KHANGHAM SABBATH SCHOOL LAI SIANGTHO SINNA

Khazih sungah Tawlnga

Rest in Christ

Gerald leh Chantal Klingbeil

July, Aug, Sept

2021

A sung A Om Thute

1.    24/7 Sungah Nuntakna (June 26- July 2) …………………….

2.    Tawlngalo leh Langdo (July 3- 9)    ………………………..

3.     Tawldamlohna Zungpite (July 10 -16)     ……………………….

4.     Tawlngak Man (July 17-23)         ………………………

5.     “Hong Pai un . . .” (July 24-30)     …………………………………

6.     Innkuan Pumkhatin Tawldamna (July 31-Aug. 6)    …….

7.     Tawldamna, Kizopna leh Damsakna     (August 7-13)    …….

8.     Suakta takin Tawlnga (August 14 -20)     ………………………..

9.     Tawlngak Nang Hunte (August 21 -27) ………………………..

10.     Sabbath Tawlngakna (August 28 -Sept.3)    ……………….

11.     A Tamzaw Lunggulh (September 4-10)    ……………….

12.     A Tawldamlo Kamsangpa (September 11 -17)    ……………….

13.     A Cingtaak Tawlngakna (September 18-24)    ……………….

A Tawlngalote Tawlngakna

    Vanleng Captainpa in huihpi khat nawk ding cih a genkhiat masiah bel, lengthei dingin ngaihsut huai hetlo hi. “Na kawnggak-uh gak un.” Vanleng hawlpa in “van-ah kileng tading hi” ci in a thukhup hi. A sawtlo in vanleng in huihpi nawkkha ahih manin hong kilokgawp hi. Atung a vankoihna khawngte kihong gawp ta a, mite zong lunggim mahmah uhhi. Vanleng munkhat a kisiat ciangin a nunglam pan mi khat hong kuu zeza hi. A kha kitandaan ahih manin vanleng zong leilam zuanding hong kithawi a, amailam a tuang numeino khatbek lobuang a tuang khempeuh lauthei mahmah uh hi. Mi khempeuh amailamah hong tugai mah taleh, numeino khat bel, amai ah a sabuai zalin, limsuai hithiat lelpeuh hi. Khua hong phiat zelzel ciangin tawletneu pan a pualam a va-etkhit ciangin a limsuaih mah lungnuamtakin zomkik lel hi.

    Atawntung ii hunlang phialzah bang sawt a sakkhit uh ciangin vanleng tuthei sam hi. Leilak tu kiktheita ci in atuangte nuamtheilua in khutbengliang uhhi. Mipite pusuak ding a kithawi henhan ciangin, numeino zong a van hong guangin mipite ngakin a omciangin, mipite in nang numeino hihbang lauhuai mahmah hunlaitakin banghang laulo thei nahiam ci in dong uhhi. “Lau hetke’ng, vanlenghawl ka pa hi a, nuam takin inn hong tunding cih kathei hi” ci hithiat hi.

    Lungmuanlohna leh launa in tonzel hi. Leitung 24/7 (nai 24 ni khat, kal khat ah ni 7) sungah tengte peuhmah lungmuan lohna leh launa omden ding hi. Tulai hun in alaulo, adahlo, a pataulo kua omding hiam? Abeisa teng a beisa hi a, tulaitak hun inei hang, mailam hun adding dotnop tampi om a, leitung munkip a hihloh tawh ei deihbang dawnna zong ngahzolo ding hihang. Innsaap, sangsaap piakkik ding ni leh innkuan in haksatna palzawh nading khawng ilungkham mahmah den lel hi. Pasian “lungkhamsak” zelzel ihihmanin, ei hing itzo takpi ding hiam cihpeuh i lungkham lel hi.

    Tu quarter sungin tua launa te thu i sinkhawm ding hi. Khazih sungah Tawlnga cih pen lai kisinna thulu peuh, Pasian’ thugenna thulu peuh hiziaulo hi. Khazih amah tektek in nungzuite tungah nuntakzia ding a vaikhak ngiatna hi a: “Gutate in guding, thatding leh siasak ding bekin hongpai hi. Kei ka hihleh tuute a nungta maimai dingbek hi lo in, nuntakna cingtaak aneihtheih nadingun a hongpai ka hihi” (John 10:10) cihi.

    Hih Laisiangtho sinna a bawlkawmin, laikungpute in, Laisiangtho upna sungah tawlngakna vive mah genbelin kinei ahihlam phawkkhia uhhi. Tawlngakna in hotkhiatna, hehpihna, piansakna, Sabbath, misite’thu, Zeisu hong paibaih nadingthu leh thudang tampitak mah tawh kizom diudeu hi.

    Zeisu in, Ama sungah tawlnga ding hong sap ciangin (Matthew 11:28), a nungzuite leh Christian masate bek a sam hi lo hi. Khangsawnte lakah tawlngakna akisampha mawhna sunga tawlte, gentheite, Amah’n mukhol hi. Tu quarter sinna nasinsuk kawmin, Amah kiangah pai in tawlngak ding phawk in. A tawpna ah vantung Pa in na khempeuh ukin, innah hongtun tading hi.

    Chantal leh Gerald Klingbeil tegel in minam kibanglo kiteng in sepkhopna ah nuamsa uhhi. Chantal, pen Africa khanglam ah EGWhite laibulam associate director hi a: Gerald pen Germany gama piang leh khangto hi in, Andrew University ah Adventist Review Ministries endikpu huhpa leh; Laisiangtholui leh nisuahna gamlam tawh kisai sinna hilhsiampa ahi hi.