ZSS Lesson 5: Kamsangte Kahna

Lesson5 Kamsangte Kahna


 July 27 – August 2

Tukaalsung sim ding : 1 Sam 8:10-18; Amos 5:10-15; Mikah 6:8; Pian 19:1-3; Eze. 16:49; Isa. 1:15-23.

Kamngah: “Topa in a hoih nate hong gen khinzo hi. Topa in note tungpan hong kalhthu in, thumaan thutang sem ding a, itna kip nei tawntung in, ki niamkhiatna tawh Pasian’thu manding a hihi.” Mikah 6:8.

Lai Siangtho lui aa kamsang te pen, a lungluthuai pen te a hi uh hi. A thugen te uh muibun in, hangsanna, thuakna, hehna, bawlsiatnate a hunhun in thuak uhhi. Tua te hangin amau ki mangngilh thei lo uhhi. Israel gam leh Judah gamsungah kisawl a, a mite Pasian kiangah ciahkik dingin zol uhhi.

A mite leh makai te mahmah zong a kimkot a milimbia te nung zuibaih lua mahmah uhhi. Tua pen kamsang te’n zah hetlo in ki sikkik dingin sawl uhhi. Khat veivei ciang, Pasian itna phawkkik ding in sawl zel a, khatveivei ciang, Pasian tawh a ki gamlaat uh leh a thuak dinguh gimna te khawng tawh lauhthawn zel hi.

Mipite a hi a makaite a hi zongin, a ki thuhilh tawntungna mawhna lianpen in, mizawng micimawh te simmawhna hi tawntung hi. Milim biak zong sia a, biakna hoihlo biak zong sia hi mah napi : mizawngte simmawhna pen tua te tawh kikim in sia hi.

Sunday July 28

Thumaan Dingin Sampha

Israel te’n a minam adingin, Pasian gelsakna atheihloh manun, Pasian deih bangin nungta khollo uh hi. Gamthak aluahkhit sawtnailo in, thukhen mangpa Samuel kiangah,gamdang te bangin Kumpi teelsak dingin ngen uhhi (1 Sam. 8:5).

1 Samuel 8:10 – 18 simin. Mipi te in kumpi a ngetuh ciangin Samuel in bang thuhilhna pia hiam?

…………………………………………………………………………………………………………………..

Gamdangtetawh kibatna ding khat a hihna pen Samuel in tel mahmah hi.Apiang thei ding thute a genkhit sawt nailo mahin hong piangpah takpi hi. David leh Solomon te nangawn in tua mawhzolna te mai ah puuk uhhi.

Israel kumpite leh Judah kumpite maan hunsung khempeuh, Pasian piaksa a mau sep ding a mangngilhsa te phawkkik dingin, kamsangte sawl tawntung hi. Tua hun Hebrew kamsangte ciaptehna sungah, a om tawntung thu pen, a diktatlohna uh taai in, diktat kikding deihna te tawh mipite leh makaite zol ngetngut tawntung hi.

Lasiangtho lui kamsangte mahbangin, Abraham Joshua Heschel in zong thu maan ding hibangin sam hi: “tanglai kamsangte patauh tawntung thute mah in, tuhun leitung khempeuh hong patausak hi. Amau te thumaanloh-na te in i lungsim hong amkhamsakzo hi. Eimah tekzong thumaanlo, a kineih, mawhna bawl leh huaiham hi napi hangin, a deihlo, nasalua hi hang. Kamsang te’n thumaan-lohna neupen zong in leitungbup sukha hi ci hi” (New York: Jewish Publication Society of America, 1962) Lai 3,4.

Hih kamsangte in, Pasian lungsim hong musak hi. Pasian aiawh a kampau uh hi a, khitui a dim Pasian mittang sungpan, leitung siatna te hong musak thei hi. I kim i pam a piang siatna te Pasian tawh kopin noptuam i piaktheih-ding hong deih hi.

“Gamdang tuamtuam tetawh kibat na’ng” ei a ding a lauhuai mahmah bangteng peuh i zong hiam?

