Lawm Neilonu’ Lawm

Adventist Mission ZomiSDA

6.  Lam Neilonu’ Lawm

FINLAND | May 9

Lauri Herranen, 60

Finland gam, Mikkeli a, a lawm’ hankhuk gei-ah Lauri Herranen dingg kawmin kidiikdiik hi. A kigualpih a lawm pen abeisa kum 3 lai-in khuaksunga si-lut natna tawh a si hi. “Kei zong hih hankhuk sungah a tung thei lua hi ing-a maw!” ci-in lauri in ngaihsun hi.

Tua laitakin a lungsim sungah aw khat za a, “Tulaitak-a na nuntakzia-in koilai hong tunpih ding cih na thei hiam?” cih dotna pen kum 45 apha ta, Lauri in dawng thei lo hi. Tua awging pen a lungsim sungah nisim in kilo kikkik hi.

“Nang si lecin, na tungah bang piangding cih na thei hi. Nang si lecin, na tungah bang piangding cih na thei hi.” kicici hi. Lau kawm sa-in, a neulai-a, Jesu hong paikik nading thu kigente phawk kik hi. ‘Mi gilote hell meisungah ki lawnsuk ding,’ ci-in a neulai in ki hilh hi. Khrisian lawm khatzong neilo ahihmanin tua alauna akuppih thei ding omlo hi. A buaina hong kibehlap semsemin a bilsung natna khat hong nei-a, siavuan alahleh cancer kipanta cisawnsawn hi. Tu-in sih ding bek lametna om lai hi.

Lauri in Khrisian pawlpi khatah pastor khat tawh kimuh ding hanciam hi. A mawhna a-mai nadingin pastorpa in Lauri thu ngetsak a, amah zong thu ngensak hi. A thunget laitakun lauri’ sungah banghiam khat hongpiang hi. Jesu’ singlamteh phungah a mawhnate nusia-a, lungnopna le khamuanna tawh kidim ta hi. Lauri in lunglut takin Lai Siangtho sim hi.

Lamdang a sakmahmah khatah, Lungdamna Luka sungah Saturday pen Sabbath siangtho ahihlam mukhia hi. Lai Siangtho thak sung bekbek thumvei a sim hangin Sabbath ni pen Saturday panin Sunday ah akikhelna muzolo hi. Tua sawngteng mahin Nisim thukizakna laihaawm sungah, Seventh-day Adventist pawlpi in Pasian’ thu tangkona kinei ding ahihna mukha hi.

See also  MSS 12:Tagah khat in Tagah Kepna Sanginnpi Khat lei

A zi-in apasal Lauri’ lunglutna pen thukimpih lo ahihmanin kikhen nading lai bawl hi. Tua zawh kum pawlkhat khit ciangin Lauri in Adventist numei, Paivi tenpih a, tuanu’ khua Lahti ah peem uh hi. Lauri in Lahti khua-ah Pasian’ thu koici gending cih veimahmah hi. Thu a ngetnget khit ciangin Lahti khuapi-a om Seventh-day Adventist pawlpi ah an bawlna khat hon dingin lunggulhna nei hi.

Finland mite atamzaw pen leitung vai bekah lunglut zaw uh a, leitung nate bek ngaihsut in nei uh hi. A lungsim sungvuah Pasian’ munding om lo hi. Tua hi-a, ‘amaute kiangah khaici koici vawh ding, ci-in a ngaihsut ciangin, an bawlna mah lampi hoih pen hi. Kaal khat in an lei dingin nih veita avapai mite lakah innlam nasep semte le uham pawlkhat kihel hi. A tamzaw pen Finland mi hi-a, tua lo teng Rusia mi ahi uh hi. Pawlkhatte sum lo tawh hong pai uh hi. Pawlkhat te lawm nei loin hunkhat lai a, Lauri mahbangin pangpa kisa mite hi uh hi.

“Finland mite-in, amau’ mimal haksatna genkhiat dingpen haksa asak mahmah uh thukhat hi-a, a diakdiak in a upna uh a pulaak ding uh haksa sa phadiak uh hi.” Lauri in ci hi. A kipatciil lamin tua an bawlna ah mi tawmno bek pai hi. Aih hangin tu-in, kum 5 bang a phak khit ciangin mi 40 bang Monday le Wednesday nite in vapai den uh hi. Hih nasepna in mimal a za-a simte’ lungsim sukha in, a tawm belin mi khat bang tua tungtawnin ki tuiphum khin ta hi.

Tua an bawlna in Adventist pawlpi sungah a thaneem mi tampite zong huup mahmah hi. Kum tampi sung biakinn zuan zolo Adventist pawlpi mi tampite zong kilehkik ta uh hi.

See also  A Gammang Sanggamnu a ding Thungen

Cancer natna panin hoih takin a damkik kum 60 apha ta Lauri in tu-in sihding kihta nawn lo hi. “Tu-in ka nuntakna Jesu’ khutsungah om ta hi. Tua manin Jesu hong paikik ding ngaklah in ka om hi, sih ding ka kihta kei hi” Lauri in ci hi.

By Andrew McChesney

 

Tags:

Admin

Admin

Top