Lai Siangtho tawh Galdo

February 2                                                                                                                                  Mozambique

Lai Siangtho tawh Galdo

Agen: Moises Francisco Pelembe, Kum 32

Moises sang tawp in galkap tum hi. Galkap va tum leh zu le khamtheih tuamtuamte hong kideek zo kha thei dingin a pa in lamen hi.

Galkapte’ annekna khan sungah Alfredo kici Seventh-day Adventist khat a muh cilna ahi hi. “A nuntakzia limlim in ka lungsim hong sukha mahmah hi. A pakan sungpan an pawlkhat lakhia in hong pia zel hi,” Moises in ci hi.

Alfredo in a annek dingte hoihtak in kidawm mahmah hi. Ngasate zong a sianglo a kicite ne lo hi. Moises in bel a lawm Alfredo’ annek teelna hangin meh tam nekha zawtuam hi. “Tua ngasa mehte a kibawl simsim in, a gei-ah ka tu pahpah hi. Ahangin kei ong pia pahpah ding ahih ciang a. Ama’n kei ong it hi ven!”

Nipikaal nih sung bang an anek khop khit uh ciangin Moises training dingin mundang ah piang hi. A mau galkap innpi uh atun ciangin, Lai Siangtho bukhat a lupna tungah a koihden galkap khat’ kiangah lumh kha hi. Moises a khanlawh ciangin, tua Lai Siangtho mu hi. A lup ciangin zong tua Lai Siangtho mah mu zel hi.

“Hih Lai Siangthote pen pastorte le khanghamte bek in a neithei dingin ka ngaihsun a, khangno te tawh kisai khol lo dan in ka ngaih sun den hi.” Moises in ci hi. Nikhat, tua Lai Siangtho anei ahi, galkap pa kiangah Lai Siangtho a neihna a hang dongh hi. “Kei Christian khat hiveng,” tua khangno pa in ci hi. “Nang’ Pasian um maw leh?” ci-in Moises in dong hi.

See also  Pasian Langpang Khangnopa

Tua galkap Christian pa in zong a upna a gen banah, John 3:16 sunga, “Pasian in leitung mite hong it mahmah ahih manin a Tapa khat neihsun hong pia a, tua Tapa a um mite khempeuh in kisia lo-in a nungta tawntung ding hi” cih zong hilh sawn lai hi. Moises in tua Lai Siangtho kawm pah hi. A sim suksuk ciangin Pasian hong um pianpah hi. Tua thu azak ciangin a pa nuam mahmah in, Lai Siangtho khat letsong in khak pah hi.

Training a man ciangin, ama’ galkap unit ah ciah kik in tua lai-ah ulianpi khat in va om hi. A unit ah a ciahkik ciangin Lai Siangtho a sim laitak, Sunday tangg galkap a lawmte khat in, “Nitak nai 6 sim in, Lai Siangtho a sinden mi honkhat ka thei hi. Nang zong na kihel nopleh kong paipih ding hiam?” ci hi. Tua nitak Moises in a lawmpa zui-in, tua Lai Siangtho a sin mihon te’ kiangah va pai hi. Ahih hangin bangmah telmel nai lo hi. A lawm Sunday tangg’ pa in a telloh lam a theih ciangin, “Tu nitak a, i paina pan na tel theih kei leh, zingciang nitak nai 6 hun mah in, kikhopna a mun dangkhat ah hong paipih ning maw” ci hi. “Tu nitak a, i painate a’ bang hangin deih lo na hia?” ci-in Moises in dongh hi. “Amau’ ka pawlpi’ thu gengen a hih ciang vua” ci hi.

A zing nitak ciangin Adventistte’ Lai Siangtho sinna ah Moises va kihel hi. Tua mihonte’ makai pa zong Moises mah na hi citciat ahih manin Moises zong lamdang sa vat mahmah hi. Tua banah tua makaipa zong, amah a pakan sung panin, an a pia pahpah pa Alfredo in Lai Siangtho a sinpihpih na panin a ki tuiphum mah na hi sawnsawn hi. Tua Lai Siangtho sinna ah Malakhi 3:8 bulphuh in sin uh hi. “Mi khat peuh in Pasian’ na a guksak ding in kilawm ahiam…” acihna mun ahi hi.

See also  MSS 6: Khuata Pan Kumpi Inn ah

Moises in cikmah hun in tithe (1/10) pia ngei lo ahih manin alungsim vut mahmah hi. A zing nitak ciangin khatvei va pai leuleu a, Sabbath thu va sin hi. Tua nitak in a lupna tungah khitui luangin a kap hi.

A gei-a lum officer pa in a ki diikdiik a zak ciangin, “Kua’n hong sat ahia? Thuk kik ni ei” ci hi. Officer pa in atheihloh hangin, Moises a sat pen mihing hilo in, Pasian’ kammal ahi hi.

A Sabbath kik ciangin Moises in, tai 9 a gamla Adventist biakinn ah a lawm thak te kiangah khe tawh pai ngiat in va kikhawm hi. Tua lai-ah a masa penpen a tithe va khia hi. Tua ni a kipan in kikhawm den in, kum 22 aphak kum, galkap sungah asep kum 2 a phak kum in tui kiphum hi.Galkap a sepkhit ciangin palik lam-ah sem leuleu a, Sabbath vaitawh lem sa lo in tawpkik hi. Mozambique Adventist University ah a kah masiah, innkhat khit innkhat pai ngiatngiat in laibu zuak hi.

Tu-in, Moises kum 32 phata a, Theology kum 3 na hi ta hi. “Ka pa in galkap ong tumsak pen ka gamtat a kikhel theih nading ngimna ahi hi. Ahi zongin Pasian in a lianzaw ngimna hong neihsak hi. Pasian in Christian suak ding in hong deih hi,” Moises in ci hi.

Tu kuata Sabbath 13 na sumpi khenkhat tawh Moises sangkah na Mozambique Adventist University ki pem ding hi. Tua ban ah khenkhat tawh naupangte’ Lai Siangtho ding, adiakdiak in nulepa te’n a leisak zawhloh naupangte aadingin ki leisak ding hi. Mission sumpi nong khiat tek man un lungdam.

&&&&&

See also  A Telhak Laisiangtho
Tags:

Admin

Admin

Top