ZSS 13:  Israel Makaite

Zomi Sabbath School 13:  Israel Makaite PDF | ZomiSDA

Lesson 13:                                     December 21-27

 Israel Makaite

 

Sabbath Nitaklam                              December 21

Tukaalsung simding: 1 Kings 12: 1- 16; Acts. 15: 7- 11; John 11: 46- 53; Nehemiah 4: 7- 23; Ezra 8: 21- 23, 31, 32.

 

Kamngah: “Mi khempeuh anne tuidawnin midangte a kholh ding le lungdam a om dingin a ciah uhhi; banghanghiam cihleh amau tungah kigen thute amaute in a theitel uhhi.” (Nehemiah 8:12).

 

          Ezra leh Nehemiah tegel pen etteh takcing, nasepzo makaipite ahi uhhi. Pasian a itna in ana semdingin ki aapnopna lungsim neisak hi. A thumaanna uh pen tukaal sungteng eite sinding thulaigil ahi hi.

          Tukaal sungtengin Ezra leh Nehemiah tegel makaih siamnate sinding hihang. A cimhuai hetlo kikup ding atamlua hizaw hi. A kiteelkhia sinna te pen makai khat adingin akisam vive ahi hi. Tu laitakin ei leh ei makai in kingaihsun khalo mahleng, ei huzaapzawh mi omkha ding ahih manin, mi khempeuh ading pilna hoih mahmah vive ahi hi.

          Hih makaite tangthu laigil in Pasian’thu ahi hi. Thu in amau lungsim leh nuntakna puahphat sakin, khanglosak hi. Pasian’thu leh lamlahna bulphuh uhhi. Tua mah bangin, kuakua hi taleng, bangbang semtaleng, Pasian’thu abulphuh Seventh-day Adventist nuntak nungta ding hihang.

 

Sunday                                            December 22      

Makaite’ Huzaap

           Lai Siangtho sung tawntungah, makai hoihtawh hoihlo tawh, anihin kihel tawh omneunau hi. Makai hoihlo te’n ahoihpeuh semin, makai hoih te’n ahoihlo peuh sem uhhi. Bangbang hileh makai zong mimah hiphot uh a, asia apha bawltheikhawm uhhi. Tuabang tuakkha ngeimi iom hiam? Makai nahih nakleh, asia apha cise lo huzaap nanei lel hi. Na innsung ahi a, nasepna ahi zongin, nang hong kingaihluat leh huzaap hoihlo hipah hi. Makai khat nahih nakleh khalam ahi a, gamthu ahi zongin, huzaap khangsemsem hi. Nasepna khat peuhpeuh ah makaipa khat adingin, Lai Siangtho genbang a hilh ding thupi mahmah hi.

            A nuai a Lai Siangtho munte simsuk lecin, makaite omdaan paawlkhat muding hihang. Hoih nasakleh ahoihna thu; hoih nasak keileh ahoihloh nathu gentel dih in.

Rehoboam (1 Kings 12:1-16) 

……………………………………………………………………………………………………………………………………………………………..

Peter (Acts15: 7- 11)

………………………………………………………………………………………………………………………………………………………………

Josiah (2 Kings 23: 1- 10)

………………………………………………………………………………………………………………………………………………………………

Deborah (Thukhen. 4: 1- 16)

……………………………………………………………………………………………………………………………………………………………

Ahab (1 Kings 21: 1- 16)

…………………………………………………………………………………………………………………………………………………………………

          Atungtham tawmcik bek theizo hiphial mahleng, hih tangthute panin, bangin makai hoih leh hoihlo piangsakpen a, eima dinmun khat peuhpeuh ah zattheih dingin bang pilna ngahthei ding hiam?

 

Monday                                             December 23

Topa Mai ah Asia

           Anuai a Lai Siangtho munte en lecin, hih makaite in amipite tungah bang huzaap nei uh hiam?

