MS 1: Khuapi Sunga Lai Siangtho A Tawi Mi Hon

Tu Quarter Mission News:

 Tu quarter ih mission news in Southern American Division sung thu hi a, Argentina, Bolivia, Brazil, Chile, Ecuador, Falkland Islands, Paraguay, Peru, Uruguay le Pacific tuipilian tunga tuiklh neuneu pawlkhat huam hi. Tua sungah mipi million 340 teeng uh a, tua lak panin Adventist pen 2.4 million bek om ahih manin, mi 137 ta ciangin Adventist 1 zel om hi.

Tu Quarter Sabbath 13na sumpi tawh Brazil leh Peru:

Ø Aruana, Brazil ah biakinn kilam dinga, cidamna lam tawh kisai nasepna kisem ding hi.

Ø Salvador, Brazil ah biakinn khat leh mipi kikhop nading innpi khat kilam ding.

Ø Cusco, Peru ah khangnote adingin Manglai leh Music sinna sang kihong ding.

Ø Pucallpa, Peru ah biakinn leh cidamna lam nasep nading innpi kilam ding.

Nipi Masa                                                                   April 6, 2019

Khuapi Sunga Lai Siangtho A Tawi Minam                                     

Peru

Alexandro Qquerar, 52

Alexandro pen kum 18 a phak ciangin tan khat kah hi.

Pawlkhat in bel sangkah ziakai si e ci kha ding uh a, himah leh a khuapih khat ahi Ccacaccollo zong 1980 kum pawl in, kum 18 aphak ciangin tan 1 na kah pan hi. Khuamite in bel a tate uh sang a kah sangun, lo ah nu le pa nasep huh ding thupi sa zaw uh hi.

A sangkhan pih khat in sang sungah Radio hong pua in, Alexandro in zong Hun Nunung tawh kisai biakna thu kigenna khat limtak in hong ngai kha hi. Hong patau hi. A tamzaw theih beh nuam hi.

A sawtlo in tua radio thugente in  mipi laka thugenna khat hong bawl ding uh ahih manin, ama lunggulh ahi theih beh nopna pen hong lawhcing hi. Zeisu hong kumkik nading thu hong kigente hangin a lungsim sung lungnopna tawh kidim hi.

See also  3. Ka Samsau leh Ka  Papa

Adang khuamite in zong tua kikhopna nuam sa uh a, vaihawm makaite in biakinn khat vaihawm sak pah uh hi. Alexandro le a lawmte zong a lo nasepna panun a man thei h sunsun uh ciangin Sunday ni in biakinn hong zuan uh hi.

Pawlpi makai 4te in khuamite khalam thu a lunggulh luatna uh a muh ciangin Lai Siangtho bu khat ciat piak sawm hi. Tua ciangin, amau zong nai 1 sung bang Bus tuangin Cusco khuapi sungah lai Siangtho va zong uh a, mu lo hi.

Tua leh, zingsang khat suangkiphah lampi tawnin hong pai laitakun, mi hon khat Lai Siangtho bu tawi in innpi khat sungah a lut uh mu hi. Tua innpi pen Lai Siangtho kizuakna hikha in the ci in tua makaite in zong va zuipah uh hi. Tua pen Adventist biakinn hi a, Sabbath School kah ding na hi uh hi.

Makaite zong Sabbath School le Sun hunpi sung om suak uh hi. Sun-an kinekpih uh a, tua khit ciangin nitaak lamin pawlpi mite tawh Lai Siangtho sinna nei uh hi. A zak thute in a lungsim uh khoih hi. Amaute khat le khat ki-en in, “Eite in hun beikuan tawh kisai a lang khawng bek ih thei ve, hih mite in a vek in thei uh hi” kici uh hi.

Makaite zong tua mun ah Adventist suah ding khensat pah uh hi. Pastor va hopih uh a, a khuapihte uh kiang Lai Siangtho thu a kim a hong hilhsak ding va ngen uh hi. Sunday kik ciangin amuate biakinn ah thugen dingin pawlpi mi nihte in va zui uh hi.

See also  BANG HANG IN PIANG KA HIAM?

Lo ah nasem in giak ahih manin Alexandro in nipi ni khial hi. A lawmte khat in Sunday ni in biakinn ah pai kei in, ih biakinn pen Seventh-day Adventist biakinn suakta hi, tua ahih the Saturday ni in hong pai in ci uh hi.

Alexandro zong Saturday ni in biakinn hong pai a, a theih thak thumante hangin lungdam mahmah hi. Eden huan a Pasian hilh thukham 4na ahi Sabbath thu thei cian ta hi. Amah zong Adventist hong suak hi.

Alexandro in lo ah hun bit in na sep kul ahih maniin  kum 19 a phak ciangin sang tawp hi. A muh peuhpeuh kiangah Zeisu hong kumkik nading thu gen hi.

Zeisu a itna in na lianpi semsak zo hi. A tun tomin, pilna kician nei lo himah taleh, kum 30 sungin pawlpi guk(6) phut khin ta hi. Pawlpi masa pen 1985 kum in phut hi. A tui kiphum zawh a sawtlo in, kum 3 pan kum 5 sungin pawlpi khatta phut hi. A phuhsa pawlpite a veh nadingin nai 5 sung bang lam pai hi. Tu in ama hangin tui kiphum khin pen mi 800 bang pha hi.

Tu in Alexandro pen kum 52 pha ta hi. Citak taka Lai Saingtho bu a tawi manin a gah kimu thei hi.

“Biakinn ih pai ciangin ih khutah Lai Siangtho bu tawi hamtang ni, tua in Christian ih hihna midangte in hong mu ding hi cih ka um hi” ci in gen hi. “Cusco khua a om Adventist te in Lai Siangtho bun a tawi lo uh hi zen leh, ka khuapihte in hih thuman pen mu het lo ding uh hi,” ci hi.

See also  2. A Dupvom Deedaa Mitgeii Nihte

Tu in ama khua mimal 500 teenna ah Adventist hat mahmah a, tuiphumsa 300 pha hi.

Tu quarter Sabbath 13na sumpi pawl khat in Cusco khua ah Manglai leh Music sinna innpi lam nadingin kizang ding hi. Hih innpi laman ii mungtup in pawlpi phuh nasepna sem ding ahi hi. Na sumpite uh nong piak manun lungdam ungh.

 

Tags:

Admin

Admin

Top