangtholui hilh Siapa ahi hi.

Tags: ,

Admin

Admin

Top