1 Kings 15: 26- 34

……………………………………………………………………………………………………………………………………………………………….…

2 Kings 13: 1- 3

………………………………………………………………………………………………….………………………………………………………………

John 11: 46- 53

……………….………………………………………………………………………………………………………………………………………………

          Damtak ngaihsut ciangin, makai khat hih nakleh mipite khalam ah lamto zo ding maw, kiamsuksak zaw ding maw cih ahi hi. Atungah makaite leuleu teh, mipite zandikdek sak uhhi. Hih bang munte ah, Khazih kiang ki aapzawh zahzah tungtawn in kilamdanna omzelzel hi. Khalam makai khatin, amah’n Pasian a zonleh, mipite Pasian lamah paipih in, Pasian zonglo khatin mipite siatna lamah paipih hi.

See also  Lesson 10: PASIAN’ TAWNTUNG LUNGDAMNA THU

          Ezra leh Nehemiah nihgelte bel, Pasian tawh akizopna khauhmahmah cih kician mahmah hi. Antangin a thunget hunte mahmah zong, makai dangte hihzah sangin tamzaw ngiat hi. Picing zokei mahleh zong, amaugel hunsungteng, mipite in Pasian tawh tonkhawm uhhi. Pasian lamnga uhhi. Ezra leh Nehemiah nihgel hangin piangthak hikei ung acite nangawnin, komau upna hangin piangthak hi ung ci uhhi. Zeisu, lei pumpi in mukha in, athugen aza, ana lamdangbawl amute nangawn in nial theilai uhhi. Eite zong eimau dinmun ciatpanin, ahoihlam maw, asialam maw, mi huzaap thei hihang. Atawpna ah mimalkim in, Pasian maiah dawngkik ding hihang.

          Nangma huzaap zawh mite ngaihsun inla, na huzaap bangci bangin khangtosak thei ding nahi hiam?

 

Tuesday                                              December 24

Thakhauhna leh Thapiakna

           Nehemiah 4:7-23 simin. Nehemiah in a thakhauh-na bangci lak hiam? Amah bangin thapia hiam?

………………………………………………………………………………………………………………………………………………………………………….

          Jewte a simawh nuam galte’ maiah Nehemiah ding teutau hi. Amite kigingsa in omsakin, khutnga masa pah dingin kithawizaw hi. “Pasian aw, Na gal do in” ci’n Pasian khawng aap mawklo in, mite’n amau septheih teng semsak hi. Khuapi kulh a lamkawmun akhutlang vuah namsau le hiamte tawikawmlai uhhi. Nehemiah peuhmah meidawi mawkmawk in launa tawh omciplo in gal kidal ding cih Jewte’n thei uhhi. Nehemiah in amite thapia, muangin naseppih in asepding uhzong guan hi. Amite nasemkuan in sawlin, amah inndei sungah vatuu mawktuanlo hi. Amite’ gei mahah dingin sepding bawlding khempeuh seppih hi.

          Lai Siangtho sungah Pasian in “om hithiat unla note Pasian’ galdona en un, acih hun zong om a, kuanin do un, galzawhna kongpia ding hi” acih hunzong om hi. Pasian’ hotkhiatna leh galzawhna thupha ih deihleh eilam eimah’n semding hihang. “Nehemiah in kiptakin Pasian ki aap ahih manin, tua in agalte lelhna piaksak hi. Thadahna pen mawhzolna khutsung tunna hi a, mungtupsang leh ngiimnakip neite sungah siatna in zungkha zolo hi. Upnatawh mainawtmi thanem ngeilo a, anung amai, atung anuai ama ading ahoihpen in Pasian in geelsak hi. Pasian’ mi taktakte in akip hehpihna nuai ah omuh ahih manun, cihmah hunin guallel ngeilo uhhi.” EGWhite, Prophets and Kings, laimai 660.

