KI-APNA

Luke 2:21-38

50Khazih asuah khit ni 40 bang ciangin, Joseph leh Mary te in, Amah Jerusalem ah paipih uh hi. Nau ap ding leh Biakpiakna apia ding uh ahi hi. Hihbanga asep uh pen Judahte’ thukham ngeina hi-a, Khazih mihing’ tangtawia hong piang ahih mahbangin, zuih ding thumong om khempeuh Topa in kiciantakin, zui-a aki thuhual sak kul hi. Pasian’ thukham azuih ding akiciamna khat ahi vun-atna ngeina amang dingin Amah akisehsa ahi hi.

Nute’ biakpiak nadinga thukham in a nget pen meihal biakpiak nadingin kum khat apha tuu gualno khat leh gamvakhu ahi kei leh kawlvakhu khat ahi hi. Nu leh pate in, tuu gualno khat neilahin azawn mahmah leh thukham in hihbangin na maap hi. Gam vakhu kop khat ahihkeileh kawlvakhu kopkhat zangh thei- a, akhat pen meihal biakpiak nading hi-a, akhat pen mawhmai- sak nadinga zat dingin kisaang hi. Topa tunga akipia ding biakpiaknate kawkbang loding hi. Hih biakpiaknate in Khazih limla hi- a, hih panin Zeisu mahmah in pumpi poina neilo cih teci i theihna ahi hi. Amah pen “hoih lohna” omlo, “anin banglo tuuno” ahi hi. 1 Peter 1:19. Ama’ pumpi meelpuak pen baaina leh meelhemna omlo hi. A pumpi pen pum veva in cidam’ meel mahmah hi. A nuntak sung tawntung pianpihnate’ thukham tawh kihualin nungta hi. Topa pen taksa hitaleh khalam ah hitaleh Pasian’ thukham a zuih manin mihingte’ neihtheih ding 51Pasian’ geel nuntak ettehhuaina lim Amah in nei hi.

Ta upa apna pen tanglai pek panin na ki ngeina neih khin hi. Mawhneite tankhia dingin, Vantung Ta upa hong piak ding, Pasian in kam hong ciam zo hi. Hih letsong pen inn sima ta upa apna tawhin, theihbawl ding ahi hi. Ta upa pen siampi dingin aki ap ding, mite laka, Khazih ii palai nasem khat ahi hi.

Israelte Egypt panin asuahtak lai-un, ta upa apna thu naki pia kik hi. Israelte Egypt gama salin aom sungun, Topa in, Egypt kumpi, Faro kiang ah Moses a pai dingin sawl hi. “Israel in ka tapa a suak masa hi a, nangma kiangah, ‘Amah in kei hong biak theih nadingin, ka tapa paisak in, kong ci hi, amah pai’ sak ding nanial leh, en in, na tapa asuak masa ka that ding hi, aci hi. Paikhiatna 4:22,23.

Moses in hih thupuak ava tut hangin, akiphasak kumpipa in hihbangin nadawng hi. “Ama aw ngai-in Israel ka paisak dingin Topa in kua ahi hiam? Topa ka thei kei hi, tua tham loin Israelte ka paisak kei ding hi” Paikhiatna 5:2. Topa in Amite aa dingin lim leh nalamdangte tawh nasemin, Faro tungah amulkimhuai thukhenna tungsak hi. A hun hong sawt sim ciangin, Egyptte’ ta upa leh aganhing te uh athat dingin asusiathei tua vantungmi kisawl hi. Israelte akimaap theih nadingin, abangtung uh ah akigo tuuno sisan a tatnadingun lam kilak hi. Sihna vaipuak asem tua vantungmi hong pai ciangin, Israelte’ innte apaisat nadingin, inn khempeuh a kiciamteh ding ahi hi.