See also  Amaute in Pumkhat

Monday July 29

Amos

“Kei pen kamsang ka hi kei a, kamsangte’ ta zong kahi beekkei hi. Kei pen tuu cing ka hi a, theithekhuan puah tawh a thuahkhawmpa kahi hi.Ka tuucinna panin Topa’n hong samkhia a, Ama’ mi Israel te tungah thugen dingin hong sawl hi (Amos 7:14,15). Amos pen kamsang dingin kicinna neilo mahleh, Israelte tungah thu a puak ciangin,mipi hupzo in, kicianpha mahmah sese hi.

A kimkot a gamte a gualhsuk ciangin, Syria, Philistia, Phoenecia, Edom, Ammon leh Moab cihte’ gitlohna, ngongtatna, siatna te khempeuh Pasianin daanpia ding (Amos 1:3 – 2:3) cihi.Hihbang galbawl nate khempeuh pen Israel te langpang a kibawl a hih manin; Israel te in a galte uh daan a kipiak ciangin, nuam mahmah in khutbeng liang ding uhhi. A kizomin, Amos in, Judah leh Israel tungah Pasianin thukhen ding cihzong pulaak hi. Pasian aiawh in pau a hih manin, Pasian a nialna tea thu a manlohna te leh a thuak dinguh mawhna thamante (Amos 2:4, 5) genkhia hi. Tua bang a Amos in a kimkot te mawhna a kawk ciangin, saklamgam zong nuamin khutbeng liang thei ding uhhi. Amos zong mipi tung tukik a, a omlai teng pen Israel te’ siatna, milim biakna leh thumaanlohna te vive gensuk hi.

Amos 3:9-11; 4:1,2; 5:10-15; leh 8:4-6 sim khawmin. Bang mawhna taai hiam?

…………………………………………………………………………………………………………………..

Amos in, pil velvalkhollo napi’n, a thuhilhna te lipkhaphuai a, a thupuakte zong Pasian kiang zuatkik na’ng a hun zui in kilawm hi. Mizawngte donnopna lung simthak neihlawh thei ding uh hi mah leh: “thutang tuibangin luangkhia sak unla, thumaan a kangngeilo tuibangin luangsak un” (Amos 5:24). A kammal nunung lamte zong Pasian in amite lamto kikding cih lamsang ahi hi” (Amos 9:11-25). Amau langdona thukpen leh a kisappen lai takin, amau a ding Pasian thupuak in, maisakna leh lam-etna ahi hi” (EG White Prophets and Kings. lai 283).

Mawhnate puahphat na’ngin kamkhauh zatding hun omtuak nasa hiam? Bang hun bangteh tuabang kamkhauh zattuak hiam?

 

Tuesday July 30

MiKah

“Topa in a hoih nate hong genkhinzo hi. Topa in note tung panin hong kalh thu in: Thumaan thutang sem ding a, itna kip nei tawntungin, kiniamkhiatna tawh Pasian’ thu man ding ahi hi”. Mikah 6 : 8.

…………………………………………………………………………………………………………………..

Mikah 6:8 pen kammal kicianpen pawl hi napi, laisuan (poster) khawng i bawl ciangin kiphawk khollo hi.

Mikah 2:8-11 leh 3:8-12 sim lecin; Mikah i mawh-sak ding mipi’n bang gamta hiam?

……………………………………………………………………………………………………………………

Ahaz in Judah’ kumpi a maanhun sungin, Israel te adingin khalam leh nuntak na lamah a niampenpen hun ahi hi.Milim biakna leh siatna te mun khempeuhah kizeel hi. Nidang amah bangin tua hunin zong mizawngte in simmawh bawlsiatna thuak uh hi. Kamsang Micah pen a khanpih kamsang dangte sangin kamsiazaw cih ding himai hi. A Lai Siangthobu a kipatna 3 tengpen, Israel te gitlohna hanga Pasian’ hehna te leh, a tungding kisiatna te pulaak hi.

