Khamuanna Taktak

Tawlngalo leh Langdo - Zomi Sabath School Lesson 2, 3rd Quarter 2021

April 14, 1865 nitak 10:25 pawl in limlak kineihsiam (actor) John Wilkes Booth in Ford Theatre ah “Our American Cousin” cih limlah en a om ahi US kumpi Abraham Lincoln a deek pan in thautawh kap aa April 15 zingsang 7:22 hun in Lincoln in a nunung huu sangin a leitung nuntakna bei hi. Lincoln a sih laitak in na sak luat aa taauna, hagawina ahi zongin kisaan keei a gimna cih bang omselo in daitak in a hutawpna sangkhia hi. Lincoln’ secretary nu in “Lincoln maipuak zia panin genzawhloh lungdaihna tawldamna ka mu hi” ci hi.

John Wilkes Booth in Abraham Lincoln a suamlup lai in Lincoln nuntakna bek hilo, a cabinet member pawlkhat zong suamlup ding a hanciamna mi tampi in phawkkha khollo uh hi.

Tua zan mah in Lewis Powell in Secretary of State ahi William H. Seward a innah suamlum dingin va pai aa ahi zongin that zolo in liamsuah bek hi. Temta liamma tawh lim liam sim mah ta seleh, Seward dam kik hi. A lungsim na in a damkikna ding zekai tuam kha ding patauhna tawh Lincoln a kisuamlup khit lam Seward kiangah kuamah gen ngamlo uh hi. Ahizongin, ni tawmno khit ciangin a tawl-et (window) pan a khuadak leh American dialkhai khuamlang ciangbek ah kikhai amuh ciangin amah a kempa kiangah, “Kumpipa si khin ta ai ve maw” ci hi. A kempa in nial ding hanciam in a om laitak in, “kumpipa silo hi leh ka liamna hangin hong veh ahikeileh hong hopih masa pen hi ding hi” ci in Seward in gen kik hi.

Tua nitak lian mah in George Atzerodt pen kumpi nihna ahi Andrew Johnson that dingin Booth in a sehsa ahi hi. Ahizongin, Atzerodt in kumpipa thah ding sawmlo in gusim a selcip ding (kidnap or abduct) ding bekin ngaihsun hi. Tua hang mah in tua zan in Atzerodt in Andrew Johnson that lo in a nungkik ahi hi. Lincoln sih khit ciangin Andrew Johnson US kumpi hong suak hi.

See also  Tophet leh Tanglai Biakna

Tangvalno David zong siampi Samuel in kumpi dingin sathau nilh khin zo hi. Ahizongin kumpi a hihma in amah thah dingin a zong thapai kumpi Saul nuntakna a lak theihna ding hunpha nihvei bang ngah hi. Ahizongin, hehpihna leh itna tawh kidim Pasian-zia David in tellua mahmah ahi manin “Ka pu TOPA sathau nilhsa ahi manin ama tungah ka khut ka liik kei ding hi” ci hi (1 Samuel 24:10 ZIV).

Rom 12: 21 Gitlohna kizosak kei unla, a hoih tawh gitlohna na zo un.

Tags: , ,

Admin

Admin

Top