Egypt mite’ tungah hih thukhenna atun sak khitciangin, Topa in Moses kiang ah, “keima tung ah tacil khempeuh hong ap in … mihing hitaleh ganhing hitaleh… keima aa ahi hi” “..Egypt gam sungah tacil khempeuh kathah ni-in, Israel sungah tacil khempeuh, mihing tacil leh ganhing tacil khempeuh … amaute in keima aa ding hi. Keimah in Topa ka hihi” Paikhiatna 13:2; Gamlakvakna 3:13, ci hi. Biakbuk nasep aki phuh khitciangin, Topa in Israelte’ ta upa khempeuh taangin Levi minamte teelin biakinnpi sungah na’ sem sak hi. Ta upate Topa’ aa mahin kisim veve-in, man khat tawh aki tankikding ahi hi.

Ta upa tawh kisai ki apna thukham pen atuam diakin akilangin kibawl hi. Ta upate ki apna pen Topa in Israelte’ tunga abawl alamdang hotkhiatna vai aman nading limkhat ahih mahbangi, Pasian’ angpom a Tapa khat neihsun tawh anasia zaw hotkhiatna vai aman nading lim a lak khol ahi hi. Baang tunga sisan kitheh in, Israelte’ ta upa ahotkhiat mahbangin, Khazih ii sisan in leitung a hotkhiat nading vangliatna nei kaan hi.

Khazih aki-apna, tua hunin bang akhiatna anei zen tam! Siampipa in zong 52kidalna puankhaipi panin bangmah mu loin, aki seel thuthuukpi kheeng in muh nei tuan lo hi. Naupangte kiapna pen aki mumu khat hong hi lel hi. Ni khat khit ni khat, naupangte ki tatna sum, Topa tunga, aki apnate siampipa in asan den ahi hi. Siampipa in nu leh pate’ hauhna leh zaliatnate amuh kei leh deihsakna nei meel loin, anasepngei nisialin sem lel hi. Joseph leh Mary te zawng uh-a, a tano uh tawh hong pai ciangun, siampite in Galileete’ tualpuan niapnuap asilh, numei leh pasalin mu lel uh hi. Amau hong dawkdan limh limh pen pimuh nading bangmah om het loin, a mi zawng lamte’ biakpiakna tawh hong ki ap zo bek uh hi.

Siampipa in ama zum nasep zehtan biakpiakna semsem hi. Naupang a ang ah la-in, biaknatau mai ah ap hi. Anu’ kiangah naupang apiakkik khitciangin, tapa upate min kikhumna sungah amah in “Zeisu” ci-in, khum hi. Siampipa in naupang a angah atawi lai-in, vantung vangliatna, minthanna kumpipa ahih them zong phawk kha lo hi. Amah in tua naupang pen Moses ii agelh pa ahih thei khalo hi. “Topa Pasian in nomau ute naute lakah keimah bang in kamsangpa khat note aadinga ka piang sak ding hi. Amah in nomau kiangah thu agen khempeuh na ngai ding uh hi” Sawltak 3:22. Ama minthanna alah ding, Moses ii akut Pa pen hih naupangno ahih siampipa in ngaihsun khalo hi. Tu’n Moses sangin alian zaw Pa, siampipa’ anglai ah kisial hi. Amah in naupangno’ min akhum ciangin, Judahte’ innkuan ki-ukna ii a thuphahpi ahi, mipa ii min a khum ahi hi. Tua min pen tua ngeina aa dingin, “sihna thukhenna lai” hong hi ding hi. Banghanghiam cih leh gangawh biakpiaknate leh biakpiakna dangte pen tuul mahmah ta-a, limciinna in akawk ataktakpa’ alimm pen ami taktakpa tawhhong kituah dektak hang ahi hi.

