KALSUAN ZIA LAMMAN NEIHNA DIG THUSIM ( PART I )

KALSUAN ZIA LAMMAN NEIHNA DIG THUSIM ( PART I )
……………………………………………………………………….

” Tuhun ah piangthak hong tam ciang van lim kep kul hi hi” ki ci thei hi. A hang in piangthak ing ci na pi Lai Siangtho hilh bag ka zuih zawhtak in cih upna gui neu no pan hih khialhna te hong ki pan zog hi kha thei ding hi. Khen khat te, hilhna ki cian ngah lo leh lawppak zog hi kha ding hi. Khen khat te leuleu hilhna ki cian tel zo lo leh sag zo lo zog hi kha ding hi. Tua te bulpi ahi thupuak mipa hilhna tung ah ki nga zw pen kha ding hi. Tua bag dinmun bag ci siangsak ding i hiam?

A. Ki sikkik takpina mah tawh Topa a zuan mah na hiam?
Hih dotna in ki sikkik takpi mah in Topa a zuan hi ing na ci kha thei ding hi. Eg., khat vei lai in NewYork ah tangval no mi teitang mahmah khat om hi. Khat vei Supermarket ah hong vak in Nai hoih mah” khat hong mu hi. Om khwg thei nawn lo a hih man in a kim a pam hong en in kua mah a muh loh ciang in hong la aa tuah pha hong ki sa mahmah mawk hi. A guk ding lai in poi sa lo aa mawhna in zog ngaihsun kha lo hi. Sai nei pa in a zuak a Nai hoih mah” hong muh loh ciang in deng in hong pai tangvalno pa um mawh ahih manin Palik te hong delh sak pah hi. Bazar (​ေစ်းတန္​း ) ah van vel in pai a, tha khat in a nai guk hong ham ceai ceai mawk hi. Khak swm mah leh khak thei pak lo ahih man in Palik te in Nai gu pa hi ci-in hong delh pah uh hi. Amah zog eheu..eheu hong ki man kha ding ai ve mw ka Nai guk ki sik tak ing ey mw, na gu dah leng maw ci-in hong thum ta hi Hog ki man in thu hong ki sit ciang in ni dag in zog mi khemkhem leh a gu ta mah” ahih lam hong ki muh ciang in thong sung ah hong ki khum hi. Hi..hi.., hih tangval pa in Nai a guk ding lai in poi sa het lo a, Nai gukna hag in dan a thuak ding a kihtak man in hong ki sik kik mahmah pan mawk hi. Tua mah bag in tapidaw te zog mawhna dan kihtak man bek in a ki sik kik i hiam?Tua bag dan thuak ding ciang bek launa tawh ki sik kikna in Fara kumpi pa mah i bag lel ding hi. A hag in gimna dan hag in ki sik in thum zel na pi gimna a ven ciang in lungkhauh nei kik veve hi. Tua ahih man in dan thuak ding lau man in a ki sikkik hi kei zw in la, mawhna kih huai sa in tua mawhna pan pai khiat nopna giat tawh ki sikkik in Topa khengphung a zuan hi zaw in. Ki sikkikna man i cih in mawhna hag in gimthuak ding kihtak man bek hi lo zaw a , mawhna pen kih huaisa in tua zongsatna pan paikhiat nopna lungtang i neih masiah Khazih in i lungsung ah mun la thei lo a, nunthak ah hong tawsawn ding Kha Siangtho na sepna pi cing ki ngah thei lo hi. Khazih khiang pan hong pai bawlphatna thak sim loh in a man ki sikkikna hong tunpih zo lo hi.

READ  Oakwood Aeolians Injured in Traffic Accident that Burns Tour Bus, Kills a Driver

B. Bag ci bag in mawhzolna zo in nunthak nei zo ding i hiam?
Mihing te hoih nuam in tha gum hatna tawh i hanciam hangin hun tom kal sung in mawhna dum sung ki tung kha veve hi. Spring nengcip in i khah khiat ciang a ki sai khiat bang tek mah in i phat swmna teng mai mang veve hi. Tua ahih manin Kha Siangtho lamlahna ngah in tua hong khialsak thei dumpi pen Honpa phatna tawh i kantan zawh ding ki sam ta hi. Tua bag lampi man pen koi ci tawt ding i hiam?

