KUMKIKNA LAMEN INNKUAN

Kumkikna Lamen Innkuan in Adventistte’ nuntakzia leh dinsante nuntak khiatna leh kihilhna hia, Adventist nu leh pate in Jesu’ sawlna tawh innkuan sungah aom mimalte Christian asuahsakna mun ahi hi. Tua nasep lemtang takin asep khiat theih nadingin, Adventist nu leh pate in akisap namcinte adingin huhnate angah theih nading uha azon namun zong ahi hi. 

Ellen G. White in nu leh pate adingin thu manpha tampi na hilh hi. Innkuan vai namcin tawh kisai-in nagen a, tuhun a thungaihsun thei nu leh pa te’n atuahkhak uh haksatna leh buaina tampi takte adingin abul abal-in lai nagelh hi. Asihma kum honkhat pawlin, Christian nu leh pate adingin laibu asuah sak nopna agenna ah, innkuan sungah nu’ nasep leh tate tungah ahuzaapna ciangen nuam diak hi. Hih laibu in ama’ sawmnate apicin nadingin akikaih khopsak ahi hi. 

Hih Kumkikna Lamen Innkuan pen hun khat lai-in amanlah nu leh pate adingin zat tangzang laibu khat hia, alam-et etteh takcing inn ie lim zong ahi hi. Hih laibu in na thudot tampite hongdawnna hia, vantung Pa kiang pan-a hong pai pilna kammalte ahi hi.

Kum 70 sung Ellen G. White ie alai-at tuamtuamte panin akikaihtuah ahi hi. Laibu khen khempeuhah hih laigualte akilakna mun hong lak hi. Hun tuamtuamte-a alai-atte aki ai-hualte kigual a, kua tunga akigen, agendan leh banghang gen, cihte akitumkak theih hangin lai akaituahte in amau kiciangtanna atheih uh tawh kituakin laikhawk khatsim ah thulu neute naguang uh hi. 

Hih laibu pen Ellen G. White ie laisaal panin ahong kibawl hia, ama kamvaikhakna tawh kituakin Pasian’ mite adingin Topa hong piak thuhilhnate tawh leh ama’ laisaal akemcingte’ thukhun tawh kituakin hong kibawl ahi hi. 

See also  Marriage and Family

Leitung’ tangthu sungah tuhun zahin hih laibu akitangsap zawk hun omtuan lo hi. Nu leh pate leh tate abuai sak, atheihnop uh amaute’ thudotnate adingin kitang sam phadiak hi. Hun dangte sangin tuni hun zahin zong lauhuaina atuak innkuan om lo hi. 

Khua le tui ah aom mihonte’ nuntakzia in gamte ah aom innkuante omzia akilang sak hi. Mihonte akikhel mah bangin innkuan sungah zong kikhelna hong om to zel hi. Hih thute hangin “Kumkikna Lamen Innkuan” hong kibawl hi a, Christian Inn Laisaal ah hong kibehlap asuak hi. Hih laibu akhenkhiate leh Ellen G. White’ Laisaal Kemcingte ih masuan picinna khat hong suak hi. 

Washington, D.C.
May 8, 1952

Tags: ,

Admin

Admin

Top