Pasian vangpi (Shekinah) in biakinnpi taisana, Bethlehem khuami naupangno bel minthanna tawh kituamin vantungmite in maikun uh hi. Khua athei nailo hih naupangno pen Eden huan kongpi ah a kiphut biaknatau masa pen ii akawk kamciam aom sa’ suan leh khak ahi hi. Amah pen Shiloh, kilemna apia pa ahi hi. Amah pen Moses kianga Keimah hi’ng ci-a, aki pulaak Pa ahi hi. Amah pen meei leh meikhuampi tawh Israelte ana makaih Pa ahi hi. Amah pen thumukhol Pa ahi hi. Amah pen minam khempeuh ii lunggulhpa, David ii Zung leh Suanlehkhak leh Ataang pha mahmah Zingsol ahi hi. Belhneilo tua naupangno’ min Israelte’ minkhumna ah akikhumpa, na sanggampa ka hi, ci- a hong kipulaakpa Amah pen apuuk mihingte’ lam-etpa ahi hi. Tatkhiatna sum ama aadinga akipia tua naupangno pen leitungbup mawhna atankhia dingpa ahi hi. Amah pen, “Pasian’ inn sunga siampilian” taktak, “aki kheelngeilo siampigui” ii lutangpi, “Asangbel Pasian’ taklam a” palaipa ahi hi. Hebia 10:21, 7:24, 1:3.

55Khalam nate khalam mit in mu hi. Ama’ nasep asem dingin, Pasian’ Tapa biakinnpi sungah ki ap hi. Siampipa in naupang dangte a et bangin en lel hi. Amah in, athulamdangpi- in mulo-in avei khak loh hangin, leitung aadinga a Tapa apiak Pasian’ nasepna kiciapteh sak hi. Hih hunpha in Khazih bangmah theisak loin lah khensan lo hi. “Tua laitakin Simon kici mikhat Jerusalem khuapi ah a om hi. Tuapa dikin, Pasian zahtak a, Israel mipawlte’ nopsak nading alam-en hi. Kha Siangtho ama’ tungah om hi. Topa Khazih na muh matengin na si kei ding hi, ci-in Kha Siangtho in a hilh zo hi. Simon biakinnpi sungah hong lut ciangiin, siampipa’ mai-ah ata upa uh a ap innkuan khat mu hi. Amaute’ pianlim pen zawntuak limlim uh-a, Simon in bel Kha Siangtho’ hilhkholhna thei hi. Topa’ kianga aki ap tua naungeekno pen tanglai pekpan aki mu nuam Israelte’ Nop- tuamnapa ahih, amah in limh theih mahmah hi. Siampipa’ lamdang sak liang dingin, Simon hong lungdam lua mahmah hi. Naungeekno Mary kiang kipiakik khina, amah in a ang ah tawi- in, Pasian’ mai ah a ap lai takin, akhana, a neih ngeiloh lungdam kipakna hong thuak hi. Honpa ahi naungeekno vantung lamah lam toin, ‘Topa aw, na genkholh mahbangin, Na sal in nopsakna tawh apai nadingin thu hong pia in… na mipawl Israelte’ minthanna ahi zongin, Gentailte tungah khuavak nading ahi zongin, mipawl khempeuhte mai ah na bawl gupna, ka mitin ka mu zo hi,” a ci hi.

Kha Siangtho silpiak hih Pasian’ mipa tungah tunga, Joseph leh Mary te agei ah ding uhin, ama’ kammalte lamdangsa uh-a, Simon in amaute thupha pia-in, Mary kiang ah, “En un, hih naungek in Israel mi tampite kipuuk nading ahizongin, thawh nading ahi zongin, mi tampi alungngaihna a kilatnading ahi zongin, nialna athuak nading lim a piannading ahi zongin aki koih hi,” aci hi.

Kamsangnu Anna zong hong lutsukin Khazih tawh kisai Simon ii teci panna kipsak beh hi. Simon in thu agen laitakin, ama maitang Pasian’ vangliatna tawh kidimin taanga, Khazih Topa aki muhsak, alungdamna vei takin na sung khia hi.

Lungsim kiniamkhiat taka abia hihmite in, genkholh-nate amawk kan uh hilo hi. Israel gama, panmun za nei ukpite leh siampite in, amanpha genkholhnate’ phuisammalte atheihkhit mahmah hangun, Topa’ lampi tawn loin, nuntakna khuavak amu dingin amit uh hong lo uh hi.

