MSS 9: Kisil Buk Sungah Thungen

Kisil Buk sungah Thungen

Dante Marvin Herrmann, 36

Spain; February 29

Tua pen Spain gam-a Seventh-day Adventist College ah kumkhatna kum ahi hi.

Dante Marvin Herrmann in a sum khol sunsun teng, euros 5,000 pen tuition fee dingin kumbei ciangin avekpi in pia khin ta hi. Laisin hun khatlekhat kikalah a zi leh ata nihte vak nadingin a dang euros 5,000 thalawh in na sem den hi.

Tu-in ahihleh kum nihna sangsap ding thalawh in gamlapi pekah laibu zuak dingin paikhia ahih manin a ziletate tawh sauveipi sung kikhen ding hita uh hi. Dante in ahihleh nasep haksa pen phamawh sa lo a, ahizongin Sagunto Adventist College ah laibu zuak ding min pia kha lo hi. Khalsungteng pawlpi khatkhit khat paikawikawi-in, ‘a pumpitung dimin tattoo kisuai-a, khamtheih guihtheih tawh kidiah German mipa ahi, amah pen koi ci bangin piangthak-a, Adventist khat suak thei hiam cih gen kawikawi nuam hi.

Dante a sum haksatna zong Pasian’ tungah a gending kisam lai hi. A gamdaih thungetna mun dingin kisil-buuk sung zangh in, ki sungkalh pahpah hi. Khukdin sukin a lungsim sungkhia hi. “Papa, kum khatna mankhin ta ing. Ka matte zong a sangpenpen ah ka om hi. Hih lai-ah nongsap lam zong ka ki thei hi” ci-in thu ngen hi.

Amah guakin thu a nget simin Dante in Pasian pen “Papa” ci-in sam den hi. “Papa, sangnaupang pawlkhat zong scholarship na piaklam thei ka hi maw. Kei zong hong huh oh. Sangsap ding sumzonna in laibu ka zuak daldal ding ut vet keng. Jesu’ thu bek gen nuam ing. Suakta takin thu gen nuam ing. Ka sumkhol sunsun teng ka zat gaih khit a kipanin sum kici peek khat zong nei nawn ke’ng. Papa, ong huh ngiat oh” ci-in a Papa kiangah kunh ngeungeu hi.

READ  Lai Siangtho tawh Galdo

Tawmvei sung Dante a thunget hong khawl-a, aw neem khat in a thungetna a dawng bangin a lungsim sungah a za hi.

“Bangzah kisam na hia?” ki ci hi. “Na khawl oh, ong tuat samsam pak ning ei. College ah kum nga sung kah ding kisam lai ahih manin kum khat euros 10,000 bei leh kum nga ciangin euros 50,000,” ci hi.

“OK, Dante,” tua awging in ci hi. “Tua na kisapzah hong piazo dingin hong um na hiam?” ci hi. “Ka uplohna pen Nang zong na thei hi. Ahizongin ka uptheih nadingin Nang hong huh theiding nahih manin ka lungdam mahmah a, euros 50,000 hong pia ding nahih manin ka lungdam mahmah hi,” Dante in ci hi.

Minit sawm khit ciangin Dante in euros 50,000 ngah takpi hi. Thu angetkhit ciangin kisilbuuk sung panin Dante pusuak khia-a, lengla khan lamah pai-in anu kiangah tu phei hi. A nu pen zan lamdeuh mahmah in a vahawh ahi hi.

 “Hi, nu aw, kong it mahmah lam thei teh maw” ci hi. Nu ahihleh lupna tungah tanglo-in tu ngiungeu hi. A maisuah maitai mahmah hi. A khut langkhat ah a cell phone tawi kawm hi.

“Bangci na hia nu?” ci-in Dante in lunghimawh kawmin dongh buatbuat hi. “Alamdang mahmah khat hong piangvat veh aw,” nu in ci hi. “Bang ahia nu?” ci hi.

“A beisa kum 10 lai pekin Germany gam-a, i inn i zuak nop lam na thei lai hia, tawng”, “Tu mahmah in pasal khat kiang panin WhatsApp message hong lut vat hi. I inn zuak pen kei’ sak zah val in euros 50,000 hong behlap lai ning hong ci hi lo maw. Lamdang taktak ei” nu in ci hi.

READ  Pasian Adingin Leeng

Dante in acih nading bang thei lo hi. “Hih pen keima’ thungetna a ngah hi ing,” ci-in gen buakbuak lo hi. “Na khawl pak, na ngak pak oh, kisilbuuk ah ka pai nading ompak ei” ci-in nakpi takin awngkhia hi. Kisung kalh in, khukdin sukpah hi.

“Papa, a zenzenin euros 100,000 hong ngen hi lengin, tuazah nong pia veve dia?” acihleh, “Dante aw, euros 50,000 hongngen nahih manin euros 50,000 kong pia hi.”

“A tua mah ee, euros 100,000 hong ngen hi lengin, nong pia takpi dia, aci kai ve”. “100,000 hong ngen hilecin bel hong pia mah ning. Ahizongin nang’ 50,000 hong ngen nahih cianga 50,000 hong pia keive,” ci-in tua awging in dawng hi.

“Tua aihleh ka lungsim ka khel thei dia?”acih leh, “Eh, kingah lo ee” ci kik hi.  “A lianzaw na ngaihsut theih nadingin a kisinsin na hi hi. Na ngaihsutna neu mahmah hi. Tutawm adingbek na ngaihsun hi, ahih hangin ke’n  lianzaw kong pianuam hi. Kei nong up ngiat ding ka deih hi. Na kisapnate hong piathei kahihna na-up ding kong deih hi.” Acih ciangin Dante in, “Himah ei. Tua ahihleh tua sumte ka nu’n hong piak nadingin kua’n honggen sak ding ahia?” ci hi.

“Ke’n hong vaihawm sak thei dingin nong um hiam?”

“Imm… Hong um mah ing. Hong um mah ing!” ci-in Dante in dawngkik samsam hi.

Lupna tungah a nu’ tutna mun, lengla khan sungah Dante hong kilehkik hi.

“Dante aw, hoih nasak leh hih i inn zuakna man a val-a hong kipia euros 50,000 pen na sangsum dingin piapah lecin hoih sa veng aw” ci-in Dante a lut phei lian leh anu in na gen hi.

READ  MSS 4: Meileng, Mawtaw le Sabbath

Kum 36 a pha, Dante in, a college kum nihna kum in, Pasian’ tungah upna le muanna tawh ngen lengin i nget peuhpeuh hongpiakna hoihtakin tel thei ta hi. “Pasian in ka thungetna hongdawn ciangin, Pasian tawh lam paikhopna i cih pen upna tawh paikhopna ahi hi. Pasian in i nget lohpi-in na khempeuh hong pia zuahziah mawk hi lo hi. Amah i muan-a, i upding hong deih hi,” ci hi.

Tu kuata Sabbath 13 na mission sumpi khenkhat tawh Dante mah bangin Pasian’ thu a sin nuam mahmah sangnaupang tampi  te in a sin theih nadingun sanginn thak Sagunto Adventist College ah ki behlap ding hi. Na piakkhiatna uh tungtawnin i biak Pasian in thupha tampi tawh hong thukkik ta hen.

By Andrew McChesney

Tags:

Admin

Admin

Top