Khangtawn Lunggulh: Laiteite

Khangtawn Lunggulh: Nunneem Zeisu by Ellen G White translted by Suan Khen Go into Zokam, Zolai, Zopau, Tedim, Thado, Paite, Chin, from the Desire of Ages: Humble Hero

Laibu Bawlte: 

Lai Letkhia Pa’ Theihsakna

Lai khat peuhpeuh, a diakdiakin minampi paute (languages) pan singtaang paute(dialects) ah aki let aki pheen ciangin i theihsa tek mahbangin a ki at masa lai sangin, kammal ki haulo zaw hi. Tua ahihmanin, Zolai Zopau pen Manglai sangin aciik zaw laimal i neih zongh om naven, i neihpihloh zonghtam simsim ahihmanin, akinaipen ding leh Zolai, Zopau, i nuntakna tawh a kizawitawn pen ding kammal zat i hanciam hi. Tua banah laimal i mat dan zong ngeina ki neiloin, a at peuhpeuhte’ at dan lah i theisiam lel hi. E.g –phutkhakna, tuahkhakna (experience), zialehtong. Manglai-a (joy) cih pen mal khat dingin sau lua ahih manin laimal kikalah hyphen -, ki zanga, (lungdam-kipakna), gamtat-nunzia (character) cih bangin ki at hi. Hypeh-, pen vowel tawh a tawp lai malte (in, a) tawh – zop nop the kizangh hi. E.g – (Tu-in, lai-in, hi-a, kinga-a). Vowel tawh a tawplo laimal pawlkhatte (a, ah) tawh lai mal tawpna ah ki mat hi. (E.g – hehpiha, kimata, leitungah, saklamah). A kimat lo zongh om kha dinga buai huai lo lel ding hi. Tua banah, vowel pawlkhat kibeh lap hi. E.g – shine (taang) snare (awkthaang). A hih theih laiteng, vowel kithuap kizangh nuam lo hi. A sanna, aw tahnate ah (h) ki zangh hi. (E.g – amah zongh, mangpau kizangh). Tuaciangin, lai at pawl khat in a khiatna tawh kizui-a a khen Leh (and), leh(if) pen a khiatna aki bat loh hangin, (Lai Siangtho mun sungte cih sim lohah), a aw sanna, a tomna(accent) kibang ahih manin leh vive-in kitei hi. Zeisu, Khazih cihte Lai Siangtho sung sim lo ah kizangh zaw hi. (Lai Siangtho sunga Jesuh, Khrih cihte kipuah nawn lo hi). Laisiangtho pen a taang tomte kipheen tawmin, atam zaw pen New edition ahi, Hilhcianna Kithuah LAI SIANGTHO, Myanmar – Tiddim Chin 1977, Copyright © 2007 by Life Publishers International, Springfield, Missouri USA, kizangh hi. Phalna (Permission) akisap leh Hih Laibu abawlte in vaipuak lak kul ding hi. Na nget uh kul ding hi.

See also  Khangnote Hanthotna

Sia. Suan Khen Go

Tags: ,

Admin

Admin

Top