Tuni dongin hibangmah hilai hi. 56Vantungbup ii alunglut athupitsak thupiangtebiakna makaite leh Pasian’ biakinn pan a abiamite in theiban loin, phawk khalo uh hi. Mite in Khazih pen tangthu sung panin theihciapteh napi, a nungta Khazih kiang panin ki hemkhia uh hi. Noptuamna angen mizawngte, mi gentheite leh thumaanna hanga zawnna, tawlna leh mawksakna athuakte’ aa dingin kipum-piakkhiatna neih ding Khazih in Ama kammal tawh asapnate Ama’ omlai abeisa kum 1800 lai sangin, tu hunin, tuathu asang dingin kiginglo zaw lai hi.

Mary in, thuuka a zai Simon ii genkholhna lungngai pha mahmah hi. A anga a tawi naungek en kawm sa-in, Bethlehem khua tuucingte’ gen kammalte lungngai kika, lungdam’ kipakna leh lametna taang tawh kidim hi. Simon’ kammalte in amah Isaiah ii genkholh puulaknate phawkkik sak hi. “Jessi phungsung panin a sel khat hong khangkhia ding a, a zungte panin a hiang khat in gah hong nei ding hi. Ama’ tungah Topa kha ahi, lungpilna leh thu theihtelna kha, thu lamlah siamna leh vangliatna kha, theihna leh Topa kihtakna kha om ding hi… Amah in dikna tawh akawnggakin thumaanna dial akawng ah thuah ding hi.” “Khuamial sunga a pai mite in khuavak lianpi mu khin ta hi, sihna lim thukna gam sunga a teeng mite tungah khuavak taang khin zo hi… banghang hiam cihleh eite adingin naungek khat hong suak a, eite tungah tapa khat hong kipia hi, ama liangko tungah ukna om dinga, ama min pen, ‘Lamdang Thulakpa, Vanglian Pasian, Tawntung Pa, Nopsakna Kumpi,’ kici ding hi” Isa. 11:1-5; 9:2,6.

Hih kammalte phawk taleh Mary in Khazih ii vaipuak- nasep theilo lai hi. Topa tawh kisai-in, Amah in Gentailte khuavak ataan sak mahbangin Israelte’ minthan nading khuavak ahih Simon in genkhol khin hi. Tua bangmahin vantungmite in zong Honpa’ hong suahna mite khempeuh tungah lungdamna thuthak dingin taangko khin hi. Topa’ nasep-vaipuak tawh kisai Judahte’ muhna toi sandan apuah dingin, Pasian hanciam hi. Mite in Topa pen Israelte’ Honpa bek hi loin, leitung ii Honpa-in amuh ding uh Topa in deih hi. Zeisu’ nu nangawn in, kum tampi akhen khitteh Topa’ nasep-vaipuak tel’ pan kha ding hi.

David ii kumpi tokhom tunga Messiah hong maan ding bek Mary in lamenin, gentheih kituiphumna tawh agualzawh ding mu khalo hi. Messiah ii hong paltan ding hih leitung pen dongkhakna aomlo a hihloh Simon tungtawnin kilak hi. Mary tunga akigen “Namsau khatin nangma lungtang teek hong vutlet ding hi,” cih kammal tawh Mary in Topa’ hanga aleep kholh khuisat hin’gimnate hangin, Pasian in, ahehpih khuangaihna tawh Mary gen hi. Simeon in,” En un,” “Hih naungek in Israel mi tampite’ kipuk nading ahi zongin, mitampi nialna a thuak nading lim apian nading ahi zongin,”aci hi. 57A thokik dingte puuk teek ding hi. Eite in Khazih I saanglap zawh ma-in, Suangpi tungah puuk teekin i kitam zaan ding hi. Eite inkhalam kumpi gam ii minthanna i theih leh cilehsa’ deihna ki zakia sakin, ki phatsakna zongh ki niamkhiat suk ding hi. Judahte in, kiniamkhiatna tawh tawntunna minpha saang nuamlo uh ahihmanin, a Honpa uh saang zolo uh hi. Amah pen nialna athuak dinga akigen lim khat hong ahi hi.