Pasian lungkia tuanlo hi. Tawlngalo a, kamsangte’n a zol tontung na pen, abei theilo Pasian’ deihsakna ahi hi.A it manin, hilhna pia tawntung hi. A mawhna te uhmaisak in, thak suaksak nuam hi. Heh paisuaklo ding hi (Mikah 7:18-20). A nasepdan pen thumaan, hehpihthei leh, kiniamkhiat cih hi limlim hi. Thupilo bang himah taleh upna nuntakpih taktak a hih manin, kimleh pam tawh kizopna ah haksa veve tham hi. Midangte in thumaanlo takin meetmah taleh, hehpihna zahko in, a kiphatsak uh ciangin, thumaantak a omding hehpihan neih dingpen thuakzawk hong kulpian hi.

See also  Thuhilhkikna-ah Thumakai

Thumaantak a sepna, hehpihtheihnaleh kiniam-khiat taka omna te a kizopna banghiam?

 

Wednesday July 31

Ezekiel

Khristiante kiangah, “Sodom’ mawhna” banghiam ci’n dong leng, zualzanna le siatna tuamtuam ci’n hong dawngtek ding uh hi. Piancil 19 : 1-13 sungah ginatlohna tawh a kidimcip mipite ci in kilangsak hi.

“Na sanggamnu mawhna pen: amah leh a tanu tein, nekding tampi nei in nuam sa mahmah in omuh a hih manin, amaute kiphasak uh a, a zawng a cimawh te donlo uh hi” (Ezekiel 16 : 49) ci hi.Pasianin akhua sungvua gamtat siatna te mawk koihlo ding ahih manin, Ezekiel in sumzonna hoihlo leh, mizawngte simmawhna tungtang kawk phadiak hi.

Pasian’ maitang ah hihte pen zualzangna tawh kibang thei ding hiam? Amos, Mikah, leh Isaiah te khitpek ciang a hong paipanpa Ezekiel’ thupuakte in kisiatna thu a genna kibang gai hi. Aih hang, Babylon’ khut sungah Jerusalem a puukin sal in ki man uh a hih manun, Ezekiel in ki puahphatkik nading Pasian’ kamciamte bulphuh phadiak hi.

Ezekiel 34:2-4, 7-16 simin; Pasian in, Ama’ tuucin-dan leh Israel makai te omdaantehkaak in. A neupen a zawngkhal pen “tuu” tetungah a hihdaan te saikaak in.

…………………………………………………………………………………………………………………..

Sia mahmah ahih manin, Sodom tawh ki tehkaak mah hi. Amau’ siatna te pan kilehkik dingin, Topa’n sam hi. Puahphat ding Pasian’ geelna sungah,a gamvuah a ciahkik phot ding kul hi. Jerusalem puahpha masa ding a, biakinnpi zong lampha kik ding hi. Pasian piaksa pawite khaam ding uh a, gamhte zong kikimtak a khen sitset dinguh hi (Eze. 47:13 – 48:29). Pasian’ gupkhiatna pen Moses tungtawn in Egypt gam pan a paikhiatpih mah-bangin, Babylon gampanin panpha kikding hihtuak hi.Hih ngiimna sungah a neupen pan kipan, peemta mite dongin kihel hi.

I Pasian in, nihveina teelhun hongpia a, a diakdiak in a khialsa a mite a dingin, teelphat hun pia a hihna nang a dingin bangzah thupii hiam?

 

Thursday August 1

Isaiah

Isa. 1:15-23; 3:13-15; leh 5:7, 8 te simin; Kamsang-pa in ama kimkot a a muh thute koici pulaak hiam?

…………………………………………………………………………………………………………………..

Isaiah’ sermon kipatna ah, chapter 5 teng pen, Pasian’ mite ginatlohna teng nasia takin a kawkna hi a, siatna ah a paisuak uhleh Pasian’ thukhenna thuakding uh;Pasian kiang kilehkik leh lam-etna om cihthu a pulaak hi. Ama’ kammal tungtawn a hong tung thu in, lungkhamna hong tun bek hi.

