Jesu Aadingin Kiatsukna

March 2                                                                              São Tomé and Príncipe

Jesu Aadingin Kiatsukna                                                                                                                     Agen: Constâncio Triste Afonso, Kum 51

A zudawn a khawl ma leh Jesu a saan ma in, pi 7 a sang pan in Constancio a bungbu lam in kiasuk ngei hi. Sao Tome tuikulh a, mualtung khua khat ah Seventh-day Adventistte in camp bawl in, tua lai-ah, a va pai vua kipan in Constancio te innkuan pen aikhupsa daan in nei gige pah uh hi. Constancio pen ta nih anei lokho pa ahi hi. Camp bawlte’ lak ah numei khat in thu adot khit a kipan in tua Adventistte encik mahmah hi. “Ko pawlpi mite nong et ciangin ka lamdanna uh na mu hiam?” cih dotna hi.

Adventistte in zu le zaa a zatloh lam uh phawk khia pah hi. Camp paite a ciah khit uh ciangin, Adventist pawlpite’ thu, theihbeh nuam ahih manin, Bible study pia-a, a pai kawikawi, ameltheih Adventist pawlpi mi khat i’nung zui kawikawi hi. Tua zawh a sawt loin District pastor pa kiangah tui a phum nadingin ngen hi. “A masa in Pasian’ kiangah ki-ap inla, zu le zaa na phiat zawh nadingin ngen lecin hong gualzawh pih ding hi” pastor pa in ci phot in, tui phum pah lo hi. Constancio in tua te nusia zota ahih manin tui a kiphum hi.

Kha guk khit ciangin, a ngeina lui ah tungkik hi. A zi heh mahmah hi. Amah aki tuiphum nailoh hangin mithak ahi, apasal’ omzia a lung a kim mahmah ahi hi. A pasal kiangah, “Adventistte in tuate zangh lo ahi maw. Nang zong na zatloh ding ahi maw,” ci hi. Tuate a khawl mateng lupna ah lupkhop ding phal vet lo hi. Constancio zong tuabang a, azi’ khensatna dik salo ahih manin, Lai Siangtho sungah Christian nuntakziate hong sim phapha hi. Isaiah 55:2 ah “An ahi lo nate lei nadingin banghangin na sum uh zang a, hong gilvahsak theilo nate ngah nadingin ban hangin na sem nahi uh hiam?  Keima’ thu limtak in ngai in, a limci an ne un la, an lim te ah nuam sa in om un”. “Banghang in an ahi lo nate lei nadingin ka sum zangh bei ding ka hiam” ci in Constancio in hong ngaihsun ta hi.

See also  Kumthak Thupha

A zongsatnate a phiat zawh nadingin nipi kaal tampi tak mah Pasian’ kiangah thu ngen hi. Ahizongin a thunget kawmkawm pi mahin, zu peuh zaa peuh lei kawmkawm kha veve hi. Nitak khat, zukham sa in a inn kahlei ah kah to hi. A tamzaw pen singinn vive mah kilam hi. A zi leh, kum sagih apha a tapa, le kum li a pha pan a tanuteng  a thum un nuamtak in ihmu uh hi. Lupna tungah tawmvei sung a lup khit ciangin, guah zukhin lim buanlak a, a paina, a khebuan biatbuatte a sil khiatloh lam hong phawk vat hi. Tho khiakik in, inn mai ah hong pusuak khia hi. A khete sil dingin a awnsuk leh, kinang zolo ahih manin, pi 7 a sang, innka nuai ah a bungbu lam in kiasuk hi. Buan lak ah a lu tumsuk in, suangtum phu khalo bilbel hi.

A ui uh hong hamham hi. Azi leh a tate zong hong pusuak in ui in a nakh nakh na a va et uh leh, midang na hi lo in, a pa uh innka nuai ah na lum hi. Liam lo bilbel in zu nam hiahua hi. A zi in kiim le paam ah huhna ngenin hong awngkhia hi. A sawt lo in venglepaamte hong tung ngeingai in, Constancio uum ngeingai uh hi. Innka tung pan a kia ahih lam a theih uh ciangin, dawigilote in a sawnkhiat hi ding in um uh  hi.

Tua thu hongkizeel ngeingai in, a khuasung uah dawigilo om hi, ci-in ngaih sun uh a, koi ci kikep ding cih kam kinialna (debate) hong nei ngeingai dihdih uh hi. Constancio siansuah photphot kisam ci-in khentat uh hi. Tua ciangin a khut sung uah a zun uh tha-in a sibup a lum hilhial constancio’ tungah a khut uh kitaih sak ngeingai uh hi. Tua teng a man khit ciangin papi thahatte in a inn tungah zawngto uh hi.

See also  Pawlpi Sungah Kisinna

Zingsang ciangin, a lawmte tampi takin, Constancio zudawn dingin va zawn uh hi. A lu nuaikawm phangphang in, “Ke’n zu le zaa zangh nawn kei ning,” ci hi. Zangh nawn lo takpi pah hi.

“Zu le zaa duhna lungsim teng bei ta, tua pen thungetna Topa’n hong dawnna hi,” ci-in Church Elder a sepna Adventist pawlpi panin interviewte’ dotna dawng hi. Tu-in a khuazang bup ii’ sehthum suah sehkhat ahi, mi 200 bang Adventist pawlpi ah tui kiphum uh hi. Sabbath sim in mi 120 val ta bang kikhawm den hi. Tuate’ lak ah, Constancio’ zi, a tate, leh nidang a, a zu dawnkhop pihpih mi 5 te zong kihel hi. “Keimah a bangh, mi tampitakte’ kiangah ka tangthu ka gengen nuam hi. Ka tenna ka khua ah mi tampite in zukham sa in biakinn pai ding maizum uh hi. Tuate’ kiangah zong, ‘Kei zong no mau mah bangin om ngei lua ing. No zong phiat zo mahmah nu teh. Pasian in hong huh ding hi’ ka cici hi,” ci hi.

Tu kuata, Sabbath 13 na sumpi khenkhat tawh Sao Tome ah khamtheih guih theih azangh mite kikhelsak nadingin innpi khat kilam ding hi. Mission sumpi nong khiat manun lungdam mahmah hi.

&&&&&

Tags:

Admin

Admin

Top