” Ethiopia mivomte in a vun uh khek thei a, kamkei in a gial khek thei ahi hiam? A khek theih uhleh siatna bawl ding a zongsang khin note in zong a hoih na bawl thei ding uh hi” ( Jer 13:23) ci-hi. Hih mun pan in nag leh kei in ei tha tawh zonsatna mawhna ki zo zo lo hi cih hong phawk sak hi. Hih mah leh Lst in mawh loh ding nun hoih nei ding hong phuk zel hi. Tua man in… sanggam..Khazih hong itna thu i tel ciang ding ki sam mahmah hi. A hag in tua itna i neih masiah mawhzolna khawl in nun hoih kah ding hamsa mah” ding hi.

John 8 ah pasal tawh a mawh laitak numei Jesu khiangah hong ki paipih hi. Moses thukham bag ahih leh denlup ding hi cih tua numei tungah thukhenna bawl uh hi. Hi mah leh Honpa in mawhna nei keng a ci bel in deng masa un ci-in dwng hi. Kua mah in khuatnga lo in a lian bel pan a neu bel dong in paikhia uh hi. Sangam thukham hag in kuamah diktang zo lo aa thukham kalhna a manglo te in mawhna danthuak hi. Jesu in numei nu khiangah pai in- la mawhna bawl nawn ken a cih ciang in amawhna maisak aa nunthak ah a phuk ahihi. Mi te muhna ah maimial in sihna dan a ki pia hih numei pen honpa khualna ,itna hong phawk tak ciang in mawhzolna khawlin Honpa nung hong zui denta hi. Singlamteh tungah Jesu hong kikhai lup ding ciang dong nungzui te na ngawn in taisan tamahleh a man khah lo in a nung hong zui zui den ta hi. Tua hi sanggam Honpa hong itna phawk in i puk hun ciang na ngawn in a hehpihna ban in ei hong ban den cih phawk zen leng mawhzolna zo zo keg cih hi nawn lo zaw in mawhzolna ah bual nuam nawn keg i ci zw ding hi. A hang in hih zah in kei ading gimthuak in ka sihna ding pan a hong honkhia ka To Jesu nungzui lo in om thei nawn keg i ci ta ding hi. Tua nungzuihna lampi man pen honpa in leitung ah a hong sial sak zo hi ( John 13:15). Tua bag in Honpa nungzui leng thukham mawhsakna i thuak nawn kei ding a, i sungah thukham mong ahi Khazih hangin thukham kalhna i ki cingsak zaw ta ding hi. ( Rom 8:4, Eze. 36:26-27).

READ  PROTESTANT LEH SABBATH ( PART I)

“Pasian in ei te tungah a hong piak Kst tawh eite sungah ama itna hong guang ahih manin hih lametna in eite hong lungkiasak ngei lo hi.” ( Rom 5:5) .Tua itna i neihna hag in lungduai in nunem i nei thei hi. Tua itna in a thupiak ahi a deihbang nunzia ah hong tawsawn hi ( 2 John 1:6, 1John 5:2-4). Tua ahih manin thupiak zuihna tawh honpa hong itna i ki cingtaak sak semsem ding a( 1John 2:3-6), a thupiak zuihna tawh tua itna sungah a om i hihna i langkhia sak thei ta hi ( John 15:10,14:15, Eze. 33:15).

Gelh ding sut ding tampi om ta mah leh hun in hong cin loh zel ahih manin hihzah tawh i khawl bawl phot ding aa mailam ah a kicingzaw in i sut toto zel ding hi. Laisim mimal kim Topa in na lunggulhna ciat uh thupha hong pia ciat ta hen.
Lungdam, Tg. DL Thawnpyi.

Tags:

Admin

Admin

Top