          Nehemiah in Pasian vanglian takpi ahihna theitel in, kiptakin thala hi. Pasian theitel taktak ahih manin, upna tawh kalsuan hi.

          A thuluan kibanglo phial mahleh: “mi khatin upna nei a, adangkhat in gamtatna nei hi cizenzen leh, gamtatna in azuilo upna honglak dihin; keimahin ahihleh, ka upna ka gamtatna tawh konglak dinghi” cih kam malte Nehemiah tungtangah bangci muh ihi hiam?

See also  Zirlai 6: PATHIAN MI CHHINCHHIAH TAWHTE

 

Wednesday                                                  December 25

Ngiimna leh Veina

          Anuai a Lai Siangtho munte in, Ezra leh Nehemiah nihgel nuntakna ah bangin amau tawsawn ci hiam? Nehemiah 2:1-10; Ezra 7: 8-10.

…………………………………………………………………………………………………………………………………………………………………….

          Anasepna khempeuhah Ezra leh Nehemiah in amite lakah Pasian’ deihna bek picingsak hi. Amite’n bel buaina bawluh a, tua buaina hangin daanzong thuakpah uhhi. Pasianin ama lampan thumaan takin, amaute puahphatkik nadingin lampi hon sak hi. Tua ahih manin, Pasian in, Moses tawh akibang mi citak 2 teelin, Moses a zatngei mah bangin, tua mi nihgelte in puahphatna nasep thupi mahmah asemsak hi. Tua makaipite nihgel in mungtup nei uhhi. Amau atawsawn tawntung ngiimna zong nei uhhi. Ezra leh Nehemiah in amau nuntak sungin ngiimna thupi nei chiding ahi hi. Pasian’ mite adingin amuhna uhzong zaimahmah hi.

          Ezra in hih naseppen Lai Siangtho simkawm, mi zong hilhkawmin semhi. Tua mahbangin Nehemiah in zong, amite thumaan leh Pasian lamah hangsan takin ding dingin hanthawn den hi. Mite in Jerusalem puahphat dingbek hilozaw in, amipi mah mah khalam khanlawhna leh ki puahphatna bawlnuam uhhi. Tua ahih manin, amite thuhilh, puahpha in thupiak tuamtuam zong nanei uhhi. Makai thupite in, na mawkmawkte sangin a sangzaw a hoihzaw ngiim uhhi. Ezra leh Nehemiah tegel in, itna leh vangliatna anei, na lamdang asemthei Pasian muangin, kizopna thuk nanei uhhi.

          Nehemiah alian khatna asim peuhmah in, Nehemiah ki aapzia leh amite hang in athuak lungkhamna cihte muhsak ding uhhi. Judah gamah Israelte haksatna tuak khakte hangin kapliang hi. Pasian’ mai ah khukdin sukin, Pasian cih bangbang gamta ding ci in kamciam bawlliang hi. Leitung a lumlet nuam mahmah bangin Nehemiah nasem hi. Pasian ading ahih nakleh sem giapgiap hi. Persia gam khawngah khasum tampipi ngahna mun ommah taleh, mizawng daipam ahizaw phial zongin, Judahte gam mahah langdona tampi maingat in nasem tantan hi. Amai ah ling omte awlmawh selozaw in, upna tawh mainawtzaw hi.

 

Thursday                                        December 26

KiNiamkhiatna leh Thuakzawhna

          Ezra 8:21- 23, 31, 32 simin. Ezra in kumpipa mai ah mihai bangin pau phangphang loding cih na ngaihsun kha ngei hiam? Ezra leh a mipihte in koici ki niamkhiat uhhiam?

……………………………………………………………………………………………………………………………………………………………………

          Tawlkhat khit ciangin, kumpipa zong galmuanna omtheih nadingin anautang hontetawh hong hawh hi. Ahih hangin Ezra in kumpipa kiangpan bangmah ngenkei zaw leh Pasianin hoihtak kemcing zaw ding cih upna nei ahih manin, Judahgam atunuh dongmah Pasian in kemcing hi. Mite thahatna bek suangin omzel lehpen, Pasian’ kepna hongpai loding hi. Ezra in tuabang daanin, Pasian vangliatna, kumpipa in musakzaw hi.