Isaiah in hihthute hilh zomtoto hi. Pasian in amau a ding a bawlsak thute a phawkkik na’ngun thuhilh hi. Maihun ah zong Pasian in amau ading a bawlsak ding thute lam-etna zong pia hi. Tua ahih manin, a siatnaluikhem-peuh kisikkik in, midangte tung a hihdan te ki puahpha in, tu in Topa a zong dinguh hi. A lian 58,59 sungah, thumaan ah ciahkik ding sam hi. Mipite’ thu a genkikna ah, “Thutang kihawlkhia a, thumaan in hong naih theilo hi: thumaan kizang theilo a, thutang tum theilo hi” (Isa. 59:14).Pasian in don a, amaute a gumkhia dingin, “Honkhia pa hong pai ding” (Isa. 59 : 20) ci hi.

See also  Lesson 5: Pawlpi Masa Sungah Kipumkhatna

Isaiah laibusung tawntungah, kamsangpa’n a thupiitsak khat pen Messiah hong pai ding a, leitungah Pasian maangkik ding a, thumaanna, hehpihna, damsakna leh puahphatna te omkik ding cihi.

Isa. 9:6, 7; 11:1-5; 42:1-7 leh 53:4-6 simin. Hih gen-kholhna te in nuntakdan, Pasianna sepdan, leh Zeisu sihna cihte nang teldan tawh a kituak hiam? Hih genkholhna te in, Amah hih leitung hong paikik na’ng thu bang hong ngaihsun kholsak thei hiam?

Friday August 2

Ngaihsut Beh Ding: EGWhite lai, Kamsang te leh Kumpi te, laimai 279-292 sung a, “Assyrian te Sal thu” leh laimai 303-310 sungah “Isaiah kisam” cih thu simin.

Nenniamna le thutan lohna te, a omngeilo hauhna te, zum theilo a zukham a uangtatna te, nu leh pa uangtatna leh vang omlo gamtatna te langkhatpan kamsang te in; a awte uh lamto mah taleh, a mawkna suaksak in mipite’n ngai nuam lo uh hi EG White. Kamsangte leh Kumpite laimai 282.

Isaiah ading “a muhpak in mipite dinmun in lungkiatna bek pia hi. A meet a zona vuah inn behlap lo behlap uha,thumaan lampialsak in, mizawngte hehpihlo uh hi. Mizawngte a hehpih ding makaipi te nangawnin mizawngte, meigongte, tagahte otna awte a zakloh na dingun ki bengngongsak uh hi.

. “Tuabang hun Uzziah kumpipa maanhun lai in, Judah mite tungah Pasian hilhna thupuak puak dingin Isaiah kisawl hi. A ngawngkhauh mipite langkhat ah amah ding a hihlam ki tel mahmah hi” (lai 306,307).

Hih kamsangte kammalte pen Pasian’ kammal vive hi a, eite’n zong i sang ding hi. Vangikpua a nenniam thuak mite hehpihna nasep, Khristian hoihna lakna te i mangngilh kha hetkei ding hi (lai 327).

Kikup ding Dotna te

  1. Genkholhna te in mailamthu genkhol cih i thei hi. Lai Siangtholui kamsangte in amau hunlai leitung bulphuh in, nang muhna hong kikheel saknuam hi cih na telthei hiam?
  2. Kamsangte’ nuntak leh thupuakte in, thumaan ading dinna pen bangzah lauhuai cih honglak hi. Amau septe um a, a sepuh bang in genkhia a hihlam banghangin na um thei hiam?
  3. Kamsangte’ lai sungah, Pasian hehna leh deihsakna in kibanglo dingbang hihi. Tua Pasian omdan te na koici gawmtuah thei ding hiam?

Tomlakna: Lai Siangtholui kamsangte pen, itna lian nei, a hehzel leh galdaal te a hi uhhi. Mizawng te leh nenniamte tung a kibulphuh Pasian itna hong pulaak hi. Thutanloh nate khawl dingin Pasian in hong sam hi.

 

Download (PDF, Unknown)

Tags: ,

Admin

Admin

Top