MSS 11: Khensatna Lianpi Bawlna

Khensatna Lianpi Bawlna

Paula Cristina Ghibut, 18

Romania; March 14

Khensatna lianpi na bawl ding ciangin koi bangin na bawlzel hiam?

Paula Cristina Ghibut in khensatna thupi mahmah khat bawl ding nei hi. Tua hun lai-in amah Romania ah tan 8 kah a, kum 14 pha hi. High School koi lai-ah kah ding, cih a ma’ khensat ding ahi hi.

Paula sang siamah suak nuam hi. Amau geinai-a, kumpi sangah siamah sin theih nading mun zong om hi. Ahi zongin amah pen a neu pan kipan in, Adventist sangah a khangkhia ahi hi. Adventist sangah Science track bek ki sin sak hi.

Paula in north-central Romania gam-a, Targu Mures khua, a inn vuah thu ngen-in Lai Siangtho a sim hi. Adventist pawlpi phuan khia te lak ah khat ahi, Ellen G. White laigelhte panin laigual pawl khat sim in, a nulepate tawh kikum khawm zel hi.

Tua bangin a simsim leh ‘Adventist naupangte in leitung khuavak a hi dingin kumpi sangte ah sang a kah huai na hong mu khia hi. E G White’ gelh mah ahi, “Counsels to Parents, Teachers, and Students,” cih laibu sungah, “Khris nungzuite in, leitung mite tawh tat le heek dante leh nekna dawnna te ah a ki bat loh ding uh hi bek a, amau guak tuam om, tuam tat ding hi zenzen lo hi” p.323. Tua banah, Kidona Lianpi sungah, kum zabi 13 hun sung a, Waldenses te tate (sangnaupangte) in a sangkahna uh ah a kahpih uh naupangte’ tungah huzaap nei mahmah uh a, amaute kikheel sak, piangthak sak zo uh hi. Tua bang thute hong sim khak ciangin Paula zong siamah khat a suah nadingin kumpi sangah kah leh Jesu’ thu a pulak suak zaw ding, ci-in hong ngaihsun hi.

See also  MSS 5: Sicily Ah Suang tawh Ki Deng

Himah taleh tua bangin a kah theih nadingin entrance exam a on phot kul veve hi. Tua manin, “Topa aw, hualai sang ah ka kah taktak ding Nang’ nong deihsakna ahih leh hoih takin hong ong sak in” ci-in thu ngen hi.

Tua mun ah kah theih nadingin hanciam mahmah kul hi. Paula a lung nuam taktak thei lo hi. Adventist school a nusiat ding baih sa tuan lo hi. Kumpi sangah siamah te in thu ngen lo ding a, Jesu thu tawh kisai la tomnote ki sa lo ding, cih thei hi.

Sang honding nipi kaal nih in a sap ciangin, Paula kumpi sangah a kah tadan in mang khat a manh hi. A siamahte ki hisak mahmah in, itna nei lo uh a, a khanpihte’ khialhna pipi khawng Paula mawhsak uh hi. Tua bangin suatkhialhna hangin Paula a heh suak mahmah hi. Nitak sang tuah ciangin inn lam ciah dingin a kithawi laitakin, aw khat za a, “Tai mang oh! Tai mang oh! Hong kilehkik nawnkei oh!” cihna aw khat za a, kua hiam ci-in a nunglam a leh-et hangin kuamah mu lo hi.

Zingsang a khanlawh ciangin,  a mangmat a khiatna bang hi dinghiam ci-in a lungkham mahmah hi. A mangmat pen Pasian’ kiang pan hi lo ding, Satan in zong mang manhsak thei, ci-in ngaihsun hi. “Pasian aw, tu-a ka mangmat pen Nang’ kiangpan ahihleh ka tel theih nadingin lampi hong honsak in” ci-in thu ngen hi.

A nulepate’ ngaihsutna Paula in dongh hi. Amaute in ama’ khensat bangbang ci uh hi. Tua ahih manin, Paula in ni tampi sung thu ngen in an tang zel hi. Lai Siangtho le Kamsang nu’ laigelhte sim behbeh hi. Tua bangin a simsim ciangin lamdang takin Adventist sangah a kah ding a hoihzawkna bekbek simkha in, a lungsim kikhel mahmah hi.

See also  Mission News 3rd Quarter 2021 PDF

Ellen G White gelh, “Counsels to Parents, Teachers, and Students,” sungah, “naupangte’ tungah ki phasak in, itna neih lohna pen, migilote’ gamtatdan ahi hi” p. 175. Tua laibu sung mah ah, “I pawl sangte pen Pasian in hi bang nasep lianpite a sem dingin naupangte pattah nadingin sathau a nilh ahi hi.” P. 176.

“Kumpi sangah siamah khat suah ding ka ut mahmah ngei hi. Ahi zongin pawlpi sangah Science bekbek a ki limsin hangin tua lai mah ah kah lengin a hoih zaw ding hi,” ci-in Paula in ngaihsun hi. Tua banah, “Child Guidance” kici kamsangnu’ laibu sungah, “Inn panin mun dangah pilna sin dingin i tate i paisak ciangin, a pualam sangte ah i kahsak ciangin amaute a’ dingin lungmuan huai lo hi. Pasian’ thu tawh kipattahna mun ah pilna sinsak leh hoih mahmah hi” p.304.

Paula Adventist sangah kah suak dingin khensat ta hi. Pasian’ deihna tampitak theih beh toto hi. A nulepate’ kiang panin thu dongh den hi. Lai Siangtho le Kamsang nu’ laite sim den hi. Khensat taktak ta hi.

Adventist High School ah a kah laitak, kum 16 a phak ciangin a lungtang Jesu pia-in ki tuiphum hi. Tu-in Paula kum 18 pha ta-a, a sawt lo-in sang man tading hi. University a tun ciangin siamah sin nading hun tampi tak a neih lam ki phawk hi.

“Pasian tawh ka paikhopna pen damdam in a khang toto ahi hi. Kham theih guih theih ahih leh zangh ngei ke’ng. ahi zong ka pianthakna thu ka gen ding ka nei hi. Pasian in kal khat khit kal khat hong makaih hi. Khangnote a kua mapeuh zong Khris tawh kal khat khit kal khat a suan to dingin kong hanthawn nuam hi. I nisim nuntakna ah kalsuan sim in Amah i masak nak leh Ama’n hong sem ding hi.” Paula in ci hi.

See also  Kumthak Thupha

A beisa kum thum lai-in, i Sabbath 13 na sumpi khenkhat tawh Romania gam a, khangnote’ outreach program a dingin ki huh khin hi. Sumpi nong piak ciat manun lungdam mahmah hi. Topa’n a zah zakhat dongin hong thuk kik ta hen.

By Andrew McChesney

Tags:

Admin

Admin

Top