See also  ZSL 13: Leivui pan Aksite ah

          Ezra in uplahna neivetlo hi. Mipite kaikhawm in, antang thungetpih hi. Pasian tawh kizopna azawh masiah khualzin saklo hi. Pasian’ maiah ki niamkhiat takin om in, akepcin ding ngen uhhi.

          Nehemiah 5:14-19 simin. Nehemiah koibangin kiniamkhiat hiam?

……………………………………………………………………………………………………………………………………………………………………

          Makai citakte in kiniamkhiat dingleh silasep ding haksa salo uhhi. Makai siam khatin pahtawi na’ng “zaa” khawng deih tuanlo hi. Nehemiah in zong, kongpi hongsa in mipite tungah piakhia ngiatngiat hi. Pasian tungah a upna leh aki aapnate limhoih tawh lakkhia hi. Thagui thatang zong kicing mahmah hi napi, midang kuamah zawhthawh bawl hetlo hi. Tua laitakin Jewte lakah zaalianpen ngahpa zong hinapi, piakkhiat lamah itsiik hetlo hi. Zeisu in makai suaknuampa sila suak masa ding acih mahbangin, amah sila suakmasa hi. Zeisu’n zong a tuacih mah bangin eite’n zong tua cih ding hihang.

          “Tua ciangin Zeisu tu a, ‘mi khatpeuhin alianpen asuah nopleh, aneupen suak phot in, mi khempeuh nasem hi masa ding hi” (Mark 9: 35). Pasian muhna ah makai hoih taktakte koici om cih Zeisu in hong bangci gen naci hiam?

 

Friday                                             December 27       

Ngaihsutbeh Ding: EGWhite lai Steps to Christ, laimai 93-104 sungpan “Thunget Hun Nuam”cih thulu simin.

           “Zerubbabel, Nehemiah leh Ezra tethum makaihna tawh salpan hong ciahkik mite puahphatkikna nasep leh khanlawhnate bang, hun nunung ciangin zong hong omkik ding hi. A beibang Israelte tawmcik leh thanem mahmah napi, Pasianin Amah leh a thukhamna mite theihtheih nadingin zang hi. Biakna maan leh Lai Siangtho kemcingte ahi uhhi.         

          Biakinnpi le Jerusalem khuapi kulh a lamkikna panun, pilna tuamtuam ngahphial in, langdona tampi maingat uhhi. Makaite vangik mahmah taleh, ki niamkhiatna tawh Pasian aapin, amah’n hong zawhpih ding cih muanna nei uhhi. Kumpipa Hezekiah mahbangin, Nehemiah in ‘Topa kiptakin len hi. Amah zuihna panin ki hemkhia lo a, Topa in amah ompih hi’ (2 Kings. 18: 6, 7)” EGWhite, Prophets and Kings, laimai 677.

 

Kikup Ding Dotnate

 

  1. Pasian’ mai ah eite hong makaihte panpih ding banghangin kilawm hiam?

 

  1. Banghangin makai dingte sila suakphot dihdih haksa hiam? Hihloh phamawh in, thaman omhi. Christian makai khatin, sila a suakphot ding banghangin phamawh masa hiam?

 

  1. I sinna laibu akipatna alaizang atawpdongin Nehemiah in thungen den hi. Ezra le Nehemiah tegel pen thunget hatte ahi uhhi. Ezra le Nehemiah laibute sungah “thungen” cih kammal bangzahvei om hiam, simdih ve. Hih makai tegel thungen tawntung uhhi. Eite thungetna anuntak theih na’ngin bang hong hilh uhhiam?

Download (PDF, 85KB)

Tags: ,

Admin

Admin

Top