“Lametna Muhkhiatna” Oct 1, 2022

Mission News, 2022

 Mission News

“Lametna Muhkhiatna”

October  (1)                    Agen pa: Christie               New Zealand Gam

(A khangcingsa numei khat gensak in)         

 

Christie pen Asia leitang lianpi sungah biakna lam upna a neilo innkuan khat sungpan khangkhia hi. Kum sawm vaal apha amah in, “Nuntakna ii a khiatna bang hiam?” ci-in amahleamah kidongh hi. Mi khat ii nuntakna khan khat bek ahihleh a hoihpen in ne ding, dawn ding leh kiteenna bawl ding hi ci-in ama’n ngaihsun hi. Ahizongin, hih bang nuntakna pen, ama’ aadingin zong a phattuamna om tuanlo hi.

Khuakhaal hun khat laai-in, Christie in maangpau sin hi. Saangsiapa pen Pasian’ thu lam (Theology) laaisinna ah doctor lukhuneelkaai a ngah khin America gammi ahi hi. Laaisinna kipat ni-in, mawtaw tawh kitaihkhakna ah Topa Pasian in ama’ nuntakna a hotkhiatna a lamdang thupiangte amahlehamah a kipulaak kawmin hong geenkhia hi. Mawtaw kitaihna ah ama’ mawtaw naaksiat mahmaha, Topa Pasian in lamdangsakhuai takin a hotkhiat manin sihna pan a suahtakna thu hong geenkhia hi. Christie in zong hih thupiang in a lungsim sukha lua ahihmanin a tua nitaak mahin inna a om anu leh apa kiangah gensawn pah hi.

Kum sawm hong sawt ciangin, ama’ hun awng sung, Canada gam a pai kawmin Topa Pasian’ thu hong ngaihsun phakik hi. Vancouver khuapi-a ama’ giahna hotel gei-ah biakinn khat om hi. Biakinn luutna kongvang ah “Back Home” cih laaisuan khat a tawi kawmin a sim laaitak pasal khat a ding ama’n mu hi. Tua ni nitaklam in, biakinn gei-ah hong pai ciangin zong “Back Home” cih laaisuan a tawikawm in a sim pa mah mukik leuleu hi. Tua hun laitakin, huihpi nasiatakin a nun hangin, hih pasal in banghangin hih laaisuan khauhtakin dinsa-in tawi a hi hiam? ci-in lamdangsa mahmah hi. Hih pasal milim tawi laaisuan pen kha khat sungbang ama’ mitkha ah luai tawntung hi. Tua ahihmanin, Tapidawte’ upna pen lamdangdiak ahihlam ama’n hong thei ta hi.

See also  Huihpi Sungah Vantungmite

“Back Home” university ah MA laai sin dingin min sazian pia hi. Saangsia khat in biakpiakna ah zat ding laibu bu khat ta letsong amah leh adang saangnaupangte letsongin a piak ciangin ama’n lamdang sa hi.

Hih laaibu in ama’ thudotnate dawng ahihmanin ama’n hoihsa hi. Amah zong saangsiapa kiangah email tawh laai khakin, Topa Zeisu’ thu a telnop behna thu geencian hi. Tua saangsiapa in zong ama’ inn aa kaalsim nitaak biakpiakna a makaih saangsia nu’ thu pulaak hi.

Biakpiakna a bawl pawl in limtakin Christie na muak uh ahihmanin amah zong nisim in Laai Siangtho sim hong kipan pah hi. A sawtloin, Topa Pasian kiangah ama’ lungtang hong aap ta hi.

Christie in pawlpi tampitak ah a va pai kawikawi hangin Topa Pasian leh ama’ kikal kizopna maan naailo ahihna ama’n theikhia hi.

Kum nih hong sawt ciangin, Christie in New Zealand gam a zin sungin TV hunsehna sungaa kihel Hope Channel phawkkha hi. “Back Home” university aa online panin YouTube tungtawnin Sabbath School hunsehna mukhia ta hi.

Ama’n Hope Sabbath School a et a ngaih ciangin zaknopsa in khawl thei nawnlo hi. Ama’ aadingin Hope Sabbath School a et a ngaih pen ni khat sungah a lungnoppen hun ahi hi. Kha tawmkhat sungin online panin kum thum sung aaitaang ding Hope Sabbath School en-in, ngaai thei hi.

Hihbangin a et a ngaih kawmkawm in Topa Pasian’ ii lim leh meeldaan hong mu semsem ta hi. Topa Pasian pen hehpihna tawh kidimin, mihingte a mawhna panun Ama’ kiangah sap ding a kin baanah, mawhnate maaisak den nuam hi. Amah in hih hun ciangin Topa Pasian tawh a kizopna uh a dimin amasapen thuak hi. Amah in tui kiphhumna tawh Seventh-day Adventist pawlpi sungah luut ding khensat ta hi.

See also  3. Ka Samsau leh Ka  Papa

“Kha lam ka nuntakna a khantoh nadingin Hope Sabbath School TV a geel Topa Pasian tungah ka lungdam hi. Tu-in Topa Zeisu kiangah ka nuntakna ka aap nuama, Topa Pasian’ vangliatna a kilanghsak dingin ka nungta nuam hi” ci-in ama’n gen hi.

2016 kuma note Sabbath 13na sumpi pawlkhat tawh New Zealand gam ah online panin Hope Sabbath School TV en in a ngaih theih nadinguh hong huh nahih manun lungdam ung. Hope Channel mun zaipi ah a tunzawhna hangin 2016 kum in New Zealand ah Christie in tawmvei a zin sungin Hope Sabbath School TV en in, ngaai thei hi.

Tu kuata, Sabbath 13na sumpi pawlkhat pen Papua New Guine gam aadingin Hope Channel leh Hope FM Radio hunsehna a kiphuat nadingin kizang ding hi. Phaltaka nong piak ding uh sumpi hangin lungdam kong ko uh hi.

–000–

 

Tags:

Admin

Admin

Top