“Mi tampi lungsim akilat nadinga amah akikoih hong hihi.” Honpa nuntakna’ khuavak sung panin, mi khempeuh’ lungsim, Piangsakpa nangawn akipanin khuamial kumpi-nopa dong ii lungsimte hong kilangh hi. Satan in Pasian pen angsung thei leh mi nengniampa, apiakhiapa hiloin a la pa, Ama’ minthan nading beka, abawlsa nuntakna a nei khempeuh ii pahtawi ding bek ngenin, amau’ phattuam nading abawllo pa ci-in, minsia sak hi. Zeisu ii letsong in bel Pa Pasian lungsim hong lak hi. Eite lama, Pasian’ lungsim teci hong pan pen, “Na siat nading uh hi loin na phattuam nading uh geelna ka neih te” cih ahi hi. Jeremiah 29:11.

Teci hong pan behlai ah, Pasian in mawhna amuhdahna pen sihna amuhdahna zahin siahuai a, mawhneite hong Itna pen sihna saangin nasia zaw hi. Eite’ tatkhiatna vaipuak hong lahna ah Ama’ nasep tangtut nadinga akisam na manpha khempeuh sit nei loin Topa in maa tun hi. Eite’ gupkhiatna aa dingin, akisam pelmawh thumanthutak siit neiloin, nalamdang thuphate mangngilh neiloa, mihingte’ aadingin vantungmite sawlloh zong neilo zen hi. Pahtaakna athuapthuapin, piakkhongna acialcialin hong cian sak hi. Gupkhiatna azong khempeuhte aadingin, vantung hauhna khempeuh kihong hi. Vantung khuavannuai khempeuh ii hauhnate akhopkhitsa, mongneilo vangliatnate’ samtuinaakte honsa-a akoihsate khempeuh Pasian in Khazih khutzangh sakin, Hihte khempeuh mihing aading hi, ci tanghial hi. Hih piakkhongte zangin, leitung vantung pen Keimah hong ki itna sung bek ah kimu ding hi, Topa in ci hi.

Kalani mual singlamteh tungah ki itna leh angsunghuaihamna kimaitang tuah hi. Hihmun in amau kumpilukhu tuak kilahkhiatna mun ahi hi. Khazih in hehnem ding leh thupha pia ding bekin nungtain sihna ah kipia-a, Satan in bel Pasian langpanga amuhdahna lungsimsia zungpi lak hi. Satan ii langdona thubulpi taktak pen Pasian zakia sakin, singlamteh tungah Pasian’ itna akilahna tawh Pasian suksiat ding asep hong ki langh khia hi.

Khazih ii nuntakna leh sihna in mihingte’ lungsimte muhthei dingin kilangh sak hi. Bawng ankuang sung pan singlamteh tung dongin Zeisu ii nuntakna pen kipum ap ding leh thuaksiatna tawh kimeeltheih dinga akisam ahi hi. Mihingte geelnate zong ki hongkhia hi. Zeisu in vantung thumanthutak tawh hong pai-in, Kha Siangtho ii aw a ngaite Ama kiangah akai ahi hi. Cilehsa tawh abiamite in Satan’ kumpigam ii neihsate ahi uh hi. Khazih sunga amaute’ omdan mudan in, amaute koi lamah pang cih lak ding hi. Hihbangin mi khempeuh in amau leh amau thukhenna akaantan uh ahi hi.

58Thukhenna’ nunung pen ni-in, gupnataan khate inthumaanthutak anialna teekteek uh thupaiziate hong thei ding uh hi. Singlamteh kilak kik dinga, mawhna apalsat manun kha mit ataw mite in, singlamteh ii vaipuak taktak hong mu ding uh hi. Theihzawhloh athuthuuk sialdop-thuakpa thuakna Kalani mual lam etnatual mai-ah mawhneite dingin thu kikhenna thuak ding uh hi. Zuauna tawh paulap khempeuh kinilsiang ding hi.